في السلك بابكر سلك تتعدد الدكاكين واليسع واحد * المريخ ينقاد للتعادل في كادوقلي * هكذا ترد الينا العبارة من المريخ موبايل * طولنا منقادين * خسرنا خمسه نقاط من تسعه وعلي التوالي * في آخر تلاته مباريات المريخ طوالي ينقاد * حتي اصبحنا مثل سيارة تعليم القياده * حقو في فنايلنا بي ورا نكتب سواق تحت التمرين * عشان ما كلو يوم يدقشونا * ولكن العزاء اننا بنبني في فريق * بنا صبري دبايب * كلو يوم نبني ونكسر ونعدل برانا * واذا وجدنا العذر لاي شئ * لانجد العذر لمظهر البعثه القبيح * كلو زول لابس بي طريقتو * ومحسن بنفس الفنيله * فهل يتناسب مظهر بعثتنا امس مع سياسات الانضباط التي تملأ افق المريخ هذه الايام??? * ايها الناس * قوة العزيمه هي اساس النجاح * فاذا كان الكيان المريخي كله قد فقد الامل في الدوري بعد الخساره من الهلال * لا لشئ سوي ان فارق النقاط كبير * تتذكروا لما كنا فايتين الهلال بسبعه نقاط?? * هل استسلم كيان الهلال وقتها وخنع لخسارة الدوري?? * التاريخ يحفظ للاهله ادارة ولاعبين وجماهير وكيان * انهم لم يفقدوا الامل * بل تمسكوا بالفوز بالدوري * وعملوا لذلك الهدف * وكان لهم ما ارادوا * فازوا ببطولة الدوري بفارق سبعه نقاط * عوضوا السبعه الفرق وزادوها مربوطه تاني * فلماذا الخنوع ورمي الرايه وضعف العزيمه عند الكيان المريخي??? * المهم * البقت بقت واقع * واذا دايرين نغير الواقع * حقو نتعامل معاهو باسترتيجية انو واقع نريد فراقه والفكاك منه * عشان نطلع من العبارة المنكسرة دوما التي تقول * بنبني في الفريق * فريق ود البنا ده البنا فيهو بنتهي متين??? * ايها الناس * لم يرحب مجتمع المريخ بالتسيير تو عشان بتديهو حقنة تفتيح البشره * غشه تجعل من الاخضر اصفرا براقا * والجينات ياها الجينات * وفيها كمان احتمال سرطانات * فهناك اهداف محدده اعتقد ان التسيير تو جاءت لاجلها * اذا نجحت فيها تنجح في ادارة الكفه بحرفيه * واذا فشلت نلخ الطين ونرجع لي قصة بنبني في فريق * هناك ملفات يجب فتحها منذ الآن * ملف مدرب بقامة الكيان * معلم يجيد البناء والتعمير * احترم محسن وبرهان * ولكن المريخ اكبر * كبير الله * وملف اللاعب جابسون * هل وجد عرضا خليجيا فعلا وبقي داير الطلاق * ام طالب بمستحقاته في نيجيريا ولم تصله * ام القصه هي عدم احترام من اللاعب للكيان وماهاميهو الحاصل يحصل * وملف الشركة الصينيه والاستثمار * هذا من اهم ملفات التسيير تو * اذا نجحت فيه قطعت مشوارا طويلا في سكة النجاح * واذا فشلت تدينا حقنة تفتيح بشرة نعيش بيها كذبا بين الناس * نكون من برة نراري * وجيناتنا تحمل في طياتها ابنوسيه لا اري سببا لابادتها بالكريمات * تلك هي اهم اهداف التسيير تو * فهل نأمل منها ان تدير تلك الملفات بوعي وحكمه!!! * ايها الناس * ان تنصروا الله ينصركم * اها * نجي لي شمارات والي الخرتوم * كان شفت يا والينا * امس قرينا وقالوا لينا * عن قصة الزول الاسمو اليسع يا والينا * الامتلك ساحات جاكسون الموقف والمينا * شايل باسمو الف من طباليها ودكاكينا * ومن سياسات الاصلاح يا والينا * نزع المنح من اليسع والغاء الطبالي وجميع دكاكينا * فهل هذا هو الاصلاح يا والينا * ام الاصلاح احضار الناس الجهجهوا الامه وادوا اليسع كل دكاكينه??? * ام نزع الدكاكين يحلل الذين صدقوا الدكاكين لليسع من حق الامه الحزينه * ماقادر اصدق القريتو يا والينا سلك كهربا ننساك كيف والكلب قال تتعدد الدكاكين واليسع واااااااحد والي لقاء سلك
حمل تطبيق كورة سودانية لتصفح اسهل لزوارنا من السودان على متجر 1موبايل http://www.1mobile.com/net.koorasudan.app-2451076.html لزوارنا من جميع انحاء العالم من متجر قوقل https://play.google.com/store/apps/details?id=net.koorasudan.app لزوارنا من الصين الشعبية http://www.androidappstore.mobi/EN/displayproduct/112531/playstore