ما بنقيف ما بنقيف رجال ونساء شيب وشباب شعب عفيف في الأصقاع وكل بقاع مدن بتعانف أرض الريف ما بنقيف ما بنقيف إصرار وعزيمة نضالنا الديمة راقي نضيف ما بنقيف مابنقيف نحيي الجدة والأمات أبونا الحي وأخونا المات ولى تاريخنا المرٌ وفات نحنا الليلة نشيل ونضيف ما بنقيف ما بنقيف ثورة جوع وحق ايتام ضد الظلم والاجرام لا أخلاق ولا إسلام وكلو قبيح ضلالة و زيف ما بنقيف ما بنقيف جماعة الشحدة والارهاب لصوص وكلاب وزير موهوم رئيس كضاب وعهد مخيف ما بنقيف ما بنقيف بلدنا القامة عز وكرامة أمان وسلامة وعيش ورغيف ما بنقيف ما بنقيف مرقنا خلاص .. مرقنا خلاص ماهمينا هدير ورصاص ومافي رجوع .. مافي رجوع " هدفنا القصر حتى النصر " بلد مفجوع بلد مفجوع كفاية مذلة كفاية إهانة و" لحس الكوع " صبرنا كتير صلانا هجير هلكنا الجوع أكلنا حصا صباح ومسا وشربنا نزيف ما بنقيف ما بنقيف .. شرارة انطلقت مين بطفيها ذكرى أكتوبر عشعش فيها وعانق وحدو حد السيف شعب أصيل وجيش حاميها وجانا ابريل يغني عليها : " ما بنقيف ما بنقيف ما بنقيف " . /////////////