على الهواء مباشرة ومن مسارح ما وصفها والى الخرطوم السابق فريق مهندس طيار{ركن ولا زاويه ما متاكد} عبدالرحيم محمد حسين بانها تشكل عبء على العاصمه فى اقرار صريح بفشله فى ان يكون جديرا لادارة ولاية الخرطوم وبالتالى جديرا بان يكون بجداره محل احتقار من حاول ان يصفهم بانهم عبء على العاصمه ناسيا انه وزمرته باتوا عبء ليس على العاصمه انما على السودان كله لدرجة ان فصل الجنوب عيشته من هذا العبء نعم على الهواء مباشرة وعلى مدار ايام ثلاث ومراى ومسمع من كل الاجهزة المناط بها حماية امن ما تبقى من السودان بما فيها قوات الجمجمه او مايسمى الدعم السريع بقيادة زعيم الهمباته فى زمن الهمباته باسم الدين تم اخراج مسرحية شاهد ما شافش حاجه وعذرا الفنان القامه عادل امام لقد ظهر من يجيدون عمل شاهد ما شافش حاجه بنجاح منقطع النظير بدليل ان عيون الدهشه حتى الان ما{ ادرتش} تغمض عينيها لحدت {دلوأت}شفت الشغل ازاى وفعلا شاهد ما شافش حاجه كلهم كانو فين ماعرفش لبس رسمى على ملكى وما حدش شاف حاجه ومدير الشرطه بيقول هو فى ايه ما بلغتوش ليه يادى النيله شعب ما يعرفش يحمى نفسه بالبلاغات وانا اطبطب عليه واقول دانا غاباااااااااان هذه المسرحيه التى تم اعدادها بدهاء من حيروا الشيطان كما قال من سيواصل بعد 2020 فصولها الثلاث اتضحت ملخصها الجز جاييكم ودى مناظره اذا نحنا مشينا وخلينا ليكم البلد او خنتو العشره وشلتونا بره احمدوا الله نحنا حارسنكم الرساله الاولى عن عمد ومع سبق الاصرار عملنا كحكومه صم بكم عمى وخلينا الجماعه {بتوعنا} يسرحوا ويمرحوا عشان تشوفو البلد دى ممكن تصل لياتو مستوى بدونا واديناكم فرصه ايها الشعب لكى تدافعوا عن نفسكم وفشلتم بل سلمتم رؤوسكم لكى تجز بالسكين واتسعت حلقات المتفرجين منكم دون استنكار مما يعنى لنا اننا نجحنا بامتياز فى ترويضكم ونعمل العايزنو فيكم فى اكتر من قروشكم قلعناها منكم عديل وحمينا نديكم ليها من البنوك لحد ما اتجرستو وبقت التحانيس والمال تلته ولا كتلته الرساله التانيه بروفه عمليه لقيام دولة المماليك بقيادة حميدتى واسلوب عملهم المستقبلى الرساله الاخيره الاطمئنان بانجاز الفصل الاخير لحكم الاسلاميين والهروب الناعم وترك البلاد لحميدتى وعصابته وقيام دولة المماليك لقد نجحت مسرحية شاهد ما شافش حاجه بجداره لانو ما حدش بلغ سعادة مدير عام الشرطه واطمان الجماعه بنجاح كل السيناريوهات بس باقى المخارجه من {لهويى} طبعا دا اسم دلع البجيب الرجفى وهناك قاعدين يصفقو ويغنوا... يا الجاى لى لاهاى جيب ليى معاك هناى... شرطا يكون رقاص بركبو الما انصاص وسافر طبعا مع الاغنيه دى رجفى مافى لانو الركب اصليه انتو ما فهمتو قصة الركب دى ولا شنو الناس جاهزه من مجاميعوا هو بعد حيروا الشيطان تانى فى شنو عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.
