الهلال يواجه ضغط المباريات في رواندا    شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة"    شاهد بالفيديو.. حسناء الفن السوداني تقود سيارتها وسط الأمطار بشوارع القاهرة وتعبر عن إعجابها بالأجواء الجميلة: (يا سلام)    شاهد بالفيديو.. مطرب سوداني يطرد أحد المعجبين ويمنعه من الوقوف بجانبه أثناء إحيائه حفل غنائي: (ياخي عليك الله انفك مني)    نزوح واسع في الكرمك بعد هجوم مليشيا الدعم السريع    جبريل يلتقي المبعوث الشخصي للأمين العام للأمم المتحدة إلى السودان    الرجال البلهاء..!!    مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية    كيف تفاعل النجوم مع خبر رحيل صلاح عن ليفربول؟    ضبط 2800 قندول بنقو بالجزيرة في عملية نوعية لمكافحة التهريب    تعطيل الدراسة في الخرطوم    المريخ يكثف درجات إعداده ويتدرب بالصالة    النخبة بالخرطوم.. كيف؟    Africa Intelligence"" تكشف عن تعثّر صفقة تسليح كبيرة للجيش في السودان    زعيم كوريا الشمالية يتعهد بأن بلاده لن تتخلى أبدا عن وضعها كدولة نووية    الولايات المتحدة تحظر أجهزة «الروتر» الجديدة المصنعة فى الخارج لأسباب تتعلق بالأمن القومى    تصعيد مجموعة من الشباب للفريق الأول بالأهلى.. اعرف التفاصيل    تنفيذي حلفا يتفقد عدداً من المؤسسات بوحدة عبري    المملكة تتقدم للمرتبة ال22 عالميًا بتقرير السعادة العالمي    التذبذب العالمي يربك سوق "الذهب" في مصر.. ماذا حدث؟    روضة الحاج: لكنَّني وكعادتي في الحربِ لا أستسلمُ!    هاجر أحمد توجه الشكر لمخرجة ومدير تصوير مسلسل أب ولكن    محمد علاء : حبيت طارق جدا فى توابع وتعبنى أكتر من شهاب فى عين سحرية    الصحة العالمية : إنقاذ 83 مليون مصاب بالسل فى العالم منذ عام 2000    شاهد بالفيديو.. دكتور حمزة عوض الله يعلق على هزيمة الهلال: (كل قرارات حكم المباراة بما فيها ضربة الجزاء صحيحة والهلال أقصى نفسه بنفسه)    الكرمك ومنحدراتها الجبلية مناطق غنية بالذهب ومعدن الكروم والمطامع الدولية والإقليمية    فيديو والمادة"5″..الهلال السوداني يبعث بخطاب ل"كاف"    "تمبور" يكشف عن توجيهات صادرة جديدة    ترامب يصدر أوامره ويكشف تطورات مثيرة مع إيران    طهران ترد على تهديدات ترمب    ابتكار يعيد الحياة لوظائف البنكرياس    دراسة تؤكد تأثير صحة الأب على الحمل والجنين أكثر مما كان يعتقد    هل مخالفة ترامب خلل في الكون؟!    هل تستطيع أمريكا احتلال جزيرة خارك الإيرانية؟    الأمن يداهم مخزن يبيع الوقود المهرب لعصابات التنقيب عن الذهب    تراجع معدّل التضخّم في السودان    بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق    رئيس الأهلي مدني وابنه يتعرضان لحادث مروع    المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة    شركة كهرباء السودان تحديث حول سير أعمال الصيانة الطارئة للشبكة القومية    توقّعات بارتفاع غير مسبوق في أسعار النفط    ضبط 238 كجم من "الآيس" وأسلحة بجانب نحاس بولاية البحر الاحمر    ضبط 238 كجم من "الآيس" وأسلحة بجانب نحاس بولاية البحر الاحمر    الشيخ بن زومة.. إلى جنة الخلد    أغلى علبة كعك في مصر تشعل مواقع التواصل    قيم الهلال المتوارثة يجب أن تبقى أبد الدهر    بنك السودان المركزي يصدر توجيهًا للمصارف    إبراهيم شقلاوي يكتب: الزراعة ما بعد اقتصاد الحرب    في زمن الضجيج.. القرآن بوصلة المعنى والسكينة    د.مزمل أبو القاسم يكتب: دموع الباز.. وزاهر! (2)    السودان.. الدفاع المدني يستعين ب"التوك توك"    طفح جلدي في رقبة الرئيس ترمب يثير تساؤلات حول صحته    ملتقي التحصين للعام 2025 ينعقد بحضور التحالف العالمي للقاحات والشركاء    صوت لا يغيب.. محمد رفعت ورحلة الآذان الخالد في رمضان    أجهزة الأمن السودانية تنهي مغامرات لص الصيدليات في عطبرة    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم    السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الهلال لو دي كورتو اضبحوا ليه (21) خرفان
قوون نشر في قوون يوم 01 - 03 - 2015

عندنا عضو كان في لجنة شعبية من (جلود الاضحية) عمل ليه عمارة من (11) طابق
""""""""""""""""""""""""""""""
وقت (الخرفان) البتضبحوها ممكن تأهلكم لدور ال (32)...الاجهزة الاجنبية والمحترفين على شنو؟
"""""""""""""""""""""""""""""""""""""
ناس صديق علي صالح ومصطفى توفيق بدل (وفد المقدمة) ...تاني بتلقوهم حايمين في سوق البهائم
""""""""""""""""""""""""""""""""""""""
نحن شفوت - ربع كيلو لحمة على تأهل الهلال من جزيرة القرنفل امام كي ام كي ما خسرناه
""""""""""""""""""""""""""""""
• ناس المريخ (خرفانهم) ما راحت ساكت.
• جابت ليها حاجة.
• جماعتكم شبكونا ليك (خرفان) ...الكورنر بقوا يضبحوا ليه.
• غايتو اللجنة الشعبية في العرضة جنوب بتكون غنّت من (جلود) الخرفان.
• طبعا ناس اللجنة الشعبية من يشوفوا ليهم خروف مضبوح بتشبكوا ليك في (جلدو).
• عقدتهم في الدنيا دي (الجلود).
• بتحركوا قبل الضحية ب (4) شهور.
• جماعتنا الفي الحلة بتاعين اللجنة الشعبية كانوا بصلوا ليك قبل (الضباح).
• ومرات كمان بيصلوا ليك قبل (الخروف) ذاتو.
• عندنا عضو كان في لجنة شعبية من (جلود الاضحية) عمل ليه عمارة من (11) طابق.
• هسع صاحبكم دا وقت تجيب ليه سيرة (الجلود)..بقول ليك النسى قديمو تاه.
• بنزل ليك في الواطة.
• يقرب يقدم ليه اغنية هندية.
• وقت تقول ليه (جلد الخروف) زي السمعتو (الحزن النبيل).
• يتبسط ليك جنس ابنساطة في الدنيا دي.
• جضومو يتنفخن من الفرح.
• نحن كيتا في اللجنة الشعبية كنا وقت نجيب لينا (خروف) من صاحبو بنجيبو بدون (جلد).
• بنجيبو خروف (مقشر).
• من غير (كفر).
• نعود الى مباراة المريخ وعزام امس في وصف (تلحيمي) للمباراة.
• خلاص ما تزعلوا.
• المباراة كانت (ملحمة) رسمية.
• انتوا عاد اللحمة فايتكم وين؟.
• مباراة امس كانت كلها (لحم) تقول سماية.
• تقول وليمة.
• عزومة.
• ليكم حق تلعبوا مع (عزام).
• القون الاول سجل عن طريق (المرارة) بكري المدينة.
• والقون التاني جابو ضلف – اقصد (ضفر).
• والقون الثالث سجلوتو (شية الجمر) وانغا.
• على كدا انتوا خسرانين (اجهزة اجنبية) في شنو؟.
• خسرانين (محترفين) ليه؟.
• خسارة محترفين ساكت.
• خسارة عملة صعبة في الفاضي.
• وقت (الخرفان) البتضبحوها ممكن تأهلكم لدور ال (32)...الاجهزة الاجنبية والمحترفين على شنو؟.
• جماعتكم شبكونا (ضبائح) لمن نحن قلنا الجماعة قلبوا الاستاد (مسلخة) وبقوا يوزعوا (لحوم).
• اي مشجع للمريخ طلع ليه بي كيلو لحمة.
• المشجع التعبان شديد طلع بالكرشة.
• قالوا ليك حافز بكري المدينة بعد ما سجل ليه هدف في (عزام) كان عبارة عن (19) كيلو ضان من غير الكلاوي والكبد وابودمام.
• وانغا طبعو كعب حافزو (21) كيلو لحمة.
• وضفر طلع بالجلد والرأس والضلوف.
• المهم (خرفان) المريخ مرقن المريخ وصعدت بيه لدور ال (32).
• يعني ما قصرت.
• جماعتكم ديل تاني لو لاعبين مع (الاحرار) بشوفوا ليهم (حمل).
• التسخينة عاوزين ليها (ديك).
• ناس صديق علي صالح ومصطفى توفيق بدل وفود المقدمة ...تاني بتلقوهم حايمين في سوق البهائم.
• يسعروا في الخرفان – خروف – خروف.
• قالوا ليك شرطا على العضو في القطاع الرياضي ان يكون بعرف يضبح.
• زول ما بضبح ما بدخل دائرة الكورة في المريخ.
• الموضوع كلو موضوع (خرفان).
• على العموم موضوع (الخرفان) في المريخ جاب حقو.
• شوفوا لينا موضوع الهلال.
• لكن يا ناس عزام (جواسيسكم) طلعوا اي كلام.
• ضفر دا ما كلموكم بيه.
• ما قالوا ليكم حاجة عن (وانغا).
• بالله المريخاب شبكونا ليك شكية من (الجواسيس) لمن قلنا تنظيم (داعش) الظهر في المريخ شنو؟.
• اها هسع يا عالم بعد التأهل دا موقف (الاستقالات) كيف؟.
• طبعا عبدالصمد بعد التأهل ح يقول ليك الظروف ما بتسمح.
• وما في طريقة.
• وما بنخلي المريخ في ظروف زي دي.
• خلاص الموضوع فيه (تأهل).
• عبدالصمد باكر بكون رئيس بعثة المريخ الى مدينة شندي.
• اصلو الزول دا جنو (بعثات).
• نقطة ضعفو رئاسة البعثات.
• لو جبتوا ليه بعثة ماشه المسعودية بقول ليك انا رئيس البعثة.
• واصلا ما في حاجة خلت المريخ يتراجع غير رئاسة عبدالصمد لبعثات المريخ.
• كدا هسع موضوع المريخ فكو.
• موضوع الهلال كيف؟.
• الهلال اتأهل باقصر الطرق.
• من غير اي خروف.
• لا خروف ولا جاسوس.
• نحن شفوت - ربع كيلو لحمة على تأهل الهلال من جزيرة القرنفل امام كي ام كي ما خسرناه.
• نحن الاوهام دي ما عندنا.
• نحن كورتنا عديل كدا.
• لا فيها خروف – ولا عدم تلفزة.
• اللف والدوران دا ما عندنا.
• ولا بنفع معانا.
• ولا بنعرفو.
• حاجات زي دي ما بتخارج معانا.
• لكن خلونا نضحك على المريخاب شوية.
• خلونا نجاريهم على طريقتهم.
• الايام دي اسعار (الخرفان) قالوا طارت السماء.
• والسبب جمال الوالي.
• زولكم بيلز كوتة – كوتة من الخرفان على استاد المريخ.
• خرفان وعدم تلفزة كمان.
• خلونا (نخرف) مع الجماعة ديل.
• ناس الهلال شكلهم الذي شاهدناه به في مباراة (كي ام كي)..خلانا نقول ان الهلال محتاج ليه على وجه السرعة (21) خروف.
• الحقيقة حلو.
• واللحمة ما كعبة.
• تسعة خرفان زي خرفان المريخ ما بتمرق الهلال.
• عاوزين (21) خروف.
• الخروف ينطح الخروف.
• نحن هينين..المريخ بي حالتهم دي لو عاوزين يصعدوا لدور ال (16) في بطولة الاندية الافريقية إلّا يضبحوا ليهم (40) خروف.
• (40) خروف اقرنا.
• الخروف ابو (800) جنيه و (750) ما بمرقكم..
• اقل خروف ب (1200) جنيه.
• ويا ريت عشان بطل انغولا دا صعب شوية ..يا ريت تشوفوا ليكم مع الخرفان (عجل) يا ناس المريخ.
• كورتنا بقت (ضبائح) ساكت.
• غايتو قبل جمال الوالي وصلاح ادريس والكاردينال ..كورتنا السودانية دي كانت كلها (عدس).
• الباكات يضربوا ليك في (العدس) ويدخلوا المباراة (رأية الكورنر) من (العراضات) ما قادرين يفرزوها.
• الواحد فيهم عندو طشاش (عدسي).
• والطشاش العدسي بخلي ليك الواحد يمسح (جغرافيتو) كلها.
• عشان كدا باكات زمان ناس (بلة جابر) عندهم مشكلة جغرافية عويصة – كورتهم كلها في (الكشافات).
• وهم حسب (عدسهم) فاكرين (الكشافات) دي (العراضات).
• عشان كدا اقصى مرحلة بتصل ليها الاندية السودانية كانت دور ال (32).
• ابعد من كدا ما بتمشي خطوة.
• هسع الكورة السودانية جابت ليها (لحوم) عشان كدا بقينا نصل مرحلة المجموعة.
• لو عاوزين تصلوا دور الاربعة إلّا تشفوا ليكم (فراخ).
• الكاس شوفوا ليكم (سمك) عديل كدا.
• الموضوع يا جمال الوالي عاوز ليه (سمك).
• والله (الخرفان) ح تخرب طبعكم.
• عليه جدول (خرفان) المريخ على ذلك النحو.
• مباراة المريخ امام الاهلي شندي عاوزة ليها (32) خروف.
• مباراة المريخ امام الامل عطبرة عاوزة ليها (3) خرفان فقط – عشان المباراة في استاد المريخ.
• مباراة المريخ في الاسبوع التاسع امام الخرطوم الوطني عاوزة ليها (33) خروف.
• غير (33) خروف ما بتمرقوا لي من الخرطوم الوطني.
• وهكذا دواليك.
• والله (الخرفان) دي تعبت معانا.
• تاني بنحسبها ليكم بالخرفان.
• ولا بنجامل في الحكاية دي.
• ولا بنكضب.
• ......
• ملحوظة : الخرفان هينة ..لو اتقدمتوا في البطولة بتكونوا محتاجين ليكم (تيران) عديل دا.
هوامش
• الخرفان براها ما بتمرقكم.
• الخرفان ساعدوها بي (جدادات).
• اخر عشرين دقيقة من مباراة الهلال اعصابنا باظت.
• وبقينا ندخل ونطلع.
• ونعاين في الساعة.
• مالكم عاوزين تجهجهونا يا الفاتح النقر؟.
• نحن جهجهة المريخ دي ما بتنفع معانا.
• نحن ما ناس (خرفان).
• مالك عاوزني نركز تاني في الخرفان؟.
• الحمدلله ان الهلال اتأهل.
• غير ان الهلال محتاج الي مراجعات شاملة.
• الكاردينال مفروض يكون قريب.
• مباريات الدوري الممتاز صعبة ..بقت اصعب من مباريات البطولة الافريقية.
• وما عاوزين الهلال تاني يفقد اي نقطة.
• الثقة تأتي من مباريات الممتاز.
• مباراة الهلال القادمة امام الميرغني في كسلا.
• افتحوا ملف المباراة من اجل العودة بالنقاط الثلاثة من كسلا.
• اي تعثر تاني ..او لكلكة كدا او كدا ..ح نرجع للخلف.
• مباراة المريخ امام الاهلي شندي في شندي انسوها.
• ما تشتغلوا بيها.
• ...........
• عاجل : ناس المريخ طلعوا لينا أزام يوناتيد – مانشيستر يوناتيد ..حماعتكم طلعوا (بنبر) الصومالي.

انقر هنا لقراءة الخبر من مصدره.