أمام الريال.. الهلال يحلم بالضربة الأولى    الإدارة العامة للمباحث الجنائية المركزية تتمكن من الإيقاع بشبكة إجرامية تخصصت فى نهب مصانع العطور بمعاونة المليشيا المتمردة    كامل إدريس يؤكد عمق ومتانة العلاقات الثنائية بين السودان والكويت    إلى متى يرقص البرهان على رؤوس هذه الأفاعي كلها؟!    "الدعم السريع" تبسط سيطرتها الكاملة على قاعدة الشفرليت العسكرية    الجيش الشعبي يحرر (الدشول) الاستراتيجية بجنوب كردفان    9 دول نووية بالعالم.. من يملك السلاح الأقوى؟    ترامب: "نعرف بالتحديد" أين يختبئ خامنئي لكن لن "نقضي عليه" في الوقت الحالي    كامل إدريس ابن المنظمات الدولية لايريد أن تتلطخ أطراف بدلته الأنيقة بطين قواعد الإسلاميين    البروفيسور الهادي آدم يتفقد مباني جامعة النيلين    عودة الحياة لاستاد عطبرة    عَوض (طَارَة) قَبل أن يَصبح الاسم واقِعا    إنشاء حساب واتساب بدون فيسبوك أو انستجرام.. خطوات    السهم الدامر والهلال كريمة حبايب في إفتتاح المرحلة الأخيرة من الدوري العام    شاهد بالفيديو.. الفنانة هدى عربي تظهر بدون "مكياج" وتغمز بعينها في مقطع طريف مع عازفها "كريستوفر" داخل أستوديو بالقاهرة    شاهد بالصورة والفيديو.. تيكتوكر سودانية تثير ضجة غير مسبوقة: (بحب الأولاد الطاعمين "الحلوات" وخوتهم أفضل من خوة النسوان)    الصحفية والشاعرة داليا الياس: (عندي حاجز نفسي مع صبغة الشعر عند الرجال!! ولو بقيت منقطها وأرهب من الرهابة ذاتا مابتخش راسي ده!!)    شاهد.. عروس الموسم الحسناء "حنين" محمود عبد العزيز تعود لخطف الأضواء على مواقع التواصل بلقطات مبهرة إحداها مع والدها أسطورة الفن السوداني    شاهد.. عروس الموسم الحسناء "حنين" محمود عبد العزيز تعود لخطف الأضواء على مواقع التواصل بلقطات مبهرة إحداها مع والدها أسطورة الفن السوداني    شاهد بالصورة والفيديو.. حسناوات سودانيات يشعلن حفل "جرتق" بلوغر معروف بعد ظهورهن بأزياء مثيرة للجدل    التهديد بإغلاق مضيق هرمز يضع الاقتصاد العالمي على "حافة الهاوية"    ايران تطاطىء الرأس بصورة مهينة وتتلقى الضربات من اسرائيل بلا رد    غوغل تطلب من ملياري مستخدم تغيير كلمة مرور جيميل الآن    تدهور غير مسبوق في قيمة الجنيه السوداني    كيم كارداشيان تنتقد "قسوة" إدارة الهجرة الأمريكية    "دم على نهد".. مسلسل جريء يواجه شبح المنع قبل عرضه    خطأ شائع أثناء الاستحمام قد يهدد حياتك    خدعة بسيطة للنوم السريع… والسر في القدم    السلطات السودانية تضع النهاية لمسلسل منزل الكمير    المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    مونديال الأندية.. فرصة مبابي الأخيرة في سباق الكرة الذهبية    بلاغ بوجود قنبلة..طائرة سعودية تغيّر مسارها..ما التفاصيل؟    المملكة تستعرض إستراتيجية الأمن الغذائي لدول مجلس التعاون الخليجي    خسائر ضخمة ل"غانا"..تقرير خطير يكشف المثير    "خطوة برقو" تفجّر الأوضاع في دارفور    الترجي يسقط أمام فلامنغو في مونديال الأندية    نقل أسلحة إسرائيلية ومسيرات أوكرانية الى افريقيا بمساعدة دولة عربية    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    إدارة مكافحة المخدرات بولاية البحر الأحمر تفكك شبكة إجرامية تهرب مخدر القات    (يمكن نتلاقى ويمكن لا)    عناوين الصحف الرياضية السودانية الصادرة اليوم الأثنين 16 يونيو 2025    سمير العركي يكتب: رسالة خبيثة من إسرائيل إلى تركيا    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    المدير العام للشركة السودانية للموارد المعدنية يؤكد أهمية مضاعفة الإنتاج    السودان..خطوة جديدة بشأن السفر    3 آلاف و820 شخصا"..حريق في مبنى بدبي والسلطات توضّح    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    بعد حالات تسمّم مخيفة..إغلاق مطعم مصري شهير وتوقيف مالكه    إنهاء معاناة حي شهير في أمدرمان    وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا    اكتشاف مثير في صحراء بالسودان    رؤيا الحكيم غير ملزمة للجيش والشعب السوداني    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



أي (ضحكة) لزول مريخابي أنا كهلالابي عندي فيها (ربع بسمة) !!
كورة سودانية نشر في كورة سودانية يوم 16 - 03 - 2016


بالعربي الكسيح
محمد الطيب الأمين
أي (ضحكة) لزول مريخابي أنا كهلالابي عندي فيها (ربع بسمة) !!
* ونحن في (طلائع العمر) كنا معجبين جدا بثلاث مقولات ..
* المقولة الأولى : (بغض النظر) ، المقولة الثانية : (إشمعنا يعني) والمقولة الثالثة : (مع مراعاة فارق الوقت) ..
* وشخصيا ما بين هذه (الثلاث مقولات) كانت تعجبني (إشمعنا) ..
* والله صحي ..
* كنت بحب كلمة (إشمعنا) لدرجة انني أدخلها في الحديث بمناسبة وبدون مناسبة ..
* ولكن حاليا انا مستهدف كلمة (مع مراعاة فارق الوقت) ..
* في التلفزيون بيقولوا : (حان الآن موعد صلاة العصر حسب التوقيت المحلي لولاية الخرطوم وعلي مشاهدينا في بقية أنحاء البلاد مراعاة فارق الوقت) ..
* يعني لو انت في (نيالا) وفاتح الفضائية السودانية وآذان المغرب حسب توقيت الخرطوم المحلي اذن ما ممكن تصلي .. زي ما إنتو عارفين طبعا ..
* لازم تراعي فارق الوقت ..
* وبيني بينكم أنا ما كنت فاهم شنو يعني فارق الوقت ؟؟
* ما كنت فاهم المقولة دي نهائيا ..
* حسب ظني في الزمن داك إفتكرت إنو (مراعاة فارق الوقت) معناها لو مشيت زيارة لناس في بيتهم (تراعي الزمن وما تقيل معاهم) ..
* كنت فاكر كده ..
* واي زول طبعا حر في (تفكيراتو) ..
* المهم ..
* الهلال في تونس خسر والمريخ في نيجيريا فاز ..
* والفرح عند جمهور المريخ بقى (فرحين) ..
* وقطع شك فرحتهم بهزيمة الهلال أكبر من فرحتهم بفوز المريخ ..
* وقد نجد لهم مبررا لفرحتهم بخسارة الهلال ..
* فرحانين بخسارة الهلال ؟؟ أوكي (نو مشكلة) ..
* ياما المريخ قبل كده فرح جمهور الهلال ..
* لكن كونو تربطوا خسارة الهلال بفوز المريخ وتعملوا (الفرحة مزدوجة) هذا ليس فيه مراعاة لفارق الوقت ..
* والله صحي ..
* فوز المريخ لا يعني قوة المريخ بقدر ما يعني ضعف الفريق الأسمو (واري ولفز) ..
* لانو بصراحة (الإصيفر) الإتعادل مع النسور مستحيل يكسب خارج السودان ..
* والأهلي الليبي ده مش (تعبان) ؟؟ لو المريخ وواري ولفز عملوا منتخب مشترك الأهلي ح ينتصر عليهم ..
* المريخ خفيييف شديد ..
* انا شخصيا عندما ينتصر المريخ في اي مباراة طوالي (خيالي) بمشي في ثلاث إتجاهات هي : ( الخصم ضعيف ، اللقيمات كتيرة ، الحكم منحاز) ..
* دي الثلاث خيارات البتجيني في رأسي لما المريخ ينتصر (داخليا أو خارجيا) ..
* وأفتكر ما في زول بيقدر يحاسبني علي (خيالي) ..
* عشان كده يا جماعة محاولة ربط خسارة الهلال بفوز المريخ ما فيها (مراعاة لفارق المستوى) ..
* ثم ثانيا ..
* إحنا زاتو نضمن كيف إنو المريخ لعب مع واري ولفز ؟؟
* نضمن كيف ؟؟
* إذا كان المريخ في مصر قبل أسبوع لعب وديا مع فريق إسمو (الهرم) وقالوا لينا لعبنا مع الإنتاج الحربي ..
* حربي ب(الحا) ..
* قال الإنتاج الحربي قال ؟؟
* والله دي ذكرتني واحد صاحبنا ..
* عندنا صاحبنا سافر مع والدته القاهرة (مرافق) ..
* من المطار للشقة وتاني يوم طوالي دخلوا في برنامج (الفحوصات) وبعد أسبوع رجعوا بالسلامة ..
* الزول ده من رجع من القاهرة شغال يكضب فينا ..
* قال قابل سمية الخشاب ..
* ولما غالطناهو عندو (مفكرة كده كاتب فيها رقم عالمي) ..
* قال لينا ده رقم (سمية) وده رقم (عمو الخشاب) ..
* وإحنا عشان ما كان عندنا قدرة مالية علي الاتصال العالمي صدقناهو ..
* قلنا يمكن صحي قابل سمية ..
* قلنا يمكن (أمو) كانت بتفحص وتتعالج في (مدينة الإنتاج العالمي) ..
* صدقنا الحنك ..
* زي ما صدقنا حنك الإنتاج الحربي ..
* لكن ربك رب الخير كشف لينا (كضب صاحبنا وكضب ناس المريخ) ..
* الرقم طلع ما رقم سمية الخشاب والفريق طلع ما الإنتاج الحربي ..
* لكن يا جماعة عليكم الله الزمن النحن فيهو ده زمن كضب ؟؟
* في زول بكضب في زمن العولمة والوسائط المتعددة والعالم الذي أصبح غرفة ؟؟
* معقولة ياخي ..
* تلعبوا مع (الهرم) وتقولوا لينا ده الإنتاج الحربي ؟؟
* كلامكم ده تقولوا لزول ما عندو (خالتو اخت أمو في الإسكندرية) ..
* شوفوا ليكم زول بيأكل (أندومي) وقولوا ليهو الكلام ده ..
* لكن إحنا أولاد تسعة ودافننو سوا ..
* عيب عليكم ؟؟
* أنا قلت يمكن المريخ يكون إتخلص من (النقص) بتاعو ده ..
* لكن واضح إنو الجماعة ديل لسه عندهم (إنفصام في الشخصية) ..
* عليك الله لما زول يلعب ليهو مع فريق ويجي يقول ليك لعبت مع فريق تاني ده ما إنفصام في الشخصية ؟؟
* غايتو جنس غايتو !!
* المهم ..
* في نيجيريا المريخ (أكل باصابع الهلال) ..
* إتنفس برئة الهلال ..
* القون جابو عبده جابر ..
* والصنع القون بكري ..
* يعني اي نتيجة إيجابية للمريخ إتحققت منذ قدوم جمال الوالي ولحدي الآن للهلال مساهمة كبيرة فيها ..
* ونحن بذلك سعداء ..
* اي ضحكة لجمهور المريخ إحنا عندنا فيها إبتسامة ..
* لو في مريخابي (ضحك) بعد فوز المريخ في نيجيريا أنا كهلالابي عندي بسمة في ضحكة المريخابي الضحك ..
* والله صحي ..
* مش الزول بتاع الزواج الجماعي داك قال للراجل أنا مرتك دي عندي فيها (ربع رطل سكر) ؟؟
* بس نفس الفهم ..
* اي ضحكة مريخابية إحنا عندنا فيها (ربع بسمة) ..
* وراء كل نجاح مريخي هلالابي عظيم ..
* والتحية ليك يا عبده جابر وان تمارس (أكل عيشك) مع (الإصيفر) ..
* والتحية عبرك لعمر بخيت والمعز وفييرا وتراوري وألوك ، وبالمرة نرسل التحية للأخ شيبوب ..
* انه (الهلال الأحمر) ..
* خلاصة الموضوع يا مولانا .. الهلال متأهل والإصيفر برضو ح يتأهل ..
* وبعد ان نتجاوز هذه المرحلة (الفيهو طيب بنشم) ..
* لقيتو النيجيري ده أول مرة في حياتو يشارك وسرحتوا بيهو ..
* أمشوا قدام شوية وعيونكم ما تشوف إلا الضلام ..
* قال ليك الفريق النيجيري اللعب مع المريخ ده فيهو أربعة لاعبين أول مرة في حياتهم يلعبوا ب(كدرارات) أمام المريخ ..
* أربعة أول مرة يلعبوا ب(كدارات) وتلات أول مرة يلبسوا (شينكارات) ..
* غايتو جنس غايتو ..
* إحنا نلقي زي حمامكم ده علي بالنعمة نلعب الذهاب والاياب في نيجيريا ..
* ولا بنتلتلهم يجونا في الخرطوم ..
* مباراة الأياب زاتها بنلعب معاهم هناك ..
* لكن معليش ..
* الحمام علي أشاكلوا بيقع ..
* والله صحي ..
* و..و..
* وأنا فيك عشقت الروعة و…..(وأختك الممتحنة السنة دي) ..




حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore

انقر هنا لقراءة الخبر من مصدره.