بسم الله الرحمن الرحيم في السلك لكن الحتانه اشتهرت شديد الناس كلها مشت الحتانه اول امس عمك سام زاتو في الحتانه نام سخانه ياغانا والله ياسام لو رجعت كاوبوي وشلت الحبل وركبت حصان مارلبورو حتانه حتانه هكذا قالت غانا اها قبال عمك سام يقوم من النوم مستر قرين لحقوا ليك اهل الليدي ديانا ناموا كلهم في الحتانه ماقلتوا 00 ماقلتوا انجليز ناس كروجر قالوا ليكم بره برزنت سمبل بره باست بارتيسيبول حتانه طواااالي تتذكروا لما قلت ليكم شارع الحتانه كبروهوا بقي يشيل تلاته عربات في كل اتجاه انا غايتو العجبني اي زول رافع نخرتوا ومتعجرف مشي الحتانه اي زول شارك في حرب الخليج ضد العراق مشي الحتانه قال نووي قال نووي بالنا ؟ غانا كيف ؟ ايطاليا فرنسا انجلترا كلهم طاروا غايتو ناس غرب اوروبا ديل محتاجين ليهم سيكافا طارق دياب بالغ مستنكر لمستوي ايطاليا نحن دخلنا شنو ؟ تخيلوا في تحليل سلوفاكيا وايطاليا ود دياب داير يوبخ المنتخب الايطالي قال شنو قال اللاعبين ديل من اين اتوا ؟ من السودان ؟ تخيلوا وهو زاتو ايام كان ليهو شنه ورنه في الفريق التونسي ختيناها ليهم ايام عتوقه جاب من جوه القون الاول بشير عباس التاني قاقرين وانت لاعب يا ود دياب الغلبوك ديل كانوا من تونس الخضراء ؟ وتاني جيت السودان والمريخ غلبك العصر الشمس بره جمال ابو عنجه جا ب التاني ناس ابو عنجه ديل كانوا هنود حمر ؟ النجم الساحلي بتاعكم ده موش طقطقناهو ليكم زي الماحاصل شئ في بلدكم ماعصرناكم في الفريق القومي موش اديناكم تلاته آخرها قون الزومه بالطرشا من بره الخط ومشينا غانا نحنا وانتوا نحن راس المجموعه وانتوا الضنب ناس العجب ديل من غانا ؟ تقول لي الايطاليين جايين من السودان ! قناة الجزيره بنحبك لكن للحب حدود اذا كنتم في الجزيره لا تستطيعون رد وردع المتفلتون والله تاني الجزيره الوثائقيه الا تتفرجوا فيها براكم تاني هارموني والنيل الازرق وقون ولو دايرين ياناس الجزيره عيوننا العسليه دي تعانق شاشاتكم اعتذروا وكبوا الجرسه زعلتوني والله نحن شعب لايسئ لاي زول اسي سمعت ليك سوداني قال لي تونسي قدر بلدكم دي نحنا بنزرعها بصل ؟ لاقاكم سوداني قال لي تونسي حديقة حبيبي مفلس اكبر من تونس ؟ واخضر من تونس اوعكم تخلونا نقوم نفتوا المهم اهل كروجر عجبوني كانت الحرب العالميه التالته وكان النصر الماني بحت هتلراب ساااااااااي اسي تلقي الالمان القدااااااام حايمين في الشوارع يتقدلوا الواحد تقول ليهو السلام عليكم يقول ليك هاي هتلر المهم نحن كروجرا ب في كل المراحل الا ضد غانا غانا ام نجمه غانا الاحمر بالاصفر غانا شفتوا ايداهو الغاني جاب قون الغلب كيف ؟ عافر ليك اولاد العم سام قال ليهم بره بيرقر بره لمه غانا ياخ غانا بتاعت عجب ودانا غانا والماعاجبو عجبنا ما يمشي معانا لكن والله زعلان طارق دياب عشان اول امس في غفله اديتونا سته داير تتفرعن ؟ لقيتوا مدربنا مدرب الكراتيه ده وكندكتونا الآن انا اكثر اصرارا علي عدم استثناء شداد طبعا عارفين ليه ؟ بعد ما لبنت يازول ! سلك كهربا انساك كيف وانا شفتك بتغلب لي غانا والي لقاء سلك babikir maki [[email protected]]