سودارس : كل القوة القلعه جوه

وصول الفوج الرابع من اللاجئين السودانيين بيوغندا مصادر تكشف تفاهمات سرية لوقف استهداف مطاري الخرطوم ونيالا المملكة مركز ثقل في حركة التجارة الدولية مصر.. الدولار يقترب من 54 جنيها لأول مرة البنزين الأوروبي والأميركي يتجه إلى آسيا دراسة تحذر: الذكاء الاصطناعي يميل إلى "مجاملة" المستخدمين على حساب الدقة رئيس الوزراء الباكستاني: نعرب عن تضامننا الكامل مع الشعب الإيراني الشجاع في هذه الظروف الصعبة نتفليكس تزيل الستار عن أول صورة لشخصية جو كينيدى الأب فى مسلسلها الجديد الأهلي يرفض قطع إعارة كامويش وعودته للدوري النرويجى.. اعرف التفاصيل حقيقة مفاوضات بيراميدز مع أحمد القندوسى لضمه فى الصيف سارة بركة: أحمد العوضى مجتهد بشكل كبير وبيحب شغله جدا دار الأوبرا تحتفى بذكرى رحيل عبد الحليم حافظ بحفلين اليوم وغداً لوك غريب ل فتحى عبد الوهاب والجمهور يرد: هتعمل دور الملك رمسيس ولا إيه؟ وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد 7 عناصر غذائية يحتاجها الطفل فى سن المدرسة لدعم نمو وتطور الدماغ مناوي : ناقشت بسويسرا تطورات الأوضاع في السودان وسبل دعم السلام اختيار غير متوقع لمستقبل "الملك المصري" والي الخرطوم يعلن تركيب كاميرات رقابة حديثة في المعابر الحدودية التي تربط الولاية بالولايات الاخرى جاهزية متكاملة واعتماد حكام دوليين لبطولة العرب للشباب في ألعاب القوى بتونس حل لجنة المنطقة الشمالية بكوستي وتشكيل لجنة جديدة لإدارة مباريات الدرجة الثالثة صبري محمد علي (العيكورة) يكتب: المنصوري يا مكنة شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كل القوة القلعه جوه

كورة سودانية نشر في كورة سودانية يوم 26 - 09 - 2015

في السلك
بابكر سلك
كل القوة القلعه جوه
من خروفك نعرف ظروفك
اول يوم ضابحين خرفان.. تانى يوم زيارة لى النسابه أهل
النسوان ..وتالت يوم
ضابحين غربان
عيديه
كل سنه وكلنا طيبين ..تامين ولامين.. مقتدرين ..حاجين وضابحين .. قاشرين
.. شغالين .. وللمرتب قابضين .. ونتبادل سمح الدعوات وربنا يقول
آميين .. شفعنا مجانى قاريين وفى المدرسه فاطرين .. وفى المدارس
مكندشينكل سنه وبلدنا بى خيرها .. يرجع ليها الهاجر من طيرها ..ونيلنا
يرجع يفيض يذكرنا ايام الدميره.. وبورة بناتنا تتفك وأولادنا يضوقوها
الضريرة .. ونواصل المسيره
كل القوة القلعه جوه
==========
اليوم يوم الشفوت ..اليوم يومنا يا شفوت.. لبنت وما بنديها للطير ..الطير
يشمها قدحه خمسين الف شفت داخل الإستاد من عصراً بدرى.. مريخاب
الولايات أسى بكونوا وصلوا .. شفوت الفاشر فى ضيافة شفوت تجمع
الروابط.. وناس التعبئة مستضيفين خمسه بصات من شفوت
الولايات .. ناس الدويم والقرى المجاورة التواجد الساعه عشرة ونص
والتحرك الساعه حداشر التجمع جنوب مكتبة غانتم افندى ..الجميع
حضور.. شفوت الجزيرة عن بكرة ابيها فى الدرب .. ناس نهرالنيل
وصلوا .. ناس الشماليه بى بلحهم شرفوا.. شفوت الأبيض وتندلتى حضوراً
مشرفاً خمسين الف شفت داخل الإستاد وخمسين الف حول الإستاد
أيها الناس
* قونين بتاعتا لحناجر
* قونين بتاعاتنا نحن
* وقون على اللاعبين
* بس ما نتعجل النصر
* بجى بجى بجى
* بإذن الله بجى
* ويا حلاتنا لمن يكون تشجيعنا تكبير
* الله اكبر الله اكبر الله اكبر لا اله الا الله
* الله اكبر الله اكبر ولله الحمد
من خروفك نعرف ظروفك
=============
الناس خشوم بيوت بحسب الظروف الماديه،،من خروف الزول بتعرف
ظروفو،، لو الخروف جلاكسى شاشه كبيره يبقى سيدو عنقرتو
كبيرة،،والخرفان انواع زى الناس،،زول شايل خروفو فى موتر تفتكر
حايكون وزير مثلاً؟؟؟زول شايل خروفين قدر العجول فى بوكس مظلل
تفتكر بكون مواطن عادى؟؟؟تفتكر بكون مواطن لله والرسول ساى؟؟؟
نفرين شايلين خروف من رجلينو وماشين تفتكروا بكونوا قادة احزاب؟؟؟
خروف قدر مكنة الخياطه بشتريهو مالك مستوصف مثلاً؟؟؟خروف كان
قال باع بفقد سوائل تفتكر بشتريهو أمين أمانة شنو كده ماعارف؟؟؟
* خروفك بورينا ظروفك يا حبيب،،اما خروفى انا فكان خروف البنات
لى حدهن،،خروف لفت نظر جميع الناس،،وخروف الضباح لمن جا
يضبحوا بكى،،بكى الضباح،،وبكى الخروف،،وبكيت انا
* خروف كديس بس .. صغير وجاهل،،باع ذاتها لسه ما بعرف ينطقها
كويس بقولها تاااااع،،،،،
*
اول يوم ضابحين خرفان
============
ايها الناس
اول يوم ضابحين خرفان.. تانى يوم زيارة لى النسابه أهل
النسوان ..وتالت يوم ضابحين غربان سنوا سكاكينكم يا شفوت عشان
بكره نسمع المقوله الإعتدنا عليها دوماً
ده ما مازيمبى البنعرفو
وديتى الخرفان وييييييين يا حكومه !
الشى الغريب والعجيب والمريب السنه دى فى شح فى الخرفان أدى
الى ارتفاع اسعارها ارتفاعاً جنونياً،،معقوله خروف بى تلاتة مليون
وستميه؟؟؟ معقولة خروف بى اربعه مليون جنيه؟؟؟والغريبة العربى
بيخجل من السعر،،،ومابقول ليك بى تلاتة وستمية،،،بقول ليك بى ستة
وتلاتين،،،ومابقول ليك بى اربعه مليون،،بقول ليك بى اربعين
* العربى بخجل لى جنيهنا الما بخجل من روحو ده
لكن السؤال
======
شنو العمل كده؟؟؟هل صحيح ان هنالك رسوم باهظة فرضت على
الخرفان رفضها العرب مما نتج عنه شح فى الأسواق ادى لان يقوم
المواطن المسكين بتحمل تلك الأسعار الخرافيه؟؟؟
* يادوبك شفت اسعار الأضحيه السنه دى عرفت ليك ليه الأسعار العاليه
بقولوا عليها اسعار خرافيه،،،فخرافيه كنت اظنها عائدة لخرافى اتاريها
ترجع لخروف !!!
* الخرفان مشت وين يا حكومتنا؟؟؟؟؟؟
ملحوظة
====
فى زول اشترى خروف بى مليون وميتين ماشال معاهو قش ..شال
معاهو بزازه وبامبرس.. عشنا وشفنا وريتونا
هدير الجماهير
=======
يا شفوت الدروس التى علمتموها للجزائريين فى التشجيع والتى
اجبرتهم على ان يكتبوا على صفحات صحفهم تعلموا من جماهير المريخ
* الدروس التى قدمتموها فى مباراة عزام وكابوسكورب والتى توجتكم
كأعظم جمهور عربى بالقنوات الفضائية
* الدرس الذى سطرتوهوا يوم الترجى وأخرس مدرجات رادس
* كل هذا الدروس يجب ان نعيدها اليوم لتعرف الغربان ان البندقية
الخرطوش لن يعيش معها غراب للحظة واحده الليله هدير هدير وزئير كبير ج
ريحة المطار
=======
ريحة المطار فاحت وسنتقابل بحسب توقعنا من بدرى فى المباراة
النهائية بإتحاد الجزائر .. يعنى تانى ماشين الجزائر ..ولكن الظروف
خدمتنا بإيقاف البلايلى،، المستفيد الوحيد من ايقاف البلايلى هو المريخ
وكلامى ده حاتشوفوهوا بى عينكم
الحج
===
حجاً مبروراً ومقبولاً للذين وفقهم الله فى حجهم،،وربنا يجعلنا من
الموعودين،، والف رحمه تنزل على الذين فارقوا الحياه وهم فى أداء
المناسك بالأراضى المقدسه،،برغم ان العدد بتاع الحجاج لم يكن خيالياً
ولكن حدث التدافع،،الحج السنه دى فاضى وعدد الحجاج زى عدد
الجمهور فى كورة الهلال والنسور
* اللهم تقبل من الحجاج وأرحم من رحلوا وأوعد الناس بزيارة بيتك
الحرام يا ارحم الراحمين
امثال
===
أهلنا ناس دارفور احسن من يقول مثل لأنهم اقدم ناس وخبراتهم كبيرة
واحد حاقد قال لى ما بتشيلوا الكاس.. قبل ما ارد عليهو كان معانا
اخونا من دارفور قال ليهو (كل شوكايه بمرق بى دربا )
فكان رداً بفطنه كبيرة يعنى به أننا بنتعامل مع القدامنا وبنشوف البعدو
للحاسد ( جراداى فى كراع سروال ولا بعضى علا قعادو شين )
فى السلك
=====
الليله يوم الرجال
* أيها الناس
* الليله يوم الرجال
* رجال المدرجات قبل اى زول
* شفوت الأمواج المريخية
* وإبداعات التيفو والرايات والأهازيج
* لن ننسى التكبير الذى نرهب به خصومنا
* وقبل ذلك نستمد منه قوة وقدرة على النصر كبيرة
* أيها الناس
* اليوم والأيام التاليه
* هى ايام التتويج
* العد التنازلى لإستنشاق ريحة المطار بدأ
* ويا صديقى عراقى خارطة الطريق التى أعددتها تسير بحمد الله كما
هو مخطط لها
* من الكنغو للجزائر للقلعة للتتويج
* سنجنيهو البنحلم بيهو يوماتى
* كاس كبير كاس عاتى
* يقعد مع اخوهوا فى دولاب المجد المريخى
* ونصيب غيرنا منه الكتبناه بالخط العريض
* المريخ يشترى المجد
* ونضيف الى كتاباتهم عبارة
* بأغلى ثمن
* فالثمن عندما يكون هدير شفوت
* وإصرار إدارة
* وإبداع جهاز فنى
* وروح لاعبين
* بكون تمن غالى شديد
* تمن ما رخيص
* لذا نشترى المجد الغالى بأغلى تمن
* نحنا نحصد وغيرنا يحسد
* وغيرنا مين يشرف أرضنا؟؟؟
* ارجعوا للتاريخ وللوح الشرف الأفريقى
* من غيرنا؟؟؟؟؟
* فى زول معانا؟؟؟؟؟
* المهم
* نعم التتويج بالأميرة الحمراء شرف كبير للنادى
* ولكنه شرف اكبر فى سيرة اللاعب الشخصية
* تخيل يا علاء انك معلق ميدالية البطل فى بيتكم
* موش بتشرفك العمر كلو؟؟؟
* رأيك شنو يا بكرى؟؟؟
* ما شفتوا إحترام جيل مانديلا لليوم كيف؟؟؟
* يبقى تشدوا حيلكم من أجل ناديكم ومن اجل سيرتكم الشخصية
* نريدها شرفاً للنادى وشرفاً لكم
* والنادى لاتنسوا أنه تشرف من قبل بلوح الشرف الأفريقى
* ولكنكم لسه ما دخلتوا فى هذا اللوح كأشخاص
* يبقى الكاس زيادة خير للزعيم
* ولكنه كل الخير لهذا الجيل
* عشان نناديكم بجيل الأميرة
* يبقى عندنا جيلين
* جيل مانديلا وجيل الأميرة
* وغيرنا لسه حكاية الأجيال دى ما سمعوا بيها
*
* أيها الناس
* أذكر مرة فى مهرجان مريخى كبير
* كانت إحدى فقراتو جيل البطولات المحمولة جواً
* الى جوارى كان يجلس مزمل ابوالقاسم
* قلت ليهو يا مزمز
* الجماعه لو عملوا مهرجان الفقرة دى ما بتكون فيهو
* المهم
* نجى كلنا
* من ضهراً بدرى
* خمسين الف مشجع
* نسلم انفسنا للمدرجات
* لنهتف
* انه يومنا
* يوم حناجرنا
* يو م تتويجنا يا شفوت
* بالتكبير نهتف ونشجع ونهلل
* أيها الناس
* عراقى لسه على العهد
* ويجدد وعده
* بس نجى كلنا من بدرى
* ونهدى النصر إن شاء الله لروح الشفت زيكو
* المشجع السمح الودود
* فلو كان بيننا لقام بتوزيع الحلوى غداً فرحاً بالنصر
* اللهم ارحم عبدك زيكو رحمةً واسعةً وأسكنه فسيح جناتك مع
الصديقين والشهداء وحسن أولئك رفيقا
* المهم
* نردد مع الإذاعة الداخلية التكبير
* نهز الأرض هزاً
* نرهب الأعداء إرهابا حلالاً
* نكنكش فى نقاطنا
* نشجع اولادنا
* ونحافظ على نظافة شباكنا
* أيها الناس
* مازيمبى قبل كده حقق خماسيتو الشهيرة داخل البلد دى
* وبقت تار
* لابد من اخذه منهم
* وياحبذا لو الليله شلنا تار ولدنا الصغير
* ناخذ من مازيمبى الخمسه
* عشان يعرف البلد دى بى كبارها
* مافى داعى للحقارة
* وتانى ما يكررها
* ايها الناس
* كل سنه وكلنا طيبين وتامين ولامين
* أيها الناس
* إن تنصروا الله ينصركم
* أها
* نجى لى شمارات والى الخرتوم
* أكان شفت يا والينا
* ناس الخرفان شغلوها لينا
* عقور بى تلاتة من الملايينا
* وقالوا رسوم فرضت عليهم غلت الخرفان علينا
* يعنى يا والينا
* نضحى السنه كلها ولما تجينا الضحية تضحوا بينا
*
سلك كهربا
** ننساك كيف والكلب قال لو قامن لى قرون كان جبت سته مليون؟ !!
والي لقاء
سلك

انقر هنا لقراءة الخبر من مصدره.