بسم الله الرحمن الرحيم في السلك بتعرفوا السفروق ؟ السفروق بتاع الصيد السفروق البشبه العرجون القديم زي الهلال تجدعوا بعيييييييييييييييييييييييييييد يمشي هناك ويجيك راجع لو ماعملت حسابك بعوقك تجدعو انت ويرجع ليك يعوقك اوعه (يعيقك ) اها الجماعه جدعوا امولادي سته شهور لافي في الهواء نسوهوا قالوا خلاص مشي وقعدوا رجوا القنبله القنبله طلعت سفروق جاهم راجع الله يستر انبطحوا السفروق لايعيقكم الله يسألكم امولادي والسفروق الفرق شنو ؟ تجدعو يجيك راجع يطقك يوديك في داهيه عنقريب صباح القديم طلع سفروق جاها راجع اسلام قالت لي لو في لاعب ابدي الرغبه للتسجيل لفريق معين موش يجب ان يكون الفريق المعين ده عندو خانه فاضيه ؟ قلت ليها مافاهم قالت لي لو في فريق سلم مجدي خطاب يفيد فيه انهاء خدمات لاعب محترف والسكرتير ده علق علي الخطاب وسلمو للجنة التسجيلات التي يرأسها وعلي هذا الاساس قبل ابداء رغبة لاعب تاني للعب في نفس الفريق وفي نفس الخانه وبالتلفون موش بكون اللاعب الكتبوا اسمو في الخطاب مشطوب ؟ قلت ليها برضو مافاهم قالت لي لو في اتحاد عندو لوائح واضحه منطوق بها غير مسكوت عنها موش كانت الكوره في البلد دي تطورت ؟ قلت ليها يضرني كان فاهم شئ قالت لي سمعت بلاعب مشطوب برجع غصبا عنو للفريق الشطبو ؟ قلت ليها يطرشني , لكن لو عدتو ما انتهت يخيل لي يجوز والله اعلم قالت لي شداد قال ماعارف والبحر قال ماعارف وامولادي زاتو ماعارف وانت ماعارف , العارف منو ؟ قلت ليها العارف بالله هو احسن زول قالت لي سؤال اخير , الحايدير الهلال منو ؟ مجلس الهلال ولا مجلس الاتحاد ؟ قلت ليها ماعارف ولا مجلس الاتحاد عارف ولا ( حد ) عارف قالت لي ماحدش عارف , برضو ماحدش شايف ! قلت ليها قومي جيبي شاي الاتحاد ياناس لو خدم الهلال من حقو من حق الهلال موش الهلال فكر يجهز لاعبي اهلي شندي في الامارات دي خدمه كبيره بقدمها الهلال لاهلي شندي وده دور الاتحاد في دعم الانديه الصغيره وطالما الهلال قام بواجب الاتحاد في دعم استعدادت الانديه الصغري وقدم السبت , يجب علي الاتحاد ان يعيد الاحد للهلال ومليون احد قدمها الاتحاد فيهم كم مليون احد الاتحاد قدمها قبل ما الهلال يقدم السبت زاتو صباح زعلالالالالالالانه لملمت هديماتها وقالت ماشه ناس ابوها الدور ده ما بتتراجع بعد السفروق في الواسوق الواسوق البقوم بآخر مراحل تسوية القبور اللهم اجعل اسعد ايامنا يوم لقاك ياناس السفروق الدور علي الواسوق هاشم المريخابي تاجر بطاريات العربات ضحكني شديد قال لي في صاحبو هنايابي مفلس كرهان حياتو اسمو عبده كان يوم بعوم في النيل الازرق في الكاملين قام غرق واحد لحقو وانقذو لما قرب للقيفه عبدو قال للمنقذ مطلعني مالك عندك لي شغل ؟ غايتو كواريزما لو رجع دي تبقي ( كوكاب ) عديييييييييل كده والكوكاب ده آلة طعن اطرافها حاده ومشرشره يعني لو طعنت تاني مرقتها الا تشرط المحل الدخلت فيهو قالوا كان في واحد ببيع الحاجات دي فارشن في الارض سكاكين وسيوف وسفروق وكوكاب جاهو واحد رفع الكوكاب وقال ليهو ده شنو ؟ صاحبن قال ليهو ده كوكاب قال ليهو بعملوا بيهو شنو ؟ صاحبن قال ليهو بطعنوا بيهو قال ليهو وبعد يطعن يمرق كيف ؟ صاحبن قال ليو تباصرو بس قال ليهو اباصرو كيف ؟ صاحبن قال ليهو مباصره بس قام شال الكوكاب وطعن سيد الكوكاب وقال ليهو باصرو الله يستر من طعنة كواريزما قال لي وارقو متألق اليومين دي قلت ليهو البعيد من العين بعيد من مايرنو زول رفض يستلم زهور زعلانين لييييه يمكن عندو حساسيه من الزهور وللعمر احكام ويمكن الزهور حمراء بتبدد الاحلام ويمكن الزهور صفراء بتجيب الاورام ويمكن الزهور بتذكرو بوكواريزما وكواريزما لو جا بكتر الكلام ويمكن آيييييييييييي يمكن سلك كهربا اشوفك متين يا كواريزما ياود ام كواريزما والي لقاء