من هنا وهناك هيثم صديق دعوة لاستقبال الهلال في المطار قالوا ان مجموعة اندية قد جاءت للهلال ليعطيها صفره الدولي الكبير وانه قد رفض رفضا باتا ولو انطبقت السماء علي الارض لان هذا الصفر ارث لاجيال وملك لهم اغروه ببطولات حبية فابي ببطولة دولية فرفض لذلك حينما رايت الاستقبال الحاشد للراعي الطيب الذي رفض بيع النعجة قلت في نفسي ان الهلال ايضا يستحق ان يستقبل فلقد احتفظ بالصفر في كل الاوقات والازمان منشدا لو ايدينا فيك من المسك تتملخ عبد الشافي يبقي سوداني ويتفصد ويتشلخ هيييع لابد من استقبال حاشد وكبير لصيد البلد لا لجعل الهزيمة من الزمالك تثني المعجبين ولا للخندقة تخندق الذاهبين الهلال يستحق ان يستقبل في المطار وان تهتف له الجماهير مع محاولة الاجاويد ان يثنوا كامبوس عن شكوي الخندقاوي الخندقاوي قال انه نائب رئيس الهلال وانتقد المدرب وقال السبعة وذمتها الغريبة الكوارتي ابعدوه عن مجلس التسيير وهو رئيس البعثة الخندقاوي بقي في الهلال زي اللواء بتاع ليبيا كون جيش وبيحارب بيهو (الفجة) لما تكون جايطة بتعمل فيها اكتر من كده زي الحفلة لما تجوط نرجع لموضوع الراعي الطيب الراعي قال انه بقي غنيان ومع ذلك راجع للرعي من جديد طيب ما يعمل ليه مراح هنا ويرعاه والله بلدنا دي مصيبتها مصيبة البيقرا في كلية الطب عايز يتخرج عشان يغترب دكتور بره والبعالجنا نحن منو واي زول عايز يفوت البلد اي زول عايز يعمل انجاز خارجي المريخ لما عمل انجازاتو ما رجع في اجازاتو عملها في شكل غزوات عشان كده دخل القصر (الجمهوري) كم مرة مش مهزوم في كورة بدون حضور (جمهوري) ويقولوا ليك كامبوس متواضع القدرات يعني اعفيتوهو قبل كده بعد احراز السوبر المتواضع خليفة خليفة ده متواضع لدرجة بيركب حافلات الكلاكلة عادي الخندقاوي قالوا زعلان من كامبوس عشان اتخندق في مباراة عنص(رية) وسكينة سيكافا ليست بطولة ضعيفة لو لعب فيها الزمالك سيخرج مبكرا منها الزمالك اضعف من ان يلعب فيها ولكن المريخ لا يريد ان يجعلها غاية لانها ليست غريبة عليه المريخ في حاجة لخلق فريق مستقبل يعيد سمعة السودان وحظوظ السودان في نيل بطولة خارجية لم اشاهد المباراة الماضية لذلك لن ادلي براي في اللعيبة الجدد وان كان اتفاق كثيرين علي ان هامان مابطال واخاف ان يكون (الطشاش في بلد العمي شوف) لان ما يقدمه غاندي بجعل كل اشولنجي ما بطال ……………………… الغياب الجماهيري عن المباريات له اسبابه ومن اهمها هو ال(قنعان) من ما مضي الجميع يأمل في قادم حتي لا يسمي نادم ………………….. شاهدت حلقة في احدي الغنوات عن الغناء واستضافوا في احدي الفقرات المدرب وقي عبد العزيز لا ادري هل كان الامر بعد اخراج المنتخب ام قبل ذلك علي كل حال لربما كان حظه في التطريب احسن من التدريب .* افلت محمد ابراهيم كرة فولجت هدفا وخرج المريخ منتصرا غيرهم افلت الف وخرج المريخ مهزوما اعطوه الفرصة