*في لقاء تلفزيوني بالسيد مناوي *قالوا المذيعة قالت ليهو *الأمريكان قالوا حا يحاسبوا منفذي الانقلاب من العسكريين والمدنيين المشاركين معهم *ردك شنو؟؟؟ *السيد مناوي بدون تردد قال ونحن مالنا ومال الانقلاب *واحد مشاهد انفجر ضاحكا *وواحد تاني بعدما بانت أضراسه قال *والموز؟؟؟ رجع لينا موزنا *وتباينت ردود الفعل حتى أن باقي الحلقة مافي زول تابعو *الحصل من السيد مناوي ده *شايفو قاعد يحصل بكثرة في المريخ من الذين أتوا بمجلس الموردة *تعبوا وخططوا ودبروا وأتوا بحازم *حتى الرائع المجذوب أجبروه على التنحي عن السباق *لأجل حازم *ويقولون لأجلك يا مدينة الصلاة *الجماعة ديل اليومين دي بتنصلوا من مجلس حازم على طريقة مناوي *ونحن نضحك ونسأل عن موزنا *أيها الناس *القطر اتحرك والتليب منو بكسر الرقبة *الاتشعبط في القطر *حتى المسطحين *عليهم أن يمسكوا قوي *لأنو لو وقعوا حا يكسروا رقابهم *لا تنكروا الانقلاب *وقشر الموز متشعلق على قداديمكم *فعبارة أنا مالي ومال الإنقلابيين لن تبرئ من كان أساسيا في المشهد *المهم *ما بين المريخ والهلال يجب أن يسود الاحترام *والتعصب الإيجابي مطلوب *وهو التعصب الذي يدفعنا لتطوير نادينا *أما التعصب السلبي فما حبابو *لأنو بخلينا نركز على تحطيم الآخر وننسى كياننا *ويحطم ذلك النسيان كياننا *فهمتوني؟؟؟ *على كل *قالوا التونسي لما شاف أجانبنا *دق يدا بيد *ورجع سأل الجاب ديل منو؟ *وعض على العناب بالبرد *مسك واحد من المحترفين من يد *فقيل له ما فيه من رمق *تاني دق يدا بيد *أيها الناس *إن تنصروا الله ينصركم *أها *نجي لي شمارات والي الخرتوم *كان شفت يا والينا *المطرة السنة دي كان جات بيك إنت ما بفضل زول فينا سلك كهربا ننساك كيف والكلب قال المطرة كان نزلت ماتنزل… أصلها نازلة من الممتاز؟؟؟؟ وإلى لقاء.