العتب مرفوع هيثم كابو خليفة..(بل رأسك وجهز اكياسك) ..!! * إذا لم تدفع الوطنية جموع الصفوة للوقوف مع الهلال اليوم وهو ينازل مازيمبي الكنغولي، فالواجب أن يفعلوا ذلك من أجل خليفة ..!! * ما تضحكوا .. خليفة ما قصر معاكم في مبارياتكم ضد الهلال والواجب تقيفوا معاهو وقفة رجال ..!! * خليفة ..خاتيكم لليوم الأسود .. (يلا جهزوا الهتافات يا صفوه حوبتكم جات)..!! * يا خليفة ..جايين نقيف معاك نلقاك واقف مع الجماعة ..(غايتو الليلة الله يغتي على الأولاد)..!! * (ياتو أولاد ..؟؟)..نحنا جايين نقيف معاكم ولا داخلين (إمتحان رخصة) .. ما تسألوا كتير ..اثبتوا بس مع إننا عارفنكم ما بتشدوا الحيل ..!! * يا خليفة ..بطلوا الرجفة وصلحوا الوقفة ..!! * أمل الوصايفة فى مباراتهم أمام مازيمبي اليوم معقود على خليفة ..(لانو الزول دا فاهم كامبوس تمام .. وكامبوس فاهم مازيمبي ..ممكن تقول زي حاصل إنسجام)..!! * ما تقول لي خليفة ما أساسي ..خليفة من الكنبة قادر يغير شكل الكورة (ويحلج الماسورة)..!! * خليفة بقى (ملك الدكة) ..وجية كامبوس قادرة على إعادته للتشكيلة ..(ويا خليفة حالتك بقت صعبه وكفاية خلاص قعاد في الكنبة)..!! * خليفة (متعود على الكنبة والدكة فضلة خيرو)…الكلام المعز محجوب الذي جمد جمعة نشاطه كلياً ورفعه عن الخدمة نهائياً ..!! * معز داير يبقى كابتن وما أساسي ..(انتو لو ما رجع ليكم سيدا فوضتكم دي ما بتتحسم)..!! * ثقالة جمعة دفعته للتركيز على إجادة صد ضربات الجزاء لعلمه أن معز لا علاقة له بمثل هذه الأشياء ..!! * كل من يطلع على (كاتلوج) مواصفات حراسة المعز يجدها (خالية صد ركلات جزاء والخروج للمعكوسات إن حدث -لا قدر الله- يتم على أجزاء)..!! * إذا كان المعز بقعد إحتياطي لجمعة ..معناها إذا لعب في فريق واحد مع عصام الحضري (إلا يتقاعد)..!! * معز تاني إلا يحرس في شركة (الهدف)..!! * لن يصمد جمعة أمام صواريخ الغربان اليوم..و(لكننا لا نستطيع التعهد لمعز بإعادته للتشكيلة..وما تضغطوا علينا شديد كفاية حنرجع خليفة)..!! * خليفة إذا ما رجع التشكيلة بعد كورة مازيمبي ..(أحسن يحترم امكانياتو ويرجع البلد)..!! * خليفة ما بحب (الرجعة) ..في الملعب تاعب المدربين بالتقدم ..(ويا خليفة أرجع)..!! * هاليفا هاليفا هاليفا ..(نغمة جديدة) سيتم تدشينها اليوم ..!! * هاليفا هاليفا هاليفا..(أرجع كمبسة جا)..!! * خليفة..(بتقدم كتير) لأنو الود دا ما شاء الله (سابق زمنو)..!! * (سابق) دلالو علي ..وبي (رجعة) بس أبى لي ..! * مهارات ساكوها أكبر من أن يهدرها في اللعب مع خليفة والشغيل ..(والزومة كفاهم الناس ديل)..!! * لا أعتقد أن إبتعاد خليفة عن المباريات يبرر له نسيان الطريقة التي يلعب بها الناس كرة القدم ..!! * خليفة دا يا (كمبسة) قدر الكورة الكان بعرفا فرط فيها ونساها تماماً بعد ما (فرمط الذاكرة)..!! * كلو من النابي ..طلع خليفة من طورو (بعد ما كان ملك تابلوهات بقى زول بلنجات)..!! * غايتو يا خليفة (الله يغتي علينا الليلة)..لا يا خليفة ما تقول آمين (انت شايت وين)..؟؟ * غايتو يا خليفة تنسى الكورة ممكن .. لكن تنسى (رمية التماس) كدا (كبرت اللفة)..!! * (ذاكرة) خليفة قوية لكن الكورة (ما متذكراهو) زي مهند الطاهر ..ومرحب بيكم في (الدكة) يا حلوين وادخلوا الكنبة بسلام آمنين..!! * فسخوا تعاقدهم مع النابي بحجة أنه (مدرب كيسو فاضي)..!! * مباراة مازيمبي مساء اليوم تمثل (فحص حقيقي) ل(كيس) مدرب الهلال البرازيلي كامبوس..(وعادي يا كمبسة لو الكيس طلع فاضي) ..!! * (المجرب) لا يجرب ..(وكمبسة أحسن من هسه تشوفو غيرو ..دا الخمسة فضلة خيرو)..!! * ميزة كامبوس أن هزائمه (ترحمن) ..خمسة وانت ماشي ..(يا كوتش دوس فرامل بقينا ما فارزين الهلال من الدولار)..!! * نأمل الا (يتكيس) كامبوس في موضوع مازيمبي من جديد ..!! * مافي مشكلة لو (إتكيست) معاهم..و"هيلك من زمان الخمسة ماها جديدة ..أمجاد ناس مازيمبي الليلة جاي تعيدا" ..!! * ميزة كامبوس أنه متى ما تعرض فريقه للضغط إنخرط في نوبة بكاء ..(ويكفي الدموع التي ذرفها في إحدي مباريات القمة إبان فترة صلاح إدريس)..!! * غايتو الليلة يا كمبسة سكواها جاييك ب(الغاز المسيل للدموع) ..!! * نحنا الليلة واقفين مع خليفة ..بس إن شاء الله خليفة أقيف معانا ..!! * يا خليفة انت في الكنبة قعدتك غلط، لكن ما مشكلة الموضوع دا ما بيناتنا بنمشيهو ليك عادي .. بس أتكلم لينا مع الزول (اب كيساً فاضي)..!! * معظم الوصايفة يا كامبوس (أكياسهم فاضية) وعلى ذلك (كيس)..!! * إتكيسي ..!! نقوش متفرقة * عندما قالوا ان كمبسة سيفاجئ الوصايفة فى (أبريل) تمنيت وقتها لو أن خبر (قوون) كان (كذبة)..!! * باشر كمبسه مهامه في شهر (خمسة) وأول مباراة له ضد الفريق الذي دفنه داخل مقبرته (بالخمسة)..!! * جميل أن الخبر لم يكن (وثبة) أبريل ..واركز يا كمبسة..(والبشيل فوق الدبر ما بميل)..!! * هاليفا هاليفا ..(بعد كدا تعبت)..!! * كنت مندهش حقاً لتعاقد الوصايفة مع (سيد شباب المواسير) وارغو ،ولكن بعد عودة كامبوس لتدريب الهلال (لم أعد أستغرب)..!! * ميزة مهاجم الهلال البرازيلي الجديد أنه يمكن الإستفادة منه كمساعد مدرب في أية لحظة ..(وبالمناسبة يا حبان مجدي مرجان مالو زعلان)..؟؟ * لا فرق يذكر في السن ما بين مهاجم الهلال البرازيلي ومدرب المريخ الألماني ..(ودفعة فيستر بدأت تظهر)..!! * البشوف سك (حجير) لوسائل الإعلام ما يقول أول واحد سيتم إستبعادو في مقترح التجديد للجنة عطا المنان ..!! * عودة كمبسة ازالت عندنا العجب..ويا هاليفا امسك الخشب…! * كامبوس أقل قامة من فريق الحزب الحاكم…و" (شجر) لي الريدة ..(شجر) لي إصاباتك ما انت كامبوس ذاتك .."! * يا كمبسة ..(بل راسك وجهز اكياسك)..!! نقش أخير * لو تخاصم او تجافي ..تبقى لي (كيسك) منافي ..يا زمن ريدي الخرافي .. زول (بعيدك) زي مافي ..!!