سودارس : ينوم في الجرح مُنحل ويقوم زي (الحِبن) في محل !!

القوز يقرر السفر إلى دنقلا ومواصلة المشوار لاعب منتخب السودان يتخوّف من فشل منظومة ويتمسّك بالخيار الوحيد الدب.. حميدتي لعبة الوداعة والمكر ⛔ قبل أن تحضر الفيديو أريد منك تقرأ هذا الكلام وتفكر فيه إلي اين نسير منشآت المريخ..! كيف واجه القطاع المصرفي في السودان تحديات الحرب خلال 2025 صلوحة: إذا استشهد معاوية فإن السودان سينجب كل يوم ألف معاوية إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته إجتماع بسفارة السودان بالمغرب لدعم المنتخب الوطني في بطولة الأمم الإفريقية بولس : توافق سعودي أمريكي للعمل علي إنهاء الحرب في السودان البرهان وأردوغان يجريان مباحثات مشتركة شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ينوم في الجرح مُنحل ويقوم زي (الحِبن) في محل !!

كورة سودانية نشر في كورة سودانية يوم 08 - 10 - 2015

بالعربى الكسيح
محمد الطيب الأمين
ينوم في الجرح مُنحل ويقوم زي (الحِبن) في محل !!

* في الهلال كل الناس عايزه (تحلِب) بينما لا احد يرغب في (مسك القرون) ..
* كلهم دايرين (الحليب) وما في زول داير يمسك القرون ..
* وكده ما بتجى يا اولاد الحلال ..
* ما صاح .. جمهور الهلال الأغبش يكون (ماسك القرون) وإنتو بتحلبو في الهلال ..
* حلبتو الهلال وركبتو العربات وسكنتو العمارات وحساباتكم البنكيه إتملت قروش ، فهل شبعتم الآن ام ان نفوسكم ما زالت مثل (نار جهنم) تنتظر المزيد ؟؟
* جمهور الهلال الأغبش لا ينتظر (مصلحه) ولا ينتظر (سمسره) ولا ينتظر شي سوى (هلال معافى ، هلال من غير عله) ..
* لن نحاسبكم على الفات ولكن .. لو بتعرفو الله عليكم الله ما تتسمسرو في الهلال ولا تتقاسمو (كيك التسجيلات) ..
* نريدها تسجيلات خالصه لوجه الهلال ، ووالله العظيم ما عافين لاى زول بيشيل قرش من الهلال عن طريق (السمسره) او (المصلحه) او حتى (الفايده) ..
* كل سنه إنتو بتبقو (اصحاء بقروش الهلال بينما الهلال يمرض) ..
* والسنة دى البيملأ جيبو بقروش الهلال ان شاء الله يمرض هو والهلال يبقى كويس ..
* إنتظرت (5) أيام حتى اعرف (الشماعه) التى يعلق عليها المريخ (كتمه كاتومبي) فلم اجد ..
* الشماعه الوحيده العلقو عليها الخساره هى : (محسن ما بعرف يرص العلامات) ..
* والله صحى ..
* يعنى لو محسن كان بيعرف يرص العلامات كان المريخ اتأهل ..
* غايتو جنس غايتو ..
* مع إقتراب موعد مباراه القمه إحنا واولاد حلتنا نطالب بكشف (المنشطات) وكشف (المحايات) ..
* جيبو (جهاز) لكشف المنشطات ، وجيبو (شيخ) لكشف (المحيات والبخرات) ..
* قرار الهلال يجب ان يكون : (يا كشف يا إنسحاب) ..
* إحنا موضوع البلايلي ده خلانا (نشك في اقرب الاقربين) ..
* الواحد فينا بقى لو شاف (حبيبتو) نشيطه ومستعجله في المشى بيعمل ليها كشف منشطات ..
* بقينا نشك في اى زول ..
* والله صحى ..
* من مصلحه الهلال ان يظل بله جابر لاعبا للمريخ لموسم اخر ..
* وجود بله ومصعب وعلى جعفر وعمر بخيت والمعز في المريخ فيهو عافيه كبيره للهلال ..
* يا جماعه عن إذنكم عايز اضحك ..
* هههههههههههههههه ..
* معليش يعنى .. بس والله إتذكرت الطباخين والبودى قاردات والفنيين بتاعين فحص هوا المكيف ..
* ده سبب الضحكه ..
* يعنى ضحكتي دى بسببها عشان ما تقول الضحك بلا سبب (…….) ..
* والله العظيم انا في (خمسه) حاجات في الدنيا دى لما اتذكرها بموت من الضحك والضحك بكتلني ..
* الخمسه حاجات دى تلاته هى : (البودى قاردات) و (المحترف البوسنى الجابو جمال الوالى واسمو نجاد) ..
* نجاد البوسني كان شغال (خفير) في جامعة الدول العربيه وعزو جابو يلعب في المريخ ..
* وكل الذى فعله نجاد جاب قون عن طريق الخطأ في شباك المريخ وكانت المباراة وديه امام العباسيه تقريبا ..
* والله صحى ..
* غايتو جنس غايتو ..
* نيلسون عندو (كوره في رأسو) لكن وزنو الزائد حرم الهلال من كورتو في كثير من الاحيان ..
* ومشكله نيلسون مع الكوكى حسب علمي ، ان نيلسون كان قد توقف عن التدريبات وطالب بزيادة راتبه وقد تحدث معه الكوكى وطلب منه الانتظام في التدريبات والمطالبه بزيادة المرتب لان ظروف الفريق تتطلب وجود كل العناصر ..
* الكوكى قال لنيلسون : طالب بحقك لكن ما تقيف من التريبات وقد رفض نيلسون الفكره ورفض تقدير ظروف الفريق فكان التهميش منطقى من الكوكى حتى لا يظن نيلسون انه اكبر من الهلال ..
* لعب نيلسون (6) شهور مدهشه وفجاءة كده إتذكر إنو مرتبو بسيط فتمرد وحاول يمسكنا من اليد الفيها ألم ..
* عموما نقول : نيلسون لعاااااااب وفي حال حل مشكلاته وإنقاص وزنه يجب ان يستمر لموسم اخر ولو بشكله الحالى ومشاكله الحاليه يجب ان يذهب ..
* محسن سيد قال : مدرب حراس المريخ كان سائق بص ..
* واضح والله ..
* واضح يا محسن ..
* الاقوان البتخش في جمال سالم دى واضح إنو البيدرب جمال سالم سواق بص ..
* لكن كمان يا محسن ما تنسى انت ما بتعرف ترص العلامات ..
* يعنى هسه الجهاز الفنى للمريخ فيهو واحد سواق بص وفيهو واحد ما بيعرف يرص العلامات ومع ذلك الجماعة دايرين يجيبو كاس الابطال ..
* يعرفوكم حناطير كيف عليك الله ؟؟
* بسواق البص ده دايرين تقيفو قدام ساماتا ؟؟
* بالمناسبه دى ..
* عندى مقترح لجمال الوالى ..
* بقترح إنو البودى قاردات والطباخين ديل يسافرو مع المريخ دنقلا (نهائي كاس السودان) ..
* بقترح كده ..
* واى زول طبعا حر في (مقترحاتو) ..
* البودى قاردات ديل في لوممباشي الله ما ارد ليهم (يحللو قروشهم) عشان كده سوقوهم دنقلا ..
* دنقلا ب(الثاء) ..
* غارزيتو في تصريحاته للصحف الكنغوليه قال : (مازيمبي فريق محترم وعناصره افضل من عناصر المريخ) ..
* وغارزيتو زاتو قال للصحف السودانيه : (مازيمبي بيشترى الحكام وغلبنا بطريقه غير شرعيه) ..
* يعنى يا مولانا الزول ده هنا عندو كلام وهناك عندو كلام و… وأنا ليهم بقول كلام ساماتا بتكلم أقوان ..
* مباراه الهلال اما اهلى الخرطوم اليوم هى من المباريات الخطيره قياسا بدوافع الاهلى الذى يرجو النجاة من المراكز الاخيره ..
* ولذلك يجب ان يضرب الهلال بيد من حديد ومن الشوط الاول ..
* الدورى دخل مراحل حرجه وضياع الفرص و(مليس الكوره) ما بينفع يا نزار حامد ..
* والني للنار ..
* أحمد الباشا هو واحد من الذين أحبو (جُزلان جمال الوالى) فضاعت موهبته الكبيره ..
* حينما جدد الباشا عقده كان (إحتياطيا) لاسباب لا علاقه لها بالمستوى الفنى ، وبعد تجديد العقد اصبح الباشا (إحتياطي للاحتياطي) وايضا لاسباب لا علاقه لها بالمستوى الفنى ..
* جمال الوالى الشهير ب(عزو) عملها في الباشا عن قصد ..
* عزو ربما هو قصد تدمير الباشا لاسباب (تحت تحت) فجدد له العقد حتى يحبسه فيموت كما تموت المواهب الكبيره ..
* الشغل الحصل للباشا ده مقصود ..
* والله صحى ..
* عشان كده يا جماعة إحنا في الهلال اصلا ما زعلانين من علاء يوسف ..
* علاء الدين لما خلى المريخ وجا الهلال كان جمال الوالى (يتلتل) وقد رفض علاء كل المغريات وتمسك بالهلال وسجل وترك الجماعه شغالين (بصمه ودمعه) ..
* علاء باع المريخ وجا الهلال والمريخ المسيخ سجل علاء الدين تانى ..
* بس الفرق المريخ لقى علاء مشطوب زيو وزي اى عمار مرق ..
* المهم .. كنا بنتمنى إنو الباشا يكون اذكى من كده ويرفض المريخ ويمشى يلعب في اى نادى تانى ..
* ولكنه الغباء وحب المال ..
* انتهى الباشا والله يجازي الكان سبب ..
* حتى الآن ناس المريخ ما جابو سيره سيكافا ..
* قال ليك كل الانديه البتشبه المريخ والبتشارك معاهو في سيكافا سعدت بخروج المريخ من الابطال ..
* الانديه .. ناس عزام والقطن والتور والقصب .. الانديه دى لما المريخ طار فرحت فرح شديد لانها تنتظر سيكافا (السنويه) التى ينظمها الحنطور عقب كل فشل ..
* غايتو جنس غايتو ؟؟
* وجه الخلاف ما بين (الجوهره الزرقاء) و(الرد كاسل) هو : كل فرد من جمهور الهلال عندو (رطل سكر) في الرد كاسل بينما (الجوهره) من سكر الكاردينال فقط ..
* وهذا هو الفرق بين (استاد الشعب) و(استاد الحكومه) ..
* بالمناسبه دى عندي سؤال اخير كده ..
* هو سؤال قد يكون محرج لكنه ضروري ..
* بالنسبه للطباخين ..
* مش الطباخين المشو معاكم الكنغو ديل عملو ليكم عشاء في نفس يوم المباراه ؟؟
* السؤال .. العشاء العملو الطباخين في نفس يوم المباراه أكلتو ولا جيتو بيهو راجع ؟؟
* لو أكلتو ان شاء الله ينفعكم ولا كمان ما أكلتو أنا داير لي منو سندوتش ..
* والله صحى ..
* عايز لي سندوتش من يد الطباخين الخمسه ..
* زمان مش كان في أغنيه بتقول : (الدكاتره يا السته بى ريدكم هلكته) ..
* هسه بقينا نغني : (الطباخين يا الخمسه من يدكم شبعته) ..
* وفعلا والله .. متنا من الضحك والضحك كتلنا ..
* على فكره .. عنوان العود ظاهريا لا يوجد في العمود وباطنيا موجود ونص وخمسه ..
* نرجع ونقول : الوطنيه في الطحنيه ..
* و..و..
* والقلوب الحايمه حولك يا حلو بتتمنى ليك بكره تشفى و…(تخلى المنشطات والمحايه) ..

انقر هنا لقراءة الخبر من مصدره.