سودارس :

الهلال السوداني يؤدي البروفة الأخيرة مساء اليوم.. و«ريجيكامب» يجهز خطته لعبور نهضة بركان رئيس الهلال «السوباط» يطير الى كيجالي ليقود شحنة دعم استثنائية للاعبين في معركة الأبطال نائب رئيس الهلال يتابع مران الفريق.. البرهان يكشف ملامح إنهاء الحرب الأمن يداهم مخزن يبيع الوقود المهرب لعصابات التنقيب عن الذهب شاهد بالصور والفيديو.. لقطة طريفة.. طفل سوداني يرتبك أثناء محاولته التقاط "سيلفي" مع "البرهان" وقائد الجيش يقابل الموقف بضحكات عالية شاهد بالفيديو.. قيادي بالدعم السريع: (مرتزقة من جنوب السودان يسيطرون على مدينة "الفولة" ويطردون قواتنا وأفرادنا عردوا وتركوا نساءهم) شاهد بالفيديو.. ناشطة الدعم السريع الشهيرة "أم قرون" تتهم إعلاميون بالمليشيا حاولوا اغتيالها بوضع "السم" لها في الطعام وتكشفهم بالأسماء شاهد بالفيديو.. مليشيا الدعم السريع تهدي فنانة "سيارة" بعد أن اتهمت أفراد المليشيا بسرقة منزلها ومنازل المواطنين بالفاشر وساخرن: (العربية مشفشفة يا فنانة) للعام التاسع على التوالي.. الفنلنديون أكثر الشعوب سعادة مفوضية العون الانساني بسنار تدشن كسوة الأيتام 996 مؤسسة صحية بالجزيرة لتقديم الخدمات في عطلة عيد الفطر لجنة أمن سنار توجه بإقامة صلاة العيد داخل المساجد والمباني الحصينة إيران تفتح باب المشاركة في كأس العالم 2026 مشيتك تفضحك.. هكذا يعرف الآخرون إن كنت غاضباً أو حزيناً غوتيريش يخاطب إسرائيل وأميركا: حان وقت إنهاء الحرب السيسي يفاجئ الإمارات بزيارة خاطفة.. ويوجه رسالة بشأن الضربات الإيرانية ترامب: سندمر حقل بارس للغاز إذا قررت إيران مهاجمة قطر من المستشفى.. منة عرفة تعلن تعرضها ل وعكة صحية شديدة القوات المسلّحة السودانية تعلن استرداد محطة مهمة عثمان ميرغني يكتب: السودان وتحدي توحيد السلاح بالصورة والفيديو.. ناشطة سودانية تحكي قصة ارتباطها وزواجها من نجم السوشيال ميديا "برهومي": (الشاريك وعايزك بحارب عشانك وعمرو م يلعب بيك) مقرّ خاتم الأنبياء العسكري يتوّعد بردّ قويّ بعد تجريد منتخب بلاده من كأس أفريقيا..الاتحاد السنغالي يعلن أول قراراته تراجع معدّل التضخّم في السودان ظهور لنجاة الصغيرة يفرح جمهورها.. والفنانة ترد "رجعت الشغل تاني".. مطرب المهرجانات مسلم يعلن انتهاء أزمته مشهد الولادة بمسلسل محمد إمام يثير غضباً.. والممثلة توضح بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق 6 عادات يوصى بتجنبها في المساء لحماية القلب عاجل.. اغتيال لاريجاني دراسة : الأطعمة فائقة المعالجة تهدد كثافة العظام ابتكار علاج لسرطان القناة الصفراوية من الحليب ياسين أقطاي يكتب: كيف وقعت إيران في هذا الخطأ الإستراتيجي؟ رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية لافروف قلق إزاء مستقبل نظام عدم انتشار الأسلحة النووية توقّعات بارتفاع غير مسبوق في أسعار النفط الترجي يهزم الأهلي في ذهاب ربع نهائي دوري أبطال أفريقيا ضبط 238 كجم من "الآيس" وأسلحة بجانب نحاس بولاية البحر الاحمر انقطاع طويل للكهرباء يضرب مُدناً وقُرى سودانية واسعة في رمضان ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 14 - 08 - 2014

…..و….
محمد عبد الماجد
"لمتين مبارياك غربتك" – وتلاتة مازدا
…و
لو كنت (مديرا فنيا) للمنتخب السوداني فان اول ما افعله – وفي اول
تمرين اكون ماسك فيه المنتخب هو ان ادعوا لاعبي المنتخب الوطني الى حصة
في (الجغرافيا).
اجغرفها معاهم للنهاية.
بجيب ليهم استاذ جغرافيا.
اشعر ان مشكلة معظم لاعبي المنتخب او لاعبي السودان بصورة عامة في (الجغرافيا).
عندهم مشكلة في (الاتجاهات).
ما معقول اللاعب فيهم يكون قاصد (المرمي) ويهدف لي في (الكشافات).
محتاجون يعرفوا الفرق بين المرمي والكشافات.
ومحتاجون ايضا قبل اي مباراة ان يستمعوا الى اغنية لحسن عطية او أحمد
المصطفي او ابراهيم عوض او عثمان حسين.
الدولة لن تدعم المنتخب (ماديا) لذا ادعموهم (معنويا).
وليس هنالك افضل من الحشد المعنوي عندما يغني حسن عطية لعبدالرحمن
الريح (يا الحرومني شوفتك).
تتقطع من دواخلك لمن تبقى زي (تربيزة) الجزار بعد واحدة ونص.
ملخبطة – واللحمة فيها موزعة كوم – كوم.
و…
(اكمل يا جماعة – المقاطعة في شنو؟).
من غرائب عبدالرحمن الريح ان حسن عطية بدأ من عبدالرحمن الريح وغني له
اغنيات النور والازهار :
أقول أنت نور
ولا أقول زهور
ولا أقول نسيم
فواح بالعطور
أقول أنت نور
من أفق الوجود
ولا أقول زهور
من روض الخلود
ولا أقول نسيم من عطر الورود
وغني حسن عطية لعبدالرحمن الريح (يا الحرومني شوفتك – وخداري البي حالي
ما داري – وهل تدري يا نعسان).
وبدأ ابراهيم عوض ايضا من عبدالرحمن الريح فغني له (الم الفراق –
وملاذ افكارنا – وما بنسى سيد روحي).
وبدأ احمد الجابري من عبدالرحمن فغني له (حد يشعر بالسعادة يمشي يختار
البعاد – وملك الطيور).
وكانت بدايات ود المقرن وعبدالحميد يوسف من عبدالرحمن الريح.
و….
(بالمناسبة دي عاوز تقول شنو؟).
بالمناسبة دي عاوز اقول مرة في واحد لاقى ليه زول ماشي في الشارع شايل
ليه (كيلو موز) و(7) رغيفات في كيس.
(7) رغيفات بالتحديد.
انت ال (7) رغيفات الماسك لينا فيها الايامات دي شنو؟.
دي حاجة غير آلية الحوار الوطني (7 + 7).
الزول لاقى ليك الزول في حالتو دي شايل ليه كيلو موز و (7) رغيفات –
طوالي باغتو ليك.
قال ليه (ما قالوا عليك حنين) شايلك (كيلو موز) في الهجيرة دي – والله
انت اقسى زول.
الزول قال ليه علاقة القسوة بالموز شنو؟.
قول شايل لي (10) كيلو موز – هل يعني ذلك اني ما (حنيّن)؟.
انتوا عاوزين تدخلوا لينا الموز في الحنية.
في فترة من الفترات كانت قد انتشرت فيها اغنية ثنائي العاصمة (طول
مفارق حيو) بصورة ما تتخيلوه.
وكانت الاغنية تقدم بصورة حوارية بين ثنائي العاصمة والكورس النسائي
المصاحب في الاغنية.
كان الكورس النسائي ببدأ ب ( طول مفراق حيو) وكان ثنائي العاصمة يرد
(يا اخوانا كيف وازيو).
يتخلل ذلك توزيع موسيقي يقطع المصارين.
كانوا الناس بسمعوا هذا التبدال الغنائي في الوصفات والكوبليات يقوموا
ببقوا زي البفرموا في شعورهم بمفرمة ملوخية.
خاصة عندما يصل ثنائي العاصمة لمقطع (زولا حنين زي زولنا والله ما
بتخلى) يحصل نحيب وبكا الى ان يبرّد ذلك مقطع (والحي مصيرو يلاقى طال
الزمن او قلا).
طبعا الكلام دا كلو ما عندو علاقة بالمنتخب.
ولا بي سيكافا – عشان ما في زول يتحسس فيكم.
الكلام دا ما قاصد بيه اي شيء.
يمكن المفارقة الوحيدة في الحاجات دي – هو اننا محتاجين نرجع الى تلك النصوص.
عشان شوية نطلع من (تلاتات) مازدا.
عاوزين ننسى.
عاوزين نتحرفن.
قالوا ليك واحد مشى ليه لمكانيكي قالوا ليه عنو انو شاطر.
صاحبكم مشى للمكانيكي جاري عربيتو ..وقف العربية قدام المحل ونزل من
السحاب…وقال للمكانيكي العربية دي وديتها ل (157) مكانيكي اي واحد
فيهم قال لي المشكلة ما في العربية.
المكانيكي استغرب وقال ليه طيب قالوا ليك المشكلة في شنو؟.
صاحبكم قال للمكانيكي تتصور قالوا لي المشكلة في (المدام).
المكانيكي قال ليه والمدام علاقتها شنو بالعربية؟…مالك عاوز تلخبط
لينا (خبرتنا)…وتدفق لينا (قرايتنا).
زولكم قال ليه المدام كل مرة بتسوق العربية وتدخل بيها في عمود كهربة.
المكانيكي قال ليه وهسع عاوز تعمل شنو؟.
زولكم قال ليه عاوز اغير العربية.
المكانيكي شاطر وشفت قال ليه انت عاوز حل نهائي وإلّا عاوز حل موقت –
نغير ليك العربية وتجيني بعد اسبوع تقول لي العربية فيها مشكلة.
صاحبكم قال ليه طبعا عاوز لي حل نهائي.
المكانيكي قال ليه خلاص – خلي العربية وغيّر المدام…وقبل ما تعقد
المرة القادمة اتأكد من سواقتها.
قبيل قلت ليكم (المكانيكي) دا زول شاطر – ما بجيبوا ليه العربية مرتين.
هسع يا جماعة مشكلة المنتخب دي واضحة – ما تقعدوا تشرعوا لينا ساكت.
الموضوع واضح.
وفي منتهى البساطة كمان.
المشكلة ما في العربية.
و…
(شنو تاني؟).
كتب (نمر سعدي) في نصه الاخير (خبط الأجنحة المائية) الاتي : ( في
الزمن الالكتروني لا احد يهتم ، ولا احد يتكلم مع أحد … حتى قهوة
الصباح لا تشرب بمعزل عن نقر الهاتف أو اللابتوب ..الزوج والزوجة
والأولاد والبنات ، على مدار الساعة ، مشدودون بجاذبية غريبة عجيبة الى
الفيسبوك ، او تويتر ، او الواتس أب ، او الفايبر . اصبحت عواطف الناس
كالزهور الاصطناعية وكالزجاج).
هذا بعد الكتروني مهم – وضروري خلو في بالكم.
ما عاوز اقول اي شيء.
يوما ما هزمنا صلاح بن البادية 0 / 10 عندما غني (طبع الزمن) من كلمات
عزالدين هلالي (انا ما بقول يا قلبي اقسى وخلي للحب الدرب لكن كمان ما
تكون عنيد وتحب ليك زول ما بحب).
زول ما بحب دا طوالي مفروض يودوه (المنطقة الصناعية).
اما ازهري محمد علي فقد حددها معانا عندما غني له عادل مسلم في (علي
كيفك) – (كان إعتذارك بالغياب عن بيتنا محتاج إعتذار).
دا زول (غتيت) بس يا ازهري.
يا جماعة ديل يقولوا عليهم شنو؟.
شفتوا ليكم زول تباريه (غربتو).
نفسو يقوم – وحالتو تبقى زي القميص المقطع…والفول البياكل فيه يبلعو
متل حبوب الملاريا.
ازهري محمد علي قال :
لمتين مبارياك غربتك
خلت حدود الرحلة حالات الدوار
يوماتي بتلاقيك مدن
يوماتي راجيك كم مطار
عليكم الله دي ما حالة اخير منها الزول يقعد يتفن في الرملة دي.
ازهري ما حددها معانا برانا – ازهري حددها مع نفسو برضو : (مرات أشوف
بعدك حقيقة ومرات ألاقي هظار هظار).
وقت جابت ليها (هظار) اخير نطلع.
اخير نتخارج.
انتوا تعالوا هنا.
تلاتة مازدا دي بعد الشاي وإلا قبلو.
يا زول اطلع.
و…
انتهى.

انقر هنا لقراءة الخبر من مصدره.