وعقلانية مدرب الوصايفة البرازيلي كامبوس تتضح جلياً في إعلانه الهروب من إدارة مباراة القمة رغم مباشرته لعمله، و الإكتفاء بمشاهدة اللقاء من المقصورة..(وعاقل يا كامبوس).. ترك (كمبسة) إدارة المباراة لمجدي مرجان وفضل الزوغان ..(حكيم يا ود يا كامبوس) .. ضغط التونسي نصر الدين النابي على نفسه واجتهد بحثاً عن (دمعة دمعتين) يودع بهما الهلال مع أنه لو أشرف على مبارة السبت لقام تراوري بحلب مقلتيه أمام الملايين ..!!* والدمعة لو غلبا النزول ..(بكرة بتشوفا في وش كل زول).. وش النابي ما ياهو .. تفرق دم مسؤولية مباراة القمة بين النابي الذي ودع قبل ختام الدورة الأولى وكامبوس الذي استلم عمله وهرب مفضلا مشاهدة المباراة من المقصورة .. هسع بكرة بعد تراوري يجيب القون التاني البتحمل المسؤولية منو ..(ما تقولوا لي خليفة ..خليفة ذنبو شنو ؟). غايتو يا خليفة انت مستهدف وممكون وصابر .. اكثر ما يميز خليفة كلاعب كرة قدم الصبر) . الصبر الصبرو خليفة علي الكنبة (لو شراهو في عود كان خدر ملأ الواطة).. لو ما صبرك دا يا خليفة كان (واطاتك أصبحت* بدل الهروب الجماعي للمدربين أشرف ليكم كورة بكره دي يتولى مسؤولية الإشراف عليها خليفة .. خليفة إكتسب خبرة كبيرة من قعادو مع المدربين في الكنبة * ناس كامبوس (زايغين) وايهاب جاهز لحراسة عرين الزعيم . غايتو كورة بكرة دي كلها "زغبير جمهور الوصايفة ..(مسكين) ..(مجلس الإدارة بالو رايق والمدرب زايغ) .. مسكين جمهور الوصايفة ..(مسكين أبيض اللون). هسه (كمبسة) بقدر يقول لينا زايغ من كورة بكرة ليه ..(تكلم تكلم أنك عاجز عن الكلام أنك أبيض اللون* مالي أراك يا كامبوس مطاطئ الرأس وعينيك زايغات كأنك في تاني دور ..(غالبك الدرون ..تكلم تكلم أنك عاجز عن الكلام أنك أبيض اللون من حق الوصايفة أن يحرصوا غداً على حضور المباراة على شاشة التلفزيون ..فإن كان المدرب فضل الهروب، ما الذي يأتي بالجمهور لمهزلة (أبيض اللون) * نصيحتي للوصايفة ..(الزموا بيوتكم وابلعوا حبوبكم.. لن نقبل من لاعبي المريخ أن يهزموا الوصايفة بأكثر من هدفين، وللفريق إستحقاق افريقي بدور المجموعات يوم الاربعاء المقبل أمام مازيمبي . انتو آخر مباراة للوصايفة مع مازيمبي بالخرطوم نتيجتها كانت كم ؟؟..(وعالمي لا تذكرني).. خمسة وخميسة في عين العدو ..(وكامبوس جاء والخير على قدوم الواردين) . دائماً يا كمبسة (فيك خير) مع العلم بأنه (فريقك ما بشد الحيل). ننصح الوصايفة بحضور المباراة على شاشة التلفزيون ..(وبكرة يوم بشتنة "أبيض اللون"). نرفض الإتهامات المستترة والظاهرة التي توجه للحارس المعز محجوب . يا جماعة ..المعز دا أكبر من كدا ..(وديدا خط أحمر) . * معليش يا معز ..الما بعرفك يجهلك . لكن بصراحة يا معز ..(نحنا ما بنعرفك أكتر من إعلام فريقك). انت يا معز الناس ديل بعد قعدوك في الكنبة ما دايرين يخلوك في حالك ..(انت يا ديدا بتتحمل دا كلو عشان منو ..وبعد كدا حارس شنو ؟). حراسة شنو يا معز ..أمشي الهدف ولا اواب وريح نفسك .. * يظل المعز دائماً فوق مستوى الشبهات .. انتو اتهمتوا ولدنا بويا بالبيع تاني اي حاجة متوقعة منكم . معليش يا بويا أمسحا في وش النابي ..(اصلو النابي وشو مجلد ..مدرب يقولوا ليهو كيسك فاضي يقعد سته شهور كدا عادي يا كمبسة تعال بكره أستمتع بالكورة ..و(خليك زايغ في المقصورة). * كامبوس مدرب سريع (الزوغان* إتزوغي . نقش أخير زاغ الخبر وعم القرى والحضر
