ادراك عبدالرحمن الهلال القديم رغم تخطى الهلال الامل العطبراوى الا ان الازرق وجد مجاملة من العطبراوى العنيد الذى كرم فيه لاعبه الاسبق نزار فمن عليه العطا ما من واكرمه بوافر من الاهداف.. الحمدلله ومازال الزوران يدمر فى الكوادر الغاليه جيسى وبوغبا وريفو وفينى ومجاهد فاروق …الهلال مختنق بعقليه غريبة فالحرس القديم شهدناه قديما وقد عرفنا مستواه فرغم اننا ربحنا الامل لكن خسرنا المحترفين ..الذين مازالو فى حيره. ونحن نتساءل باى منطق هذا .اتواطوء ام استهداف..؟ …لاول مرة تحدث نادى يستجلب محترفين بالملايين وبدلا من تجهيزهم بالمشاركة الفعالة تجدهم فى دكة البدلاء ويستمتع الفريق القديم بالفرص واللعب. فبدلا ان تبنى عليهم وتعطيهم الثقه وتصنع فريق قوى لتحقيق البطولات فإذا بالمدرب الزوران يركن الى الحرس القديم الذى اذاقنا الامرين. فريق لاكثر من سته سنوات يصول ويجول ويجرجر فى اذيال الخيبة فتارة يتذيل الكونفو..وتارة طيران مبكر..الان اصبح ذاك الفريق اساسى..عجبى !!…الشعله وبشه الصغير وبقية الهكرز الممل اصبح عليه التكل وميدو خارج التشكيله يقزقز لب مع فينى وجيسى وبوغبا.. حقيقة كنا نتوق الى هلال جديد بعناصر شابة وهلال ينسينا الام الماضى والخذلان ابان عهد الكاردينال فريق متكامل فى الدفاع والوسط والهجوم…فبدلا ان يلعب فينى ومقدم بجانب ميدو والممون الفنان جيسى المتألق طوال البطولات الافريقية وبوغبا وسليم…مع رباعى الدفاع ارنق..مويد..الطيب وضاح…وتارا صلاح عادل وفارس تجد العناصر القديمة حاضرة. ذوقيا اعط الجديد فرصه اخى كى تتعرف على مقدراتهم فارنق ومؤيد خدمتهم الظروف ولولا كرونا لكانو الى الان فى دكة البدلاء جيسى..فينى..مجاهد..صلاح.ولا احد منهم لامس الكرة بارتياح الى الان؟ وستيفن زوي والدالى الذى فاجاء الهلال بمستواه الرائع..وبدلا من شراء خانة بويا تركوه خارج الكشف..كوننا ننتصر على الامل المجامل ليس دليل على تقدمنا بل تدمير للكوادر القوية التى تقبع فى دكة البدلاء.. كان لقاء الامل بروفه حقيقة لهجوم الهلال الجديد فينى ومحمد عبدالرحمن وعيد مقدم ومنير ودنوباوى الذى حتى هو اصبح مركونا رغم قدراته المهوله… صدقوني لو كان فى المريخ كا سيكون اساسيا..مالاقى نفس لاهو ولا استيفن زوى… وحقيقة اتساءل لماذا لا نترك عجب وخميس والرشيد للمريخ المحتاج لخدماتهم ونعرض عليه جيسى وفينى وبوغبا فهم اولى بهم…فى مشوارهم الافريقى فالمدرب الفرنسي جرب كل الجدد لانه يبنى على الجدد لان الجديد يريد اثبات وجوده فاعطائه الثقه كان هو السبب الرئيس فى صعود المريخ للمجموعات ..تغزل احد مشجعى الهلال على عزام..فرد عليه احد الاقطاب قائلا (كان حايقعد جنب بوغبا وريفو..ويبرطعو ناس الشغيل..ووليد الشعلة)..صدق حقيقة..الهلال سيعانى اذا لم يعطى فينى وميدو وبوغبا وسليم وصلاح وريفو فرصة اللعب هم ذخر الهلال..انشتاين. لايكذب اذا استعملت الحرس القديم لن تجد نتائج مغايرة.. منتخب بالشعله والضى والشغيل حايسقطو مع اورلاندو..لانه لاجديد فى التشغيل والمقدرات ستظل هى هى.. ولو الزوران كسب لقاء الامل بثلاثية مجامله كان ميدو وفينى وجيسى سيقدمون عر ض اروع والانسجام مطلوب بين خطوط الهجوم والوسط مع اتقان الضربات الثابته والتمريرات وفنون الكرة البينيه والعرضيات كل هذه الاساليب مفقوده الان فى الهلال واصحاب المهارات العالية والاسلحه الفتاكة المتخصصة جلوسا فى دكة البدلاء.. مازال الهلال لغز محير والمفهوم ان الهلال مختنق…وسندفع الثمن قريبا اذا اصر الزوران على تعطيل المحترفين .. ففرنسي المريخ يعمل بالطريقة الصحيحة رغم ان هناك عناصر محترفه.لكنه طبق القاعده وهى الاعتماد على الجدد ومنحهم الثقة فصعد الى المجموعات انا شخصيا كنت خايف من سخط اهل المريخ وكنت اترحم على الاتحاد إذا ماغادر المريخ المجموعات وخاصة من جمهور الاحمر…الذى مازال يصب جام غضبه على دكتور شداد…وخاصة فى مسالة الثلاثى..صعد الاحمر رغم اصابة التش وإيقاف الثلاثى مع اصابة عدد من اللعيبة الاساسيين .. كرة القدم ليست اسماء ياساده هى عطاء طموح.. الفرنسى اعطى الثقة للجديد لخلق مريخ جديد والزوران عكسه تماما لخلق هلال قديم…والله حرام..حرام يازوران..كتيبة كامله مدججه بالاسلحة والصواريخ تقعد كنبه ولسع الشغيل..والشعله..وبشه..ببرطعو. جيسي جاب هدف بضربة ثابته..امكن من مهند الطاهر فات الهلال ماشفتها لافريق قومى ولا غيرو..ما تراه فى الهلال فيلم مكرر لاجديد فيه..نفس الشخصيات.نفس الملامح للهلال الكالح .واذا واصل الزوران..حانعاود الطيران لانو صاحب النظريه النسبيه انشتاين قاليك اذا بتحاول بنفس الاسلوب فلن تجد نتائج مغايرة… والكلام واضح..لاريب فيه.. قصاصات اذا كون الدكتور شداد لجنة للثلاثى اتمنى ان يعود الثلاثى للمريخ وان يدفعو الغرامات والتكاليف لنادى الهلال فالزوران لايحتاح لخدماتهم رغم انو العجب افضل من وليد..والرشيد احسن من الضى..حقيقه.. لم اشاهد لقاء الامل والهلال لاننى كنت اعرف ان الامل بروقها مع الهلال ويكرم نزار كما المريخ والوطنى اصحاب اصحاب اب شنب يسكت يدى فى الاحمر بنلتيات وكلهم طارو شفت كيف..صاح ضربات جزاء لكن تحس بانو اب شنب مامركز الا على اخطاء الشواقيه..الوزيرة ماكانت قاعده كانت تكرمها بى اى حاجه يا بشنب اخى.. اشانتى اشتكى فى كاس بس كان تشتكى وزارة الصحة العالميه مالهلال..لانو المعامل ماختصاصنا.. WHO بدل الزوران يلعب فينى وميدو ومقدم مع بعض ويكمل نزار بى جسيى وبوغبا وريفو وسليم تجده لسع فى ضلاله القديم ياخى نحن عندنا مباراة مع اورلاندو ومازيمبى ركز على ميدو ومقدم وفينى بدل ماتجهز ميدو لسع جارى مع الشغيل وابو عاقله ياخى ادى فرصه للكوادر الجديده.. ديل عشرة سنين فهمناهم ..ادى الثقة للجديد..كده الحصان وراء العربه ولى قدام لاحنلم فى الحصان ولا العربة.. بدور ببكى الهلال جهز تيم زى السم ولسع جارى وراء القديم ده زى عمك قحف فى شندى قدر مايشترو ليهو جلابيه جديده ما بلبسها تلقاهو قاعد يخيط فى العراقى القديم . لامن يوم لقاهو واحد بلتق فى الجلابيه المهروده مسكها قطعها ليهو وجدعها ليهو عكس الهواء وقاليهو اها حدية وطارت..يلا.. زوران فى لاعب اسمو محمد عبدالرحمن..هداف افريقيا فى لاعب اسمو فينى وجيسى خسرانين فيهم 2مليون دولار للتويج بالبطوله الافريقية..ولسع زاكى الشغيل والشعله والضى..زحو لى داير اجعر.. بكلويس بكلا بكلويس احضر شبيك. لبيك مولاى شكرا اشتغلتها كويس مع احمد بيتر بلنتين طارو ماقصرت مولاى اب شنب كان المريخ ماغلب كان تانى اداهم بنلتى شوف لى خشم الموس وين خاتى الحجابات فريق فيهو سبعه واقفين ولسع بيغلب….فرمل لى المريخ..وطبعا.. لازم يكرن حاضر مولاى ….خوازيق خوازيق المريخ يدرن ينقط ويكرررن مووووووهاهاهاها…مووووهاهاهاهامووووووووو….موهاااااااااااهاهاها تحياتى ادراك عبدالرحمن بروكسل بلجيكا
