ما الأهمية الإستراتيجية لمدينة بابنوسة بكردفان؟    الخارجية تستنكر مساعي نظام أبوظبي راعي المليشيا الإرهابية ضد السودان    ضوابط صارمة لإعادة التأهيل في الخرطوم    باريس يكسر عقدة بايرن ويعبر لنصف نهائي المونديال    سان جيرمان يرد اعتباره بإقصاء بايرن من مونديال الأندية    مصر .. فتاة مجهولة ببلوزة حمراء وشاب من الجالية السودانية: تفاصيل جديدة عن ضحايا حادث الجيزة المروع    اداره المباحث الجنائية بشرطة ولاية الخرطوم تضبط شبكة إجرامية تنشط في جرائم النهب والسرقة بامبدة    شاهد بالصورة والفيديو.. حسناء سودانية تستعرض جمالها بوصلة رقص فاضحة داخل شقتها بالقاهرة    حاج ماجد سوار يكتب: العودة إلى الخرطوم بين الواقع و المأمول (3)    محلية بحري تبحث عن حلول لقضية الرفاة المدفونة خارج المقابر    مأساة في أمدرمان.. تفاصيل فاجعة مؤلمة    شاهد بالصور.. السلطانة هدى عربي تعود للظهور على مواقع التواصل وتخطف الأضواء بإطلالة ملفتة    شاهد بالصور والفيديو.. حسناء الإعلام السوداني شهد المهندس تعود لإثارة الجدل على مواقع التواصل وتستعرض جمالها بإطلالة جريئة    الحَيَاةُ رَجَعَت إلى طَبِيعَتِهَا بِمَا في ذلِك مُسَاعَدة الحُكّام للمريخ!!    شاهد بالصورة والفيديو.. شاب هندي يفاجئ المتابعين ويثير ضحكاتهم بتحدثه الدارجية السودانية بطلاقة (عندنا في السودان مافي رطوبة وأنا من العيلفون والمسيد)    السيسي يؤكد على موقف مصر الثابت الداعم لليبيا والمؤسسات الوطنية الليبية    الذكاء الاصطناعي يزحف على المكاتب.. نصف الوظائف في خطر!    غرامة ب 110 ملايين دولار.. ماذا سرقت آبل؟    نهر النيل تضبط أدوات منزلية ومتعلقات شخصية مسروقة قادمة من ولاية الخرطوم    فورمان طويل كتبه الحلو بعد تعيينه نائبا لحميدتي ( كقائد ثاني الجنجويد)    طقطقة.. 15 دقيقة مونديالية تثير السخرية من حمدالله    نيران بالميراس الصديقة تقود تشيلسي لنصف نهائي المونديال    نخبة(الغربال)    إتحاد حلفا الجديدة يهنئ الإتحاد السودانى لكرة القدم    الطاهر ساتي يكتب: لحين النتائج ..!!    خطاب من"فيفا" لاتحاد الكرة السوداني بشأن الانتخابات    السودان..مجلس الأدوية والسُّموم يوقّع إتفاقية تعاون مشترك مع إندونيسيا    السودان.. الشرطة تلقي القبض على"عريس"    هل يسمع رئيس مجلس السيادة ورئيس مجلس الوزراء لصرخة واستغاثة المزارعين والمواطنين؟    البنك المركزي .. إقالة بُرعي .. أو ( شنق) عبدالقادر محمد أحمد !!    صفقوا للدكتور المعز عمر بالأمس وينصبون له اليوم مشانق الشتم لقبوله منصب وزاري    والي الخرطوم يصدر توجيهًا بشأن محطة" الصهريج"    المذيعة الحسناء سالي عثمان تكتب: (شريف الفحيل إلى أين؟!!!)    إعلان خطوة بشأن النشاط التجاري بالسوق المحلي الخرطوم    محكمة بحري: الحكم بالإعدام مع مصادرة المعروضات على متعاون مع القوات المتمردة    ابوقرون ينقذ الموسم الرياضي ويقود التنمية المستدامة في ولاية نهر النيل.    ترامب: سأكون حازما مع نتنياهو بشأن إنهاء حرب غزة    بعد زيارة رسمية لحفتر..3 وفود عسكرية من ليبيا في تركيا    إدارة المباحث الجنائية بشرطة ولاية الخرطوم تسدد جملة من البلاغات خاصة بسرقة السيارات وتوقف متهمين وتضبط سيارات مسروقة    جهاز المخابرات العامة في السودان يكشف عن ضربة نوعية    جهاز المخابرات العامة في السودان يكشف عن ضربة نوعية    لقاء بين"السيسي" و"حفتر"..ما الذي حدث في الاجتماع المثير وملف المرتزقة؟    مزارعو السودان يواجهون "أزمة مزدوجة"    الجيش السوداني يستهدف مخزن ذخيرة للميليشيا ومقتل قائد ميداني بارز    رسائل "تخترق هاتفك" دون شبكة.. "غوغل" تحذّر من ثغرة خطيرة    بعد تصريحات الفنان شريف الفحيل الخطيرة.. أسرة الفنان الراحل نادر خضر تصدر بيان هام وعاجل.. تعرف على التفاصيل كاملة    لماذا نستغفر 3 مرات بعد التسليم من الصلاة .. احرص عليه باستمرار    مِين فينا المريض نحنُ أم شريف الفحيل؟    كيف نحمي البيئة .. كيف نرفق بالحيوان ..كيف نكسب القلوب ..كيف يتسع أفقنا الفكري للتعامل مع الآخر    السودان..قرار جديد لكامل إدريس    تراثنا في البازارات… رقص وهلس باسم السودان    30أم 45 دقيقة.. ما المدة المثالية للمشي يومياً؟    وزارة الصحة تتسلّم (3) ملايين جرعة من لقاح الكوليرا    "أنت ما تتناوله"، ما الأشياء التي يجب تناولها أو تجنبها لصحة الأمعاء؟    ماذا يفعل كبت الدموع بالرجال؟    رؤيا الحكيم غير ملزمة للجيش والشعب السوداني    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



التمهيدي وتعلم سواقة العجلة في الكُبر
نشر في كورة سودانية يوم 14 - 12 - 2017

div id="js_12" class="_5pbx userContent _3576" data-ft="{"tn":"K"}"
وان طال السفر
محمد عبد الماجد

جوز الحمام في تركيا وقت يشوهو بجيبوا ليك معاه (سلطة طحينة).
حاجة جانبية.
هنا في بلدنا دي …جوز الحمام وقت يشوهو ما بتشوف منو شيء غير (سلطة الطحينة).
جوز الحمام ييمشي وين؟.
ما تسألوني.
ما بتكلم.
ولا بقول ليكم حاجة.
ولا بلمح ليكم.
عشان لو قطعتوا لي رقبتي ما بقول ليكم بتشيلوا (المحلية).
عاوزني أقول ليكم (المحلية).
بتحلموا لو منتظرين أقول ليكم (المحلية).
في أم درمان (البطيخة) بفتحوها بالسكين.
في انجلترا بفتوحوا البطيخة بي مربع 4 نجمة.
العالم تتطور.
والتكنلوجيا اتقدمت.
وبقى ما في مساحة للسكين.
في الهند أي واحد عاوز يبقى (البطل).
أي هندي عاوز يبقى (ممثل) ونجم في السينما.
في السودان أي زول عاوز يلعب في الهلال.
بما في ذلك احمد عبدالله ضفر.
ندخل على (الجد).
الحمام ما بحلكم.
وسلطة الطحينة ما بتخلينا نطلع من الموضوع.
التمهيدي دا اصلو ما فايتنو.
يلعب فيه الهلال.
يعفى منو الهلال.
برضو بنقول كلامنا فيه.
للأمانة اذا تم إعفاء الهلال من (التمهيدي) وشارك المريخ في هذه المرحلة ،فان المريخ ما كان سوف يخرج مننا سالماً، كان عملنا ليه (سيرة).
كانوا ح يتعبوا معانا.
يشربوا ما يرووا.
كنا ح نقطع لحمهم.
ومشاركة الهلال في مرحلة (التمهيدي)، لا يعني ذلك ان نغير نظرتنا في (التمهيدي).
التمهيدي يبقى تمهيدي.
في كل الأحوال لا لا للتمهيدي.
الله يقطع سنين التمهيدي.
وناس التمهيدي.
ومرحلة التمهيدي.
نحن (التمهيدي) عندنا زي أكل البصل بالشاي.
زي الموبايل وقت يكون خط واحد.
متل البيبسي الما بارد.
والتمهيدي مع الهلال متل تعلم سواقة العجلة مع الكبر.
حاجة ما خايلة مع الهلال.
وموضوع ما بتبلع لينا.
وهذه مناسبة لأن ننتقد الهلال نفسه والذي لعب في مرحلة (التمهيدي) هذا العام.
لا بد من محاسبة الهلال عشان لعب في التمهيدي.
هناك 5 أندية تم اعفائها من (التمهيدي) ، كان يفترض ان يكون الهلال واحداً منها.
نحن اللعب مع الصغار ما بنفع معانا.
نحن من يومنا بنلعب مع الكبار.
ما قاعدين نحب نلعب مع زول أصغر مننا.
شكلنا بيبقى ما خايل.
وموقفنا بيبقى محرج شديد.
اللعب في (التمهيدي) يعتبر تراجعاً كبيراً من الهلال والذي ظل يلعب بعد مرحلة (التمهيدي) وقد أعفي من (التمهيدي) في العام السابق.
الهلال عليه ان يراجع حساباته فقد شهدت مشاركات الهلال الأخيرة في البطولة الافريقية (تراجعاً) كبيراً بعد ان كان الهلال يحقق أفضل النتائج في البطولة الافريقية وكان دائما ما يظهر بصورة مشرفة في مرحلة المجموعات.
الآن مرحلة المجموعات لم تعد طموحا للهلال، كما انها فقدت قيمتها، بعد التعديل الذي حدث في البطولات الافريقية.
الفيصل الآن في التأهل من مرحلة المجموعات اذ يعتبر التأهل من هذه المرحلة معادلاً للتأهل لمرحلة المجموعات في السنوات السابقة.
مع ذلك ومع هذا التراجع الذي حدث للمجموعات في البطولات الافريقية فان الهلال أصبح لا يتأهل من مرحلة المجموعات.
رغم ان المجموعات بتلمنا مع ناس المريخ وفيروفيارو.
من هسع بنقول ليكم – الهلال مفروض مرحلة (التمهيدي) ما يلبعها في الجوهرة الزرقاء.
ما بنجرب جوهرتنا بالتمهيدي.
جوهرتنا (التمهيدي) حرمان عليها.
نحن عملنا الجوهرة 3 طوابق عشان نلعب فيها (تمهيدي).
نحن لو قبلنا بالكلام دا – نجيلتنا ما بتقبل بيه.
عشان كدا بقترح نلعب مرحلة (التمهيدي) في استاد المريخ.
ونقفل جوهرتنا.
ما بنجرب جوهرتنا بالتمهيدي.
استاد المريخ متعود على (التمهيدي).
مرة عربي.
ومرة افريقي.
ما معقول نلعب في دور ال 64.
ليه؟.
مالنا.
جنينا نحن.
المهم نقوم نشوف لينا مخرج.
نشوف لينا حاجة نتصبر بيها.
اللعب في التمهيدي سوف يجعل الهلال يلعب يوم 10 فبراير او 11 او 12 فبراير.
يعني بداية التنافس الافريقي سوف يبدأ بعد 55 يوماً.
يعني بعد أقل من شهرين.
وهذا أمر يفرض على الهلال ان يكون أكثر جدية في الاستعدادات.
ولا بد من معسكر مبكر ومنضبط.
الهلال سوف يتجمع لاعبيه يوم 5 يناير.
لماذا لا يكون التجمع من يوم 1 يناير ..عشان الهلال يستفيد أكثر من المعسكر.
الهلال يحتاج ل 40 يوماً على الأقل من أجل الوصول الى المستوى البدني المطلوب.
اما المستوى الفني فانه يحتاج للمزيد من الوقت.
ومحتاج الهلال يلعب عدداً من المباريات الودية.
وهذا يعني كذلك ان افتتاح الجوهرة يفترض ان يكون في بداية شهر اثنين.
قبل انطلاقة المنافسات الافريقية.
البداية المبكرة للهلال في البطولة الافريقية سوف تتيح للمدرب البرازيلي الفرصة لمشاهدة الهلال على الطبيعة في مباريات تنافسية.
وأفضل لفارياس ان يبدأ من دور ال 64 ..عشان يفهم الهلال جيد…من ان يبدأ من دور ال 32 ويدخل بعد ذلك مرحلة المجموعات.
يحتاج فارياس على الاقل ل 4 مباريات افريقية قبل الوصول لمرحلة المجموعات.
أحسن من ان يدخل لينا فارياس لمرحلة المجموعات من جولتين في مرحلة واحدة.
بنحاول نجمّل ليكم (التمهيدي).
نذوقو ليكم.
لكن في كل الأحوال ..نحن ما ناس (تمهيدي).
والتمهيدي ما قاعد يتبلع لينا.
ولا قاعدين نقبل بيه.
مطلوب من الهلال ان يصحح تلك الاوضاع في منافسات هذا العام.
لا بد ان يعود الهلال الى طليعة الأندية الأفريقية.
ننتظر باذن الله وتوفيقه ان يظهر الهلال بصورة راقية وجميلة وممتعة في بطولة افريقيا هذا العام.
وننتظر قبل ذلك ان يحسم مجلس ادارة نادي الهلال أمر المحترفين بحسب تطلعات جماهير الهلال.
القفزة الكبيرة.
والنقلة العريضة سوف تكون من خلال التعاقد مع أسماء معروفة افريقياً.
ننتظر محترفين على مستوى.
لكي يمضي الهلال بعيداً في البطولة الافريقية والتي نسأل الله ان تكون من نصيب الهلال هذا العام.
نحن أكثر تفاؤلاً بموسم 2018م.
2018 موسم سوف يحقق فيه الهلال باذن الله كل تطلعات الأمة الزرقاء.
كل الاحلام ..وكل الأمنيات نتمنى ان تصبح واقعاً في موسم 2018م.
ننتظر استقراراً فنياً في الهلال.
ننتظر ان يتمسك الهلال ومجلس ادارته واعلامه وجماهيره بالمدير الفني في كل الأحوال.
في كل الظروف.
ونتمنى ان يبعد الاعلام والجمهور أيضاً من المنطقة الفنية للجهاز الفني.
من يلعب؟.
ومن يشارك؟.
وكيف يلعب؟.
كل هذه الامور تقع على مسؤولية المدرب.
أي تدخل في هذه الحتة سوف يفسد الأمر.
الخلل يبقى فينا نحن، وليس في الأجهزة الفنية.
لذا وجب التصحيح منذ الآن.
ويجب ان نبدأ بداية صحيحة، قبل ان نصدّر (انطباعات) سالبة عن الجهاز الفني.
ناس مواقع التواصل الاجتماعي ابعدوا من هذه الحتة.
التغبيش لم يعد يصدر من الصحافة الورقية وحدها.
التغبيش يمكن ان يصدر من مواقع التواصل الاجتماعي.
امنحوا المدرب كل الثقة.
وادعموا الجميع.
وان شاءالله موسم ناجح ومتميز للهلال.
…………..
ملحوظة : يلا صفقوا كلكم.
هوامش
سوف يكون أمام لاعبي الهلال فرصة جيدة ومتميزة من خلال معسكر المنتخب الوطني ومباريات بطولة المحليين.
لا بد من تكثيف العناية والرعاية للمصابين في الهلال.
وارتفع عدد لاعبي الهلال في المنتخب ل 13 لاعباً.
قولوا ماشاءالله.
وربنا يكمل الخطوات بالنجاح التام.
التسجيلات تبقى لها اسبوعين وشوية.
وملف المحترفين.
وملف اعادة قيد ركائز الهلال.
احسموا.
محمد داوود مهاجم المريخ قال استهدفوني.
وانت البعرفك منو عشان يستهدفوك.
بعرفوا ليك شنو؟.
في زول بيستهدف ليه مهاجم (مجاني).
في وجود كمال شداد نتوقع موسماً ناجحاً في 2018م.
ننتظر الابتعاد عن التأجيل.
والخرمجة في البرمجة.
وننتظر تحكيماً جيداً.
في موسم 2017م سوف تظهر مروي وسوف تظهر سنار …وهذا يعني ان الموسم سوف يكون أكثر ارهاقا.
وهو بالطبع سوف يكون أكثر قوة واثارة.
لذلك لا بد من وضع برمجة مريحة لأندية الممتاز.
الأمل عطبرة وزع لاعبيه بين المريخ وهلال الأبيض والخرطوم الوطني.
ذهب ضياء الدين وربما قصاري للمريخ.
وذهب مؤيد عابدين لهلال الابيض.
وغادر موسى قديم والتكت الصغير للخرطوم الوطني.
وسوف يعود نادر الطيب والحارس صداح للأهلي شندي.
ماذا تبقى للأمل؟.
لم يتبق للأمل مجرد أمل.
كل العناصر المتميزة فقدها الأمل.
ادارة نادي الأمل عليها استدراك الموقف.
نخشى على الأمل من الهبوط في الموسم الجديد.
والأمل من علامات الممتاز.
لذلك لا بد من تسجيلات قوية للأمل في الفترة الحالية.
حي العرب سجل صاح.
ولا خوف على العرب.
الأهلي الخرطوم أيضاً فقد اسماء لامعة من قوامه.
ومريخ كوستي مازال بعيداً عن الساحة.
أتمنى من قناة الهلال ان تستضيف لنا نجوم تسجيلات الهلال في سهرة جماعية.
والأكيد ان القناة تنتظر انتهاء الهلال من ملفاته المحلية في التسجيلات.
والتاج يعقوب لعاب.
يكفي انه وجد اشادة ناس عطبرة.
ومحمود أم بدة تمنى التاج يعقوب في الهلال.
احسموا.
ونجضوا الشغل.
وخلوا ناس المريخ ينططوا في عيونهم متل سواق اللوري الما عندو (مرايات).
وابقوا على سفر.
……….
عاجل : الغريبة ما في أي مطرة..طيب مالها بتنقط في المريخ؟.


انقر هنا لقراءة الخبر من مصدره.