سودارس :

الهلال يشكو لاعب نهضة بركان... وتحدٍ إداري جديد يلوح في الأفق وصول الفوج الرابع من اللاجئين السودانيين بيوغندا المملكة مركز ثقل في حركة التجارة الدولية مصر.. الدولار يقترب من 54 جنيها لأول مرة البنزين الأوروبي والأميركي يتجه إلى آسيا دراسة تحذر: الذكاء الاصطناعي يميل إلى "مجاملة" المستخدمين على حساب الدقة رئيس الوزراء الباكستاني: نعرب عن تضامننا الكامل مع الشعب الإيراني الشجاع في هذه الظروف الصعبة مصادر تكشف تفاهمات سرية لوقف استهداف مطاري الخرطوم ونيالا نتفليكس تزيل الستار عن أول صورة لشخصية جو كينيدى الأب فى مسلسلها الجديد الأهلي يرفض قطع إعارة كامويش وعودته للدوري النرويجى.. اعرف التفاصيل حقيقة مفاوضات بيراميدز مع أحمد القندوسى لضمه فى الصيف سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً لوك غريب ل فتحى عبد الوهاب والجمهور يرد: هتعمل دور الملك رمسيس ولا إيه؟ وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد 7 عناصر غذائية يحتاجها الطفل فى سن المدرسة لدعم نمو وتطور الدماغ مناوي : ناقشت بسويسرا تطورات الأوضاع في السودان وسبل دعم السلام اختيار غير متوقع لمستقبل "الملك المصري" والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى حل لجنة المنطقة الشمالية بكوستي وتشكيل لجنة جديدة لإدارة مباريات الدرجة الثالثة صبري محمد علي (العيكورة) يكتب: المنصوري يا مكنة شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 19 - 12 - 2014

دق الدلجة
محمد عبد الماجد
عقوبة تشغيل (المروحة) في نمرة تلاتة
ناس معاذ عندهم (صالون) عاوز ليه سبب اقل حاجة بقعد (يتنحنح) ليهم.
ما فاضل ليه إلّا يخمس معاهم السجارة.
والجماعة يقعدوا يشرعوا ليك ..طوب زمان ما زي طوب الزمن دا.
وجريد زمان بختلف من جريد الزمن دا.
وسوسة زمان ذاتها كان بتاكل (الخشب) بس ..هسع بتاكل اي حاجة ..بنوك
..مال عام …اراضي.
اي حاجة.
الصالون سقفو بقى زي الزول القافل وراجو ليه غطا – قريب غطا .
اي كرت خمسين.
ان شاءالله (اسكراتش) بي عشرة.
خمسين.
لو فكيت ليه (حرف جر) خمسين.
صالون ناس معاذ بذكرني ليك دفاع المريخ.
ما عارف الاصل شنو؟.
الصالون – ام دفاع المريخ؟.
من الذي جاء اولا ..الفرخة ام البيضة؟.
افتحوا محضر.
نحن لازم الموضوع دا نحددوا.
الفلافسة وقت ما يلقوا ليهم موضوع – بقوموا يفتحوا باب النقاش في موضوع
من جاء اولا – الفرخة ام البيضة؟.
وعيك يا نقاش.
زي كأنو ازمة الغاز من الموضوع دا.
زحمة المواصلات سببها الموضوع دا.
مشاكل البلد دي كلها تتلخص في من جاء اولا البيضة ام الفرخة؟.
يعني شنو؟..فارقة معانا في شنو؟..تجي البيضة وإلّا تجي الفرخة.
الفلاسفة الشفوت يدوروا ليك في الشاي والقهوة والسجائر ..لمن تصبح ما
يصلوا ليهم لاجابة نهائية.
لا يخلوا نزار قباني.
لا يخلوا نجيب محفوظ.
اي زول كتب ليه بيت شعر او طلع ليه رواية يجيبوه ليك في الموضوع دا.
رغم انو لا نزار قباني ولا نجيب محفوظ عندو علاقة بموضوع الفرخة دي.
دا شغل فلاسفة ساكت.
الزول وقت يكون عاوز يتفلسف ما بتغلبو الحيلة.
ناس يقولوا ليك الفرخة جاءت اولا – الدليل على الكلام دا …(ديك) ناس
محاسن من قبل الشمس ما تشرق بتلقاه واقف في الحيطة.
الديك دا بقوم من خمسة صباحا.
انا ما عارفو لو ما كان (ديك) كان ح يعمل شنو؟.
بنقول ليهم لكن دا ما دليل قاطع.
ولا بنأخد بالموضوع دا.
بقولوا لينا هو القاطع شنو في البلد دي؟ – يعني انتوا عاوزين تشطروا
على (ديك) ناس محاسن.
خلاص عاوزين تحسبوها بالدقيقة للديك.
بقت على (الديك).
فالحين لي بس للديك.
كلامك دا ما كان تقولوه هناك.
نقول ليهم تفتكروا لو الكلام دا قلناه هناك ..كنا جينا هنا.
مالكم انتوا عاوزين تلخبطوني؟.
وناس بقولوا ابدا …(البيضة) هي التى جاءت اولا ..والدليل على ذلك اي
بقالة او (مول) بتمشي فيه بتلقى وش كدا (طبق البيض).
بنقول ليهم يا جماعة ..كلامكم دا ما دليل على ان (البيضة) جاءت اولا.
الفرخة والبيضة لمن ظهروا لا كان في مول ولا كان في بقالة…الحاجات دي
ظهرت حديثا.
يقوموا يقولوا لينا يعني (ديك) ناس محاسن كان بعمل (اتندس) حضور.
قوم لف عليك الله.
تقوم وتقعد …وتبلع ريقك.
بالمناسبة في قانون جديد يمكن يظهر يمنعو فيه انك تبلع (ريقك).
قالوا ما عاوزين زول يبلع (ريقو).
بنقول ليهم هي البلد كلها (بتبلع)..بقت على (بلع) الريق يعني.
عاوزين تشطروا على (ريقنا).
ريقنا ذاتو عاوزين تعملوا ليه قانون وعقاب ومحاسبة وجداول ضرب.
عاوزين تشاركونا في (ريقنا).
والله دا الفضل.
الواحد تاني يعني لو عاوز يبلع (ريقو) ..يقعد يتلفت زي (التلب ليه حيطة).
يجيبوا ليك زول يجرجروا فيه ..ويزرزوا فيه زرة كلب في زقاق طاحونة
..تقول ليهم الزول دا مالو ..كتل ليه زول؟.
يقولوا ليك ابدا.
قفل شارع النيل؟.
يقولوا ليك ابدا.
انضم لي دعاش؟.
يقولوا ليك ابدا.
طيب مالو؟.
الزول دا لقوه قاعد في بيتو بيبلع في (ريقو) من الصباح.
من الصباح كمان.
نحن ماشيين على كدا.
انتوا قايلين ما ح نصل المرحلة دي.
خايف يجيبوا ليك زول من صالونو.
تقول ليهم الزول دا مالو بتخمخمو فيه كدا؟.
يقولوا ليك الزول دا لقيناه قاعد في الصالون ومشغل (المروحة) في
تلاتة..وتلاتة عدد فردي …لا يجوز.
والله نحن القانون دا ما كنا عارفنو ..يعني ما نشغل المروحة في عدد فردي.
يقولوا لينا عليكم نور.
بعد يومين يجيبوا ليك واحد تاني ..مخمخم بي الكرفتة حقتو.
تقول ليهم الزول دا مالو؟.
يقول لينا الزول دا لقيناه في مكتبو مشغل (المروحة) في اربعة ..واربعة
عدد زوجي ..لا يجوز.
نقول ليهم يعني لا فردي ..لا زوجي.
يقولوا لينا عليكم نور.
بعد (7) ساعات من الكلام دا ..يجيبوا ليك زول تالت…يضربوا فيه زي القطن.
نقول ليهم (المطموس) دا شغل المروحة في كم؟.
يقولوا لينا دا ما شغلها ..تتخيلوا كان قافل المروحة في السخانة دي.
نقول ليهم يقفل المروحة – دا مفروض يعدموه في شارع عام ..عشان يكون
عبرة لكل من تسول له نفسه ويقفل مروحتو.
البلد دي ما فيها نظام.
ما فيها قانون.
كيف يعني يقفل المروحة.
دي فوضى.
دا كلام فارغ دا.
يقولوا لينا انتوا احسن ناس.
المهم يا جماعة ما عاوز اطول ليكم في موضوع (المراوح) دي.
عاوز ارجع للموضوع التاني.
موضوع الفرخة والبيضة.
نحن مالنا ومال المراوح.
(الفلاسفة) عندنا في الوطن العربي ..اشتغلوا بالموضوع دا…من جاء اولا
الفرخة ام البيضة؟.
تقول عاوزين نشغلهم معانا باليومية.
العالم الاول ..خلانا في الموضوع الهايف دا وانصرف لحاجات اهم وقضايا اكبر.
الكلام دا ما يصرفنا عن صالون ناس معاذ.
الناس في الحلة بقولوا ليهم (صالونكم) دا لو انستر ليكم في
(الشتاء)..من (الخريف) ما بمرق.
يمين دا مطرة في (تشاد) تجيبو خبرو.
في واحد (مطميس) كدا كلو نضارات ..بقيف في خشم الصالون وبقول لي معاذ
..اسمع صالونكم دا لو سمع (خلف الله حمد) بغني في (دخلوها وصقيرها حام )
بجيكم واقع في الواطة دي.
ما بقيف ليكم.
نقول ليه الصالون وإلّا علي جعفر؟.
صالونكم دا مالو؟.
زي (طربان) طبيعي كدا.
طبعا في ناس مهمتهم في الحياة دي يشنفوا حاجات الزول التاني.
يشوفوك حلقت شعرك ..يشنفوا ليك حلاقتك…يمرقو ليك (اضنينك) من نفسك.
الزول وقت يحلق ..اضنينو بتمرق برة ..بتبقى زي الفرن البرة الحلة
..تلقاه مطرف براهو كدا من غير مناسبة.
او الاضنين بتبقى بعد الحلاقة زي البتقدم ليه في زول للباب.
تلبس ليك قميص جديد ..يندموك عليه ..يقولوا ليك هسع دا قميص تلبسو؟.
تامر حسني ما بلبسو.
يلقوك قاعد في (الصالون)…يقبلوا ليك على الصالون يطلعوا ليك زي علي جعفر.
انتوا ناس المريخ ديل قلوبهم دي من حديد؟.
بستحملوا كيف يكون هناك في (كورنر) معكوس ..وداخل الصندوق في نزار حامد
والشغيل وبشه وعلي جعفر.
بستحملوا الموقف الصعيب دا كيف؟.
نحن الهلالاب – غايتو لو كان على جعفر دا بيلعب في الهلال ..كان وقت
يعكسوا ليهم كورة قدام مرمي الهلال بننحشر تحت السراير.
وفينا ناس بدخلوا في الدولاب.
وبنفصل التلاجة.
التلاجة هسع دخلها شنو؟.
كيف يا زول؟ – علي جعفر دا اصلو ما مضمون ..يقوم يجلي ليه كورة
..الكهربة كلها تضرب.
دا الصالون وإلّا الدفاع؟.
ما عارف ..انا كنت بتكلم عن شنو؟..علي جعفر ام صالون ناس معاذ؟.
يا معاذ لكن بتبالغوا ..الصالون المفتح من التسع اتجاهات دي في (البرد)
دا بتقعدوا فيه كيف؟.
صالونكم دا لو ما فيه صورة جدك الاعتير …احلف عليه تلاجة موز.
كل ما قناعاتي تصل الى ان هذا الصالون هو (تلاجة موز) بشوف صورة جدك
معلقة في الصالون ..قناعاتي تزحزح.
بردلب يقع.
الوقع منو؟.
الصالون وإلّا علي جعفر.
يا مريخاب ما عاوز اسد ليكم نفسكم من صالونكم دا…لكن دفاعكم دا ان
مرقكم من درع الاستقلال ما بنستر ليكم في الدوري الممتاز.
علي جعفر دا كلموه يقفل المروحة.
علي جعفر لو بقفل المروحة كان مشي يلعب في روما.
……
و
المريخ في التسجيلات القادمة يمكن يعيد عبدالحميد السعودي مع ناس عنكبة
وبكري المدينة ديل.
و…
الصالون وقت يكون عاوز ليه سبب لو تلفونك ضرب ..بتلقاه سبقك عليه.
والمروحة لمن الكهربة تقطع شغلها في خمسة ..كيتا على قطوعات الكهربة.
و…
السيدة (ل)…الصداع العديل ..احسن من حفلة من حفلات الزمن دا.
و…
وقرّض على كدا.

انقر هنا لقراءة الخبر من مصدره.