من هنا وهناك هيثم صديق معليش يا بلد 3-3 ولا نزال نتاسف للبلد لان فرحه تاخر وفرحه لا ياتي الا بالمريخ ومع المريخ االتاريخ قال ذلك واثبتت الايام وبمناسبة فوز المريخ علي الفريق الصومالي رجعنا للارشيف لقينا انه سودان المريخ ما انهزم من فريق صومالي علي نطاق الاندية الا مرة وحيدة وفي سيكافا لما انهزم هلال المالصين من المطابع الصومالي وتتطبعنا الامر فوجدنا ان الهلال عام 1984 اتجندل بهدف قبل انتفاضة مالص ابريل كل الجيل الهلالي داك اكيد اعتزل الكورة لم يتبق الا الصفر الصفر الذي عاصر كل اجيال الهلال الهلال الذي عجز علي ان يصبح بدرا كاملا ابدا مخنق في حتتو الاغاني كلها بقت لينا تشبه ملصة جمعة جمعة جي طارو ملصها ملصها ها ها ها ها شر البلية ما يملص عماد الطيب المليص العام لنادي الهلال قال اننا لن نمل من مطاردة لقب الابطال لقب الابطال ده زي السراب موية الرهاب وعكير الدامر قال:يا موية الرهاب الما ملت كباية الناس في الصحراء بيكتلها الكلام الذي ده ديك موية ويمشوا وراها والنتيجة معروفة للجميع (الموت عطشا) البلابل(التلاتة) غنن وقلنا نجرب الصحراء لقينا املنا كلو سراب انا خايف الدماعة ديل يقولوا لو غلبوا الزمالك 16 /3 حا يصعدوا انا عارف ما بجيبوا الستاشر وعارف التلاتة بتخش فيهم لكني متاكد حا يخلوا الحاجة دي ممكنة والجرايد تطلع تقول لا مستحيل والاذاعة الرياضية تقول ملوص ملص اسمو الهلال في (السكة) موج ازرق هدر هي سكة (درب-طريق) ام سكة(مطاردة) بعد موقعة الحكم الكيني اتلخبطتنا الكاردينال تاني يوم للثلاثية والملصان(الطيران سابقا) قال في الاذاعة انه الهلال متعود يفرح الشعب السوداني انتوا الفرح ده اتبادل المواقع مع الحزن ونحن ما عارفين ناس الرصاد ما كلمونا يعني نحن ما بنصدق غير ناس الارصاد نصدق ناس المالية يعني القالوا الاسعار حاتنزل وطارت مع الهلال وكلو من جمعة جي طاروا واطير توماس وطيريفة كورة الزمالك الجاية حا تحدد لينا الطيش منو طيش من وشي احسن ليك طير وطيش قريبات بعض زي بطانية وبطارية قال لن (نمل ) قال لا احسن لن (ضان) *والمريخ لعب في سيكافا فهزم وانهزم ولا يحس بالندم لانه قد فاز باللقب مرة ومرتين صار مثل الرجل الذي تخرج من الجامعة وصار يدرس في الجامعة تخصص اخر شهادتو في يدو مش ما عندوش شهادة ثانوية المريخ لعب بتشكيلتين مختلفتين لعل الجهاز الفني يثبت انه جاء للتجريب والاعداد لكن ان كان قد فعل ذلك فالتقدير ليس مناسبا المريخ رقم في سيكافا لا يصح ان يلعب بمكانته فيها وسيكافا ليست بطولة كلام فارغ كما يدعي المقعدون سيكافا التي فاز بها المنتخب وقد هزمته في المباراة النهائية زامبيا التي شاركت شرفيا جاء اعلام الهلال انذاك يتحدث عن رفع البرنس لكاسها الفتي الذي قبع عشرين عاما ما رفع كاسا من الخارج الا كاس سيكافا وكان السودان قد حل ثانيا خلف زامبيا لن نشكر سيكافا لان الاخرين شتموها ولكنا احترنا كما احتار الرجل الذي يسمع لاغنية الكنينة احتار هل الكنينة بت مالك ام بت بلة الكنينة بت مالك اديني شبالك الكنينة بت بلة ادي الشعر تلة ولأن مالك وبلة يلعبان للمريخ فلقد نيا ابوتهما للكنينة و الكنينة بت الناير…شوفي داك الهلال طاير
