بسم الله الرحمن الرحيم في السلك • اجمل نكته سمعتها في يوم امس • قالوا الجماعه قالوا لمبارك خاطب الشعب المصري واعتذر ليهو وودعوا • مبارك قال ليهم هوا الشعب المصري رايح فين ؟ • المهم • اليوم يفترض ان تبدأ تمارين الزعيم الاعداديه • وحسب علمنا ان معسكر مصر كان مفيدا • يجب ان تستمر هذه الفائده وتتضاعف في برنامج السودان • وفي المعسكر الخارجي القادم • وفي كل الموسم • السنه دي مابنتحمل اي اخفاقات • ولن نقبل اي اعذار • الجمهور هو الرقيب • وهو السند • وهو الذي يقيم الاداء • وهو الذي يقرر • ولن يرضي هذا الجمهور الا بمريخ احمر شديد • انه موسم الجماهير • ولما يكون الموسم موسم جماهير • يبقي الموسم موسم انجاز واعجاز • ايها الناس • الاستجابه لموضوع عيسي صباح الخير ضعيفه • لاتشبه انجازات عيسي • ولا تشبه قبيلة المريخ • ايها الناس • اشرف الاصدارات • صحيفة المريخ • تبنت فكره اسمتها البيت الكبير • وهو ان يشارك اي قلم مريخي بالكتابه مره في الشهر او مرتين بالصحيفه • انه شرف لمن يكتب علي جدران اشرف الاصدارات • فكره رائعه تبناها الرائعان حاتم عبدالغفار وعبدالباقي شيخ ادريس • انا من المحظوظين • لأن موعدي مع قراء اشرف الاصدارات غدا انشاء الله • لبيك يا وطني الصغير • من خلال البيت الكبير • بمناسبة الوطن • الجمعه مباراتنا • السودان لاعب • الوطن ينادي • من يريد ان يلبي النداء طواعيه • موعدنا الاستاد • ومن لا يريد تلبية النداء طواعيه • سيلبيه جبرا • الزاميه • بنشيلوا ونوديهوا الاستاد • اخير تجي براك يا زول • سوداني انا • الله يجازيك يا الحرامي • بختها ليك • بمناسبة الحرامي • اتمني ان يكون اقتراحي بالامس قد اعتبره القائمون علي الامر • يجب حماية البطوله امنيا • مادايرين ظاهرة كسر ونهب وسرقة السيارات خارج الاستادات • خطه امنيه محكمه • وتدابير احترازيه قويه • ونضمن بطوله ممتعه • ولاخسائر في اموال الجماهير • ماممكن • تدخل الاستاد تتنشل • تطلع تلقي العربيه واقفه في حجار • تتلفت تلقي المرايا • واشقايا • عادل كيلا المريخابي الاحمر جدا • قال لي ملاحظه غريبه • قال اذا سألت اي هلالابي وقلت ليهو الهلال سجل منو • يقول ليك والله ماعارف • واذا سألته المريخ سجل منو • يقول ليك الحضري وكبير وموقوف وبمبلغ كذا • ساكواها مصاب وبمبلغ كذا • باسكال بمبلغ كذا وعندو ملاريا وامو قالت ماعافيه منو • تفاصيل التفاصيل زائد اشاعات وتامنها مويه • واذا سألت مريخابي الهلال سجل منو • يقول ليك ماعارف • تقول ليهو المريخ سجل منو • بقول ليك الحضري وباسكال وساكواها وجزيره ومقدم وعاصم عابدين ويس والدافي • شفتوا الفرق ؟ • من اشتغل بالناس مات هما • الحرامي شال اللاب توب وشتت • طار بي وين مافي زول عارف • واحد قال لي يمكن ده القرد الشال جواز سادومبا • لكن يا الحرامي صدقني تعبت معاي شديد • بجيبك بجيبك • اسلام قالت لي الوالي قال اللاب توب بجي ؟ • قلت ليها هو الوالي قال وارقو بجي وجا • قالت خلاص بجي • طالما اسلام قالت اللاب توب بجي • يبقي بجي • لانها قالت لي اللاب توب بجي وكاس افريقيا بجي • نشوف يا سلمونتي • غايتو في ناس كده • لو اللاب توب ده جا الا يجروا • معناها كلام اسلام صاح • وده معناهو كاس افريقيا بجي • المهم • ثورة مصر لو نجحت • تاني خديجه موش حاتبص علي الجيران من البلكونه • كل زول يقفل بلكونتو كويس • ويغض الطرف عن بلكونات الناس • خديجه تاني لو بصت علي الجيران علي اليمين تشوفوها في اليو تيوب • وكربتك كربتك كربتك سلك كهربا ننساك ؟ كربتك كربتك كربتك والي لقاء سلك babikir maki [[email protected]]
