بسم الله الرحمن الرحيم في السلك • خروج الزعيم جاب لينا الكلام • البسوي • والمابسوي • يتبسموا ويتكشموا • واقسم انهم لايعرفون اسم المدينه التي لعب بها فريقهم • يشمتون • نسوا انا هزمناهم في آخر مقابله • بهدف شاكواها • وهزمناهم في المقابله التي سبقتها • بهدفي هنو وراجي • كثير منهم لايدري من هي هوامبي • زمان ايام كامب ديفيد • اخذ بعض العرب مواقف ضد انور السادات • وكان من ضمن الذين اخذوا تلك المواقف العدائيه الرئيس اليمني الحالي علي عبدالله صالح • وخاطب السادات الامه العربيه ليوضح الموقف ويفند مواقف الرافضون لاتفاقية كامب ديفيد • وجاء الدور علي الرئيس اليمني • فتبسم السادات • وقال ......اما عن الشاويش بتاع اليمن ده .... انا اقطع دراعي اليمين لو هوا كان عارف كامب ديفيد ده راجل ولا واحده ست !!! • وانا اقطع اي شئ لو غالبية الشامتون عارفين هوامبي دي راجل ولا ست • ولو فارزين مابين هوامبي وهوانبي • انها فقط القرعه التي بسمت لكم • ولكنها بسمه الي حين • نحنا خرجنا وتركنا باب الخروج فاتح ضلفتين • المهم • شمت علينا البسوي امثال مولانا ماجد • والمابسوي • زي ناس علي عبدالله صالح • المهم • اري انه لا داعي لاستضافة سيكافا • واري انه لاداعي للمشاركه في سيكافا • ذلك لان احراز بطولتها لا يضيف لتاريخنا جديد • حققناها قبل خمسه وعشرين سنه • اتركوا الفرصه في سيكافا للاخرين • ناس كاس طهور اولاد الشيخ • لافائده من المشاركه في سيكافا الا اذا كنا نشارك فيها او نستضيفها لصقل الاشبال وخلق تجانس بينهم وبين محترفي الفريق • يابدري • التشكيله التي لن يرضي اي مريخي بغيرها هي كالآتي • خمسه من الاشبال , وليد واخوانو ويكون فيهم ثيردباك وطرف شمال • ساكواها وباسكال وكليتشي والحضري ووارقو • كده عشره • زائد مصعب وراجي والسعودي والشغيل وهنو • كده خمسطاشر • وقرط علي كده يابدري • حداشر في الميدان واربعه في الكنبه كفايه • روح لدي الاشبال • روح لدي المحترفين • وروح عند ناس راجي وهنو • لانريد من لاروح له • لانريد من اعطيناهو دل الفرصه ميه • ولانريد مسمار خافس ينفس اللستك كلما اردنا ان نمشي مشوار بطوله • كفايه • لو كنا نصبر علي العدم من البطولات الجويه لشجعنا فريق ناس مولانا ماجد • تسعين سنه • ولسه • ياماجد • لايغرنكم نصر كالا • بكره الطلبه بقع من السقاله • يبقي لاطال العماره • ولا استفاد من كالا • هلالابي لذيذ جدا • قال لي بيعوا لينا الحضري بنص القيمه • قلت ليهو هاك الحضري , نص القيمه وينو ؟ • سكت • ايها الناس • البدري لايستطيع ان يغرس روح الاصرار في اناس لا يعرفوها • البدري يكتفي فقط بمقترح التشكيله اعلاه • وسيقف كل الشفوت الي جواره • استاد فيهو شجر بان • لاعب رابط الركبه بي ( دلقان ) • تقول لي انتصرنا • واحد من الجماعه قال لي نحنا كان طرنا بنلعب في الكونفدراليه مكرر • واحد تاني لامننا ولا منهم لكن واجعاهو الحساده والتريقه علي الفاضي • اتلفت عليا وقال ... انشاء في الكونفدراليه دور الستة عشر مكرر يقابلوا الفريق القاسم ليهو الله بطولة الكونفدراليه السنه دي • ضحكت • ياربي قلت آمين ؟؟؟؟ • ايها الناس تذكروا • قد ينعم البعض بالبلوي وان عظمت ( ديل نحنا ) • وقد يبتلي الله بعض القوم بالنعم ( ديل الجماعه ) سلك كهربا ننسي منو يا فرده !!! والي لقاء سلك babikir maki [[email protected]]