سودارس : نحن مع المجموعات (اعمدة) جوهرتنا ظهرت

وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين البرهان يلتقي سفير دولة الكويت لدى السودان عبد الله يونس.. الصورة الناطقة..!! الأهلي الأبيض يبدع ويمتع ويكسب الهلال بثلاثية مزمل أبو القاسم يكتب مقال ساخن: (لم نرصد لهذه الحكومة إنجازاً واحداً حتى اللحظة بخلاف جرأتها على المواطنين وتفننها في فرض الجبايات والرسوم عليهم) فرض غرامة على شركة تابعة لأبل لانتهاكها قواعد العقوبات المفروضة على روسيا أول إصابة بشرية بإنفلونزا الطيور H9N2 في أوروبا.. هل نبدأ القلق؟ ترامب يمثل أمام المحكمة العليا اليوم بسبب «الولادة».. بولتيكو تكشف التفاصيل استهداف منزل يضم قيادات تحالف تأسيس بينهم التعايشي في غارة مسيّرة بنيالا بالصور.. القيادي السابق بالدعم السريع "بقال" يسخر: (زول عرد من الخرطوم وامدرمان وجغمته مسيرة في نيالا يقول ليك استشهد في الصفوف الأمامية) مواعيد مباريات الجولة الثانية بمجموعة الهبوط بالدوري منتخب غانا محطة رينارد القادمة بعد الرحيل عن تدريب السعودية الحكومة الإسبانية تدين الهتافات العنصرية ضد منتخب مصر معلومات خطيرة حول هلاك قيادي بحكومة "تأسيس".. تم اغتياله بواسطة مسيرة تتبع للمليشيا بتعليمات من يوسف ضبة والسبب منصب الشباب والرياضة!! عيد ميلاد جومانا مراد.. مسيرة نجاح من دمشق إلى القاهرة ريهام عبد الغفور : جمهور الأقصر دافئ وصادق وخريطة رأس السنة يحمل روحا مختلفة ألم العين.. أسباب شائعة وأعراض تستدعى استشارة الطبيب سيلينا جوميز تكشف رحلتها الصعبة لتشخيص اضطراب ثنائي القطب إزاى تحمى نفسك من نزلات البرد فى الجو الممطر؟ "جهلة وعنصريون".. يامال ينفجر غضبًا بعد الهتافات الإسبانية ضد المسلمين السودان.. وزير يشرع في تكوين قوّة عسكرية ضاربة..ماذا هناك؟ أمجد فريد: اعترافات داعمي مليشيا الدعم السريع فضحتهم وشراكتهم في الجرائم السودان.. زيادة مخيفة للإصابة بالضنك في 7 ولايات كيكل يعلّق على تحرّكات الميليشيا شاهد.. المطربة إيمان الشريف تنشر صورة حزينة لها بعد إتهامها بالإساءة للهرم كمال ترباس والفنانة الكبيرة حنان بلوبلو ارتفاع وارد واسعار الذرة والسمسم بسوق القضارف شاهد بالصورة والفيديو.. حسناء سودانية تقتحم المسرح وتدخل في وصلة رقص مثيرة مع المطرب عثمان بشة خلال حفل بالقاهرة شاهد بالصورة والفيديو.. شبيهة هدى عربي تستعرض جمالها على أنغام ندى القلعة وساخرون: (شن جاب الكيكة للويكة وما استخرتي نهائي) بالصورة.. البرنس هيثم مصطفى وزيراً للرياضة في السودان والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي اكتمال عقد الجهاز الفني للكمال قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. ارتفاع جديد في أسعار الوقود بالخرطوم شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

نحن مع المجموعات (اعمدة) جوهرتنا ظهرت

كورة سودانية نشر في كورة سودانية يوم 05 - 05 - 2015

دق الدلجة
محمد عبد الماجد
نحن مع المجموعات (اعمدة) جوهرتنا ظهرت
في (6) مباريات في البطولة الافريقية استقبلت شباك الهلال (هدفين).
فد هدفين.
برة وجوة ..لم يسجل في الهلال غير (هدفين).
ولو ما (الانتخابات) شغلت الناس الهدفين ذاتو ما كانن بيدخلن.
يا زول الانتخابات دخلها شنو؟.
ما تعملوا ليكم (شماعات) خارجية.
نحن بنسمع ب (سماعات) خارجية ..لكن (شماعات) خارجية دي جديدة.
يعني بقت على النقاط الثلاثة ..الشين والسين واحد.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (الكهربة) قطعت.
قالوا السودان كلو (قاطع)!!.
قاطع شنو؟.
قاطع (كهربة) وإلا حاجات تانية؟.
هدف واحد في (6) مباريات.
دي البحلم بيها منو في الاندية المشاركة معانا؟.
ما حصلت.
مكسيم دا لو حارسها ب (دبابة) ما بحقق الانجاز دا.
ما شاءالله وتبارك الله.
خارج الديار خسر الهلال مرة واحدة وتعادل وانتصر بعيدا عن قواعده…مع
ثلاثة انتصارات داخل الديار (ضربة جزاء واحدة ما فيها).
هذا تقدم ملحوظ في جانب (النتائج) رغم ان المستوى (الفني) لم يصل بعد
الى المستوى المنشود.
حقيقة برضو.
كلام واضح.
وصريح.
نحن الى الآن بنقول الهلال غير مقنع ..عاوز شغل ..وعاوزين لاعبين يحدثوا الفرق.
محترف يتلتل.
يهز ليك المدرجات دي بي كورة واحدة.
الناس تقوم وتقعد معاه.
وتعمل ليك الف مشكلة مع الزول الواقف قدامك – وبقوم مع (الهجمة).
اقعد يا زول.
عليكم الله مع ناس (كيبي) العبارة دي ما اختفت.
مع ناس سادومبا وقودوين وحتى كلاتشي ..كان بتسمع العبارة دي في المباراة الف مرة.
الاستاد كلو بيقيف.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس (المجموعات) بي طريقتكم دي يا ناس ضفر ساعة ونص ما بتقعدوا فيها.
كمان المجموعات لعب؟.
ما معقول الهلال فيه (10) اجانب ..فعاليتهم فقط في (مكسيم) واتير توماس.
كيبي بقى يكتر (الوقوع).
الكلام دا في الخريف ما بنفع معانا.
الحركات دي هي ذاتها الطفشت مننا تراوري.
شنو اي كورة مشتركة (كيبي) يقوم يقع فيها؟.
وطبيب الفريق يدخل.
والنقالة تدخل.
والمباراة تتوقف خمس او ثلاث دقائق.
والجمهور يكتل الكورة.
ومساوي يمشي اللاين يشرب ليه موية.
الشغل دا نحن ما بخارج معانا.
بي كل وضوح.
الشغل دا يا كيبي ادفنو قبلو ..في المجموعات لا بخارج ولا حاجة.
ولا بقسم.
نحن ما عندنا مهاجم (بسكويتي) بالصورة دي.
تقول مشارك في مسلسل تركي.
شنو (الرومانسية) العالية دي؟.
يا زول ألعب كورتك.
تمثيل ناس ايمن سعيد وبكري المدينة لو قلنا ليك بنفع معانا في الهلال بنكضب عليك.
لو الحكم احتسب لينا ضربة جزاء فيها تمثيل او غش ..نحن ذاتو ما عاوزنها.
ألعب كورتك بس يا كابتن.
وما تتضيع لينا جهدك كلو في التمثيل.
النقالة وقت تدخل الملعب في المباراة اكثر من مرة للاعب واحد ..طوالي
نحن بنكون رأي ضد اللاعب.
والمباراة بتموت.
والناس بتطلع من جو المباراة ذاتها.
لو (رصصوك) ما تقع لينا.
شنو كل مرة بتمسك لينا في (الركبة) وتقوم تقع؟.
يضربوه في كتفو ..يمسك ليك (الركبة).
الشغل دا ما بنفع معانا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الليلة ان شاءالله نقع مع مازمبي واتحاد الجزائر وسموحة.
سيدي بيه ..ما معقول نشوفو في الموسم اربع مرات.
دكتور انت يا كابتن؟.
انت قايل نفسك كمال شداد؟.
محاضر في جامعة الخرطوم؟.
يظهر لينا مباراة ويغيب عشرة.
الكلام دا برضو ما بنفع.
ولا بخارج.
نحن محترف بيقع ويتصاب ما بنفع معانا.
محترف بتدخل ليه (النقالة) ما عازونو.
محترف بلعب مباراة ويغيب خمسة ..لو بنقطها ..ما بخارج في الهلال.
انس النور دا لعب 7 مواسم او 8 مواسم ..ما شفنا لينا نقالة دخلت ليه في الملعب.
والي الدين ..كان بضربوه وبلعب والمسامير في كراعو لا بقع ولا بيشكي.
من ثباتهم الحكم ذاتو ما كان بحسب المخالفة.
احسن الامور تبقى واضحة.
عشان ما نقعد (نغشغش) الناس ساكت.
كان للوقيع والحنكشة وتمليس الكورة يا كيبي كان خلينا (تراوري).
الهلال عاوز ليه مهاجم (قاطع).
انت مالك الليلة شابك في (قاطع) دي.
قاطع شنو؟.
يمكن قاطع شعر؟.
انا قلت حاجة.
براكم بتفسيروا حاجات انا ما قاصدها.
عاوزين لينا محترف رابط.
ما بقع.
مهاجم كورتو قون.
لا بتمشي الكشافات.
ولا بتدخل ليه نقالة.
ما تجيبوا لينا مهاجم ..وتقولوا لينا اصبروا عليه.
نحن لو عاوزين نصبر على محترف – احسن نصبر على (الصيني).
نصبر على (بشه الصغير) ممكن.
نحن صبرنا على ازمة المواصلات.
وعلى الغاز.
وعلى الكهربة القاطعة.
كمان عاوزننا نجيب لينا محترف ندفع فيه الشيء الفلاني ونصبر عليه.
نحن ناقصين (صبر).
كفانا (صبر) عليكم الله.
فترنا من حكاية (الصبر) دا.
عاوزين نشوف الكورة في (الكيس).
الناس ديل كفاهم.
عاوزين يفرحوا…وينبسطوا في الدينا دي.
لكن تاني نصبر لينا على (محترف) عمرو فوق التلاتين واتسجل بي الالف
الدولارات وعندو شقة وعربية ومرتب بالدولار.
البصبرنا على الكلام دا شنو؟.
الجابرنا شنو؟.
اوعكم …تجيبوا لينا (مهاجم) عاوز ليه (صبر).
الزمن دا الزول (ولدو) بقى ما بصبر عليه.
وما تجيبوا لينا (مهاجم) تقولوا لينا لمساته الفنية كويسة.
وعاوز زمن.
ولو انصهر مع الجماعة ببقى خطير.
نحن جايبنو (لاعب كورة) وإلّا جايبنو (مخرج).
لمسات فنية بتاعة شنو؟.
الكلام دا ما بنفع.
الهلال الآن في المجموعات ..يجب تصفية الكم الكبير من المحترفين في الهلال.
عشرة ليه؟.
انتوا عاوزين تشغلوهم في (الجوهرة الزرقاء).
اربعة محترفين على مستوى عالي يحدثوا الفارق ..احسن من هذا الكم؟.
ما تقولوا لينا لجنة فنية.
واجتماع اللجنة.
والسفر للامارات.
واختبارات فنية.
والفحصوات اكدت سلامته.
الفحصوات بدون امكانيات فنية ..نعمل بيها شنو؟.
عليكم الله هسع (بوتاكو) دا محترف.
خسارة تذاكر طيران ساكت.
محترف يقعدو (فداسي) العائد من اصابة – دي محترف؟.
لو فتح ليه استديو احسن ليه؟.
برتاح.
ونحن بنرتاح.
خلوا الامور تبقى واضحة.
التركيز في اللاعب الوطني امر مهم للغاية.
لا بد من اضافة عناصر وطنية في التسجيلات القادمة.
مع اضافة ثلاثة محترفين حسب حاجة الكوكي يكونوا على مستوى عالي.
لو ما عاوزين تجيبوا محترفين على مستوى ..خلوا ناس بوتاكو وكيبي ديل.
رجعوا لينا (سادومبا).
بكاء سادومبا ودموعو افضل لينا من اقوان كيبي.
جيبوا محترفيين يحدثوا الفارق ..يا كمان خلوا لينا (كيبي) بي (الوقيع)
البعمل فيه دا…لو ما عاوزين تجيبوا محترف على مستوى.
ما تجيبوا لينا محترف لمن نكتشف مستواه ونقدر نقيمه ..الموسم يكون انتهى.
لو انتوا بتصبروا (المجموعات) ما بتصبر.
قد تواجه الهلال مشكلة في التسجيلات القادمة باعتبار ان فترة التسجيلات
في السودان قد تكون متقدمة على فترة التسجيلات في الدول التى يريد الهلال
التسجيل منها.
لكن يمكن معالجة هذا الامر بالدفع.
بي الدولار.
وقد تكون هنالك عقبة اكبر ..باعتبار ان اي مهاجم او محترف متميز ينوي
الهلال تسجيله سوف يكون مقيد في كشوفات فريقه افريقيا مما يحرم الهلال من
الانتفاع به في البطولة الافريقية.
وهذا يفرض على مجلس الهلال الاتجاه الى محترفين لم تشارك انديتهم في
البطولة الافريقية ..وهذا امر يجعل خيار الهلال محدود.
خاصة ان فترة التسجيلات نفسها قصيرة.
لكن علاقات الكاردينال والخبرة التى اكتسبها في التسجيلات الماضية سوف
تمكنه من تجاوز هذه العقبة.
الخليج فيه الكثير من المواهب الافريقية الجيدة.
الى جانب الافارقة في الدول الاوروبية ..او البرازيلين في البرازيل.
يمكن ايجاد مخارج ..ينفذ بها الهلال نحو اللاعب الجيد الذي يحق له
المشاركة مع الهلال افريقيا.
يجب ان يركز الهلال على تسجيلات تكفل له البطولة الافريقية.
الحمام المشارك في المجموعات باضافات قليلة في كشف الهلال مؤثرة
ومعتبرة سوف تجعل الهلال قريبا من اللقب.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بس الكهربة دي قاطعة مالها؟.
الجميل ان الهلال مع وصوله ظافرا للمجموعات بعد ان انتصر ذاهابا
وايابا..ظهرت في الجوهرة الزرقاء (الاعمدة الخرسانية).
خلاص الموضوع من يصل مرحلة الاعمدة الخرسانية ..(مرايلو) بتوضح.
شغالين هنا وهناك.
مجموعات واعمدة خرسانية.
ولو اكتملت الافراح بالتسجيلات ..الكاردينال يكون ما خلى ليه حاجة.
شغل صاح.
جماعتنا ديل بدون (اعمدة خرسانية) فرحانين بالمجموعات.
الشيء لمن تكون جديدة بتفرح.
وبتخلع كمان.
قالوا ليك ضفر الى الان بشرب في الموية الباردة وبمسكل لي صديق علي صالح.
………………..
و
تبقى مباراة مريخ الفاشر ..عقبة اساسية في طريق الهلال نحو اللقب.
الانتصار على مريخ الفاشر يعني ان الهلال منذ الان قطع ثلاث ارباع
المشور نحو اللقب.
اي تعثر في الممتاز مرفوض.
خلوا افراحكم متواصلة.
وما تقيفوا تاني.
……….
السيدة (ل) نحن كان بنصبر كان صبرنا على (مشروع الجزيرة).
وقرّض على كدا.

انقر هنا لقراءة الخبر من مصدره.