سودارس : التسوي كريت في القرض تلقاه في المباريات المؤجلة

نزار العقيلي: (كلام عجيب يا دبيب) البرهان يؤكد حرص السودان على الاحتفاظ بعلاقات وثيقة مع برنامج الغذاء العالمي عطل في الخط الناقل مروي عطبرة تسبب بانقطاع التيار الكهربائي بولايتين ميسي: لا أريد أن أكون عبئا على الأرجنتين.. وأشتاق للعودة إلى برشلونة رئيس مجلس السيادة يؤكد عمق العلاقات السودانية المصرية رونالدو: أنا سعودي وأحب وجودي هنا مسؤول مصري يحط رحاله في بورتسودان (25) دولة تدين بشدة الفظائع وانتهاكات القانون الإنساني الدولي في السودان على يد ميليشيا الدعم السريع "فينيسيوس جونيور خط أحمر".. ريال مدريد يُحذر تشابي ألونسو الهلال يدشن انطلاقته المؤجلة في الدوري الرواندي أمام أي سي كيغالي كُتّاب في "الشارقة للكتاب": الطيب صالح يحتاج إلى قراءة جديدة عثمان ميرغني يكتب: إيقاف الحرب.. الآن.. مستشار رئيس الوزراء السوداني يفجّر المفاجأة الكبرى مان سيتي يجتاز ليفربول التحرير الشنداوي يواصل إعداده المكثف للموسم الجديد دار العوضة والكفاح يتعادلان سلبيا في دوري الاولي بارقو كلهم حلا و أبولولو..!! السودان لا يركع .. والعدالة قادمة شاهد.. إبراهيم الميرغني ينشر صورة لزوجته تسابيح خاطر من زيارتها للفاشر ويتغزل فيها:(إمرأة قوية وصادقة ومصادمة ولوحدها هزمت كل جيوشهم) لقاء بين البرهان والمراجع العام والكشف عن مراجعة 18 بنكا السودان الافتراضي ... كلنا بيادق .. وعبد الوهاب وردي شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان وزير الطاقة يتفقد المستودعات الاستراتيجية الجديدة بشركة النيل للبترول أردوغان يفجرّها داوية بشأن السودان وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" مركزي السودان يصدر ورقة نقدية جديدة "واتساب" يطلق تطبيقه المنتظر لساعات "أبل" بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

التسوي كريت في القرض تلقاه في المباريات المؤجلة

كورة سودانية نشر في كورة سودانية يوم 14 - 07 - 2016

دق الدلجة
محمد عبد الماجد
التسوي كريت في القرض تلقاه في المباريات المؤجلة
من رأسي :
من الغرائب ان مجلس المريخ فيه (28) عضو بينما كشف المريخ اصبح فيه (19) لاعبا فقط بعد الايقافات والاصابات الاخيرة.
ان شاءالله مزمل ابوالقاسم يبقى ليكم (بكري المدينة).
من كراسي :
بتهيأ لى الناس بتدخل السينما عشان التكييف مش الأفلام.
الناقد المصري محمود عبدالشكور في تعليقه على افلام الصيف
من الاشياء العجيبة ...والمواقف التى يجب ان نتوقف عندها ويتعلم منها المريخاب ..ان المباريات المؤجلة التى خسر نقاطها المريخ ، كلها خسرها بسبب لاعبين انضموا لفريقهم في التسجيلات الاخيرة.
متل الشارع البقولوا ليك فيه كلب.
تقوم تخليه.
وتمشي بي شارع تاني.
تقوم تلقى الشارع التاني فيه (كلب).
وكمان (سعران).
يعني اخير الشارع الاول.
ان شاءالله فمهتوا حاجة.
نفصلها ليكم.
ونجيبها ليكم بي جدول تلاتة.
مع شوية (طحنية).
ونختها ليكم عديل كدا في الواطة.
عجبنا ليكم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
خسر المريخ مباراته المؤجلة امام الهلال 1 / 2 بعد ان تقدم المريخ بهدف (ضفر).
الغرابة ليس في هذه الخسارة ...المريخ قرابة (15) سنة لم يفز على الهلال في استاده في الدوري الممتاز.
ويقولوا ليك (الند).
ند في شنو؟.
بعد كدا لا كورة ولا جوهرة بتلمنا بيكم.
فرق الليل من النهار.
غرابة مباراة القمة ان اهداف الهلال الاتنين سجلوها لاعبين انضموا للهلال في فترة التسجيلات الاخيرة.
انتوا فاكرنها (صدفة).
نحن قاصدنها.
دا علم دا.
انتوا فاكرين شنو؟.
هدف التعادل الاول سجله المحترف (النيجيري) شابولا.
الموضوع دا مقصود.
ما تعملوها ساكت في (مصعب عمر).
مصعب عمر ما عندو اي ذنب.
وما عندو دخل بالموضوع دا.
وهدف الفوز سجله سادومبا من ضربة جزاء ارتكتب مع شابولا.
وبرضو قاصدنها.
لا ادري كيف كان سوف يكون الموقف لو ان هذه المباراة لعبت في موعدها ، اي قبل فترة التسجيلات.
من غير شابولا وسادومبا وشيبوب.
غايتو انا ما عارف الكان بيحصل شنو؟.
المهم الآن ان شابولا وسادومبا سجلوا للهلال بعد انضمامهم للهلال في التسجيلات الاخيرة.
الموضوع دا اتحدثت عنه الصحف ..وشهدوه كل الناس.
الجديد شنو البخليني نرجع للكلام دا تاني.
في حاجة جديدة ظهرت.
في امور استجدت.
انتوا قايلين بتكلم ليكم عن هذا الموضوع ساكت كدا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
هل تعلموا ان محترف هلال كادوقلي (النيجيري) ايضا (اوسنغو) ، هو الذي سجل هدف التعادل لهلال كادوقلي.
الحكاية دي برضو مقصودة.
طيب الغريب شنو في هذا الامر؟.
الغريب في هذا الامر ان (اوسنغو) هذا انضم لهلال كادوقلي ايضا في فترة التسجيلات الاخيرة.
علم والله.
والله دا جدول تلاتة عديل كدا.
عشان تاني ما تمكروا لينا.
وعشان تعرفوا البتسويه كريت في القرض بتلقاه في جلدها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
مباراة المريخ امام هلال كادوقلي لو اتلعبت في موعدها كان المباراة انتهت على هدف رمضان عجب.
اها ان شاءالله بعد (اللفة) الطويلة دي يا ناس المريخ فهمتوا حاجة.
نشرحها ليكم.
ونجيبها ليكم بي جدول اربعة.
الارقام بتقول ان المريخ قرابة ال (15) عاما لم ينتصر على الهلال في ملعبه.
علم والله.
الكلام دا قبل ان يصبح استاد الهلال (جوهرة).
بعد ان اصبح استاد الهلال (الجوهرة الزرقاء) تاني تعادل ما تحلموا بيه مع الهلال في استاده.
ناس ضفر ديل كشافات ساكت بنغلبهم.
وكان لي مصعب عمر – زولكم (النجيلة) قاعد تهجمو ليكم.
نحن ب (سوق القش) حسب كلامكم قاعدين نجهجهكم ...يا ربي ب (الجوهرة الزرقاء) كيف؟.
تاني تعادل ما تفكروا فيه.
الشيء الغريب ان المريخ ايضا منذ اكثر من (5) سنوات لم يحقق انتصارا على هلال كادوقلي.
الهلال الكبير خلوه.
الهلال سيد الاسم..انسوه.
الجماعة ديل هلال كادوقلي (5) سنوات ما قدروا ينتصروا عليه في ملعبه.
البرمجة الرقمية بتقول ايضا ان المريخ في الدورة الاولى فشل في ان يحقق اي انتصار على اي هلال في الدوري.
هلال الفاشر الذي يتذيل الترتيب العام للدوري العام مع الامير البحراوي ما قدروا ينتصروا عليه.
السنة دي نهي هلال.
الجماعة ديل امس لعبوا امام هلال الفاشر وديا في ملعبهم ..وغلبهم يفوزوا عليه.
الكلام دا ان شاءالله بكرة نرجع ليه في صفحتين (اوعى تغير المحطة).
عشان نشوف الكلام دا حدو وين؟.
معقولة (هلال) واحد في الدوري لا رسمي ولا ودي ما تقدروا تغلبوه.
انتوا عارفين لو ما اهلي شندي ...كان المريخ هسع بكون مهدد بالهبوط.
المريخ بلقى تكية (اهلي شندي) دا ..وبرفع نقاطه.
المريخ السنة دي في الدورة الاولى لم ينتصر في الولايات إلّا على اهلي شندي ومريخ الفاشر.
مريخ الفاشر عرفناه...اهلي شندي مالو؟.
كل مبارياتهم في الولايات اما خسارة واما تعادل.
عدا مبارياتهم امام مريخ الفاشر والاهلي شندي.
الغريبة مجلسهم فيه (28) عضو.
بص الوالي.
شهر فبراير...(28) يوم...اقصد (28) عضو.
وانتصار وحيد على اي هلال في الدوري الممتاز ما قدروا يحققوه.
السنة دي (ارقام) الدوري الممتاز عجيبة.
الظاهر ال (28) عضو ..كراعهم حارة.
56 كراع ..لازم تكون فيهم كراع حارة.
مع اني على ثقة ان ال (56) كراع ...حارة.
ما فيهم كراع واحدة باردة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
هسع عليكم الله الاجواء الجميلة دي ...بفقدوا فيها (نقاط).
دي مطرة يخسروا فيها.
الفرق (9) نقاط.
عشان كدا الاجواء اتصلحت.
والمطر بقت تمشي وتجي.
على العموم نحن بي تسجيلات مايو الماضي غلبنا المريخ (شيبولا وسادومبا وشيبوب).
وبي تسجيلات مايو الماضي ...(اوسنغو) ...استطاع هلال كادوقلي ان يتعادل مع المريخ.
عشان تاني تأجلوا.
تسجيلات نوفمبر ..يا الكاردينال شدوا حيلكم فيها.
شوفوا المريخ اول حاجة عندو منو (مفكوك).
حكاية (الجنتلمان) دي ..ناس المريخ كلموهم يعملوها مع اهلي شندي.
نحن لا بنعرف جنتلمان ولا بنعرف البركس.
حاجة زي دي ما عندنا.
المحترفين الاجانب في الهلال الآن شابولا وسادومبا ...وامام الهلال اضافة محترف ثالث في التسجيلات القادمة.
عاوزين لينا اسم كبير.
من هسع تابعوا.
وراقبوا.
عشان الهلال في الموسم القادم عاوزنو يشيل البطولة الافريقية ان شاءالله.
الحمدلله هذه اول تسجيلات يكون هناك مدرب متابع لها وعارف هو محتاج شنو.
اي تسجيلات نحن بندخلها بي مدرب جديد.
التسجيلات القادمة سوف ندخلها بمدرب قديم.
وعارف اي شيء.
احتياجاته احضروها ليه.
تاني ما بتكون عندكم اي مشكلة.
المريخ في الموسم القادم ...ح يدخل بي مدرب جديد.
وح يستمر الوضع على ما هو عليه الآن.
بالمناسبة.
ومن مصادر مؤكدة ..برهان ومحسن سيد حدهم (كوستي).
بعد مباريات كوستي سوف يتم الاطاحة بي برهان ومحسن سيد.
اتذكروا الكلام دا.
وابقوا متذكرين.
نحن عارفين اي حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
...............
و
هلال الفاشر ما قادرين تفوزوا عليه في مباراة ودية ...مسافرين كوستي على شنو؟.
والله خسارة تذاكر ساكت.
كوستي اوعكم تمشوا ليها بي (طيارة).
ما في (نقطة) بتحتاج ليها (طيارة).
ناس صلاح نمر ديل مفروض يمشوا قدامكم بي لوري.
طيارة اصلو ما في ليها داعي.
تعب ساكت.
...............
السيدة (ل) – فتحت لي (قوس) ساي – ناس المحلية قالوا عاوزين حقهم.
وقرّط على كدا.

حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore

انقر هنا لقراءة الخبر من مصدره.