طبقة وسطى عديل كل القلوب بتقول الثورة خيار الشعب حرية كرامة عداله ياسعده ياشهيده أنا تارك بشيلوا الليله ما برهب الخونه الطلقة فى الشارع وقلبى فى كفى بديكى ليهو هديه يا ما أنتظرنا طويل زغرودة الثورة الثورة فى الدومة ياما لحسنا الكوع طلاب وفلاحين أخوات عوضية هناك وأولاد الخليفه عديل الحلبه فى الشارع أقباط المسالمه محبه مع ودنوباوى هناك وأحوار غريب الله الحضره فى الثوره وأولاد قرفنا صغار فى الشارع الثورى فيس بوك وتويتر يرصدوا الثورة ويوثوقوا الورده ويعطروا الشارع فى العالم القريه ما عبيرهم فاح بنات قرفنا رجال مابرهبهم رصاص ياعوضية نومى سلام يوم الخلاص قرب الديمه فى الميدان ياسوسو يابتى بنكاتل الراقص الراقص الدولى هز خصرك شاب فى شارع الدومه أنا ليهو أبارك جدله الزفه أبوك كان هناك يكتب الثورة وأمك الطيبه تبكى للفرحة وتبارك الورده يا سوسو يا بريئه طفله جميله خلاص مادخلت الروضه نمسح الشارع ونكنس الساحه بنكتب المنهج المنهج الثورى عمارة للمدرسة ونسكن القطيه الآول المعلم وجبه الطالب ونعقلن الواجب ماالوطن تركه من جدودنا زمان ده الوطن إعاره من طفلنا الجاى فى شارع الدومة الحلوة بنت الناس دى الشامه فى خدها سهم العيون القمره أنا ليها بريد وقلبى ليها مخده يا مالحسنا الكوع وشذ افقك ضوء فى أخر النفق بنقابله يوم بكره الثورة مستمره فى شارع الدومه. محمد القاضى جامعة الخرطوم mohmed elgadi [[email protected]]