بسم الله الرحمن الرحيم في السلك مستوي متواضع لايشبه امكانيات الزعيم انه الغرور عاد من جديد كنا نتفرج ونضحك علي روحنا ياربي ! موسي موسي الانتر بقيت صانع العاب كمان ! حيرتنا في الاونه الاخيره كلما رأيت موسي تذكرت الانتخابات جمال حسن سعيد يا خلف الله والغريبه موسي ما بشبه جمال حسن الكور العاليه نقعد نتجهجه مع سفاري ونسيب سفاري لو اردنا ان نشجع مستوي مثل هذا لشجعنا التعاون وامبده والدروشاب الحساب ولد قروشكم في جيوبكم استادكم سمح معسكراتكم مافيها كلام التقصير لييييييييييييه ! لعب طويل كأن المدرب كامبوس هوووووووووووووووووي وهوووووووووووووووي وتاني هوووووووي الكلام ده مابنفع معانا الصفوه لاتبحث عن كأس الممتاز ولكنها تبحث عن ممتاز بدون تعادل او هزيمه والكلام ده داير عزيمه نجم الدين المخالفات الكتيره امام منطقة الجزاء خطيره اخير المهاجم يمشي بدل يكسب مخالفه في منطقه زي دي قطعتوا قلبنا لكن لذة الفوز انو جاء بعد ان دب الامل في نفوس الآخرين الآخرين ديل الحاسدين دب الامل بالدال ؟ الحاسدين المغلوبين ناس سوكرتا بالمناسبه دي في نكته قديييييييييييييييمه بطلها ادروب وطبعا ادروب مشهور بسرعة البديهه والدم الشربات وادروب طبعا عندو لغه قاطعها من راسو لغه لذيذه يجيب المفعول به اول الجمله والفاعل في نصها والفعل في آخرها مثلا التربيزه انا شلتها بروف في علم اللغات ما يركب جملة بطريقة ادروب سمعنا بي عربي جوبا تعالوا نسمي لغة ادروب عربي هيا المهم قالوا ادروب في النكته القديمه دخل الكوره الحكم انذر لاعب واحد في الكوره قال الحكم اده اللاعب الكرت الاصفر ادروب قال ليهو ما ادهاو الكرت الاصفر الزول قال لي ادروب كيف ما ادهاو موش قدامك مرق الكرت الاصفر ؟ ادروب قال الكرت الاصفر الحكم طلعو , وراهو اللاعب تشوفو ورجعوا , ما اداهو ليهو النكته اتذكرتها اول امس لما سادومبا كا بستحق الكرت الاحمر كان خارج الملعب رفع يده ليأخذ الاذن بالدخول وطبعا لو دخل الحكم لازم يديهو الكرت قام ابو الشنب انهي الشوط عشان ما يديهو الكرت الاحمر اها اتخيلت ادروب قال الحكم الكرت الاحمر سادومبا ماتديهو ليه ! قام ادروب التاني قال ليهو الحكم في الاستراحه غرفة اللاعبين جوه سادومبا الكرت الاحمر تديهو قلت الا كان كده بمناسبة حي العرب القون التاني الجابو القوز بتفرج في الاعاده خالتي معمشه عيونها وبتتفرج شافتو ختاها في صدرو وشااااااااااااااااااااات قالت لي ده منو ؟ قلت ليها ده القوز قالت لي الجنا دكتور ؟ قلت ليها لأ 000 ليه ! قالت لي ختاها في صدرو ختت دكتور للسماعه وقلنا كلنا ماشاء الله واحد قال لي القون التاني تسلل قلت ليهو القون التاني بتاع حي العرب ! مشي طوالي صاحب الرقم 0912323330 ارسل رساله جميله قال ادروب جاري علي العز شديد ,المعز قال ليهو لف كده , ادروب قال ادروب ما يلف انت اقفل قلق شات فاول بهاء الدين قبضها قلت لي خالتي بهاء الدين قبضها قالت لي كان قبض خليل ابراهيم مادايرنو لاحظتو للمذيع ما بقول لاسانا بقول لا براها وسانا براها بقول لا 00000 سانا المهم مشينا مدني المطره نازله وركبنا الفيل رساله وصلت من صفوة بورتسودان من الرقم 0912913981 بتقول حتانه بورتسودان عندنا في السكه حديد , يعني ادفن يا شرف الدين واهو كلو ثواب يا ابو الشروف تاني داير ناس وين يبكوك ؟ سمعت تحت تحت قالوا كامبوس داير يمشي تركيا ويجي قبل كورتنا قلت لي روحي اليمشي وكت مهند ومنير ما نفعوا اليجيب مهند ونور يمكن يتعادلوا معانا كان لعبنا هنا الناس تحرق ولو مشينا الجزيره مدني تغرق ابو شنب عاقل الكوره الجايه معانا لو طرد سادومبا الدوري بتلغي ونحنا متمسكين باستمرارية الدوري موش حقنا ! دورينا ! الله يزيد ويدينا واحد مقيل في البحر قالوا ليهو مبسوط كده جاي من وين ؟ قال من مد مد مد من مدني قالوا ليهو متزوج ؟ قال فعلا قالوا ليهو اولادك وين ؟ قال في مدني قالوا ليهو ساكن هنا ؟ قال شرعا قالوا ليهو وين ؟ قال امبده مدني قالوا ليهو بتعرف حقوقك كمواطن ؟ قال المنصوص عليها في القانون المدني قالوا ليهو عازمنك حفله قال ابدا 0000 الهجيج في مدني سلك كهربا لما كنا معصورين اتذكرناك بشده والي لقاء سلك babikir maki [[email protected]]
