سودارس : الحساب (خروف)..الترجي دا عاوز ليه كم خروف؟

بتعادل جنوني.. لايبزيج يؤجل إعلان تتويج بايرن ميونخ منظمة حقوقية: الدعم السريع تقتل 300 مدني في النهود بينهم نساء وأطفال وتمنع المواطنين من النزوح وتنهب الأسواق ومخازن الأدوية والمستشفى التلفزيون الجزائري: الإمارات دولة مصطنعة حولت نفسها الى مصنع للشر والفتنة السودان يقدم مرافعته الشفوية امام محكمة العدل الدولية وزير الثقافة والإعلام يُبشر بفرح الشعب وانتصار إرادة الأمة عقب ظهور نتيجة الشهادة السودانية: والي ولاية الجزيرة يؤكد التزام الحكومة بدعم التعليم هل هدّد أنشيلوتي البرازيل رفضاً لتسريبات "محرجة" لريال مدريد؟ "من الجنسيتين البنجلاديشية والسودانية" .. القبض على (5) مقيمين في خميس مشيط لارتكابهم عمليات نصب واحتيال – صورة دبابيس ودالشريف النهود…شنب نمر إسحق أحمد فضل الله يكتب: (ألف ليلة و....) "المركز الثالث".. دي بروين ينجو بمانشستر سيتي من كمين وولفرهامبتون منتخب الضعين شمال يودع بطولة الصداقة للمحليات ندوة الشيوعي الرئاسة السورية: القصف الإسرائيلي قرب القصر الرئاسي تصعيد خطير د. عبد اللطيف البوني يكتب: لا هذا ولا ذاك عثمان ميرغني يكتب: هل رئيس الوزراء "كوز"؟ شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها كم تبلغ ثروة لامين جمال؟ حين يُجيد العازف التطبيل... ينكسر اللحن أبوعركي البخيت الفَنان الذي يَحتفظ بشبابه في (حنجرته) شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة تتسلل إلى الكبد.. "الملاريا الحبشية" ترعب السودانيين المرة الثالثة.. نصف النهائي الآسيوي يعاند النصر استئناف العمل بمحطة مياه سوبا وتحسين إمدادات المياه في الخرطوم هيئة مياه الخرطوم تعلن عن خطوة مهمة باكستان تعلن إسقاط مسيَّرة هنديَّة خلال ليلة خامسة من المناوشات تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا تعاون بين الجزيرة والفاو لإصلاح القطاع الزراعي وإعادة الإعمار قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية ترامب: يجب السماح للسفن الأمريكية بالمرور مجاناً عبر قناتي السويس وبنما كهرباء السودان توضح بشأن قطوعات التيار في ولايتين تبادل جديد لإطلاق النار بين الهند وباكستان علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة خبير الزلازل الهولندي يعلّق على زلزال تركيا في حضرة الجراح: إستعادة التوازن الممكن التحقيقات تكشف تفاصيل صادمة في قضية الإعلامية سارة خليفة الجيش يشن غارات جوية على «بارا» وسقوط عشرات الضحايا حملة لمكافحة الجريمة وإزالة الظواهر السالبة في مدينة بورتسودان وزير المالية يرأس وفد السودان المشارك في إجتماعات الربيع بواشنطن شندي تحتاج لعمل كبير… بطلوا ثرثرة فوق النيل!!!!! ارتفاع التضخم في السودان انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الحساب (خروف)..الترجي دا عاوز ليه كم خروف؟

كورة سودانية نشر في كورة سودانية يوم 05 - 04 - 2015

محمد عبد الماجد
دق الدلجة
الحساب (خروف)..الترجي دا عاوز ليه كم خروف؟
حكاية التحليل الفني ..والطريقة التى لعبت بها المباراة ..الحاجات دي
في مباريات المريخ مافي.
ولا في داعي ليها.
ولا بستعملوها.
ولا بقولوها.
التكتيك ..والمهارات وطريقة اللعب ..كل هذه الاشياء لا وجود لها في
الاعراب عند المريخاب.
والتشكيلة والاسلوب الضغاط ..دي كلها حاجات انتهت.
المريخاب بيشتغلوا ليك مع المباراة بقى شغل سوق.
شغل بتاع جزارين.
شغل لحمة عديل كدا.
الواحد فيهم يبلاقى التاني ..اول سؤال بيسألو ليه بقول ليه : (اها
ضبحتوا ليها كم؟).
المباراة عندهم زي (السماية).
لمن يقول ليه ضبحنا ليها تلاتة خرفان ..زولكم بقول ليه : (الله يستر بس
..كان تتموهن خمسة خرفان ..تلاتة خرفان بتقوم تنتهي ضربات جزاء).
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس كيلو اللحمة بقوا يتموه لينا (عدس).
ولا بنقدر نقول حاجة.
المريخاب الواحد فيهم بقى يحضر ليه مباراة للمريخ ..يقوم يسأل اخوه
يقول ليه : اها المباراة كانت كيف؟.
يقوم المريخابي يقول لي اخوه : والله المباراة كان فيها جنس (مرارة)
اسكت خليها ساكت.
مرارة صاح.
بس بي صراحة كدا ..(شية الجمر) ما عجبتني ..ما عارف يمكن الخرفان
الجبتوه للمباراة دي كانت كبيرة شوية.
الظاهر كدا سنها كانت متقدمة.
ما معقول ..تجيبوا ليكم خرفان من زمن الدولة المهدية.
خرفان من زمن جزيرة الكنز.
الخروف لو سألتو يسمع ليك شعار مسلسل (جزيرة الكنز)
انتوا الخرفان دي بتجيبوها من وين؟.
بتلقوها وين؟.
جمال الوالي دا بتمقلبوه كدا ليه؟.
مباراة امس امام كابوسكورب ..قالوا ليك (الكمونية) طلعت ظابطة ..مسبكة شديد.
ضربوا صاح في اللحوم.
رأس الخروف ..ما رحموه.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس عمك عثمان عاوز يعمل ليه عملية عيون ..ظهرت ليه (موية) في عيونو
..مع اننا نحن الليل كلو حارسين الموية في المواسير.
تصور ظهرت لينا في عيون عمك عثمان.
المريخ مباراته القادمة في دور ال (16) امام الترجي التونسي.
مالكم قعدتوا ترجفوا.
الواحد من يقولوا ليه اسم (الترجي) يتبقص ليك.
مالكم ..نحن قلنا شنو كمان؟.
قلنا (الترجي).
كمان (الترجي) ممنوع.
يعني ما نقول اسم (الترجي).
عاوزين تمنعونا (الترجي).
مباراة المريخ القادمة امام الترجي التونسي في دور ال (16).
انتوا لو ما عينكم طايرة ..البخليكم تصلوا دور ال (16).
لو ما شفقانين ..دي سخانة يلاقوا فيها (الترجي).
التهور دايما بسوق الى نهايات بهذا الشكل.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس خليل ود عمك حسن ..اتزوج في مرتو..قال مرتو الاولى ما بتعرف تعمل
(سلطة الاسود).
وهو اصلا جايبها من بيتها عشان (سلطة الاسود) دي.
بدون سلطة الاسود يعمل بيها شنو؟.
قلنا ليه يا خليل سلطة الاسود دي ما في داعي ليها ..ما ضرورية في الحياة الزوجية.
قال ابدا ..انا اهم حاجة عندي (سلطة الاسود).
تحت – تحت ..عرفنا ليك خليل ود عمك حسن عاوز ليه سبب ساكت ..عشان مرتو
التانية ..برضو اتزوج فيها.
قلنا ليه ..يا خليل ..اها مرتك التانية مالها؟.
قال لينا مرتي التانية دي احسن منها الاولى.
قلنا ليه كيف؟.
قال لينا تتصوروا مرتي التانية طلعت ما بتحب (محمد وردي).
قلنا ليه بالغت ..دي تستاهل تزوج عليها ..ما بتحب (محمد وردي) ح تعمل
ليك (شاي) كيف؟.
دي لا بتتعاشر ولا حاجة.
المهم نحن هسع عاوزين نضع لينا (خطة) لمباراة الترجي والمريخ ..عشان
(الخرفان) تبقى عارفة البيها والعليها.
وانتوا عارفين ..نحن شفوت.
نحن صعبين.
انتوا عارفين نحن لو مسكنا ليكم في موضوع (الخرفان) دا لو ما طلعتوا
لينا فيه (بيان) اعتذرتوا فيها رسمي للجنة الحكام نحن ما بنسيبكم.
ولا بنجاملكم.
ولا بنرحمكم.
ولا نلعب.
مباراة الترجي ..خروف ..خروفين ..عشرة خرفان ما بتحلكم.
من هسع يا ناس المريخ رتبوا مع ناس الثروة الحيوانية.
كلموهم خلوهم يحجزوا ليكم اكبر كمية من الخرفان.
اقول ليكم وقفوا الصادر من الخرفان.
وكلموهم الخميس المنو مباراة الترجي ..السودان دا كلو ما يضبحوا فيه (خروف).
ولا حمل.
الخرفان كلها عاوزنها لمباراة الترجي.
انتوا اشرحوا الموضوع لي تاجر المواشي ..قولوا ليهم عندنا مباراة صعبة.
مباراة صعبة شديد.
محتاجين فيها لي اي خروف.
شفتوا لو الخرفان الفي البلد قصرت معاكم ..تموها بي (عتان).
اصلو موضوع الترجي دا ما تهملوه.
بعدين عشان تكونوا عارفين …الترجي دا خرفان ما بلدية ما بتنفع معاه.
خرفان ما عندها (قرون) ولا تجيبوها لينا.
اقل خروف يكون عندو دبلوم (مرارة).
كمان الترجي ساهل وإلّا ساهل.
وعشان الموضوع يمشي منساب كويس ..وما يكون فيه اي مشكلة ..انصحكم يا
ناس المريخ …تبدأوا الضبح من الاسبوع القادم.
المباراة صعبة شديد.
وناس بكري المدينة ديل يمكن ينستروا معاكم امام عزام.
يمكن ينستروا معاكم امام كابوسكورب.
هم ديل عليكم الله انستروا معاكم فيها بدون (خرفان).
انتوا عزام ما خليتوا ليه خروف.
عشان كدا ..انصرفوا من الآن نحو (الخرفان).
وصلحوا (الشيّات).
والمرارة ما تهملوها.
وشوفوا ليكم (طباخين) يعملوا ليكم (الضلع).
المباراة صعبة شديد..واي (ضلعة) كدا وإلّا كدا بتاخدوا (خمسة).
ونحن الخمسات دي خليناها.
نسيناها.
الاهلي شندي قام ذكرنا ليها.
والظاهر كدا ..الموضوع دا ماشى عليكم.
عشان كدا اعملوا حسابكم …وزول ما بعرف يضبح كويس ما تجيبوه لينا.
من بدري ثبتوه لينا.
المباراة دي ما بتستحمل لي اي (تجريب).
حكاية عدم التلفزة ..ما بتمرقكم.
تتلفزوا ..ما تتلفزوا الموضوع واحد عند الترجي.
يمين كمان قالوا ليك ناس الترجي ديل وقت يقولوا ليهم المباراة ما
متلفزة ..بقوموا يفروا جنس فورة.
البتثبتهم ..ما بتلقوها.
اما موضوع ضربات الجزاء ..ويا مجدي شمس الدين شوف لينا حكم حنين ..وما
بشوف بعد سبعة ..مع الترجي ما بتقسم.
الموضوع دا ولا بجيب ليه دخل مع الترجي.
ناسكم البضيعوا في ضربات الجزاء بدون سبب ديل.
عشان ما تعبانين فيها.
لو تعابنين فيها ..ما كان بضيعوها بالسهولة دي.
يقولوا ليكم الكلام الف مرة.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس ناس عمر كهربتهم قاطعة ليها اسبوع …تتصور موبايلاتهم بيشحنوها في الجامع.
الحالة صعبة.
لكن انتوا ما عاوزين تصدقوا.
……….
و
شوفوا انتصار الهلال اليوم.
شوفوا الكورة البدون (خرفان).
كورة ..(ربع كيلو لحمة) ما فيها.
نحن بنلعب كورة – كورة.
ما عندنا لعب تاني.
الله يكفي الهلال شر الاصابات.
في مباراة بنخسر لاعب بالاصابة.
ربنا يحفظهم ان شاءالله.
ويرجعهم من هناك منتصرين باذن الله.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بس الكرت البقع تاني ما بتشيلو.
و
السيدة (ل)…نحن (العجور) برضو عندنا من الفواكه ..وقت ما نقدر على
(الموز) بنعصر على (العجور).
وقرّض على كدا.

انقر هنا لقراءة الخبر من مصدره.