*عمَّار محمد خالد مضوِّي يخسي عليكم .. يخسي عليكم يخسي عليكم .. يخسي عليكم حب السلطة عمى عينيكم *** *** *** سرقة أموال ما ليها مثيل كم ضيَّعتو قروش تمويل وجيتو الليلة تكوسو دليل تبيحو ربا .. جنَّيتو عدييل زي أصحاب السبت بني إسرائيل الحرَّفو أحكام التَّنزيل يخسي عليكم .. يخسي عليكم *** *** *** كلَّمتونا شرحتو كتيير عن نهج الدين وحجَّيتونا عن التَّمكين ياالشَّابكننا من عشرين غايتو بقول : شغلكم تمكين لي إبليس ما تمكين دين يخسي عليكم .. يخسي عليكم *** *** *** بس اتخيَّل ... لو دا حصل أيّام الصادق كان قدَّيتونا وقلتو منافق أصلاً معروف أفَّاك مارق يخسي عليكم .. يخسي عليكم *** *** *** يخسي عليكم ما بتكفِّي كل أشعاري ما بتوفِّي يا الإنقاذ الرَّبويَّة امشي استلفي يا الإنقاذ الرَّبويَّة أكلي وسفِّي يخسي عليكم .. يخسي عليكم