شاهد بالصور.. الرابر "سولجا" يقتحم مران المنتخب الوطني بالمغرب    المذيعة والصحفية ملاذ ناجي تتلقى التهانئ والتبريكات من نجوم السوشيال ميديا بمناسبة عقد قرانها    شاهد بالصور.. الرابر "سولجا" يقتحم مران المنتخب الوطني بالمغرب    المذيعة والصحفية ملاذ ناجي تتلقى التهانئ والتبريكات من نجوم السوشيال ميديا بمناسبة عقد قرانها    بالصور.. المريخ يعلن رسمياً التعاقد مع نجمي التسجيلات    رفيدة ياسين تكتب: دروس عام اختصر عمراً    السودان يهزم غينيا الاستوائية وينعش حظوظه في التأهل    وزير الثقافة والإعلام بنهر النيل يلتقي وفد منتدى وطنية الثقافي، ويؤكد رعاية الوزارة لمبادرة "علم السودان في كل مكان تزامناً مع ذكرى الاستقلال    شاهد بالفيديو.. تحسن أم استقرار أم تدهور؟ خبيرة التاروت المصرية بسنت يوسف تكشف عن مستقبل السودان في العام 2026    شاهد بالصورة.. نجمة السوشيال ميديا الحسناء أمول المنير تترحم على زوجها الحرس الشخصي لقائد الدعم السريع بتدوينة مؤثرة: (في مثل هذا اليوم التقيت بحب حياتي وزوجي وفقيد قلبي)    عثمان ميرغني يكتب: مفاجأة.. أرض الصومال..    الجامعة العربية: اعتراف إسرائيل ب"إقليم أرض الصومال" غير قانوني    الجزيرة .. ضبط 2460 رأس بنقو بقيمة 120 مليون جنيهاً    بنك السودان يدشن نظام الصادر والوارد الإلكتروني عبر منصة بلدنا في خطوة نحو التحول الرقمي    زيادة جديدة في الدولار الجمركي بالسودان    معتصم جعفر يعقد جلسة مع المدرب وقادة المنتخب ويشدد على ضرورة تحقيق الانتصار    رونالدو بنشوة الانتصار: المشوار لا يزال طويلًا.. ولا أحد يحسم الدوري في منتصف الموسم    البرهان يطلق تصريحات جديدة مدويّة بشأن الحرب    الصادق الرزيقي يكتب: البرهان وحديث انقرة    الأهلي مروي يستعين بجبل البركل وعقد الفرقة يكتمل اليوم    عبدالصمد : الفريق جاهز ونراهن على جماهيرنا    المريخ بورتسودان يكسب النيل سنجة ويرتقي للوصافة.. والقوز أبوحمد والمريخ أم روابة "حبايب"    الوطن بين احداثيات عركي (بخاف) و(اضحكي)    السودان يعرب عن قلقه البالغ إزاء التطورات والإجراءات الاحادية التي قام بها المجلس الإنتقالي الجنوبي في محافظتي المهرة وحضرموت في اليمن    مدرب المنتخب السوداني : مباراة غينيا ستكون صعبة    لميس الحديدي في منشورها الأول بعد الطلاق من عمرو أديب    شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية    استخدام وسائل التواصل الاجتماعي وراء تزايد تشتت انتباه المراهقين    مشروبات تخفف الإمساك وتسهل حركة الأمعاء    منى أبو زيد يكتب: جرائم الظل في السودان والسلاح الحاسم في المعركة    «صقر» يقود رجلين إلى المحكمة    شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة    بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح    كيف واجه القطاع المصرفي في السودان تحديات الحرب خلال 2025    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    وزير الداخلية التركي يكشف تفاصيل اختفاء طائرة رئيس أركان الجيش الليبي    "سر صحي" في حبات التمر لا يظهر سريعا.. تعرف عليه    فيديو يثير الجدل في السودان    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    اكتشاف هجوم احتيالي يخترق حسابك على "واتسآب" دون أن تشعر    قبور مرعبة وخطيرة!    عزمي عبد الرازق يكتب: عودة لنظام (ACD).. محاولة اختراق السودان مستمرة!    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    مياه الخرطوم تكشف تفاصيل بشأن محطة سوبا وتنويه للمواطنين    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



جروا الساعة (ساعة) دخلوا لينا الصيف في الشتاء
كورة سودانية نشر في كورة سودانية يوم 15 - 02 - 2015


محمد عبد الماجد
دق الدلجة
جروا الساعة (ساعة) دخلوا لينا الصيف في الشتاء
في جماعة عملوا ليهم (مسابقة).
نمشي معاكم خطوة – خطوة.
اخترعوا ليهم مسابقة من رأسهم.
عارفين الجائزة الاولى شنو؟.
الجائزة الاولى (ملوة فحم).
نحن قنعنا.
بطنا طمت.
من قالوا لينا الجائزة الاولى (ملوة فحم) عرفنا ليك الجماعة ديل عندهم
ازمة حادة في الغاز.
انيميا في الغاز.
واحد قال لي مشيت لي (حلة) غريبة.
الاسم عادي جدا تلقى ببدأ بي (التاء المربوطة).
دا اسم ولّا شنطة؟.
حلة اي حاجة فيها غريبة.
الغداء عندهم مع شروق الشمس.
من تشرق الشمس ..الحلة كلها تتكركر وتجيب (غداها).
قلنا ليهم انتوا مالكم مخالفين كدا ..اكلكم المع شروق الشمس دا سموه
(فطور) ما في داعي تلخبطوا الناس وتسموه (غداء).
قالوا لينا لو سميناه (فطور)..(باميتنا المفروكة) دي ما بنلقى لينا زول ياكلها.
اتاريهم عملوه (غداء) بي فهم.
الساعة اتنين (نهارا)..الشمس تقرش.
سخانة الشمس عاملة صوت.
الناس من السخانة متل (الجركانات الما فيها موية).
متل صاج الزلابية.
الساعة اتنين ظهرا ..قالوا يا جماعة نقوم (العشا) وصل.
قلنا ليهم في (عشا) نص النهار.
ما ردوا علينا.
ما اشتغلوا بينا الشغلة.
شوية كدا جابوا ليك الصواني.
الفطير باللبن ما بيديك الدرب.
ضربوا ليك في الفطير باللبن لمن غطسوا ليك في (اللبن) دا للنخرة.
شوف عيني موبايلاتهم كانت بطاريتها خط واحد – بقت خمسة.
شبكتهم كانت واقعة – رجعت.
قلنا ليهم طيب يا جماعة انتوا الاكل البكون الساعة اتنين (ظهرا) دا
بقولوا عليه (غدا)..ما اسمو (عشا).
قالوا لينا لو سميناه (غدا)..البياكل لينا (الفطير بي اللبن) دا منو؟.
اتاريهم عندهم (فهم).
عندهم (رأي).
الساعة عشرة ليلا ..جابوا ليك (القرع).
نحن قعدنا نتلفت متل التلفون الضرب.
ضربوا ليك في (القرع) دا .لمن بقوا زي (الروس).
يرطنوا ليك بي كلمات ما بتفهم منها كلمة..
قلنا ليهم دي لغة جديدة.
دا علم جديد.
قالوا لينا ابدا دي (هطرقات) ساكت.
قلنا ليهم (هطرقات) من شنو؟.
قالوا لينا (هطرقات) من القرع الضربناه قدامكم دا.
قلنا ليهم (القرع) بعمل كدا.
قالوا لينا والله (القرع) دا يلقى ليه بصلة وشطة وليمونة ..وترمي ليك
فيه (كسرة) يعمل اكتر من كدا.
قلنا ليهم انتوا (قرع) عمل فيكم كدا ..لو ضربتوا ليكم (شية جمر) تعملوا شنو؟.
تقعدوا تنططوا في رؤوس البيوت.
والله انتوا تضربوا ليكم (شية جمر) سلام الله دا ما تدونا ليهو.
القرع (قسم).
راجعناهم تاني ..وقلنا ليهم في زول بياكل ليه (قرع) الساعة عشرة ليلا
..انتوا (بوليس سواري).
بوليس سري.
في زول بياكل له (قرع) في العشا.
قالوا لينا والقال ليكم منو دا (عشا).
قلنا ليهم طيب دا شنو؟.
قالوا لينا دا (الغدا).
قلنا ليهم انتوا بتلخبطوا (الوجبات) كدا ليه.
الغدا تجيبوه في الفطور.
والعشا تعملوه الساعة اتنين ظهرا.
وغداكم الساعة عشرة ليلا.
قالوا لينا (الحكومة) دي إلّا يتعاملوا معاها كدا.
قلنا ليهم (الحكومة) الدخلها شنو في الموضوع دا؟.
قالوا لينا كيف؟.
موش الحكومة دي (جرت الساعة).
يجروك من اضانك ان شاءالله.
قلنا ليهم بلحيل.
قالوا لينا شفتوا اللخبطة دي كلها من (جر الساعة).
الجماعة ديل جروا الساعة ..جابوا لينا المدارس في نص الخريف.
وجابوا لينا (الصيف) في الشتاء.
انت قايل (السخانة) الحاصلة في الشتاء دي من وين؟.
قلنا ليهم من وين؟.
قالوا لينا من (جر الساعة)..ساعة مع ساعة ما ساعة ..بتخلي الفصول تتداخل.
ديل رمضان بقى تقول من سرعتو يجيبوه لينا مرتين في السنة.
الجمعة اربع مرات في الاسبوع.
الصيف يجيك في الشتاء ..والشتاء يجيك في الخريف.
والله (منطق).
والله (فهم).
قالوا لينا انتوا فاكرين (جر الساعة) دا ساهل.
فاكرنو حاجة بتمر والسلام.
انتوا عارفين اللخبطة الحصلت في (المواقف) دي حصلت من فراغ.
انتوا عارفنها جات من وين؟.
قلنا ليهم من وين؟.
قالوا لينا من (جر الساعة).
قلنا ليهم الساعة تطير عيشتها.
موقف الاستاد جاء جاكسون ..وجاكسون ودوه السكة الحديد.
الساعة دي وقت جروها يا دوب تحت مسمى (البكور) الناس ما عرفو خطورتها.
هسع (الساعة) فرقت.
وظهرت لينا في (الفصول).
الجماعة شافنوا زي الما اقتنعنا.
قالوا لينا انتوا هسع وقت تمشي تصرفوا بتصرفوا يوم كم؟.
قلنا ليهم بنصرف يوم عشرة او يوم عشرين ..ومرات بنصرف في الشهر التاني؟.
ومرات ما نصرف ذاتو.
قالوا لينا دا كلو من الساعة الجروه.
الشهور اداخلت.
زمان الشهر كان فيه (27) يوم.
هسع الشهر بقى فيه (43) يوم.
الحكومة مفتحة جرت الساعة عشان تصرف للناس بعد (43) يوم.
انتوا قايلنها (ساعة) في اليوم ساهلة.
ساعة مع ساعة بتعمل يوم.
ويوم مع يوم بعمل اسبوع.
واسبوع فوق اسبوع بعمل شهر.
وشهر فوق شهر بعمل سنة.
عشان كدا بتحصل اللخبطة دي.
اقول ليكم حاجة تانية ظهرت بي وضوح في موضوع الساعة دي.
قلنا ليهم شنو؟…..زودني علما زودني.
قالوا لينا موش زمان الواحد كان بعرس وعمرو بكون 21 سنة.
او بعرس وبالكتير كدا عمرو (27) سنة.
هسع الواحد لو عمرو ما بقى (40) سنة ما بعرس.
لو بقى (غسان) ذاتو ما بعرس.
دي غير (الصلعة) البقت تظهر في الثانوي.
زمان في زول بيصلع في الثانوي.
قلنا ليهم ودا برضو من (جر الساعة).
قالوا لينا وامال انتوا قايلنوا من (البنك الدولي).
ما يقعدوا يقولوا ليكم (امريكا).
ونحن مقصودين.
يا جماعة احسبوها.
يا جماعة اعرفوها.
الناس ديل غيروا (التوقيت)..وطبيعي يحصل البحصل الايامات دي.
جر الساعة دا عندوا علاقة بي دموع باسكال.
باسكال مالو؟.
باسكال دا قايل نفسو صغيّر.
الزول دا البخليه يبكي شنو بعد السن دي؟.
صحافة المريخ براها كدا (منها وليها) ..قالت ان محترف المريخ السابق
ولاعب فريق عزام التنزاني لم يتمالك نفسه فقد انهار وبكي بكاء حارا
بالدمع السخين عندما قابل بعثة المريخ في تنزانيا في الفندق الذي يقرب من
نزل الفريق التنزاني.
شفتوا القلب الرهيف.
شفتوا القلب الكعب.
نحن اول مرة نشوف لينا محترف بالرقة دي.
اول مرة يصادفنا محترف (حنين) كدا.
الكلام دا لو جاء في صحيفة هلالية كنا اكيد قلنا الكلام دا نوع من المكايدة.
لكن الكلام جاء في صحيفة (الزعيم) مع ناس بابكر سلك.
يا سلك امسكو عليكم ولدكم دا.
يمكن باسكال عمل المريخ سبب ..حتى يبرر (دموعه) المنهمرة في ليلة عيد الحب.
الولد طلع بحب.
طبعا ناس باسكال عيد الحب عندهم (عيد رسمي).
بلبسوا ليه جديد.
وبخبزوا ليه.
وبقدموا فيه الحلاوة.
وبقولوا فيه كل سنة وانت طيب.
وعندهم ليه (فهم) وورود والوان حمراء.
المريخاب او بعثة المريخ في تنزانيا بقيادة عبدالصمد محمد عثمان وحاتم
عبدالغفار اعتبرت (دموع) باسكال نوع من انواع الوفاء ..واللاعب يقلب
صفحات ذكرياته مع المريخ.
باسكال يكون (دولارات) جمال الوالي فرقت معاه ..قام انشرط بكاء.
اتفقع عديل كدا من البكاء.
ناس عبدالصمد وحاتم عبدالغفار ..قالوا ليك ما عرفو البيسكت (باسكال) شنو؟.
البتسكتو ما لقوها.
اظنهم سكتوه ب (الدولار).
اصلو المحترفين بيبكوا وبسكتوا بالدولار.
الدولار بيبكيهم ويسكهتم.
غايتو يا باسكال الليلة لو (جليت) اي كورة ..بنعرف طوالي ان دموعك
انعكست على مستواك.
انستر.
اوعك.
اوعك تقعد (تجلبق) ليا وتصرج الكورة.
نحن الحركات دي بنعرفها.
زول ببكي وقت يشوف حاتم عبدالغفار ..تفتكروا ح ينتسر قدام ناس بلة جابر.
غايتو نصبر ونشوف.
اي (تجلي) كدا ولّا كدا ..نحن ما بنرحمكم.
ولا بنجامل.
……….
و
الروعة في الخرطوم.
الابداع حاضر في ام درمان.
الفهم هنا.
احسموا لينا المباراة مبكرا.
اقل حاجة تلاتة.
اقل من كدا ..ما عاوزين.
جمهور الهلال على الاستاد على طول.
ناس نزار وبشه ما بقصروا.
ناس وليد علاءالدين عندهم كلام.
ساندوهم واقيفوا معاهم.
و…
السيدة (ل)…لو في فرنسا قالوا في كوبري طائر اتصدع بسبب (الجقور)
بجيبوا نابيلون من قبرو ..عشان يعدموه في ميدان عام.
و…
وقرّض على كدا.

انقر هنا لقراءة الخبر من مصدره.