في السلك بابكر سلك جدادة الخلا يا كافي البلا *اضحك مع الاهله *اضحك لمن اتفنقل *بقارنوا نقطه من سطيف بي نقطة من المغربي التايواني *ناس التطواني زاتهم خجلوا من المقارنه الساذجه *اقول ليك سطيف بطل افريقيا *تقول لي تطواني *سطيف بحر الدميره *البخلي الناس تقيف في القيف *تزوغ عدييييل كده وتقول الروب *تقول تطواني *والغريبه محمد عبدالماجد اشتغل بي نظرية جدادة الخلا *قال اسي نقطتكم دي بتدخلكم المطار !!!! *مالك ومال المطار يا حماده *المطار بتعرفوهوا من وين ؟؟؟ *عرفت من متين ؟؟؟؟؟ *المطار بتعرفوا ليهو شنو !!!! *انتوا مع امجاد جمب جاد بره المطار يا محمد *المطار ده بتاعنا *وطالما بقيتوا تغالطونا في المطار *ممكن يوم تجونا وتغالطونا *وتحلفوا بالتقطعكم *انكم انتوا الجبتوا مانديلا *بتعملوها طالما بديتوا تسرقوا لقب الشفوت *وطالما سرقتوا هتاف بالطول بالعرض *وطالما بقدرة قادر لقب سيد البد اتشال من قصيده تمجد الزعيم *وطالما وطالما وطالما *لكن لن تستطيعوا تغيير التاريخ *طالما التاريخ يوثق *طالما نحن بالمرصاد *قصة المطار دي ما تتكلموا فيها *ده شعرا ماعندكم ليهو رقبه يا محمد عبدالماجد *ده شعرا لو ركبتوهوا باروكه *بكسر رقابكم كششششششششش *ده مطار محل الطياره بتطير ما لعب زناطير *هييييييييي وهيييييييييي وتاني هييييييييييييييي *مطار شنو البتتكلموا فيهو انتوا !!! *والله ياهو الفضل *ايها الناس *هو لو ماحظ العمايا *زول يجيب قون *مايقدر يجري يحتفل بالقون ؟؟؟ *زي اعمامك في الضمنه *الزول يضمن *يقعد يصفق في كرسيهو ويضحك *الضحكه زاتها صورة سااااي *مابقدر يطلع صوت *عمك اندرزينهو ضمن *وقعد في كرسيهو *ايها الناس *بمكن للحظ ان يخدمك *يمكن للقرعه ان تخدمك صدفة او قصد *يمكن لحاجات تانيه ان تقدم خدماتها ليك *يمكن اخطاء التحكيم المقصوده والغير مقصوده تخدمك *لكن تلك الخدمات ستتوقف في مرحلة معينه *وتعود لقصة العصير والراس اللافي *محطة الخمسات *محطه بص في الكنغو *وقررررررربت *ايها الناس *لقب الشفوت حقكم *ماتفرطوا فيهو *ولو سمعتوا زول اطلقوا علي روحو *كوركوا فيهو *ياهو ياهو ياهو *ايها الناس *قالوا الشغيل يادوبك اخد الكرت التاني *معقوله الشغيل يلعب في المجموعات بس تلاته مباريات *ياخد كرتين بس ؟؟؟؟؟ *بهذه المناسبه *نهنئ لجنة الحكام بالكاف *علي حسن اختيارها لحكام جيدين لمباريات الهلال *بالذات الخارجيه *خطوه جيده في الاختيار *والنتائج واضحه *الشغيل منذر مرتين بس *ومساوي غير ذلك *واتير كذلك *وسيسيه الذي يحتج علي جميع قرارات الحكام برضو ليس كذلك *ولكن نسال ناس لجنة الحكام بالكاف *متين حايحسنوا اختيار حكام مباريات المريخ ؟؟؟؟؟ *معقوله بينيت الجنوب افريقي *بعد عمايلو في مباراتنا ضد الترجي *يختاروهوا لينا تاني ضد الوفاق ؟؟؟؟ *وللذين يقولون بان بينيت كان جيدا يوم الوفاق نقول *الفاول المعا اوكرا في آخر الكورة خارج خط طمنطاشر *والذي صرفه بينيت *هل اصاب بينيت في صرفه ام اخطأ ؟؟؟ *مادايرين نقول ظلم *اصاب ام اخطأ ؟؟؟؟ *ايها الناس *نفكر في يوم لدعم الزعيم قبل مباراة سطيف *دايرين نشارك جيمي في الصرف *ونلتزم بمنصرفات مباراة العلمه *ودايرين نحتشد كلنا *في وقفه احتجاجيه علي التحكيم الافريقي *الذي استمرأ الضغط علينا *وقفه دايرين نعملها في الاستاد *نجي مية الف شفت *بلافتات تعبر عن الحال *رساله نوصلها لكل العالم *للذين يحاربون الفساد *نقول لهم هاهنا يوجد فساد كبير *ندق الجراب *عشان جمل لجنة حكام الكاف يخاف *ويبرطع بيهم *يرميهم من علي الهودج *نفر نفر *يشتت شملهم *ويعفصهم *نفر نفر *عشان نرتاح منهم *ايها الناس *الزعيم في البلد *لاوقت للاحتفالات *فالنقطه من وفاق بفرق العمله تساوي خمسمية نقطه من التطواني *وبرغم ذلك نؤجل الاحتفال *نحتفل في المطار *والمطار مطارنا *ونحنا اهلو *وبنعرف ليهو كويس *الجماهير عليها دور كبير *مباراة الوفاق مباراتكم يا شفوت *يا شفووووووووت *ماتقصروا *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *المدارس تاني فتحت علينا *الله يقدرنا يا والينا *حق الفطور والترحيل البرحل فينا *وكمان اولادنا دايرين مويه يا والينا *المويه في المدارس ما بتتضمن لينا *وبعد ده لشنو يا والينا *وكت الجامعات بالشئ الفلاني البحير فينا سلك كهربا ننساك كيف والكلب بجي قبل الترحيل زاتو يا والينا والنفايات متشره فينا والي لقاء سلك