معاذ ابومؤيد تسجيلات النفس الاخير وجوه شابة واربطوا الاحزمة لكرسي الرئاسة دا عيبنا !! نكون عارفين العيد جاي ونشتري يوم الوقفه ورمضان جاي نتكابس في الافران واماكن الاكل والتسجيلات ذاتها معروف تاريخها والناس تدخل في التحانيس والجرسة!! عاد دا كلام دا وين المؤسسية والانضباطية!! يعني اسه لو القروبات دي ماكانت انشئت ماكنا حنسجل ؟؟ شكرا قروبات الواتس اب شكرا روابط الخارج شكرا لكل شخص مريخي خااااالص في ناس الليلة نفضوا توب المريخ الجواهم ووقفوا وقت الحارة وناس نازلين الانتخابات وفي ثبات عميق!!! بالله جيب معاك واحد عصير ليمون عشان البطن طامة!!! رجال المعارك ظهروا ورجعوا لينا الزمن الجميل،،، شكرا لبشباب الكشفين الرشحوا الاسماء الانتقلت،، شمرا رابطتي الامارات والسعودية لترشيحاتكم وتكفلكم بصفقاتكم،،، الكشف الان فيه الشباب وكرسي الرئاسة ايضا اقرب للشباب…… والكرسي دي ختوا تحتها الف خط قلناها زمان جمهور المدرجات يقود ولاينقاد،،، وباذن الله الرئاسة من المدرجات اربطوا الاحزمة وترقبوا المفاجاءت المدرجات حتكون قووووول وفعل طالما تسجيلاتنا وجوه غير مكررة الادارة القادمة برضوا وجوه فير مكررة،،، باذن الله كلو لخير والقادم حيكون خير في خير نقول يارب فقاعة كرسي الرئاسة حتنتهي قريبا،، والخوف المزروع في الناس من كرسي الرئاسة الي ذوال،،، كلو كلام عشان الجميع يبتعد عن الكرسي وكلو بالورقه والقلم والمهم والاهم الثقة بالنفس ننتظر الايام القادمة باذن الله كلو لخير كل يوم ارض المريخ تنبت رجال حريصون علي الكيان وكل يوم المريخ يصنع رجال ومعادن،، معظم الناس ساهرت في انتظار توقيع بعض الشباب لكن في رجال لم تصمت تلفوناتهم وساهروا واتواصلوا لجلب الدعم للتسجيلات وفي شباب دفعوا من حر مالهم لاكمال صفقه !! ماحنعاتب احد لكن دا الحزرنا منوا الجرسة والجقلبة الحصلت في آخر اللحظات !! نتمني التوفيق للشباب الانضموا للكيان الاحمر،، المقيم داخل السودان او القادمين من الخارج ،، نصيحة محب جماهير المريخ تقدر من يحترمها ويحرث الميدان من اجلها حتى ان لم توفق !! بس اكرب نصك واعطي كل طاقتك والجمهور بقيمك باذن الله التقيم الامثل ،، المريخ كيان جميل وعالم مثالي للعطاء مسك الختام التسجيلات خلصت بخيرها باذن الله الناس تجهز نفسها للقادم والشتلات مافي داعي ليها والاخبار المضروبة ماحتقدمنا خطوة قبل مشر الخبر رسلوا لمشرف القروب للتاكد من صحته ماتشتلوا الشتل ضار بالصحة وصحتنا اصلا بالنازل والسبب معروف!!! ونحن علي المدرج ندعم ونشجع ونتفرج ودعمنا الجاي لمرشح المدرجات ودعمنا الجاي للوجوه الشابة ودعمنا الجاي ماحيتوقف مع الشباب في الملعب وفي الادارة مافي تكرار!!! كلو جديد في جديد باذن الله نقول يارب وتشجيعنا حيكون متواصل لكل شخص هموا الكيان وفرجتنا باذن الله تكون مع القادمين الجدد ،،، وناس اتعزز الليمون والشجر القام ليهو شوك ديل يشوفوا ليهم كنبة احتياط الكلام ليك يالمطير عينيك واخلاق المريخ سنزرعها في القادمين الجدد مع المخلصين للشعار فقط،،،، همسة اخيرة امنياتنا نشوف مع الشباب مدرب شاب،، مدرب عندو طموح لاثبات الذات مدرب روحوا وعمروا قريب لمن داخل الميدان،،، مدرب يتمرن معاهم ويشرح خطط المباريات،، مدرب عندو القدرة علي التغيرات مدرب شجاع مدرب بكافة الصلاحيات ماعايزين معاه في الكنبة الا الاحتياط الادارين حدكم معاه توفير الاحتياجات،،، اختونا من زحمة الدكة ماعايزين نشوف بنطلون وقميص في كنبتنا ،، رسالتنا واضحة للجميع مافي شي ضيعنا غير زحمة الدكة وتوجيهات من كل حتة والتدخلات الادارية مع الفنية لاجون سينا ولاجون سينا مكرر خارج النص شعار المرحلة القادمة المريخ بمن حضر نبني لنهاية العام والعطاءه قليل الله يستر علية المخلص لينا نخلص ليه وندعموا بحباي عينينا والمدلع ومطنقع كمان يورينا عجاج كرعيه كلها ستة اشهر ويورينا عرض اكتافوا!!!! كلو شباب في شباب والماقادر يصبر يساعدنا بالسكات والموية الباردة،،، نقول يايوم بكرة ماتسرع وتخفف للمدرج نيرانوا!! صبرنا عليكم كتير وصبرنا قال عايز صبر عشان يصبر عليكم !!! الاسبوعين ديل الزمن فيهم ماشي بالدفرة ذي دفرة التسجيلات الليلة قلتوا لينا عملوا استعانة بصديق !!! ماقلنا ليكم الادارة دي صعبة قوية والصرف كتير عليكم ؟؟ اسبوع ربط الاحزمة مروريا ونفسيا،،،،،،، تغريدات مرورية لاتنسي حزام الامان وماتخلي الموبايل يعمل ليك رنات وماتنسى اتصالك مهم لكن حياتك اهم واصل وبعديها اتصل حياتك غاليه علينا للتغريدة نقاط واراء اقبل منها ماشئت وارفض منها ماتشاء تغريدة بصوت مسموع تعبر عن اراء الكثيرين منقوله ومربوطة بنبض المدرج،،،،،،،،،،
