الاتحاد عطبرة يدعم صفوفه بالسداسي    5 مباريات في الدوري الممتاز اليوم    انتقالات الشتاء ما بين الاضطرار وتجديد الدماء    ظهر دقلو نحيلاً وقد انخفض وزنه كثيراً، مما يشير إلى جسد أنهكه المرض    إعفاء النازحين من رسوم استخراج الارقام الوطنية المفقودة    كيف منع والد نيمار "النهاية المبكرة" لمسيرة ابنه؟    تسليم استراتيجية الخرطوم للتعافي ..وجابر يطالب ببصات حديثة وقطار نقل    مجلس السيادة: البرهان يبحث مبادرة السلام في السودان    ترامب: فنزويلا ستمنح الولايات المتحدة ما يصل إلى 50 مليون برميل من النفط    شرطة الخرطوم تعلن عن حملة أمنية ناجحة    والي الخرطوم يبحث مع الاتحاد العام السوداني لكرة القدم مطلوبات عودة النشاط الرياضي    وزير الشئون الدينية والأوقاف: ترتيبات لعقد مؤتمر للتعايش السلمي خلال الفترة المقبلة    رياض محرز: مباراة نيجيريا ستكون مفتوحة ونحن جاهزون    شاهد بالصورة والفيديو.. الفنانة فهيمة عبد الله ترفض أموال "النقطة" عبر تطبيق "بنكك" وتتمسك ب"الكاش"    شاهد.. حرب إسفيرية تشتعل بين رئيس تحرير صحيفة الدار وداليا الياس.. البلال ينشر صورة للشاعرة بدون "مكياج" ويقول: (بلغني من اعزاء أنها تحدثت عني بسوء) وداليا ترد عليه وتستنجد بشقيقه عاصم    شاهد.. مقطع فيديو يوثق معاناة لاعب الهلال السابق بعد تعرضه لإعتداء من أفراد مليشيا الدعم السريع سبب له "الشلل" والجمهور يناشد الإدارة واللاعبين للوقوف معه    استقالة تهزّ جامعة الخرطوم    8 بدائل ذكية لتقليل استخدام الملح.. دون التنازل عن النكهة    اكتمال عقد المتأهلين.. وجدول ربع نهائي أمم إفريقيا 2025    السودان..حصيلة صادمة بمرض شهير في ولايتين    احذرها في الطقس البارد.. 4 أطعمة ومشروبات تضعف مقاومتك لنزلات البرد    الطاهر ساتي يكتب: أرقام صادمة ..!!    لاءات القائد البرهان الأربعة    الوعي الطبقي في أمريكا وسر محبة الأبجيقات للبليونير ترمب    بنك السودان يسمح بتمويل التشييد العقارى وشراء سيارات النقل    حملة أمنية كبرى بشرق النيل تضبط منتحلي صفة القوات النظامية وتغلق 18 مكتباً غير قانوني    حملة أمنية كبرى بشرق النيل تضبط منتحلي صفة القوات النظامية وتغلق 18 مكتباً غير قانوني    المركزي يعلن إعادة تشغيل نظام المقاصة الإلكترونية    علماء يلتقطون الآثار الأوضح لكائنات فضائية.. ماذا شاهدوا؟    مواعيد مباريات اليوم الثلاثاء في كأس أمم أفريقيا والقنوات الناقلة    بنك السودان المركزي يقرّر بشأن سقف التحويل    تجار سوق الصاغة في كسلا يعلنون إضراباً شاملاً ويغلقون متاجرهم    التاريخ السري للتدخل الأمريكي في تغيير أنظمة الحكم حول العالم    مدير الإدارة العامة لمكافحة المخدرات يستقبل مأمورية الإسناد لجهود المكافحة بولايتي نهر النيل والشمالية    كيف نصنع وعيا في زمن الترند؟    ترامب يوجه "رسالة حادة" لإيران    رزان المغربي تخطف الأنظار في أحدث ظهور.. شاهد    سر نجاح إنقاص الوزن في العام الجديد    من 4 ألف.. استلام 400 محوّل كهرباء في الخرطوم    ترامب يعلنها: ضربنا فنزويلا واعتقلنا مادورو مع زوجته    عبده فايد يكتب: السعودية تقوم حاليًا بعملية تكسير عظام للإمارات في اليمن..لكن القصة أكبر بكثير جدًا من ذلك..    التحالف: نفذنا ضربة جوية استهدفت دعما عسكريا خارجيا بميناء المكلا    الفنّانُ الحق هو القادر على التعبيرِ عن ذاتِه بما لا يخرج عن حدود خالقه    السودان..مسيرات في الشمالية والسلطات تكشف تفاصيل المداهمة    الحقيقة.. كرة القدم تجرّنا جرّاً    الوطن بين احداثيات عركي (بخاف) و(اضحكي)    منى أبو زيد يكتب: جرائم الظل في السودان والسلاح الحاسم في المعركة    «صقر» يقود رجلين إلى المحكمة    شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة    كيف واجه القطاع المصرفي في السودان تحديات الحرب خلال 2025    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    شرطة ولاية نهر النيل تضبط كمية من المخدرات في عمليتين نوعيتين    إسحق أحمد فضل الله يكتب: (حديث نفس...)    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



هو جرى ايه للدنيا - الناس كلها بقت فتوات امال مين اللي هينضرب؟
قوون نشر في قوون يوم 07 - 01 - 2016

عندنا زول في الحلة ما عندو اي قضية بالسياسة – مسك المايك وطالب ليك بضم (شيبوب) لآلية الحوار الوطني (7 +7)
""""""""""""""""""""""""""""
عليكم الله هسع الحراك العملو (شيبوب) ..تراجي مصطفى ذاتها عملتو – الزول دا عمل حريك قوي في الساحة السودانية
""""""""""""""""""""""""""""
في حاجات كتيرة انتقلت الى الواقع من السينما – خاصة في الماضي عندما كانت السينما مصدر اساسي للثقافة في المجتمع
"""""""""""""""""""""""
حليل جمال الوالي – زمان (الجنسية) بطلعها للمالي او اليمني في (5) دقائق..هسع جواز السفر عاوز ليه في المريخ (10) ايام

• امس فات علينا ان نتوقف عند اهم (افيهات) الممثل المصري الراحل توفيق الدقن في فيلم (الشيطان يعظ).
• طبعا من الصعب او من المستحيل ان تكتب في موضوع وتلملم كل جوانبه واطرافه.
• لازم تفوت عليك حاجة – تقوم الصباح زي الزول الرايحة عليه (فرشة الاسنان).
• غضبان عشان في حاجة فاتت عليك.
• ومرات بتفوت عليك حاجة (مهمة) – عضم الموضوع – وتلقى نفسك اتفرعت في حاجات ولا في ليها داعي.
• دي الحاجة البتغيظ.
• ما تشتغلوا بالموضوع كتير.
• مهم ان نقول من الناحية (النقدية) ما من ناحية تانية ان (توفيق الدقن) من الممثلين الذين عرفوا ان يدخلوا (الكوميديا) في ادوار (الشر) التى يقوم بها.
• توفيق الدقن كمدياني (شراني).
• شراني – شراني.
• من الاقوال المشهورة لتوفيق الدقن (الحقيقية) والواقعية انه في احد الافلام رفض ينضرب من الممثل (سمير صبري) الذي حكى ذلك بنفسه في برنامجه التلفزيوني وقال ان توفيق الدقن قال في السينما ما بيقبل ينضرب إلّا من (فريد شوقي) وحش السينما المصرية والذي كان اكثر وحشية من توفيق الدقن.
• المعروف ان محور الشر السينمائي جسد في محمود المليجي وتوفيق الدقن وفريد شوقي.
• جاء بعدهم او معهم عادل ادهم والذي ابدع في دور (الباشا) او (الافندي) الشرير.
• كما اشتهر عادل ادهم ب (الكدوس) – حتى اصبح (الكدوس) من علامات الزول الشرير.
• في حاجات كتيرة انتقلت الى الواقع من السينما – خاصة في الماضي عندما كانت السينما مصدر اساسي للثقافة في المجتمع.
• دا كلام ساكت...لكن كلام مهم.
• او مامهم – على كيفكم.
• ما تشتغلوا بالموضوع كتير.
• الكلام بجيب الكلام.
• 2 × 3 = 6.
• 5 × 4 = 20.
• 3 × 9 = 27.
• 7 × 5 = 35.
• 9 × 8 = شيبوب.
• الواحد بقى (شيبوب) من غير ما يشعر يدخل ليه في جداول الضرب.
• الزول دا عندو (سحر) غريب.
• بقى (حاوي) رسمي.
• بالمناسبة عندنا زول في الحلة ما عندو اي قضية بالسياسة ولا بعرف فيها اي شيء.
• الزول دا وقف ليك في ندوة سياسية مشهودة – مسك (المايك) وطالب ليك بضم (شيبوب) لآلية الحوار الوطني (7 +7).
• عليكم الله هسع الحراك العملو (شيبوب) ..تراجي مصطفى ذاتها عملتو – الزول دا عمل حريك قوي في الساحة السودانية.
• البلد كلها بتتكلم عن (شيبوب).
• وصل جوبا.
• قفز من الطابق الرابع.
• اتسلق الماسورة.
• رجع.
• اختفى.
• ظهر في تونس.
• بس ساكت شايلنها مع ناس الكورة.
• واحد قال لي عليك الله هسع بدل اللفة الطويلة دي ..ناس الهلال كانوا يسجلوا امير كمال وينتهوا من الموضوع دا.
• لا ينتظروا شهر مايو.
• لا يشوفوا ليهم وكيل لاعبين.
• قلت ليه امير كمال (تقيل) ما بقدر يقفز من الطابق الرابع.
• ولا بعرف يتسلق الماسورة.
• انتوا فاكرين شغل شيبوب دا (صدفة).
• الموضوع (خطط) له.
• بما في ذلك (الخروف) الذي اشتراه مجلس المريخ وضبحوه كرامة لعودة شيبوب.
• لكن.
• خلونا مع توفيق الدقن.
• اطلع ليكم شوية من حكاية (شيبوب).
• في فيلم (الشيطان يعظ) يخرج الدقن لازمة تصلح ان تكون عنوان لعصرنا هذا (هو جرى ايه للدنيا - الناس كلها بقت فتوات امال مين اللي هينضرب؟).
• المقولة صارت عند المصريين الآن كالمثل الشعبي او القول المأثور وذلك بعد شيوع (البلطجية) وانتشارهم قبل وبعد ثورة 25 يناير.
• توفيق الدقن اراد في فيلم (الشيطان يعظ) ان يقول بما ان هناك (فتوات) لا بد كذلك من وجود (ضحايا) عشان ينضربوا للفتوات.
• الفتوات ما بضوقوا للدنيا طعم لو ما وجدوا ليهم ناس يهرشوهم ويضربوهم.
• لذلك كان اعتراض توفيق الدقن في فيلم (الشيطان يعظ) على سعيد صالح عندما جاء يعرض نفسه لاحد فتوات المنطقة الذي يعمل معه توفيق الدقن ليكون سعيد صالح (فتوى) شغال مع الفتوى الكبير.
• فما كان من توفيق الدقن إلّا الاعتراض : (هو حصل للدنيا ايه - الناس كلها بقت فتوات آمال مين اللي هينضرب).
• طبعا الفتوات لو ما وجدوا ليهم (مساكين) يطحنوهم ما برتاحوا ولا بيستمتعوا بالحياة.
• القوي عاوز ليه ضعيف ينتظر عليه.
• الفراعنة عاوزين ليهم نفوس ضعيفة وخايفة عشان يتآمروا عليهم ويطحنوهم طحن.
• ادخل ليكم في الجد.
• انسوا موضوع توفيق الدقن.
• نحن مالنا ومال توفيق الدقن.
• امس لاعب الملكية جوبا سافر للانضمام لمعسكر المريخ في اديس ابابا.
• حدث ذلك في الوقت الذي يرتب فيه الهلال اوراقه من اجل العودة الى السودان.
• الهلال سوف يعود يوم 16 يناير اي بعد (9) ايام.
• الوك يا دوب سافر للانضمام لمعسكر المريخ.
• لاقتكم فوضى قدر دي.
• يا دوب جواز الوك الجديد طلع ليه.
• حليل جمال الوالي – زمان (الجنسية) بطلعها للمالي او اليمني في (5) دقائق.
• هسع جواز السفر عاوز ليه في المريخ (10) ايام عشان يطلع.
• الوك دا لو منتظر (اللوتري) – عشان يمشي (امريكا) ما محتاج لكل هذه المدة.
• شيبوب سافر جوبا.
• واتخطف من هناك.
• وطاف ليه (4) مطارات.
• ورجع السودان.
• وقعد مع ناس المريخ.
• واختفى تاني.
• وظهر في تونس.
• ووقع في كشوفات شبيبة القيروان.
• وظهر امس في مدرجات مباراة شبيبة القيروان.
• والوك – الوك يا دوب سافر للانضمام لمعسكر المريخ في جوبا.
• انتوا انا عاوز اسألكم سؤال.
• بعيد من (هو جرى ايه للدنيا – الناس كلها بقت فتوات آمال مين اللي هينضرب).
• بعيد من كلام توفيق الدقن دا.
• انتوا الملكية جوبا معسكرة في (اديس ابابا).
• طيب مالو الزول دا سافر اثيوبيا في هذا التوقيت؟.
• الله اعلم.
• نحن متعودين على الحاجات دي.
• يمكن (الوك) ذاتو يظهر في جوبا.
• شيبوب طاف ليه (4) مطارات مع ناس المريخ.
• وفي النهاية – النهاية شيبوب ظهر في تونس مع شبيبة القيروان.
• عشان كدا موضوع (الوك) ما تشتغلوا بيه كتير.
• الايام بتوريكم.
• اصبروا.
• وانتظروا بس.
• .........
• ملحوظة : رأيكم شنو في (المطرة) دي؟.
هوامش
• يا زول مطرة شنو؟.
• ما في اي مطرة.
• مالك عاوز تجهجه ناس الولاية.
• الجماعة ديل بدون (مطرة)..رأسهم ضارب.
• الهلال يلعب اليوم امام الصفاقصي.
• دخلنا مرحلة المباريات الكبيرة.
• النتيجة ما مهمة.
• ربما يكون الهلال محتاج ليه لي هزيمة.
• لكن مع ناس ابوعاقلة ديل ...الهلال ما بخسر.
• خسارة الهلال بقت مستحيلة.
• ان شاءالله دائما منتصر.
• في فترة توقف الدوري المصري او بين الدورة الاولى والتانية في مصر يفترض ان يدعو الهلال احد الاندية المصرية لكي يلعب امامها.
• اللعب امام الاندية مصرية مفيد ..خاصة ان الهلال يمكن ان يواجه احد الاندية الليبية في البطولة الافريقية.
• من السهل ان يزور نادي مصر السودان لكي يلعب امام الهلال.
• كذلك يجب الاستثمار في هذه الحالة.
• يجب الاستثمار في جماهير الهلال وهي متعطشة لفريقها.
• يعني المباريات الودية التى سوف يلعبها الهلال امام اندية خارجية سوف تحقق عائد مادي كبير.
• الجماهير عاوزة تشوف فريقها.
• وعاوزة تحكم على الهلال.
• الاعلام ما بعطي الصورة الحقيقية.
• هذه حقيقة.
• خلوا الناس تحكم براها على هلالها.
• لا بد من ترتيب البنية الجماهيرية للهلال قبل انطلاقة البطولة الافريقية.
• الجوهرة الزرقاء يمكن ان تتسع لاكثر من 60 الف مشجع.
• هذا الرقم نريد ان نحققه في مباريات الهلال.
• المباريات المحلية ..عاوزين الناس تكون جوة الملعب.
• فكيف الحال يكون في المباريات الافريقية.
• يجب الترتيب لذلك مبكرا بواسطة الدكتور حسن علي عيسي فهو افضل من يرتب لهذه الاشياء.
• كذلك كما اشار الرشيد علي عمر ..يفترض الاستثمار في اعلام الهلال وقمصانه.
• عاوزين الهلال بشكل (جماهيري) مختلف في الموسم الجديد.
• هذا طبعا بعد ان يحسم الاتحاد المواضيع المعلقة.
• اذا لم تحل الازمات بصورة نهائية ..يفترض ان لا يشارك الهلال.
• ولا يجازف لينا في موسم نتائج مبارياته تحسم من داخل المكاتب.
• ............
• عاجل : شيبوب ح يلبس القميص رقم كم في الشبيبة؟...احسموا لينا الموضوع دا.

انقر هنا لقراءة الخبر من مصدره.