بابكر سلك *اجتمع اهل المريخ لاجل المريخ *تسابق الناس لعلاج المصابين *وزحف الارتال صوب القلعة يعيدون تأهيلها *وتوالت النفرات *واشرقت المبادرات *وبدأ الجمهور العودة للمدرجات *فكان النصر جميلا وجليلا لانه نصر معمول بحب *معمول بدون استراتيجيات وكيمان *الجميع كان حينما يضع بصمته همه الاول المريخ *لافي زول شارك لاجل عيون قريش الكبار ديل *ولافي زول شارك ليمن علي علي اسد ليحني راسو ال راسو ده *الهدف كان المريخ *حتي الدم في العروق كان يجري بايقاع *اوووو مريخ اوووو *لذا كان نصرا معمول بحب *ايها الناس *اذا استمر هذا الحب *حتما سنصنع انتصارات جديدة مصنوعة بحب *نمشي خطوة خطوة *عشان مانكشح الحب البجلبق في القلوب *نفكر جيدا ونركز علي مباراة النجم *يجب ان نتأهل علي حساب النجم تأهلا نصنعه بنفس الحب *وكي نمارس الحب *نترك الجدل البيزنطي *نترك الماضي خلفنا *نترك مناقراتنا *ولانهدف للانتصار لذواتنا *فقط نهدف للحب *لحب الكيان الذي يجمعنا *ولحب بعضنا *لنصنع بالحب نصرا جديدا *ايها الناس *انسجام الاولاد سببه الاساسي الحب *لذا ادوا بروعة مصنوعة بحب *رب ضارة نافعة *عقوبة الفيفا بحرماننا من التسجيلات *اعطت الفرصة للاولاد *لاثبات ذواتهم *لانسجامهم *لادائهم بدون توتر مغادرة الكشوفات *تلك العقوبة خلقت انسجاما وعشرة ومحبة *بدورها ولدت في نفوس الاولاد الثقة والغيرة الكانت مفقودة ياولدي *عقوبة الفيفا بحرماننا من التسجيلات اعطتنا درسا بليغا في الصبر علي اللاعبين *صبر بحب *والصبر بحب يصنع لاعبا يؤدي بحب للشعار وحب للكيان وحب للجمهور وحب لكرة القدم *ايها الناس *اتفقنا واختلفنا قبل ذلك حول الزولفاني *ننسي الفات *لاننا الآن جميعنا يقولها وبحب *زولفا مدربي *نرفع له القبعات لان سقف طموحنا العربي قد ارتفع معه *نرفعها بحب يازولفا *ايها الناس *الحبيب رمضان احمد السيد *امس اشاد بالزعيم *وحسب المكاسب والدولارات *ورفع القبعة ولام الكسكتة *رمضان ده قرب يجي *نتخطي نجم تونس *تلقاهو في العين لابس احمر وشايل علم *برضو بحب *رمضان فتر من الصفر *بمناسبة الصفر *لاعبين متين ناس كيسو طار؟؟ *غايتو يافطومة ياختي *هلالكم كلو يوم يطير كيس لما تطيروا الكسكتة *طيروها بحب *يمكن تفارقوا الصفر الساكنكم بحب *لكن حب الصفر ماعذري ياروشا *الحب العذري مابحرج *بحرج حب الحركات *ايها الناس *لسة دي ما آخر محطة *ايدينا ياولد *ايديييينا للبلد *والنهائي ما مستحيل *ولكل مقام مقال *اذا تواصل الحب *سنذهب لعين الامارات بعين ترنو للبطولة *ووقتها العين مابتعلو علي الحاجب *يسمو الحاجب علي العين برضك بحب *ايها الناس *كان كل شئ رائعا في تلك الامسية *عدا خروج بكري مصابا *برغم ان علاج بكري قد تم بحب *انا ماطبيب *لكن عييت قبل كده *واخاف ان يكون بكري قد شارك تحت تأثير التخدير *مجرد خوف *لان في ذلك تهديد بخسارة اللاعب وتقصير عمره بالملاعب *نحن لاننشد بطولة نفقد بسببها خدمات لاعب في قمة النضج الكروي *بكري ثروة تفوق ملايين البطولة العربية *الحفاظ عليه واجب كبير *والابقاء عليه اطول فترة في الميادين هدفا اساسيا *لذا *تاني بقول *نفكر في علاج جذري لعلة بكري *نبطل عند ومكابرة *فنحن في عصر الحب *اسمع ان هناك اتجاه لارسال بكري للقاهرة لمواصلة العلاج *وسمعت تحت تحت انو علاج مصر جراحة *جراحة في اكبر عضلة في رجل بكري وفي عمر بكري كيف بس؟ *فرصة العلاج الناجع وبدون جراحة متوفرة *وعلي لجنة اطباء المريخ ان تخرج من صمتها وتسمعنا الرأي الصواب *نقنع من بكري مباراتي النجم *لنستمتع ببكري في النهائي باذن واحد احد *فكروا بحب ثم قرروا بنفس الحب *ايها الناس *ان تنصروا الله ينصركم *اها *نجي لي شمارات والي الخرتوم *كان شفت ياوالينا *المطابع رب رب رب تطبع لينا *والدولار يمرمط في الناس مطلع عينا *وكت اصلا مابنزل يا والينا *الربربه شنو الفينا! سلك كهربا ننساك كيف والكلب قال رب رب رب مابتغنينا الإنتاج يا بلدينا والي لقاء سلك