في تغريدة على منصة اكس البرهان: شكراً مصر شكراً فخامة الرئيس عبدالفتاح السيسي    فيفا يحسم مصير المركز الثالث في كأس العرب بعد إلغاء مواجهة السعودية والإمارات    لجنة أمن ولاية الخرطوم تعكف على تسليم المواطنين ممتلكاتهم المنهوبة المضبوطة باقسام الشرطة    السودان..وفاة قائد السلاح الطبي السابق    شاهد بالصورة والفيديو.. فتاة سودانية تسخر من "ميسرة": (البنات بحبوا الراجل السواق حتى لو ما عندو قروش وشكلك انت ما سواق عشان كدة كبرتها منك)    شاهد بالصورة والفيديو.. فتاة سودانية تسخر من "ميسرة": (البنات بحبوا الراجل السواق حتى لو ما عندو قروش وشكلك انت ما سواق عشان كدة كبرتها منك)    إسحق أحمد فضل الله يكتب: .....(الشوط الجديد)    شاهد بالفيديو.. أطفال سودانيون يصطادون "صقر الجديان" الضخم والجمهور يرفض: (رمز الدولة لا يحبس ولا يوضع في قفص)    استشهاد فردين من الدفاع المدني في قصف مسيّرات مليشيا الدعم السريع على محطة كهرباء المقرن بعطبرة    شاهد بالصور.. عبد الرحيم دقلو يعرض نفسه لسخرية الجمهور بظهور مثير للشفقة ومعلقون: (يا حليل أيام القصور والصبغة وإن شاء الله تكون عرفت الخرطوم حقت أبو منو؟)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    بمشاركة 6 عرب.. الأندية الإنجليزية تدفع ثمن كأس الأمم الإفريقية    "فيفا" يطلق تذاكر ب60 دولارا لكل مباراة في "مونديال 2026"    مسيرات مليشيا الدعم السريع تستهدف محولات محطة المقرن التحويلية بعطبره    تعادل مثير بأجمل مباريات الدوري الانجليزي    استمرار اللجان.. وهزيمة "هلال الجان"..!!    مدرب رديف المريخ يثمن جهود الإدارة..محسن سيد: لدينا مواهب مميزة وواعدة في الرديف    وزير سوداني سابق يعلن عودته للمشهد بخطاب من رئيس الوزراء    عزمي عبد الرازق يكتب: عودة لنظام (ACD).. محاولة اختراق السودان مستمرة!    مسيرات انتحارية تستهدف عطبرة    البرهان عدم حرمان أي سوداني من استخراج الأوراق الثبوتية حتى وإن كان لديه بلاغات جنائية فهذه حقوق مشروعة    انخفاض أسعار السلع الغذائية بسوق أبو حمامة للبيع المخفض    مكتول هواك يترجّل    توجيه بصرف اجور العاملين قبل 29 ديسمبر الجاري    "ونسة وشمار".. زوجة مسؤول بالدولة تتفوه بعبارات غاضبة وتعبر عن كراهيتها للإعلامية داليا الياس بعد إرسال الأخيرة رسالة "واتساب" لزوجها    هل استحق الأردن والمغرب التأهل لنهائي كأس العرب؟    تونس.. سعيد يصدر عفوا رئاسيا عن 2014 سجينا    هل يمكن أن يؤدي الحرمان من النوم إلى الوفاة؟    بنك السودان يتأهب لإطلاق المقاصة الإلكترونية    الأردن يفوز على السعودية برأس رشدان ويتأهل لنهائي كأس العرب    والي الخرطوم يوجه بالالتزام بأسعار الغاز حسب التخفيض الجديد    ضبط أخطر تجار الحشيش وبحوزته كمية كبيرة من البنقو    البرهان يصل الرياض    النوم أقل من 7 ساعات ثاني أكبر قاتل بعد التدخين    بعد غياب طويل.. أول ظهور للفنانة المصرية عبلة كامل بعد قرار السيسي    ترامب يعلن: الجيش الأمريكي سيبدأ بشن غارات على الأراضي الفنزويلية    كارثة إنسانية قبالة اليونان وغالبية الضحايا من مصر والسودان    ترامب يلغي وضع الحماية المؤقتة للإثيوبيين    الإعلامية والشاعرة داليا الياس ترد على إتهام الجمهور لها بالتسبب في فصل المذيع الراحل محمد محمود حسكا من قناة النيل الأزرق    قوات الجمارك بكسلا تحبط تهريب (10) آلاف حبة كبتاجون    وفاة إعلامي سوداني    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    تصريحات ترامب المسيئة للصومال تثير غضبا واسعا في مقديشو    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    إدارة التعدين بولاية كسلا تضبط (588) جرام و (8) حبات ذهب معدة للبيع خارج القنوات الرسمية    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    إحباط تهريب كميات كبيرة من المخدرات والمواد الخطرة بنهر النيل    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    وصول 260 ألف جوال من الأسمدة لزراعة محاصيل العروة الشتوية بالجزيرة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الا تشكوهوا في السجود
كورة سودانية نشر في كورة سودانية يوم 28 - 06 - 2015


في السلك
بابكر سلك
الا تشكوهوا في السجود
*لوزان ما بتجيب حقها مع بو عقرب ده
*ولا الامم المتحده تستطيع ان توقف زحفه نحو المجد
*ولا الفكي ولا الدجل ولا الشعوذه بقدروا يوقفوا بكري
*ولا الحملات الاعلاميه المضاده
*شئ كده قدر يوقف بكرينا مافي
*الشكيه يا فطومه لغير الله مذله
*اشكوهوا في السجود
*اعركوا نخرينكم دي في واطات الله دي
*وابكوا
*ابكوا لما تتنهفوا
*جعروا في سجودكم
*ربنا عالم بحالكم
*ماتقولوا شئ
*ابكوا بس
*الخوف لما ترفعوا من السجود
*تلقوا بكري في المطار
*تعبكم تعب شديد الزول ده
*والزول ده الزول ده الزول ده انا بريدو
*ايها الناس
*بكري هو الهداف الافريقي
*له اربعه اهداف بالتمام والكمال
*واحد في عزام والتاني في كابو في انجولا
*والتالت والرابع في العلمه
*هدف المريخ الاول في العلمه ليس بنيران صديقه
*بكون الهدف بنيران صديقه في حالة ان المدافع غير اتجاه الكره الي اتجاه المرمي
*لكن موزة بكري كانت في اتجاهها للمرمي
*يعني ماعرضيه
*وما ارضيه
*وما جويه
*بين بين
*زي الركوع في الصلاه
*والمدافع قلشها ولم يغير اتجاهها
*يبقي الهدف يسجل لبكري
*وحصلت قبل كده كتير
*يشوتها نزار تصرج تمشي علي الكورنر
*تضرب في ضهر زول وتدخل
*يفلقونا ليك تاني يوم في الصحف
*نزار يحرز احلي الاهداف
*بكري له اربعه اهداف افريقيه
*رضيتوا ام ابيتوا
*وضفر تلاته
*والقادم احلي
*بس بكري بمتاز علي كل اهداف النسخه الافريقيه الحاليه
*بانو غير الاربعه اهداف
*لعب باص القون لي ضفر في تونس
*وقبله لعب باص القون لي كوفي ضد كابو
*ومعاهو ارتكبت ضربة جزاء في كورة كابو الهنا
*وضربة الجزاء في كورة الترجي الشهيره
*يعني بكري جاب اربعه اهداف ولعب باصات قونين
*وارتكبت معاهو بلنتيين
*عقربنا يا عمك
*اسجدوا ساي
*وابكوا
*ابكوا يمكن تنفشوا
*ايها الناس
*امس اختلفت النغمه
*الاهله كانوا مشغلين نغمة اساسا مادايرين بكري
*امسس غيروها لي نغمه تانيه
*قال ايه
*بكري خاين اتفقنا معاهو وزاغ
*نعمل ليهو شنو يعني
*قلت ليكم اسجدوا وابكوا
*وزي ماقال الرائع قسم خالد
*اروع مافي السجود انك تهمس ويسمعك من في السماء
*سبحان الله السميع البصير
*تهمس وانت ساجد علي الارض ويسمعك من في السماء
*اسجدوا
*اسجدوا بس
*المهم
*ابو الهل يعيش اسوأ ايامه
*مشاكل زي المشاكل
*مقصورة الهلال الشقيق زي اليمن الشقيق
*قبيلات وشلليات واحزاب وعقائديون جدد
*ولكن الاعلام الهلالي
*والرسمي كمان
*يخفي تلك المشكلات
*وماحدث يوم كورة اهلي شندي بالمقصوره
*وفي المدرجات
*وفي الشارع الهلالي
*دليل علي ان (علي صالح) بمرق في عمان قريب ده
*بالذات وزعيم عاصفة الحزم يعد مفاجأه
*وقرر ضرب اليمن جوا بالصاروخ الكبير موديل (اس مشاهد تشالنجر ) بعد التعديل
*حولينا وماعلينا يا رب
*اسجدوا ساااااي
*ايها الناس
*قدم المريخ مباراة رائعه امام العلمه الجزائري
*ولكن المعلمين علموا العلمه علما نافعا
*تمنيه وخمسين باص بدون ما يشوفوها ناس العلمه
*ماشموها
*قلت ليكم شامي لي ريحة مطار ما صدقتوا
*وحانقابل وفاق سطيف
*وسنسمع بعد المباراه
*ده ماوفاق سطيف البنعرفوا
*لانو وفاق سطيف البعرفوهوا بزوغوا منو
*اقعدوا كده يا روشا
*اي زول نغلبوا قولوا دهما البنعرفوا
*لما تلقونا في المطار البنعرفوا
*والانتوا ما بتعرفوا طبعا
*بتعرفوهوا من وين ؟؟؟
*مشيتوهوا متين بس ؟؟ظ
*ولا في الاحلام
*لانو قالوا في هلالابي حلم ركب في راس البص شايل علمو وماشي المطار
*واثناء الحلمه ديك حلم وقع من البص
*لما صحي لقي روحو واقع من السرير
*حلم ما بتقدروا تحلموا بالمطار
*المهم
*يدخل ابو الهل اليوم معركة السلخانه في ظروف سيئه
*وناس روشا ببحثوا عن شرع يفطرهم
*واجتهد روشا في وضع تشكيل في حالة عدم وجود نص شرعي يبيح الفطر
*جاب تشكيله من مكسيم كوناتيه اتير سيسيه نيلسون اندر زينهو كيبي وجوليام
*وقال يتموهم بي تلاته صايمين
*ولما يقطعوا يغيروا الصايمين بي صايمين تاني
*لكن يا روشا في حته فاتت عليك
*دخل مساوي وكاريكا في التشكيله
*تحت بند علي الذين يطيقونه
*ديل طبعا ما عليهم صيام
*يطيقونه شديد
*للعمر احكام وللسن رخصه
*ووليد واطهر صغار
*برضك ماعليهم صيام
*وفيصل موسي مع الذين يطيقونه
*يبقي عندك خمسه وطنيين وما صايمين
*لكن سيرة الخمسه مع مازيمبي حاااااره
*لكن لو داير نصيحتي
*ناس مازيمبي ديل في بلدك وجوه استادك وتيمككلو فاطر بالليل
*ادوك خمسه
*يبقي امسكوا في الله والكورة التطيv
*روشا
*الليله الزول لو شرب الساعه خمسه ونص
*سهوا وقهرا
*يتم يوموا وعليهو كفاره
*ولا يواصل وعليهو القضاء والكفاره
*ولا يقش خشمو ويعمل نايم ؟؟؟؟
*الحكاية دي ممكن تحصل الليله
*افتينا يا اخينا
*فطومه
*فطومه اختي
*ماتستغربي لو الليله جارتك قالت ليك
*ياعلويه في السخانه ليه متغطيه بالبطانيه
*براحه زحي البطانيه
*الله يجازي ناس مازيمبي
*الله يجازيهم الفاطرين الما بخافوا الله
*الناس ديل ما بخافوا الله
*والمثل قال
*المابخاف الله خاف منو
*المابخاف الله بخوف
*ايها الناس
*صدرت صحيفة الموسم الرياضيه
*نأمل ان تكون اضافه جيده للصحافه الرياضيه ونثق في ذلك
*وان تكون موسما للزراعه والحصاد
*والتهنئه للقبطان الطيب مصطفي والاستاذ كمال حامد والصديق قسم خالد ومعاويه الجاك الحبيب والرائع شجرابي وفاكهة الصحافه الاستاذه هنادي الصديق الصديقه الصدوقه صادقة الوعد وكل الاقلام الرائعه التي تسطرها ولن انسي صديقي محمد عبدالماجد
*ايها الناس
*شامي لي ريحة مطار
*ايها الناس
*اقول ليكم
*اكتلوهوا
*ايها الناس
*اسجدوا وابكوا
*تبكوا بس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*شلت مدير المويه والمويه ابت تجينا
*كدي شيل الملاريا يا والينا
*يمكن تجافينا
*وكان شفت يا والينا
*ناس الكهربا لا شغالين بيك ولا شغالين بينا
*قربوا يقولوا ليك تعال شغلها انت يا والينا
*لكن صحي يا والينا
*قصة نجيب الاسبير والمعدات من جنوب افريقيا خلينا
*وده السبب الخلي الكهربا تجافينا ؟؟؟؟
*ما متاكيدن لكن سمعنا يا والينا
*عليك الله اتأكد لينا
سلك كهربا
ننساك كيف وبكري الفقري يجري ويهري
والي لقاء
سلك

انقر هنا لقراءة الخبر من مصدره.