سودارس : إعفَاء (الجَمَارك)!!

أمجد فريد الطيب يكتب: حياة تجلت في وضوح المبادئ: وداعا فينك هايسوم عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل بعثة المنتخب تصل بورتسودان وسط إهتمام كبير منتخبنا يتدرب صباح الخميس بإستاد بورتسودان قائمة صقور الجديان لوديتي السعودية كواليس صادمة... كيف تعطلت صفقة تسليح الجيش السوداني في اللحظات الأخيرة؟ 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

إعفَاء (الجَمَارك)!!

صابنها نشر في كورة سودانية يوم 09 - 02 - 2025

محمد عبد الماجد
إعفَاء (الجَمَارك)!!
عندنا جارنا متل الفاصل الأخير في الحفلة، وقت يجيب ليه (كمونية) بعزم الحلة كلها بنقول ليه: الليلة عندك شنو؟ حايم متل (ترمسة الشاي) في المناسبة.. بقول لينا: الليلة عامل لي حلة كمونية.. نمشي عليه نضرب (الكمونية) ونطلع من عندو زي (شُفّع المدارس) في نهاية اليوم الدراسي،كل واحد فينا شايل ليه (شنطة) من الفرح.
الليلة (الكمونية) دي طلعت لينا بيها من وين؟ الله يستر بكون عندك فيها فهم.
والله الأيامات دي نحن عندنا برد الواحد فينا لو نسى (أصبعو) برّه جيبه.. الصباح إلا يسخنه عشان يعرف (اصبعو).
عشان تفك اصبعك من الاصبع التاني إلا تسخنه.
البرد دا خلاني أقول (جدودنا زمان وصُّونا على السيوترات).
الواحد ذاتو ما عارف يعمل شنو؟
الزول وقت يكون فرحان.. أيِّ ريحة تبقى ليك ريحة سمك سمك.. وأيِّ ريحة تشمّها تقول (ريحة السمك دي وين؟).
فريق الجمارك ربما حسب وجهة نظري أفضل فريق موريتاني بقدِّم كورة بصمة مدربه (الكوري) واضحة عليه بيلعب كورة ممرحلة، والهجمة عنده بتبدأ من الحارس مثل مانشستر سيتي في الدوري الإنجليزي، وصن داونز في جنوب أفريقيا.
هسع عليكم الله الموضوع دا فيه (كمونية)؟
المهم أنا مُعجب بكورة الجمارك يمكن لهذا السبب يقدم فريق الجمارك عناصر جيدة للكرة الموريتانية وللاحتراف في الدوريات الأخرى الجمارك مدرسة تخرِّج المواهب. لهذا ليس غريباً أن يقدم فريق الجمارك موهبة مثل أحمد سالم مبارك.
قبل مواجهة الهلال لفريق الجمارك، مسكتنا شئ من الشفقة، بقينا ندخل ونطلع.
قالوا الجمارك هو الفريق الموريتاني الوحيد الذي فشلت القمة السودانية في الفوز عليه، حتي في الوديات فشل الهلال والمريخ في الانتصار عليه!
قبل مواجهة الهلال للجمارك في الدوري الموريتاني، كان المريخ قد فشل في الفوز عليه، بعد أن أضاف المريخ إلى كشوفاته (6) محترفين اجانب جُدد بقيادة حارس الترجي والمنتخب التونسي السابق.
بل إنّ المريخ بحارسه التونسي الدولي خسر 0 / 3 من الجمارك.
المريخ كان شغال (تهريب)، قام الجمارك قفشته.
الجمارك حجزت على المريخ.
الهلال كلام زي دا ما عجبو.
ولا بجامل فيه.
شلنا التلاتة على عاتقنا، وفزنا على الجمارك بنفس النتيجة التي فاز بها على المريخ.
نحن كلام زي دا ما بنجامل فيه، ولا بنسمح بيه.
الموضوع دا لغاية الآن ما فيه أيِّ (كمونية) مالك إنت عاوز تجهجه باكاتنا؟
عندنا باكات يتلفتوا متل الركشات في شارع المدرسة.
لو قلت (رك) تلقى (9) ركشات واقفات حولك.
المهم الموضوع دا عاوزين تفهموه على أنّه (كمونية) أفهموه عاوزين تفهموا الكمونية دي لشئ تاني، على كيفكم.
أصلي ما بقول ليكم.
مباراة القمة يوم 26 فبراير.. احتمال كبير المريخ يشيل ميشو بعد هذا التاريخ.
ميشو وعلي جعفر.
علي جعفر ذنبو شنو؟
لكن عشان ما نمشي بعيد البعمل فيه أحمد سالم مبارك دا زي (أعاين ليه واضحك وامشي واجيه راجع).
تفتكروا الموضوع هنا موضوع (كمونية) والّلا موضوع (كوارع)؟
أنا كل ما أشوف كوليبالي وجان كلود وأضيف لهم أخيراً أحمد سالم مبارك، بقول الله شاف صلاح نمر.
يا جماعة الشئ البعملوا فيه الجماعة ديل متل (حمام الوادي يا راحل).
جينا لمباراة الهلال والشوق دفرنا نحن وقت يغيب عننا الهلال، بنكتب في كل الأبواب (حضرنا ولم نجدكم).
وقت نطوِّل من الهلال، أشواقنا بتظهر في تلفوناتنا، حالاتنا كلها بتكون (الشوق للبلد)، وقطار الشوق والله مشتاقين والشوق والريد وطريق الشوق وأنا والأشواق واشتقت ليك وانتي ما مشتاقة لي واللا ما عارفة العلي وعلى قدر الشوق، عيونا من الأشواق بتبقى زي (الملاحة)، الواحد فينا يشعر بي نفسو بقى ضعيف، زي اللابس بنطال أبوه.
وقت الهلال يغيب عننا، بنكتب الجوابات ونرسلها، بنكب فيها جنس جرسة، بتحس بالغربة والبُعد، حتى لو كنت قاعد في بيتكم.
الشاي بيبقى ليك (مسيخ) والجلابية بتبقى فيك صغيرة، وباب بيتكم بتشوفو غريب عليك.
تخش وتطلع بيه، زي كأنو ما بيتكم.
نحن زمان كنا بننتظر مباريات الهلال في (المكتبات) نسك الجرائد سك الجن.
جاءت مباراة الهلال أمام الجمارك والحمد لله، الهلال كان على قدر الشوق.
كان الهلال في الموعد الكمونية التي حدثتكم عنها في بداية العمود كلها اتبدّدت.
إيدينا ريحتها بقت سمك سمك.. رغم أنّ سمك هذه الأيام بقى ما فيه ريحة.
السمكة عشان تعرفها سمكة إلّا تعمل ليها تحليل.
ما عاوز أقول أنّ المستوى الفني للهلال كان رائعاً وإنّ المُعدّل البدني للهلال كان أعلى من المُعدّل البدني لفريق الجمارك لكن عاوز أقول إنّ (الراحة) السلبية في الهلال ظهرت بشكل إيجابي.
أداء الهلال كان فيه سلاسة والكرة كانت طائعة ومختارة والمستوى الفني كان فيه (شوق).
يعني أنا من الصباح بتكلم ليكم عن (الشوق) من فراغ؟
خليتوا الشوق ومسكتوا في (الكمونية).
طبعكم كعب.
في ناس في المناسبات، بشوفوا الشئ الناقص في الصينية عشان يطلبوه.
وين الشطة؟
وين البصل؟
البصل بقى زي (يا جوهر صدر المحافل)، أنا فلهمة البصل شفتها السنة دي في التفاح ما شفتها.
عاد الهلال أمام الجمارك بروح جديدة الهلال مع ضغوط البطولة الأفريقية وهمها، كان الهلال بيلعب في الدوري الموريتاني بشئ من التراخي والكسل.
والجهاز الفني للهلال كان معذوراً، وكان لا يريد أن يزيد الصغوط على لاعبي الهلال، لذلك كان يمنحهم شيئاً من (الأريحية) في الدوري الموريتاني.
أمام الجمارك عاد الهلال واستطاع الأبيض أن يحصل على إعفاء تام من الجمارك.
خلص الهلال (الجمارك) بإعفاء رسمي.
كان مهماً بعد التوقف أن نمتحن قوة الهلال وجاهزيته.
مهمٌ أن يلعب الهلال مباريات قوية في الدوري الموريتاني قبل مواجهة الدور ربع النهائي في البطولة الأفريقية.
نتمنى أن يكون المريخ عاد قوياً، ليقدم الفائدة للهلال في المواجهة القادمة قبل انطلاق الدور القادم في البطولة الأفريقية.
أهم شئ في مباراة الهلال أمام الجمارك، عودة المزاج العالي للاعبي الهلال كلهم لعبوا بمَزاج.
شفنا الغربال بعمل كل شئ، هندسة، إحصاء، حساب مثلثات، لوغريثمات، توافق وتبادل، كيمياء وفيزياء. وكمونية.
أنا قلت كمونية؟
الغربال لمن يكون في مزاجه ما في دفاع بقيف قدامه.
أحمد سالم مبارك، جعلنا نشعر أن الهلال لو سجل من داخلية طلاب، بسجل صاح.
مبارك.. أسلوبٌ مختلفٌ في الشق الهجومي للهلال.
مبارك.. بروفايل يختلف عن جان كلود وكوليبالي وياسر مزمل.
الميزة المهمة في أحمد سالم، إنه أفضل لاعب بيلعب «الون تو».
وأفضل من يُمرِّر وهو في وضع الحركة أو وهو جاري.
أتمنى أن يستفيد الهلال من هذه المُميّزات.
أحمد عصمت كنن.. كان نجم المباراة الأول.. هذا اللاعب أراهن عليه سوف يكون في حِتّة تانية.
الجميل أنّ كنن عاد بقوة بدنية.. وهذا ما كان ينقصه.
ما في لاعب وسط بتلك المواصفات الموجودة عند كنن.
مُستقبل الهلال كنن وكرمان وجوباك، ثلاثي جاهز ومتأسس صاح.
الحاج ماديكي أيضاً قدم مباراة كبيرة ماديكي لاعب كبير، وصاحب نكهة وأسلوب مختلف.. ماديكي بقدِّم النكهة الاحترافية في الهلال.. ماديكي بعمل النقلة.
صلاح عادل كان بعيد شوية.. لو لعب صلاح عادل السهل وما عقّدها ما في زول بيلحقه.
مشكلة صلاح عادل أنه دائماً عاوز يعمل فوق ما هو مُعتاد وطبيعي.
الخانة التي يلعب فيها صلاح عادل ما عاوزة اختراعات، ما عاوزة ابتكارات، الخانة التي يلعب فيها صلاح عادل عاوزة اجتهادات.
هذه نصيحة نُقدِّمها للاعب صلاح عادل، لأنه لاعب يمتلك من الإمكانيات ما يجعله الأول في السودان.
صلاح عادل يمكن أن يكون أكثر لاعب لديه إمكانيات في السودان، هذه الإمكانيات مرات بتكون خصماً على صلاح عادل، مرات بتكون سبباً في أن تجعله يفكر بأن يأتي بما هو أكثر من الطبيعي والمُعتاد والمتوقع.
على، صلاح عادل أن يصرف جهده في الممكن وهذا أولى وأفضل من أن يصرفه في اللا ممكن.
خادم قدم مباراة جيدة. وياسر جوباك أينما تحتاجه تجده.
جوباك كنزٌ مدفونٌ في الهلال.
كوليبالي .. وهل هنالك أفضل مما يقدمه هذا المحترف؟
الدفاع لم يتعرّض لاختبارات كبيرة، بس عودة إرنق وجونيور أمرٌ مفرحٌ.. وهما عنصران يحتاجهما الهلال في المرحلة القادمة.
مصعب كردمان مكسب كبير للهلال وهو رهاننا الثالث الى جانب كنن وجوباك.
كردمان نزل بي رباطه الصليبي وعمل كدا.
على طريقة عزيزنا شجرابي الزول دا أمسكوه.. الزول دا أربطوه.
علي عبد الله كبه.. يبدو واضحاً أنّنا على موعد مع نكهة جديدة.
انتظروا هذه الموهبة.
خيري سليمان لاعب يراهن عليه فلوران.. وفلوران ما براهن ساكت.
عموماً، المباراة أسعدتنا بأنها قدمت اللاعب الوطني على أكمل وجه.
الوطنيون في الهلال وصلوا لمرحلة بعيدة.
شُكراً لفلوران الذي صنع لنا هذا الإبداع.
شُكراً لعبد المهين الأمين، لأنه نجح في صناعة أجواء بديعة.
انظروا ماذا فعل لاعبو الهلال عندما سجّل أحمد سالم مبارك.
انظروا إلى الموريتاني فوفانا وهو يدعم ابن جلدته.
حتى معلق المباراة الموريتاني علق على الحميمية والحُب الذي وجده مبارك في الهلال.
إنّه الهلال يا سادة.
وهنا لا بد أن نقف عند دور عبد المهيمن الأمين، ودور القائد الغربال.
الغربال بقوم بدور كبير كقائد.. مع ذلك هناك من ينتقده على قيادته.
أداء الهلال وانتصاره لا يعني أنّه لا يحتاج إلى إضافات جديدة قبل إغلاق قيد الانتقالات.
نحن نطمع في أن يكون الهلال أفضل.. في أن يكون أقوى.
نتمنى أن ينجح العليقي في إضافة عناصر قوية تحدث ضجّةً وأثراً.
الضَجّة مُهمّة في هذا الوقت.
الهلال لو سجّل أسماء كبيرة سوف يكون بذلك قد أرسل رسالة قوية للمنافسين.
يجب أن يضيف الهلال أسماء تؤكد أنه منافسٌ بقوة على اللقب.
إرعاب الخصوم يتم بهذه الصورة.
لهذا نقول إنّ التسجيلات ليست كلها فنية.. وهذا أمرٌ يجب أن ينتبه له العليقي.
الموضوع ما فني كله.
في حاجات أهم حتى من الجانب الفني.
أرجع ليكم للكمونية والّلا اقفل على كدا؟
نحن والله بنكتب لا كهرباء لا نت لا دقيق ولا سُكّر.
وكل هذه الأمور ح نرجع ليها يوم.
كلها مسجلة وقاعدة للتاريخ.
اللهم أحفظ السودان وشعبه.
اللهم أنصر الهلال.
……..
متاريس
سوف أكون حريصاً لمتابعة مباراة المريخ امام نواذيبو عشان أرجع أكتب ليكم عنها.
إنتو بس أصبروا.
والله إنتو لو بتصبروا ما بتجيكم أيِّ عوجة.
الشفقة تطير.
هي الدنيا طارت؟
أحمد عصمت كنن.. لاعب ح يرجِّع الصفوف في إستاد الهلال رغم أن الهلال يلعب في موريتانيا.
ياسر جوباك.. لاعب يحكي عطبرة كلها بحديدها ونارها ومواقفها ونضالها.
إرنق لاعبٌ مهمٌ في دفاع الهلال.
المنتخب يجب أن يعطي الفرصة كاملةً للأندية، معسكر في هذا الوقت، سوف يكون معسكراً تخريبياً.
والهلال مفروض لا يستجيب لمعسكر في هذا الوقت واللوائح والقوانين مع الهلال.
حتى لا يتعرّض لاعبو الهلال للضغط والإرهاق، يجب أن يلعبوا أكبر عدد من المباريات في الدوري الموريتاني في هذا الوقت.
الهلال إلى جانب الدوري الموريتاني والبطولة الأفريقية، سوف يلعب في السوبر السوداني.
معسكر لي شنو في هذا الوقت؟
فلوران يعد لاعبي المنتخب في الهلال بأفضل صورة.
بعد أي مشاركة مع المنتخب أو معسكر يعود لاعب من الهلال مصاباً.
عليكم الله يا ناس الاتحاد ما تلخبطوا لينا الرّصّة.
مجلس الهلال عليه أن لا يجامل في هذا الأمر.
نحن في دور الثمانية بالبطولة الأفريقية.
نحن بنافس على اللقب القاري.
معسكر شنو في هذا الوقت؟
إذا كان الاتحاد ما عنده نظرة.. يجب أن يكون مجلس الهلال لديه نظرة.
ما في جهة بتعرف مصلحة الهلال أكتر من مجلسه.
ومجلس الهلال عليه أن لا يجامل في مصلحة الهلال.
في الحِتّة دي بتفقد صلاح إدريس.
..
ترس أخير: كلّمتكم أنا.

انقر هنا لقراءة الخبر من مصدره.