سودارس : كيف تكتب قصيدة فرنسية باللغة العربية؟

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كيف تكتب قصيدة فرنسية باللغة العربية؟

كورة سودانية نشر في كورة سودانية يوم 09 - 12 - 2015

دق الدلجة
محمد عبد الماجد
كيف تكتب قصيدة فرنسية باللغة العربية؟
اغرب قصيدة وقعت لي في (جرح) ..ما عندها علاقة بالكورة ..لكن يتخيل لي
كدا من (الشبه) فيها ملامح من قون والي الدين في الهلال السعودي.
الناس تقوم وتقع.
تقول ماشيين الطاحونة.
وباكات الهلال السعودي متل الرايح ليهم (مصران) في خط 18.
الطاحونة هي ذات بقت حاجة (خيالية).
وهم ساكت.
طاحونة شنو؟.
في الزمن دا معقولة في زول بيشيل ليه (عيش) ويمشي على (الطاحونة).
تعمل كدا يقوموا يسحبوا منك (الرقم الوطني).
يقولوا الزول دا فلت من (جدودنا القدماء) من مطالعة سنة رابعة ..الجابو هنا شنو؟.
يطلعوك مجنون.
وما عندك موضوع.
ومخرب للذوق العام.
يخلوا طه سليمان.
ومعتز صباحي.
ويقبلوا عليك.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
زمان الدنيا بي خيرها …زمان اكتر مجهود ذهني ممكن تبذلو ..تحل لليك
(كلمات متقاطعة) بعد ما تدخل ليك في عراقي (هبابة)..وتشرب ليك (50) فنجان
قهوة.
تقول عاوز تحل الاتحاد العام.
كلمات متقاطعة تعمل فيك كدا.
(50) فنجان قهوة انت عاوز ترجع (الاندلس).
هسع لو عاوز ليك (انبوبة غاز) لو ما حتيت رأسك ..وصلعت من الاربع جوانب
ما بتلقى ليك (انبوبة).
تحوم الخرطوم دي محل …محل.
اخر حاجة برشدوك على (صيدلية) تشيل ليك علاج من (الكواسة) وتمشي على البيت.
مرات بقعد برة العيون.
العيون ذاتها مرات بتتغاتت عليك ..تعمل ليك فيها ما شايفه.
وهي شايفة اي حاجة.
زي قون (بشه) التاني في رمزي صالح.
رمزي صالح لمن شفتوا بعد القون قايلو (احمد شوقي).
ما عارف الخلاني احس انو (احمد شوقي) شنو؟.
مرات بيجيك شعور ما عندو مسببات وما فيه منطق.
لكن ما بتقدر تقول شيء.
ببتقبلو كدا بي حالتو.
بي صمتو.
رمزي صالح جابوه في قناة مصرية ..بعد سنة ونص من قون بشه سألوه قالوا
ليه شعروك شنو في الحالة دي؟.
قال ليهم انا ما عارف – لكن يتخيل لي (بشه) كان متسلل وقت الضربة.
وحلايب سودانية.
كمان نحن بنلعب.
بشه طبعا كدا..بيظهر ليك متسلل وهو ما متسلل.
وقت يقع في التسلل بكون مرق منو.
عشان كدا بتحصل اللخبطة.
خلوني في (القصيدة) الفرنسية الجديدة.
افتح (شهقة) برة الحوش..قبل ما ادخل ليكم على القصيدة.
ما تفتح الباب الكبير…
بتمرّق الناس في الهجير…
من غير يجوك ..يتحاكوا يشربوا في العصير…
الشوفة …اجرة دا الاجير….
عمك حسن حرق الكريعات والفشفيش والسمير…
يتهادي فوق ستين ..يهاتي على النضير…
في ناس شغالة بدون (فشفاش).
فشفاشها اتحرق.
ماشيين كيف ما عارف.
وفي ناس (طوحالها) اتسرق في المواصلات.
دنيا.
تضرب اتنين في اتنين تطلع ليك بي صفيحة جبنة.
زمن.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
بالمناسبة الناس ديل طلعوا.
مرات قلت ليكم في زول بلاقيك بدون مناسبة يقول ليك الكلام دا.
ما عارف انا (التشريعات) دي بجيبوها من وين؟.
الكورة اقوان.
ما تسمعوا الكلام دا.
دا كلام جرايد ساكت.
الكورة بقت (شكاوي).
تقعد في مكتبك وتنتصر.
اسامة عطا المنان ماسك ليك الاتحاد العام متل (ام فتفت).
عشان كدا ما في زول بيسألو.
الكلام كتر.
ام فتفت ريحتها طلعت.
قالوا ليك واحد وقعت بيه طيارة.
الناس جروا عليه ..زولكم قام زي الحصان..الجماعة قالوا ليه ان شاءالله خير؟.
قال ليهم خير ..انا ما عندي اي حاجة ..لو (المدام) معاي في نفس السفرية
برضو ما جاتها حاجة تبقى مشكلة كبيرة.
يبقى يا ريتني لو رحت فيها.
زمن.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
ما تطلع من بيناتنا بي هدوم المدرسة.
ما تمرق تكوس.
ولا تقيف على ملامحنا بي قميصك الاخضر.
ما تقعد تعمل فيها ما عارف شيء.
وتعمل فيها ما سامع.
وانت سامع اي حاجة.
ناس قناة النيل الازرق ..قالوا ليك اليوم والتاني بقى يستقيل فيهم واحد.
كل استقالة فيها مليون مشاهد بضغط على الريموت كنترول ..بحول على قناة تانية.
ان شاءالله (طيور الجنة).
الاستقالات لو استمرت بالطريقة دي اتوقع (حتي تكتمل الصورة) يقدمها (بلة جابر).
ح تخلوا اي حاجة وتقولوا لي (بلة جابر) البجيبو (حتي تكتمل الصورة) شنو؟.
ح اقول ليكم اول الطاهر حسن التوم الجابو شنو؟.
يعني بقت على بلة.
فلاحتكم بس في بلة.
على الاقل بلة جابر عندو في 120 كورة ..كورة واحدة ما بتمشي الكشافات.
لكن الطاهر حسن التوم كوراتو ال 120 كورة بتمشي منهن 121 كورة في الكشافات.
ح تخلوا اي شيء وتقول لي الكورة الزايدة دي جبتها من وين؟.
ح اقول ليكم من (مداد).
خلونا عليكم الله في كورتنا دي.
انا لمن اسمع (ترويج) برنامج (حتي تكتمل الصورة) بتخيل (وائل الابراشي)
ح يقدم البرنامج.
واقول يمكن يجيبوا (منى الشاذلي).
او حتى (توفيق عكاشة).
لمن يجيبوا ليك الطاهر حسن التوم متمحن ..بقول والله يا جماعة ليه حق
(البصل) يطير السماء في البلد دي.
اصلو (البصل) ما خاطي عليكم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
الافلام الهندية زمان كانت بايخة شديد.
مع ذلك كنا متعلقين بيها.
البطل من طبقة استقراطية.
البطلة من اسرة فقيرة ..لكنها جميلة ..وشريفة.
الفيلم يدور على كدا.
اي فيلم هندي دخلناه بدور حول القصة دي.
مع ذلك كنا بننشده ليك.
ونقعد (نستغرب).
الاستغراب زمان كان فعل غير (ارادي) يمكن يحصل من اي شيء.
بنستغرب ونستغرب ونستغرب.
يعني لو شفنا لينا (خواجة) ساكت راكب ليه (عجلة) وعامل فيها رحاله –
بنقول شوفوا الخواجة الما عندو رأس دا.
هسع دي سخانة يعملوا فيها رحلة.
وكنا بنستغرب لي اقل شيء …ما نشوف لينا شيء إلّا نقعد ليك في الشارع
ونقعد نستغرب ليك.
نشبع استغراب.
المروحة نشغلها برانا في (اربعة) …ونستغرب ليك.
منتهى الاستغراب.
الطحنية دي ..نقلب ليك فيها قالب (زبادي) …الزبادي زمان كان
(بلدي)..زبادي (المعلبات) دي ظهر هسع مع (لن نذل ولن نهان).
زمان ما كان في حاجة زي دي.
الشطة الخضراء …كنا بنستغرب فيها.
والواحد فينا لمن يقبض ليه (قمرية)..يومو كلو بكون مشلق (استغراب).
حالتو صعبة.
عشان كدا.
عشان كدا شنو؟.
عشان كدا اقيف ليكم هنا في (البرد) دا.
…………..
و
الهلال سنة 2016 ..مفروض تسموه كروال الهلال.
طرب ساكت.
فرح لي هنا.
كمان نحن ما بنعرف ننبسط.
يوم داك قاعد اعاين في (اغنيات سمراء) في قناة ام درمان ..اتوقعت
ييجبوا ليك هدف ولاءالدين بعد اغنية كابلي.
الهدف برضو اغنية.
قالوا ليك المريخاب بعد فيصل العجب اتسجل في النيل شندي نصهم بقى نيلابي.
والنص التاني مشى الدهب.
حقيقة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
………..
السيدة (ل) – احسن حاجة في ازمة الغاز خلتنا نعرف قيمة الفحم…وشاي (الحطب).
وقرّط على كدا.

حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore

انقر هنا لقراءة الخبر من مصدره.