سودارس : حسابي معاك بقى كلو كسور !!

عثمان ميرغني يكتب: السودان… هل تتَّسع شروخ «الدعم السريع»؟ انطلاق أعمال تأهيل وإعادة استاد الموردة المريخ يجري مرانه الرئيسي للقاء" جيكومبي" وسط حماس عالي مدرب المريخ داركو نوفيتش راض عن الفريق رغم الظروف الصعبة واعمل حاليا علي تجهيز المجموعة القادمة من السودان بالصور.. وفاة حفيد الإمام المهدي بجنوب أفريقيا وأصدقاء الأسرة ينعوه بعبارات مؤثرة: "خبر فاجع ورحيل مؤلم لزينة الشباب" شاهد بالصورة.. الشاعرة داليا الياس تخطف الأضواء في أحدث ظهور لها وتكتب: (هذا أكثر ما يعجبنى في أي ثنائي ناجح عاطفياً) النائب العام في الإمارات يحيل 13 متهماً و6 شركات لأمن الدولة بينهم صلاح قوش رئيس الوزراء السوداني يصدر توجيهًا شاهد بالصورة والفيديو.. في مشهد مؤثر.. أفراد أسرة سودانية ينهارون بالبكاء في ليلة "حنة" زواج إبنهم والجمهور يكشف السبب!! نشطاء على مواقع التواصل يكشفون أسباب "طلاق" الفنانة مروة الدولية رغم موافقتها على قرار زوجها بإعتزال الغناء شاهد بالصورة والفيديو.. في مشهد مؤثر.. أفراد أسرة سودانية ينهارون بالبكاء في ليلة "حنة" زواج إبنهم والجمهور يكشف السبب!! جبريل بين البدلة والبندقية..! فئات نقدية قديمة تثير التساؤلات... وبنك السودان المركزي يحدد موقفه رسمياً النور قبة : انحياز حميتي لقحت كانت أحد الأسباب الرئيسية لاندلاع حرب السودان كيليان مبابي ينافس ميسي ورونالدو في مؤشر "الكسل" الدفاعي أزمةٌ كبيرةٌ وسط الجالية السودانية والقنصلية في أسوان.. ومطالبات بتعيين قنصل جديد قائد منشق عن ميليشيا الدعم السريع يفجّر مفاجأة كيركيز : محمد صلاح يتمتع باحترافية عالية وسأفتقده في ليفربول روميرو يشعل الصراع بين قطبي مدريد وبرشلونة دراجة بخارية تحقق أرقاما قياسية وتصبح ثانى أسرع دراجة نارية عالميا الإمارات تنسحب من "أوبك" و"أوبك+" "ترجمة جوجل" تضيف التدريب على النطق بالذكاء الاصطناعي أمريكا تصدر جوازات سفر تذكارية تحمل صورة ترامب يحيى الفخرانى رئيسًا شرفيًا لمهرجان مسرح الأطفال مى عمر تكشف عن تفاصيل جديدة من فيلم شمشون ودليلة قبل عرضه بالسينما سر الظهور أصغر بعشر سنوات مرضى الضغط فى الصيف.. استشارى يقدم روشتة من 5 خطوات لتجنب أى مضاعفات وزير المعادن: نعمل مع الهيئة العامة للأبحاث الجيولوجية لتوسعة الشراكات الدولية خطوة استثنائية في الأفق.. السودان يطرق باب "فيفا" لتمديد الموسم المعجزة الحقيقية في كوننا أحياء مشروع إماراتي ب100 مليون دولار في قناة السويس كامل إدريس يكشف أسباب حظر استيراد 46 سلعة ياسمين صبرى بين فيلمين دفعة واحدة من كريم عبد العزيز لمعتصم النهار "يد الرب" و"هدف القرن".. قصة أشهر هدفين في تاريخ كأس العالم لماذا تصاب بجفاف العين بكثرة فى الصيف؟ الشرطة في بورتسودان تصدر بيانًا بشأن عملية اقتحام وزير سوداني يكشف عن ترتيبات وخطط..ماذا هناك؟ سوداتل تعلن تحقيق أعلى دخل تشغيلي منذ التأسيس وأرباحًا صافية 117.5 مليون دولار لعام 2025 من الذروة إلى الجمود.. مطار نيالا يفقد نبضه الجوي أكبر هجوم منسق واغتيال وزير الدفاع.. ما الذي يحدث في مالي؟ متأثّرًا بجراحه..مقتل وزير الدفاع في مالي نجاة ترامب من محاولة اغتيال معماري سوداني يفوز بالجائزة الكبرى لجمعية المعماريين اليابانيين والسفارة بطوكيو تحتفي بإنجازه مكافحة التهريب البحر الأحمر تُبيد (3.5) طناً من المخدرات مكافحة التهريب البحر الأحمر تُبيد (3.5) طناً من المخدرات أطباء بلا حدود : علي ظهور الجمال والحمير … اللقاحات تصل جبل مرة ترامب: سنمدد وقف إطلاق النار مع إيران حتى تقدم طهران مقترحاتها وتكتمل المفاوضات الهلال «مدرسة» قبل أن يكون «نادياً رياضياً» الدعيتر.. كان اللغة الثانية في البلاد مصر.. قرار بشأن المنتقبات بعد تدخل شيخ الأزهر في عملية اختطاف هزت البلاد مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة السودان.. تفاصيل صادمة لاغتيال مواطن بدمٍ باردٍ شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين عثمان ميرغني يكتب: فساد.. الفساد.. الشيخ بن زومة.. إلى جنة الخلد في زمن الضجيج.. القرآن بوصلة المعنى والسكينة صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

حسابي معاك بقى كلو كسور !!

كورة سودانية نشر في كورة سودانية يوم 29 - 09 - 2015

بالعربى الكسيح
محمد الطيب الأمين
حسابي معاك بقى كلو كسور !!
* في حاجات الله خلقها في الدنيا دى ما عندها (بدايل) ..
* حاجات ما بتلقى ليها بديل ..
* لو كسرت رقبتك ما بتلقى ليها بديل ..
* (رأس الانسان) مثلا : ما عندو بديل ..
* ممكن تركب ليك (سن) بديله و(كُلى) و(طرف صناعي) لكن ما بتلقى (رأس) بدل رأسك ..
* والهلال زي (الرأس) ..
* ما عندو بديل ..
* يخسر ، يتغلب ، يطير ، ما يشيل بطوله .. المهم ما عندو بديل ..
* ومحبة الناس للهلال بالفطره ..
* ولا اقول محبه الناس للمريخ لان المريخ عندو معجبين وليس محبين..
* والاعجاب أقل درجه من الحب ..
* لما يكون عندك فريق شعارو زي لون (الكركدي المسيخ) ما بتقدر تحبو ..
* ممكن تُعجب بيهو لكن أشك انك تحبو ..
* شعار زي (كبسولات النزله) ..
* كبسولات النزله فوق (احمر) وتحت (اصفر) ..
* شعاركم ده زي (كبسولات النزله) ..
* وانا لما اشوف شعاركم ده طوالى (بعطس) ..
* والله صحى ..
* كبسولات نزله بس ..
* ياخى اصفر واحمر ؟؟
* والمضحك في الموضوع إنو جمهور الحنطور بضحك في خسارة الهلال امام الاتحاد ..
* بضحكو في خسارة الهلال .. إتخيل ؟
* فريق قبل (20) يوم خسر بهدفين (فريد وعنكبه) جوه استاد الحكومه ومع ذلك بضحك ..
* خسر في الكونفدراليه (4) جوه استاد الحكومه ومع ذلك بضحك ..
* ولو جينا نتكلم عن المطر ، المطر ده غلب الحنطور (سبعه) في الاردن ..
* يعنى الهلال اصلا ما جاب حاجة جديدة ..
* ياخى في فريق محترم بخسر في الاردن ؟؟
* الاردن دى غير (البنسلين) ما فيها حاجه ..
* غايتو جنس غايتو ؟؟
* المهم ..
* خسر الهلال امام اتحاد الجزائر ..
* وقد كان الهلال افضل من الاتحاد ومع ذلك خسر وهذا حال الكره ..
* لعب الهلال مباراة جيده وخسر لان الخساره من مستلزمات كره القدم ..
* وأنا على المستوى الشخصي عندي قناعات في هلال هذا العام ..
* قناعتي ان ما مر به هلال هذا العام إذا مر به اى فريق اخر لن يبلغ هذه المرحله ..
* قناعتي كده ..
* واى زول طبعا حر في (قناعاتو) ..
* الهلال يمر بمرحله تغيير جلد ..
* ومرحلة تغيير الجلد دى لما مر بيها (حنطور العرضه جنوب) كان بيطير من التمهيدى ..
* نفس ظروفنا دى لما مر بيها الحنطور طار من التمهيدى (اربعه مرات على التوالى) وخمس مرات من دور ال(32) ..
* العشق هو الذى جعلنا نتستر على حقيقة ان الهلال يمر بمرحله بناء وتكوين لابد ان يكون لها فاتوره ..
* ظروف الهلال الحاليه تشبه ظروف كبار افريقيا (الاهلى والزمالك والترجى والرجاء) ..
* كبار افريقيا ديل لما كانت ظروفهم طبيعيه الحنطور كان بيلعب مع (اطفال افريقيا) في بطوله سيكافا (مدفوعة القيمة) ..
* أنا اقول ليكم حاجة للدنيا والزمن ..
* اى بطوله داير تعرفها كويسه ولا ما كويسه شوف المريخ بيصل وين ؟؟
* لو المريخ اتقدم في البطولة دى معناها (بطوله تافه) ..
* المريخ طار دى معناها بطولة قويه ..
* طبيعى جدا الكبار ما في المريخ يصل المربع لاول واخر مره في تاريخو ..
* وعلى العكس .. تطور الكره السودانية يقاس بنجاحات الهلال ..
* والكلام ده ما كلام هلال مريخ .. ده كلام جد جد ..
* بفضل الهلال إنفتح الباب امام الانديه السودانيه للمشاركة في بطولات (الكاف) ..
* والحنطور حاليا في الابطال بفضل الهلال ..
* المهم ..
* الظروف التى يمر بها الاهلى والترجى يمر بها الهلال ..
* نفس الظروف ..
* البناء وتغيير (عضم الفريق) ..
* وكبار افريقيا الاهلى والترجى دفعو فاتوره هذا التغيير بالخروج المبكر من هذه البطوله ..
* بينما الهلال كان كبيرا رغم ظروفه وبلغ هذا الدور بدون (منشطات) وبدون (ركلات جزاء) وبدون (تحكيم) وبدون (تنجيم) ..
* وجماهير الهلال عليها ان تتعامل بواقعيه مع الظرف الراهن وعليها ان تفرح لان الذى مر به الازرق لو مر به حنطور العرضه لتمزق وانهار وتفرق دمه بين الخصم ..
* افريقيا فيها اربعه كبار : (الهلال والاهلى والترجى والزمالك) ..
* والاربعه الكبار ديل منهم تلاته سقطو لظروف تشبه ظروف الهلال الذى لم يسقط حتى الان مع العلم ان ظروف سيد البلد وزعيم الوطن الهلال هى اسوأ من الظروف اهلى زمالك ترجى ..
* المفروض كان احسب مازيمبي من كبار افريقيا ولكن مازيمبي انتصاراته ما عرق جبين ..
* زي الجماعة الطيبين ..
* انا عايز اقول ..
* خلاصة قناعتي ان الهلال في اسوأ حالاته يساوي المريخ في افضل حالاته ..
* والقناعة دى تثبتها مرحلة تغيير الجلد التى مر بها المريخ وطار من (التمهيدي) اربعه مرات بينما الهلال الان يصل المربع وهو مغير جلده ..
* وهنا نقول ان بريق الاسم وحده يكفى ..
* واعتقد الفرق بين الهلال و(كبسولات النزله) واضح وكبير ..
* الآن الهلال لم يزل في البطوله وبأذن الله يستمر ..
* نعم كانت (غلطة) مكسيم بعشره غلطات ولكنها مغفوره ..
* مغفوره لان مكسيم هو افضل لاعب في دورى الابطال حاليا ومن حقه علينا ان نسامحه حتى ولو كتبت (غلطته) خروجنا من السباق ..
* الكره الآن في ملعب اللاعبين ..
* (90) دقيقة في الجزائر ما بنقبل فيها الخساره مهما كان ..
* والجزائر في الاصل بتخاف من الهلال ..
* اااااااى الجزائر بتعرف الهلال .. (هرب ولا ما هرب ، سافر ولا ماسافر) الجزائر بتعرف الهلال ..
* ويكفى ان الصحف الجزائريه هى التى اطلقت لقب (الضل) على المريخ ..
* يعنى لقب الضل ده ما لقب سوداني ..
* لقب مستورد ..
* جانا من الجزائر ..
* الاعلام الجزائري هو الذى قال : (المريخ ضل الهلال) ..
* وكثير من البلدان العربيه والافريقيه لم تسمع بالمريخ كأسم إلا مؤخرا ..
* ويشهد الله والله على ما اقول شهيد .. في لاعب نيجيري قبل سنتين المريخ فاوضو ..
* اللاعب النيجيري ده قال بالحرف الواحده : (انا اجهل الكره السودانيه ولكن سمعت بالهلال) ..
* اشهد الله الزول ده قال كده ..
* ودى ما مشكلة ..
* الطبيعى إنو الناس تكون ما سمعت بالمريخ ..
* على المستوى الشخصي انا عرفت المريخ بعد ما بقيت كبير ..
* وعشان اكون صادق عرفت المريخ يوم الضو قدم الخير (كسر) والى الدين عليه الرحمه ..
* قاعد في البلد دى وبشجع الهلال من عمري 4 سنين وسمعت بالمريخ بعد كبرته ..
* انا عارف الحاجة دى بتزعل الحناطير لكن كمان الحقيقه لابد منها ..
* كونو تجيب ليك كأس دوره لا مذاعه ولا متلفزه واسمها (مانديلا) ده ما بعنى انك عملت اسم في افريقيا ..
* هسه عادى ممكن جمال الوالى يعمل دوره يسميها (كأس عزو) زي كأس مانديلا ..
* عادى ..
* وبحساباتنا إحنا كأس مانديلا زي كأس بن ياس ..
* أكان نططو زي كأس بن ياس ..
* المهم ..
* يا جماعة انا عايز اقول ليكم حاجة قد لا تصدقوها بس هى حقيقة ..
* اى انتصار يحققو المريخ انا بحس بيهو انتصار ما برئ ..
* بحس كده ..
* يعنى بشوف إنو مستحيل المريخ يفوز بدون مساعدات ..
* الحاجة دى ملازماني مما عرفت المريخ سنة (2000) وهو العام الذى كسر فيه الضو الوالى الغالى عليه الرحمه ..
* نرجع ونقول ..
* خسارة الهلال لن تزيدا إلا عشقا ..
* ح نشجع الهلال ده حتى لو بقى يخسر زي المريخ ..
* الهلال ده بنخليهو في حاله واحده بس ..
* بنخليهو لو بقى يستقبل الحكام في صالة كبار الزوار ويقدم ليهم (الجلاكسي ومراكب النمر وبرتقال جبل مره) ..
* بنخلى الهلال لو بقى الحكم يجى من بلدو ب(ألف دولار) ويرجع لبلدو ب(10) ألف دولار ..
* بنخلى الهلال لو بقى يستخدم منشطات ..
* بنخلى الهلال لو بقى في كل مباراه عندو (حبه جزاء) ..
* بنخلى الهلال لو لعيبتو بقو (يتبولو) في القارورات داخل غرف الملابس باستاد الحصاحيصا ..
* نحمد الله على نعمه الاسلام والهوا والمويه والهلال ..
* لا بنستخدم منشطات ولا بنرشى حكام ولا عندنا تنجيم ..
* طبعا ما كل البيعرف يكتب ..
* لكن في فرق معانا في الابطال بتجيب (الدجال) بيكون قاعد في غرف ملابس اللاعبين ..
* وح يجى يوم نكتب فيهو عن (المحايه) البيشربوها بين الشوطين ..
* وح نكتب عن اللاعب المحترف الذى يلعب في فريق معانا في الابطال ..
* اللاعب المحترف ده رفض يشرب المحايه بين الشوطين وقال ليهم (ريحتها كريه) ..
* رفض المحايه وقامو عملوها ليهو في (العصير) ..
* وإحنا على بالنعمه عارفين اى حاجة ..
* وعارفين كمان الاشخاص الثلاث (الغرباء) الذين سافرو في الطائرة منو ؟؟
* كونو تفوز هنا ب(الدفره) وب(الحمام) ده ما بيعنى انك ح تفوز في لوممباشي ..
* مباراه (الحمام الطائر) ..
* اول مره في حياتي اشوف لي حمام بالليل ..
* كديسه بالليل شفناها لكن حمامه بالليل ما حصل والله إلا يوم مباراة الحنطور ..
* والحمام ده في لومباشى ببقى ليكم (غراب) ..
* والسنة دى يا متنا من الضحك يا كمان الضحك كتلنا ..
* هنا مرقكم (الحمام الزاجل الراكى في المرمى) ..
* وهناك ح نموت من الضحك ان شاء الله ..
* والعبد لله متفرغ ومركز تماما مع الحناطير وثقتي ان (اعلام الهلال) قادر على القيام بواجبه ..
* إنتو ركزو مع الهلال وإحنا عندنا مهمه خاصه مع الحناطير ..
* وعلى جهور الهلال العظيم ان يترك الاحزان ويرفع الرأس لانو اى هلالابي المفروض عينو تكون قويه ..
* في الهلال ما عندنا حاجة بنخجل منها ..
* خسرنا اااااااى بنخسر لكن ما بنشتري ولا بنتنشط ولا بنشرب محايه ..
* والحساب سيكون بعد نهايه البطوله يا الكاردينال ..
* أرفع رأسك ما دام انت هلالابي وانتظر يا حبيبي وشوف بعينك بعد اقل من اسبوع البلد بتكون كيف ..
* بعد اقل من اسبوع الفيهو طيب بنشم ..
* وإنتو في وإحنا في .
* و..و..
* مفروض (الكاف) يعل جهاز لكشف (المحايه) ..
* وكان نفسي اقوليك من زمان …(فرق معانا خلت المنشط وقبلت على المحايه

انقر هنا لقراءة الخبر من مصدره.