في السلك بابكر سلك مسار ومشار *امس اتعملت قرعة منافسات الانديه الافريقيه للموسم الجديد *مسارنا مسار السرور *وربنا يقدرنا نمشي في مسارنا لي آخر المحطات *نكمل كل المسار ونصل المطار *اخوتنا الاهله امرهم متصعب شويه *وقعوا في مشار عديل كده *قايلنها كلو سنه حلاوة *المره دي مشار يا حبيب *تبقي عليكم مغصة الوك ووعورة مشار وطاقية سلفا كير *الله يستركم من وقعة طيارة قرنق *بالمناسبه *الكاوبوي او راعي البقر *من يقولوا ليك كاوبوي بتبادر لي عقلك الكسكته والمسدس والحصان *كان ممكن كاوبوي يكون بالكسكته والمسدس والحمار ؟ *لكن الخواجات حميرهم شويه *لو ما شويه ما كانوا وصلوا القمه بالفهم الكتير بتاعهم ده *نحنا نحمد الله حميرنا كتااااااار *اردأ واحد في حميرنا *بل في جميع فصائل الحمير في العالم *هو الحمار الدبلولاوي *ده لايوجد الا في السودان *ومابعيش الا في السودان *ياخ ده تدقو يحرن *تحرن معاهو يحرن *تجر اللجام يمشي *تفك اللجام يقيف *ايها الناس *شفتوا الحمار لما يجوا يدخلوهوا في البنطون ؟؟؟ *ياخ بعزب الناس جنس عذاب *ينفخ ليك نخرينو الكبار ديل لمن يبقن قدر كرعين الردا *ويوقف ليك اضنينو الطوال ديل عدييييييييييييل *وقفة انابيب الغاز في الصف *والبنطون كلو يدفر *وحاتك الحمار شبر ما بتحرك *بخاف من البنطون شديد *الغريبه كل الحمير بتخاف من البنطون ما الدبولاوي براهو *والمثل قال *لو رفسك حمار ماترفسوا *شوف مشارك وين *المهم *يا ناس *ليه شوارعنا وسخانه ؟؟؟؟ *ليه حلتنا وفرقاننا وسخانات ؟؟؟ *ليه شوارع زلطنا محفره ومعفنه ؟؟؟ *ليه ضبابيننا تقول يا ليل يا نيل يا ليل *ليه باعوضنا بقي ما بحترمنا ؟؟؟ *ليه ازقتنا بؤر للامراض والاوبئه ؟؟؟؟ *ليه مطاعمنا مقرفه ؟؟؟؟ *ليه اسواقنا تقرف الزول البجيها ؟؟؟؟ *ليه قمصاننا نضيفه وملابسنا الداخليه كرتونية اللون والملمس ؟؟؟؟ *ليه في الشتاء ده تركب الحافله تندم انك ركبتها ؟؟؟؟ *ليه بلاليعنا قرفت حتي القعونج مننا ؟؟؟ *ليه جزاراتنا ما تشبه شعاراتنا ؟؟؟؟ *ليه ريحة المستشفي عندنا تجبر المرض يقفل نخرينو ؟؟؟ *ليه حمامات المدارس لا يدخلها الا المجبر ؟؟ *المجبر شديد *ليه الحمامات العامه اذا اجبرتك الظروف بالقروش تخشها تمرق تطرش سنه ونص وتفقد سوائل ؟؟؟؟ *ماتقولوا لي الحكومه *ده سلوك فردي وجماعي *سلوكنا بطال شديد *ننضف البيت ونوسخ الشارع بوسخ البيت *نستحمي لتفيض البلاعه في الشارع *نفتح مطعم ونكشح موية الغسيل في الزلط *نستعمل الحمامات العامه بدون وعي وبدون اكتراث وبدون احساس بمشاعر من يستعملها بعدنا *ونتف في السلم *وده شئ مقرف ومؤلم *نفرش الخضار في الارض *ورجلينا تحوم حوله بكثافه *وصاحب الخضار قاعد مشتح رجلينو والخضار بيناتن ونحنا نشتري *كمان نقول ليهو جيب الطماطمايه اللي ورا ديييييييك *نهتم بالمظهر الخارجي وملابسنا الداخليه تكسف *الداخليه هي التي تعبر عن الواقع وعن حالنا *تعالوا نعترف *سلوكنا شين شديد *عدم احساسنا بالاخرين مشكله *عدم احساسنا بالآخرين يقودنا لنبركن غلط *لنملي الطريق اذي *لنضايق بعضنا البعض *الواحد يصلح بيتو *يكب الانقاض والدراب في الشارع *يؤذي عربات الناس *كرور يعتر لي زول عجوز ممكن يكسر مخروقتو *وكسرة المخروقه للزول الكبير عندنا *هي تمهيدي الموت *وماحتصدقوني لو قلت ليكم *في ناس بيشفطوا السبتنك تانك بتاعهم بالليل في الشارع *لا بخافوا الله *لابخافوا محليه *لابخافوا مرض *ولا بخافوا ناس الحله *في الدنيا دي كلها لاقاكم زول بكب السايفون في الشارع بين بيوت الناس ؟؟؟ *ديل نحنا *محتاجين تغيير سلوك *محتاجين شماعة الحكومه دي نخليها شويه بالنسبه لي نضافتنا وقيافتنا واختيار مكان تفنا لي سفتنا *فالحكومه ما عندها دخل في سفتنا *الحكومه بي سفتها براها *بتعرف تسف متين ومن وين *بتسف بالدس *والغريبه نحنا عارفنها بتسف لكن عاملين رايحين *وبتعرف تتف سفتها وين *لكن نحنا سفتنا حقو مانتفها في سلمنا وفي مكتبنا وفي حافلتنا *معقوله زول يكتب تذكار جوه الطياره!!! *تذكار من صديق قسم السيد من ابناء ال…. ؟ *ياخ معقول !!!! *تعالوا نعترف بي قصورنا عشان نغير سلوكنا *سلوكنا همجي *حتي المثق فينا *سلوكو همجي *دكتور فلان استاذ في الجامعه *وهو في عربيتو ممكن يجدع ليك كرستالة الببسي بعد يشفطها في الشارع عادي *وينها الثقافه يا دكتور ؟؟؟ *القلم مابزيل بلم *نحنا كعبين شديد *والغريبه لما زول في كافتريا يضايقو الزكام *فيييييييييييييييييييط *بديك ليها جوه الساندوتش *ولا بهمو شئ *والاغرب انك تاكل عادي *والغريبه النوع البديك باع في حنانك *تمشي وين ماتعرف *هو شبع وانبسط *مابهمو باع دي تعمل فيك شنو *محتاجين كورسات سلوك مكثفه *عشان نمشي مع الزمن *عشان مانبقي محن نمحن الزمن زاتو *ايهاالناس *ان تنصروا الله ينصركم *اها *نجي لي شمارات والي الخرتوم *يا والينا *قصور البيئه والصحه واضح علينا *لكن بصراحه يا والينا *برضك عندنا يد في البحصل فينا *النفايات نفاياتنا *والبلاليع حقاتنا *والحفرن الزلط مويات كافتيرياتنا سلك كهربا ننساك كيف ولما الزول يختها فييييييييييييييييييييط الكلب بجري مرددا الله يقرفك جيتونا من وين انتوا ؟؟؟؟؟ والي لقاء سلك
