محمد عثمان بلل ب(الفار) و(التونسية) الوصيف يودع العربية ..!! قلنا ليكم من زماااااان من بدري. بطولات الكبار عندها ناسها. يظل الوصول لنهائي البطولة العربية حلم يراود الوصيفاب حتي اللحظة. المرة دي وداع تاريخي. وداع ب(الفار). (يا الفار) دمرت احلامي. وب(التونسية كمان). قلنا وداع تاريخي يعني وداع تاريخي. هسي الحكم ذنبو شنو. انتوا حصلتوا منطقة دفاع النجم ساي عشان يحسب ليكم ركلة جزاء. ولا النجم لعب معاكم بعنف. نتقدم بإعتذار عااااااجل للحكم المسكين. غايتو شكلو في عقوبات قاسية في الطريق. حرمان الوصيف من الظهور في البطولات العربية. باي باي عربية. العربية ب(الفار). بعد دا يا النجم جينا ع الجد. معقولة يا النجم الساحلي تعمل في ولدنا كدا. (أرجى الراجيك بس). التار التار يا عمار. (عمار دا منو كمان). والله كل مرة قاعد أتألم لجماهير الوصيف. بترجع طوااااالي ب(خُفي حنين). متعودة داااااااااااايما. لا عودة محمد الشيخ نفعت .. ولا حوفز الوالي جابت حقها. ب(الفار) و(التونسية) .. الصيف يودع العربية.