سودارس : بعد صلاح قوش ..جابت البرهان وحميدتي..!!

وفاة داعية سوداني بارز تقارير تكشف عن تفاهمات بعدم استهداف مطاري الخرطوم ونيالا وزير الشباب ووالي الخرطوم يشرفان ختام الفعاليات الرياضية بالشقيلاب شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم جوجل توسّع الترجمة الحية إلى آيفون وآيباد الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 ماجد المصرى: الخلاف فى أولاد الراعى تجاوز المال إلى جوهر العلاقات الأسرية هل يمكن علاج الكبد الدهنى؟.. دراسة جديدة تربط الوقاية بفيتامين ب3 الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان شاهد بالصورة.. تيكتوكر مغربية حسناء ترد على تعليقات الجمهور بشأن علاقتها العاطفية وارتباطها بصديقها اليوتيوبر السوداني شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي هل من أمل في الكرة السودانية؟ رئيس الوزراء يصدر قرارًا بشأن الرسوم الجديدة في المعابر بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر محمد عبد الباسط يكتب: لهذا تحركت باكستان الآن للوساطة بين أمريكا وإيران عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ماذا قال العميد طارق كجاب بعد إحالته المفاجئة للمعاش؟؟ ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

بعد صلاح قوش ..جابت البرهان وحميدتي..!!

صابنها نشر في كورة سودانية يوم 11 - 03 - 2022

محمد عبد الماجد
بعد صلاح قوش ..جابت البرهان وحميدتي..!!
الناس الما سمعوا بالوطنية ...وبلافحوا بيها ساكت في سوق ستة. الناس السمعوا بيها (طراطيش) كلام نقول ليهم (الوطنية) الجد تتمثل في (رفض) بعثة الهلال في القاهرة لزيارة قوش لبعثة الهلال في الوقت الذي رحبت فيه بعثة المريخ بزيارة صلاح قوش.
واتصوروا معاه كمان.
الوطنية ما كلام – الوطنية في هذا (الرفض).
ما في وطنية ساكت.
الوطنية ما حجار بطارية.
ولا عجور.
ولا هي كراتين شعيرية.
الوطنية ما اندومي.
ولا سيلفي في القيادة العامة.
ولا بوست (ملتهب).
ما كدا.
عشان ما تكملوا (عسل) الحكم الشمولي والعسكري ...وتجوا تنطوا في زمن الثورة عشان تشيلوا نصيبكم من (الوطنية).
كملتوها من (الانقاذ) – هسع عاوزين شنو؟
ناس المريخ قالوا ما بيلعبوا في استاد الهلال عشان لجنة تطبيع الهلال وضعت شروط تعجيزية... حسب كلامهم.
وقالوا ممكن يلعبوا امام الهلال في القاهرة.
ويلعبوا امام الاهلي وصن دوانز في استاد الهلال.
قلنا ليهم السما قريب.
عاوزين تلعبوا تلتزموا بشروط اللعب في استاد الهلال.
الاحترافية كدا.
عاوزين تلفوا وتدوروا ...امشوا العبوا في استاد الاهلي في القاهرة.
استاد السلام.
لعبوا امام صن دوانز في القاهرة.
ولعبوا امام الهلال في القاهرة.
وقت بقوا على مباراة الاهلي قالوا عاوزين نلعب في استاد الهلال.
فالحين والله.
محمد سيد احمد الجاكومي بتكلم عن استاد الهلال زي كأنوا بتكلم عن حوش بيتهم في الحصاحيصا.
يا زول انت قايل الموضوع فوضى.
الموضوع ما كدا.
يا تلعبوا كل المباريات يا ما تلعبوا.
نص ..نص دي نحن ما عندنا.
ولا بنقبل بيها.
اذا انتوا ما عندكم كلمة مع الاهلي ...الهلال عندو كلمة.
الهلال قال كلمتو ..وتاني ما بتراجع.
تتخيلوا ناس الوطنية (المزعومة) عملوا شنو؟
عملوا فضيحة.
وقت شافوا المضمار القعدة في القاهرة غلبتهم.
وقت ركبوا دكة الاحتياطي قال لا نحن عاوزين نلعب امام الاهلي في استاد الهلال.
قاموا عملوا شنو؟
قالوا يمشوا على مجلس السيادة.
فضيحة جديدة.
ونحن مجلس السيادة بينا وبينهم الشحمة والنار.
يعني عاوزين تلعبوا في استاد الهلال بالقوة.
بالقوة العسكرية.
وعن طريق مجلس السيادة.
بي حميدتي والبرهان.
السما قريب.
يا دوب نحن بنركب رأس.
وقعتوا لينا في الحتة الفيها (لا).
وقعتوا في الحتة الفيها الحديدة.
شوف الناس الما بخجلوا ديل ..بعد فضحية صلاح قوش ..عملوا شنو؟
شوفوا خبر (باج نيوز) امس كان بقول شنو؟
(يقول النادي، إنّه لابدّ من إزجاء الشكر مضاعفًا لرئيس مجلس السيادة عبد الفتاح البرهان، ونائبه محمد حمدان دقلو حميدتي؛ لدعمها القوي لإقامة المباراة في الأراضي السودانية، وفي إستاد الهلال- تحديدًا". حسم نادي المريخ السوداني موقفه بشأن ملعب مباراته أمام الأهلي المصري في الجولة الخامسة من دور المجموعات لأبطال إفريقيا، كاشفًا عن أنّ اللقاء سيلعب في استاد السلام بالقاهرة. جاء ذلك في بيانٍ صادرٍ من النادي ممهور بتوقيع الرئيس المناوب محمد سيد أحمد، أطّلع عليه"باج نيوز". وقال النادي إنّه يقدّر كلّ المجهودات الكبيرة التي بذلت من أعضاء المجلس، وأجهزة الدولة في أعلى قمتها، ممثلة في رئيس مجلس السيادة عبد الفتاح البرهان، ونائبه محمد حمدان دقلو لإقامة المباراة بملعب الهلال. وكشف النادي عن أنّ رئيس لجنة تطبيع الهلال هشام السوباط، أصدر خطابًا بالموافقة على لعب مباراة المريخ والأهلي المصري في استاد الجوهرة الزرقاء، غير أنّ الخطاب النهائي لم يصل في الوقت المناسب. وتابع" لابدّ من إزجاء الشكر مضاعفًا لرئيس مجلس السيادة عبد الفتاح البرهان، ونائبه محمد حمدان دقلو حميدتي؛ لدعمها القوي لإقامة المباراة في الأراضي السودانية، وفي إستاد الهلال- تحديدًا". وأردف" تلك الجهود اصطدمت بأنّ القرار الرسمي يجب أن يتمّ عبر اجتماع مجلس إدارة نادي الهلال وهو ما لم يحدث حتى انتهاء المهلة المحدّدة من الاتحاد الإفريقي". وأوضح المجلس أنّه سيظلّ حارسًا أمينًا، وخادمًا مطيعًا من أجلّ تحقيق تطلّعات الجماهير وطموحاتها. وأعلن عن عزمه على إعادة ملعب المريخ إلى بريقه وألقه منارة شاهقة تسر الناظرين. وأثارت أزمة تحديد ملعب مباراة المريخ السوداني أمام الأهلي المصري، المقرّرة في الجولة الخامسة بدور المجموعات لأبطال إفريقيا، الجدل وفجّرت الخلافات في النادي الأحمر. ويلعب المريخ في المجموعة الأولى بدوري أبطال إفريقيا إلى جانب الهلال، الأهلي المصري، وصن داونز الجنوب إفريقي).
تاني ما اسمع واحد فيكم بتكلم عن (الوطنية).
في الظروف دي ..ومع هذا الموت والأوضاع المؤسفة التى تشهدها البلاد ..نادي المريخ بيشكر في مجلس السيادة.
بيشكروا في البرهان وحميدتي.
والشكر الشديد كمان!!
ديل بتاجروا بالقضية.
يتصوروا مع صلاح قوش..ويشكروا في البرهان وحميدتي.
ويجي بعد دا كلو يتكلموا عن (الوطنية).
الغريب قالوا ح يلعبوا في استاد الهلال (تحديدا).
استاد الهلال كان بيت ابوكم.
لا والله.
عشان بتلعبوا.
لا البرهان.
ولا حميدتي.
لامجلس السيادة.
ولا لجنة التطبيع.
تستطيع ان تنتزع ملعب الهلال ليلعب فيه المريخ امام الاهلي بهذا الاسلوب.
نحن نقلبها في اطار العلاقات بين الناديين.
في اطار الالتزام بالشروط.
لكن بالطريقة دي ...والله الف مجلس سيادة ما يخليكم تلعبوا في استاد الهلال.
نادي الحركة الوطنية.
نادي الشعب.
عاوزين تلعبوا في ملعبه عنوة وقوة.
انتوا ما عندكم رأس.
قال البرهان قال.
قال حميدتي.
فالحين.
الجاكومي اصلو عندو مآرب في الحتة دي.
ديل ناس الحكم العسكري.
ديل ناس اعتصام الموز.
الناس الباعوا القضية.
ناس الانقلاب.
شوفوا ناس المريخ عاوزين يبرروا رفض الهلال كيف؟
ما عاوزين يقولوا ان البرهان وحميدتي فشلوا في ان يجعلوا الهلال يوافق للمريخ لكي يلعب مباراته في الجوهرة الزرقاء.
قالوا شنو؟
قالوا : (تلك الجهود اصطدمت بأنّ القرار الرسمي يجب أن يتمّ عبر اجتماع مجلس إدارة نادي الهلال وهو ما لم يحدث حتى انتهاء المهلة المحدّدة من الاتحاد الإفريقي). بتكلموا عن جهود البرهان وحميدتي التى اصطدمت بقرار مجلس الهلال.
شفتوا الفرق.
زي ما رفضوا لصلاح قوش زيارة بعثة الهلال رفضوا للبرهان وحميدتي ان يلعب المريخ في استاد الهلال.
قالوا ليهم دا قرار مجلس ..نفس الشيء الذي قالوه لصلاح قوش.
التحية للجنة تطبيع الهلال.
التحية لنادي الحركة الوطنية.
شفتوا الفرق بين الهلال والمريخ.
الفرق كبير.
كبير.
وما بتلحق.
اسألوا جمال الوالي..هو ادرى بذلك ...الجاكومي (دايش) ساكت ...وما جايب خبر.
لا قوش.
ولا حميدتي.
ولا البرهان.
بقدروا يعملوا حاجة.
نادي الحركة الوطنية ..عندو مواقف ..وعندو مبادئ وقيم ومثل.
انتوا عاوزين تبيعوا وتشتروا.
الجاكومي عاوز يعمل ليه علاقات مع السلطة على حساب المريخ.
وحازم مصطفى جزء من (اعتصام الموز).
ديل بالذات ..ما بيلعبوا في استاد الهلال.
عاوزين تجيبوا لينا (الموز) في استاد الهلال.
كفاية علينا (القصر).
الطريف في خبر (باج نيوز) انه جاء بهذا العنوان : (بعد جهود"البرهان" و"حميدتي"..توضيح جديد للمريخ بشأن مواجهة الأهلي المصري).
اها ان شاءالله هذه (الجهود) نجحت في ان تجعل المريخ يلعب في استاد الهلال.
الجماعة ديل لو (جهودهم) نافعة ..ما كان البلد وصلت لهذا المستوى ..وما كانت الاوضاع تدهورت بهذا الشكل.
قال جهود قال.
وفي النهاية ح يلعبوا في استاد السلام في القاهرة.
خلوا جهود البرهان وحميدتي تنفعكم.
.......
متاريس
أي حاجة عن مباراة القمة سوف نتركها بعد المباراة.
الليلة فرحتنا.
وبكرة ان شاءالله في هذه المساحة نكمل الفرح كله.
الكلمة كلمة اللاعبين.
نحن ما عندنا أي كلمة.
يقولوا كلمتهم بطريقتهم.
نحن نثق فيهم ثقة كبيرة.
والله اخر انبساطة.
وبكرة نقول.
ونشوف.
......
ترس اخير : بكرة ان شاءالله الفرح بالكوم نتلاقى في نفس المساحة.

انقر هنا لقراءة الخبر من مصدره.