في السلك بابكر سلك عيب الزاد ولا عيب سيدو * معادن الناس بتظهر عند الضروره علي حقيقتها * اعتاد المريخ علي البحبوحه في عهد جمال * واعتاد كذلك علي غياب وجوه كثيره عند ابتعاد جمال * غياب لدرجة المريخ لاعب متين ماعارفين * نفس تلك الوجوه تعود مهلله ومستبشره عند يكون قرار جمال العوده * احترنا فيهم * وقطع شك احتار فيهم جمال * بدأنا نشك في انتمائهم * أللمريخ ينتموا ام الي شئ آخر * انهم يذكرونا بمقولة سيدنا الصديق رضي الله عنه الشهيره *... ..ومن كان يريد الله فان الله حي لا يموت * وبرغم ذلك * وفي نفس تلك الفتره * فترة غياب البحبوحه عند ابتعاد جمال * تطل علينا وجوها مشرقه * لا لأن جمال قد ابتعد * ولكن لان المريخ يحتاج للرجال والمال * يأتون من كل فج عميق * راجلون وراكبون * بعضهم يخمس السجاره ليدعم * وبعضهم بذراعه يدعم * وبعضهم يأتي باحثا عن التكاليف * انهم المريخاب الشرفاء الشفوت * علي سبيل المثال لا الحصر * قروب الديناكوردات يقوم بجمع نصيبه من مليار الدعم * وهناك صيانة دار النادي * السور الاخ الحبيب جلال عبد الماجد تكفل به وبدأ العمل * وشركة زروق تقوم بصيانة واجهة النادي الشماليه وتعمل كاستشاري لاعمال الصيانه * واجهة النادي الشرقيه اولتراس اسود المريخ * السباكه قروب صفوه بلا حدود * المسرح والحديقه غرفة الزعيم عماد الماحي وآدم عيسي * سباكة الطابق الاول والثاني الشفت خليل علي * اعمال الكهرباء التزم بها مزمل ابو القاسم ومحمد خير ساريا * صيانة المبردات الشفت عمر محمد * الواجهه الجنوبيه تجمع روابط المريخ * صيانة الهول والطابق الارضي قروب صفوة بلادي * ودعم عيني مقدر من العقيد الشفت ياسر * المرأه المريخيه صيانة ونقاشة النادي من الداخل * بربكم ديل مريخاب والذين ذهبوا مريخاب?? * قمت بزيارة النادي * قابلت الشفت البصري عيسي التوم مدير النادي المكلف * قابلت التومات وهن يودعن الابتسامات برغم التعب * وما اجمل وجنات المرأه المريخيه وهي تفيض جيرا وجبصا وتمني * قابلت ايناس وهي تستعد وكشف احتياجات الكهرباء بيدها متوجهه صوب مزمل ومحمد خير * قابلت فتية يعملون في صمت مقدس وبمحبة كبيره ودرجة الحراره تدخلها طب الخرطوم * قابلت الحسين ابو وشباب غرفة الزعيم * كم انت كبير يا مريخ * طالما في شعبك امثال هؤلاء * وعلي الذين يفكرون يا دوبك في معرفة اخبار المريخ ان ينقطونا بسكاتهم * وينقطونا بغيابهم الذي لا ينقصنا شيئا ولا يعيبنا بقدر مايعيبهم * انهم ذلك النمل الذي اخبرتكم به * النمل الذي يلملم اطافه ليتلم حول صحن العسل * كرهتوا النحل زاتو اليوم الصنع فيهو العسل * ايها الناس * قرش بدعم * جرة فرشة جير علي حيطة بتدعم * عيب الزاد ولا عيب سيدو * سامعني يا النمل??? * ايها الناس * قروبات المريخ تضم خيرة الناس فهما وثقافة وانتماء * اعتادت ان تنافس نفسها في دعم الكيان * تعالوا نعلنها منافسه شريفه بيننا * نتسابق فيها نحو شرف الاكثر دعما للمريخ وخدمة * ايها الناس * اي لقب او صفه نطلقها علي شئ يخص المريخ * الجماعه بهناك يسرقوها * ومثال لذلك وصف الشفوت * اطلقته علي جماهير المريخ قبل كورة راجي وهنو * يوم ابعمود كان عنوانو * يانتشفتن يا نتبشتن * بشوف الجماعه بسرقوا فيهو * سرقوا اي شئ * بس الماقدروا عليهو لقب بطل الكاسات المحموله جوا * وما تستغربوا لو يوم روشا كتب الازرق الوهاج * او فطومة كتبت القبطان الكاردينال * تقليد بس * الهلال الصيني السوداني * ايها الناس * اكتب قبل لقاء النسور * كورة حاتكون جميله * لانو نحنا كورتنا جميله * وكورة النسور جميله * ومابندق النسور بالشلوت * لانو ماعندنا حكم يحمي بلطجينا * لكن بندق النسور بالاهداف * يكفي انو عندنا بكري المدينه * ايها الناس * ان تنصروا الله ينصركم * اها * نجي لي شمارات والي الخرتوم * موضوع اليونان الحايم في الفيس لينا * صحي ولا كضب ولا نستبعدوا ولا مابعيد يا والينا?? * لو بقي صحي الغوهوا يا والينا * لانو الموضوع ده لو وصلنا في ناس طحنيه بشغلوهوا لينا * هو نحنا فارزين شئ يا والينا سلك كهربا ننساك كيف والكلب فاتح خيال للذكريات اتذكر ود بانديه والي لقاء سلك
حمل تطبيق كورة سودانية لتصفح اسهل لزوارنا من السودان على متجر 1موبايل http://www.1mobile.com/net.koorasudan.app-2451076.html لزوارنا من جميع انحاء العالم من متجر قوقل https://play.google.com/store/apps/details?id=net.koorasudan.app لزوارنا من الصين الشعبية http://www.androidappstore.mobi/EN/displayproduct/112531/playstore
