في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي    مسيرة جماهيرية بسنار احتفاءً بانتصارات القوات المسلحة بمحاور القتال في كردفان    "سامسونغ" تُحبط الآمال بشأن الشحن اللاسلكي في سلسلة "Galaxy S26"    هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين    توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    كاكا قال لدوائر فرنسية إنه يتوقع إنهياراً وشيكاً لقوات التمرد السريع    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    تحديث ذكي جديد ل"واتساب" في آيفون    لو ليك فى الرومانسى.. لا تفوت هذه المسلسلات فى دراما رمضان 2026    نائب البرهان يفجّرها بشأن حل مجلس السيادة واتّهام قادة كبار في جوبا    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    عقوبة مالية على الإتحاد وإيقاف عضو الجهاز الفني لنادي المريخ    قرارًا جديدًا لوزير التعليم العالي في السودان    والي النيل الأبيض يشيد بالليلة الثقافية الأولى لهلال كوستي    الجيش يفشل هجومًا عنيفًا لميليشيا الدعم السريع    (ده ماهلالك ياهلال؟؟)    مهارات يامال تعجز مبابي ونجم مانشستر سيتي    شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص    شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا)    بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل)    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    ذكرى رحيله.. قصة حب نور الدمرداش وكريمة مختار وزواجهما    الهلال يتلقى أول خسارة بدوري المجموعات أمام مولودية الجزائري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان    الجوهرة السودانية عامر عبد الله ينضم رسمياً لأحد الأندية الخليجية    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا    رسالة أخيرة في بريد الرئيس البرهان قبل تمرد الحركات المسلحة الدارفورية    تعرف على سعر الأسمنت اليوم الاثنين 2 -2 -2026 فى مصر    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مع سوداكال والكندو ح نشوف المريخ فرع (الاصلاح والتجديد)!!
صابنها نشر في كورة سودانية يوم 01 - 08 - 2021


محمد عبد الماجد
مع سوداكال والكندو ح نشوف المريخ فرع (الاصلاح والتجديد)!!

لو مبارك الفاضل دخل المريخ ما بفرتكو ليكم زي ما هو حاصل الآن.
حزب الامة مع مبارك الفاضل بقى زي الدولاب ابو خمسة ضلف.
وكل ضلفة بتفتح في اتجاه مخالف.
أي دولاب في الدنيا فيه على الاقل (ضلفة) ما بتقفل.
ما عارف السر في ذلك شنو؟
يمكن ديل (الكيزان)!!!
انتوا يا (صفوة) صفوة في شنو؟
عاوزين نفهم بس.
شابكننا السنة كلها نحن (صفوة).
صفويتكم دي شن جنسها؟
انتوا عارفين ناس النهود مدينة (العلم والعلماء) قالوا في الهلال شنو؟
ناس النهود قالوا : الزول بدون هلال شِين عِزة؟
والله ما فى ابلغ من هذا الكلام.
النهود فعلا مدينة العلم والعلماء.
اشرف وردي زول ما عندو علاقة كبيرة بالرياضة.
وما فارقة معاه كتير حكاية (هلال مريخ) دي.
ولا متابع.
اشرف وردي بعد ما شاهد استقبال الهلال في النهود في قناة الهلال – رسل رسالة قال فيها : والله انا كنت فاكركم بتتكلموا ساي.
قال لي والله الحصل دا اكتر من الذي قرأناه.
اشرف وردي لم يتمالك نفسو ..دمعتو نزلت.
حاجة بديعة.
ود الشريف بعرف (اشرف وردي) دا جيدا – وعارف علاقته بالرياضة ضعيفة ...خلوه يسألو عشان يوريه الفرق بين الهلال والمريخ بعد الاستقبال الذي وجده الهلال في النهود – وقبل ذلك في ابوحمد.
هسع انتوا يا ناس المريخ ماشيين على درب حزب الامة.
ماشين على طريق مبارك الفاضل.
شهر – شهرين بظهر ليكم المريخ فرع (الاصلاح والتجديد).
والمريخ النهضة.
ح تبقوا زي الحزب الاتحادي الاصل.
المريخ فرع الكندو.
والمريخ فرع سوداكال.
وعلي اسد الشايفو دا ممكن يعمل ليه فرع.
اسد شكلو طمعان في فرع براهو.
نحن بنعرف الناس.
اسمعوا كلامي دا ، ما ترموه في الواطة – علي اسد دا ممكن يعمل المريخ فرع علي اسد.
بقول ليكم الكلام دا عشان تقعدوا في الواطة.
عشان تحلوا مشاكلكم.
يا جماعة لو ما قادرين على سوداكال بالقانون ..خلوا ليه المريخ ..يكمل فترته ويمشي.
شيلوه بالجمعية العمومية.
بالقانون.
ما صاح البتعملوا فيه دا.
نحن ما بنرضاها ليكم.
شوفوا والله العظيم ...الكلام دا لو بحصل في الهلال كان الكلام البتقرأوا فيه دا ح تسمعوا اصعب منه في ناس الهلال.
ولا بنجامل في الحتة دي.
ما يقعدوا يغشوكم ساكت.
قال صفوة قال.
صفوة في شارع النيل؟
صفوة في مول عفراء؟
إلّا كدا.
نحن ما شايفين ليكم أي صفوة.
السنة كلها شابكننا (نحن في المريخ اخوة).
وين الخوة دي؟
خوتكم طلعت (مانشيتات) جرايد ساكت.
خوة لساتك.
شفتوا الفرق بين الهلال والمريخ؟
وقت نقول ليكم نادي الحركة الوطنية ما بترضوا.
وقت نقول ليكم هلال نادي الخريجين الكلام دا بزعلكم.
في الهلال في قمة الصراع ..كلام زي دا ما ممكن يحصل.
شفتوا الصراع بين طه علي البشير وصلاح ادريس في الهلال وصل وين؟
كان في منتهى الحضارة.
الموضوع دا استفاد منه الهلال ورفع العضوية لأكثر من 30 الف عضو في ذلك الوقت.
الهلال حصد الملايين او المليارات من هذا الصراع.
شفتوا الصراع بين صلاح ادريس والامين البرير.
اصلو الامور في نادي الحركة الوطنية ما ممكن تصل لهذه المرحلة.
اتعلموا.
انتوا عاوزين تقلدوا الهلال في (الاستقبال).
عاوزين تلطشوا القاب الهلال وبس.
قلنا الزعيم.
شالوه.
اشتروا الاسم عديل – دفعوا فيه قروش ...ايام جمال الوالي في المريخ ...كان أي شيء عندهم بالقروش.
جمال الوالي بدفع في أي شيء.
طبعا في ناس في المريخ بقبلوا أي حاجة في المريخ – بس ما تجيب ليهم سيرة جمال الوالي.
ما عندهم أي مشكلة ..طول ما الكلام بعيد عن الوالي.
قول أي شيء ..بس ما تقول كلمة واحدة في جمال الوالي.
قلنا نادي الشعب ..قالوا نحن نادي الشعب.
المضحك الايامات دي قالوا المريخ (سيد البلد)!!
والله مفروض عمودي دا بعد الكلام دا اجيب ليكم معاه (قوز رملة) تتقلبوا فيه ..بعد ان قالوا المريخ (سيد البلد).
كدا هسع احسموا موضوع السيادة دا في العرضة جنوب.
في المقصورة بتاعة المريخ.
في كنبة الاحتياطي.
رئيسكم مين؟
على قاقارين.
ناس رمضان عجب ومحمد الرشيد وبخيت خميس ما قادرين يسيطروا عليهم ويقولوا ليك (سيد البلد).
مزمل ابوالقاسم سيادة المريخ على ادم سوداكال ما قادر يفرضها ..ويطلع يقول ليك المريخ (سيد البلد).
انتوا شيء غير (اللفح) دا عملها فيكم مافي.
عاوزين تقلدوا الهلال بس.
الهلال يعمل صحيفة قوون.
المريخ يعمل الصدى.
الهلال يعمل قناة.
المريخ يعمل قناة – ناس التاج يعقوب ما بتابعوها.
نجنس ...يجنسوا.
نعير ..يعيروا.
الضل ..الضل ..الضل.
اصلو اليوغنديين ما خاطيين عليكم.
الهلال يقول نادي الحركة الوطنية ...يقولوا المريخ نادي الحركة الوطنية.
بي وين؟
نقول نادي الشعب.
يقولوا نادي الشعب.
الحلزونة يا الحلزونة!!!
غايتو للصراعات والخلافات الشايفنها دي ممكن نقول المريخ نادي (الحركة الشعبية).
ما نادي الحركة الوطنية.
براكم بتقولوا كدا.
ما عشان حاجة كعبة.
بس عشان الصراعات الحاصلة في المريخ.
خاصة ان ناس الفاضلابي قالوا المريخ احتلتوا قوات الحركات المسلحة.
اها الحاجة الما عارفنها انتوا.
الحركات المسلحة اتفقت.
والحكومة وقعت معاهم اتفاق سلام جوبا.
انتوا منتظرين شنو؟
الناس في السياسة اتفقوا.
في الحرب.
انتوا في الرياضة ما عاوزين تتفقوا؟
في الكورة؟
يا جماعة باركوها.
ختوا الكورة واطة.
الكورة واطة (التش) بقى ما يختها ..عاوزين يختها ليكم سوداكال!!
وكان للكندو ..الزول دا فرحان بالبيانات.
كل مرة يطلع ليه بيان ..ويكتب اسمو في البيان.
محمد موسى الكندو الرئيس المكلف.
انت مكلف على شنو؟
كنبة احتياطي المريخ ما قادر تفرض عليها قراراتك.
تمرين المريخ ما قادر تحدد مكانه.
مكلف في شنو؟
ويقولوا ليك بعد هذه المهازل المريخ (سيد البلد).
ونادي المريخ – استاد المريخ – الفريق – الجهاز الفني – المكتب التنفيذي كل هذه الاشياء خارج السيطرة.
والله يا مريخاب ..المريخ دا لو اديتوه مبارك الفاضل ...ما بعمل فيه كدا.
الفرتكة دي فرتكة (الكيزان) ذاتها.
فرتكوككم الكيزان...دي شنو الكلمة الكلها (كافات) دي – فرتكوككم.
الكيزان عندهم مصلحة في هذا الذي يحدث في المريخ.
عضوية المريخ الحالية الآن في المجلسين – مجلس سوداكال ..ومجلس الكندو فيها (كيزان).
الكيزان فرتكوا السودان ما يفرتكوا المريخ.
اقعدوا يا صفوة.
طلعوا الكيزان من وسطكم... والله المريخ يمشى زي الطلقة.
هسع ناس بكري المدينة يتعاملوا في الاوضاع دا كيف؟
قالوا ليك لمن دائرة الكورة تضرب لي لاعب عشان تحدد موعد التمرين ومكانه ...اللاعب اول حاجة بيسأل انتوا ياتو فرع؟
انتوا ناس سوداكال ولّا ناس الكندو؟
فريق عندو مجلسين.
وعندو رئيسين.
وعندو مدربين.
وعندو ملعبين.
وعندو عضويتين.
المريخ فرع نادي المريخ.
والمريخ فرع حديقة الموردة.
حديقة الموردة عملت ليها فرع في المريخ.
شفتوا الهملة دي؟
في المريخ في ناس بقولوا الليلة الاحد وناس بقولوا لا الليلة الثلاثاء.
ناس الحركة عندهم يمين وناس الحركة شمال.
انتوا ح تلاقوا الهلال كيف بي طريقتكم دي؟
التشكيلة من الذي يضعها؟
غارزيتو ام ابراهومة؟
من الذي يدفع قروش المعسكرات؟
البجيب (الضحاكات) منو؟
ناس الكندو لا عاوزين يدفعوا حق المعسكر.. ولا عاوزين يدفعوا المرتبات ولا عاوزين يدفعوا الحوافز.
ويجوا بعد دا يقولوا ليك المادة 35 واللائحة والنظام الاساسي.
علي اسد كل يوم بطلع في حتة يسمّع لينا النظام الاساسي.
انتوا يا ناس الكندو ومجموعته ..جوة وبرة البلد ...لا عاوزين تعالجوا الصيني لا كردمان ولا حتى سيف تيري وعاوزين تحكموا المريخ.
إلّا تحكموه في عمود مزمل ابوالقاسم.
اصلا دي طريقتكم.
احكموا المريخ في الجرائد ...وتغيير لاعب اثناء المباراة لا يتم إلّا عن طريق مجموعة ادم سوداكال.
في سيطرة اكتر من كدا؟
يا ناس المريخ اعطوا سوداكال نسبة في المريخ وارتاحوا من الدوشة دي.
في مسعى لتسوية الخلاف في الشرق.. مقترح بمنح ترك 30٪ في حكومة الإقليم.
استعملوا نفس الطريقة.
قلت ليكم المريخ تحت سيطرة (الكيزان).
دي نتيجة عمل الكيزان في المريخ على مدى 30 عاما.
هسع بتدفعوا في الثمن.
الكيزان ديل أي حتة دخلوها خربوها.
مشروع الجزيرة.
التلفزيون.
الاذاعة.
المريخ.
في ناس في المريخ هسع شايلين هم مباراة القمة.
ما عارفين يعملوا شنو؟
لو اتهزموا من الهلال ...حارة عليهم.
ولو المريخ فاز لا قدر الله ..سوداكال بقعد ليكم تاني في المريخ 4 سنوات.
المريخاب ما عارفين يعملوا شنو؟
ما عارفين يتصرفوا كيف؟
قالوا ليك في معسكر المريخ – بعد وجبة الغداء ..جابوا للاعبين (بطيخة) من خارج المعسكر.
ضابط المعسكر قال للاعبين قبل ما نفتح البطيخة لازم نحن نعرف البطيخة دي من وين؟
من نادي المريخ ام من حديقة الموردة؟
سوداكال ام الكندو؟
التاج يعقوب قال ليهم ودي نعرفها كيف؟
الامريكي شفت قال ليهم نحن نفتحها لو طلعت حمراء من ادم سوداكال ولو طلعت بيضاء من الكندو.
اصلو الكندو ما عندو خبرة في (البطيخ).
فتحوا البطيخة طلعت (زرقاء).
رمضان عجب ومحمد الرشيد وبخيت خميس استلموا (البطيخة) وقالوا لي ناس تمبش دي من ناس الهلال.
الرسالة وصلت!!
...........
متاريس
الليلة ما عاوز اجيب أي سيرة لمباراة المريخ والاهلي الخرطوم.
ولا عاوز اقول شيء.
عاوز اسكت ساي.
بكرة الهلال يلعب امام هلال بورتسودان.
هلال الساحل في المركز السادس.
اعملوا حسابكم.
هلال بورتسودان عنده عناصر ممتازة وعنده محترف خطير.
في هلال بورتسودان العقيد ويوسف بدوي (بوجبا) وحسين الجريف.
اللهم الدوري والكاس.
الدوري والكاس يا هلال.
غارزيتو وصل؟؟
الزول دا تقول كان قاعد ليه في قهوة.
تقول كان في المحطة الوسطى.
اول مسكول ...جاب ولدو وجاء.
المترجم بتاع غارزيتو ...عينوه مترجم بتاع اشارة.
غارزيتو بعد السن دي ما اظن يسمع ليكم.
بكرة عندنا فرحة المساء.
قولوا ان شاءالله.
........
ترس اخير: الغربال بكرة ح يعمل شنو؟

انقر هنا لقراءة الخبر من مصدره.