العتب مرفوع هيثم كابو (الشمس) غابت وينو (الصفر) طيب ؟ * الترحيب الذي وجده الهلال من أندية الدرجة التانية التي تنتظر وصوله (نازلاً) بفارق (الصفر) خير دليل على المكانة الكبيرة التي يتمتع بها الوصايفة ..! * إن كان للوصايفة قاعدة جماهيرية (تسد قرص الشمس) فهذه فرصة لإثبات تلك الفرضية عندما يتبارون مع أندية الدرجة الثانية و(الشمس حية) ..! * إتخذ الوصايفة قرار (إنسحابهم) بكامل إرادتهم فلماذا (الوساطات والجِرسة) ؛ ومرحباً بهم في دوري (شمس) الأصفار التي لا تغيب ..! * تسوي بإيدك ويغلب (أحمد حسب الرسول وابو كلابيش) وبقية أجاويدك ..! * الأهلة الذين يتحركون الآن يمنة ويسرى ويطالبون بمنحهم فرصة للجلوس مع الإتحاد والكاردينال عليهم تهئية أنفسهم وتجهيز أكبر عدد من (الشمسيات) لمتابعة الهلال في دوري التانية وهو يخوض أشرس المباريات ..! * ليس مهماً أن يهبط الهلال لدوري الثانية؛ ولكن المهم حقاً أن تخفف (أندية التانية) من تهديداتها المسبقة للحكام بمجرد علمها بإقتراب ميقات نزول الهلال إليهم ..! * يا محمد عبد الماجد معقولة سمعتكم وصلت دوري التالتة والتانية والدرجة الأولى ..! * قلت لإداري بدوري الدرجة الثانية أن الهلال سيزيد من قوة الدوري عندكم، فأنتفض الرجل في وجهي وهو يرد قائلاً : (قوة شنو البزيدا .. الهلال دا بزيد لينا المصاريف)؛ إستغربت لحديثه وسألته : كيف ؟ ليجيب بسرعة شديدة : (الهلال دا نحنا بنعرفو كويس ومتابعين مبارياتو من متين .. بجيتو التانية حيدخلنا في تكاليف "حكام هجين") ..! * (الهجين) يغزو دوري التانية ..! * يا مزمل الجماعة نازلين؛ و(ناس التانية هايجين وخايفين من تكاليف الهجين) ..! * يا أرباب الكاردينال جاب خبر الهلال ..! * يا فطومة .. (الهلال دا نادي كبير ليه بتعملو فيه كدا .. الفريق دا خلاص انتهى مع انو لسع ما أبتدأ) ..! * نناشد (الناطقة) فطومة بضرورة مراجعة قرار الإنسحاب و(يا جماعة راعوا مصلحة التيم وسيبكم من كلتشات الأرباب) ..! * أخطأ الأرباب عندما ظن أن كردنة سيذهب بالهلال (خلف الشمس) فما حدث أن الكاردينال قاد الهلال ليلعب (في الشمس) ..! * نتوقع أن يحرز الهلال بطولة خارجية خلال فترة لعبه بدوري الثانية طالما أن (لا مستحيل "تحت الشمس") ..! * يا مزمل : الوصايفة خلاص (شمسهم) غابت ..! * وطالما أن (شمس الوصيف غابت) فليسمح لنا الصديقين العزيزين الشاعر اللواء جلال حمدون والفنان محمود تاور أن نقوم بإجراء بعد التعديلات في رائعتهما (الشمس غابت) لنهديها لرئيس الهلال أشرف الكاردينال ..! * (الشمس) غابت وينو (الصفر) طيب عين (الأمل) وصابت نسيتني يا حبيب وريني بس في شنو النساك مواعيدنا (قرارنا) حددنا كتبنا بي ايدنا عامل كمان (حردان) ما راضي بي ريدنا (صفرك) عرفنا خلاص و(زوغتك) بقت عيدنا يوم واحد الجاي كان يومنا نتلاقي جاييك معاي (العقرب) ملهوفة مشتاقه قلت ما بتجي وأصلا ما بتقدر علي الجية و(التانية) في أنتظار (صيدك) والشمس حية عملت ذائغ وبس وما صبرت لينا شوية الشمس غابت وينو (الأمل) طيب عين (الصفر) وصابت نسيتني يا حبيب * وطالما أن (الشمس غابت) فيجب على مولانا أحمد حسب الرسول وأبو كلابيش الا يهدرا زمنهما في المعالجات، فالأزمة وصلت مرحلة متقدمة و(كردنة مصر على الإنسحاب؛ وإعادة هيبة الهلال وحقوقه الضائعة منذ زمن الأرباب) ..! * انتو يا ابو كلابيش الهلال عندو في الأزمة المفتعلة دي حق ضائع و(لا داخل مع الأمل تابع) ..! * بالمناسبة : غاب الأمل عن مباراته أمس أمام المريخ لأنه أعد فريقه بالمذكرات والبيانات ..! * قاد الأمل الهلال للتهلكة وسيلعب السنترليق إن لم يأت لإستاد عطبرة وبراءة المنسحبين في عينيه؛ ولكن يا ترى ماذا سيفعل الهلال مع موقف الكاردينال ..! * البباري الأمل بودي دوري التانية ..! * (شمس) الوصايفة ستسطع بالدرجة التانية و(العافية درجات والهبوط بيانات) ..! * الهلال يخشى مواجهة المريخ فتضامن مع الأمل (الفاقد الأمل) ..! * داخلين بفرصتين وخايفين من الضرب (كم انت كبير يا زعيم، والكوكي انسوه وحصلو ماكسيم) ..! * إتمكسمي ..! نقوش متفرقة * قاد الأمل الوصايفة للدرجة الثانية وهاهم سقطوا في الكمين؛ و(اللعب من عصراً بدري فقد أنتهى زمن سمكرة مجدي شمس الدين) .! * كلنا سنشارك اليوم مع الوصايفة في (آخر ظهور) وسنرفع شعار : لن ننساك يا كبسور ..! * سنفقد (رفاق مساوي) لكن ما كتيرين علي دوري التانية و(كفاية أستمتعنا كتير بهدايا أتير) ..! * التانية على موعد مع الهدايا ..! نقش أخير * على ذكر الهدايا نهدي للحبيب مزمل أبو القاسم وهو يعود للكتابة اليوم أغنية الراحل إبراهيم الكاشف التي كتبها أستاذنا وصديقنا المريخابي العجوز السر قدور (أرض الخير) عقب إجراء بعض التعديلات (الشمسية) : * (صفر) الخير (التانية) مكاني زمن (كبسور) و(الشكوى) زماني (صفر) جدودي جباههم عالية (مقالب) ما بتتراجع تاني اقيف قدامها واقول للتانية انا (صفراني) أنا (فريقي) .. فريق الزوغة وسيدا فيه (كمائن) و(سيخ) وجناين عيون و(نجوم) للسيخ بتعاين (صفرو) بيضوي ما بغيب أبداً دائماً باين (كبسور) بيسقي ليالي حبيبة عليها بغني واقول (للتانية) انا (صفراني) شمسك (صقعت) و(كشفت تيمك) بقت شمسين شمس (الفزة) ونورها الاكبر ركضت (جارية) زي تاريخي (نضيفة) و(فاضية) ملت الدنيا و(صفرنا) بيكبر شمس (التانية) معاي تابعاني ده الخلاني اقول للدنيا أنا (صفراني