بابكر سلك في السلك تمسااااااح في المطار *انقطعنا ايام *للشديد القوي *انتقلت خالتنا المحبه الحبوبه الحاجه الاميره الجميله حفصه كنتباي *ابنة الامير كنتباي ابو قرجه *وحفيدة الشيخ بابكر بدري *مره قبيله *وخشم باب *كانت لامانا *وكانت لنا الصره *يلتقي الجميع في قلبها الكبير الذي وسع كل خلق الله *شجره كبيره وظليله *كانت تجمع تحت ظلالها كل القبيله *رحلت وبقيت سيرتها العطره و اعمالها الجليله *نسأل الله لها الرحمه بقدر ما كانت رحيمه وحليمه ورؤوفه ورؤومه *ان القلب يحزن *والعين تدمع *والحشا يئن حرقه *لنا الصبر *لن نقول الا مايرضي الله *انا لله وانا اليه راجعون *المهم *عبد العظيم جباره *اسم لا تخطئه اذن مريخيه *اي اضان حمراء تعرف نغمة عبدالعظيم جباره *انه مشجع المريخ الكبير تمساح *تمساح اول من لبس الجلابيه المريخيه *الجلابيه الحمراء ام نجمه تتوسط الصدر *اقعده المرض سنينا *ولكنه امتثل لاوامر القياده العامه *وعاد للمدرجات برفقة العقيد اب شاكوش *ووكيل عريف حافظ *عاد للمدرجات واجري برفة التشجيع للمجموعات *اقول ليكم شامي ريحة مطار *وعودة تمساح هي العوده للمطار *تمساح المطار كان بالمطار يوم دبي *تمساح المطار كان بالمطار يوم الشارقه *تمساح المطار كان بالمطار يوم مانديلا *وبالطبع كان يوم سيكافا الاولي *عودة تمساح فال العوده للمطار *ايها الناس *تمساح مشجع قومي ومحترف *لن ننسي علم السودان الذي كان يرتديه جلابيه سودانيه *والمثلث في القلب *تمساح مشجع خلاق ومؤثر *لذا احترف التشجيع بالشارقه الاماراتي *اول مشجع سوداني يحترف التشجيع خارج السودان *دائما المريخ اول *مرحب تمساح *ونتقابل في المدرجات ومنها للمطار *المهم *مايحدث بالاشبال والرديف *شئ يحير *الموسم الماضي الاشبال البطل *والرديف البطل *بعد موسم واحد تبدل الحال *الوقت ليس للتباكي علي مامضي *الوقت ليس للعتاب علي التقصير *الرجل المناسب في المكان المناسب *وحب المريخ يعني افساح المجال عند الفشل *فالخير يعم والشر ايضا يعم *والاصلاح وارد *اذا توافرت الشفافيه *المهم *في مباراتنا التجريبيه *بكرينا جاب قون *وضفر جاب قون *القصه بقت كلها *بكري ضفر قون *ضفر بكري قون *يا ارض احفظي ما عليك *ضمنوا ضفر في شكوي لوزان يا عمده *موش زمان برضو اداكم كلمه وزاغ ؟؟؟ *وديدي ما تنسوهوا *الزول ده لو ماوقفتوهوا بي شكوي *المطار في القزاز *وفي لوزان ما تنسوا *قولوا ليهم عقد بكري كان في البيت *بيت كردنه *عشان لوزان ماتعرف تفرق بين عقد بكري معاكم وعقد بكري بتاع العرس *عقد في البيت ؟؟؟؟؟ *حيرتونا *ايها الناس *امس حلمان الارباب جا *والناس غنت رجع البلد *واليللللللللا يا حسن محجوب *المهم *برازيلي الوسط قال ليك عندو اصابه من نوع فريد *امسك *الماسورة بدت تنقط *نوع فريد ده خلي بالك بكون قاوت *للسن احكامها برضو *كلمناك يا صديقي عماد الطيب *قلنا ليك افرز المغلق من الهلال *ماتجيب البضائع كلها مواسير *تقسمها بين المغلق والهلال *اسي الماسورة البرازيليه بدت تنقط *ايها الناس *لجنة الاستئنافات الا تطير *الموضوع دخل نفق مظلم جدا *وكلو اول ليهو آخر *نحن علي استعداد تام لنضحي بريحة المطار التي نشمها *وبكل الموسم الرياضي *مقابل اصلاح الحال وابعاد من يميل الحال *قرارنا واضح *الثورة مستمره والسادن يطلع بره *ايها الناس *فتحت المدارس *المراوح واقفه *المويه قاطعه *الكتب في السوق في *في المدارس مافي *السخانه الف *والفصول السمحه زنكي *وصدقوني *لو اولادنا ماتوا بالحر والعطش *ما مشكلة *درجة الحراره بتدخل الجامعه وطب كمان *المهم *مزمل قال لي *سفيرنا في تونس ماشاف يوم سعيد الا لما المريخ لعب ضد الترجي *قلت ليهو يا ميزو *كان حايشوف التعاسه كيف لو حضر كورة للجماعه ضد الترجي *وكان اتجبر ينزل بين الشوطين *يمارس مهامه الدبلوماسيه *كما مارسها احد اسلافه *ليوقف الاهداف في ستة الشوط الاول *لكن المريخ ريحو *وضفر قال ليهو اقعد مرتاح سعادتك *وده كلو من بكري المدينه *بكرينا *الزول ده اشكوهوا لي الله *لو زان شويه *ايها الناس *ان تنصروا الله ينصركم *اها *نجي لي شمارات والي الخرتوم *والينا (القديم ) *بعد التعيينات الجديده لينا *نواصل في الشمارات عادي يا والينا *ولا بختوها لينا ؟؟؟ *افتينا *لو شمارات الوالي دي بتختها لينا *نخليها و نكتب شمارات وزير الزراعه وغفير الجنينه *ونسد دي بي طينه ودي بي عجينه ونغمض عينا سلك كهربا ننساك كيف وسادين دي بي طينه ودي بي عجينه وفي الخشم دلقان سلس وفي البطن فلينه والي لقاء سلك
