بسم الله الرحمن الرحيم في السلك • امس ناااااايم • مرتاح والمعنويات في السما • ماتسحروني • خمسه وخميسه • المهم حلمان اشوف ليك زول من بعيييييد • لابس نظاره قعر كبايه • بمشي فاقد التوازن • جريت عليهو • قلت الزول ده اكيد دايش • لما جيت قريب لقيت ليك الزول خالد عزالدين المابغباني • سلمت عليهو • سالتو • مالك ياخالد توازنك مختل • قال لي دايش 000 راسي لافي • قلت ليهو لافي علي وين يا اخوي ؟ • قال لي الارض زاتها لافه • قلت ليه لافه وين ؟ • قال لي لافه معاي • قلت ليه زعلتها ولا شنو ؟ • سكت • قلت ليهو ارح اوديك ما تقع في الشارع • قال لي بقيت كويس بمشي براي • قلت ليهو متأكد ؟ • قال لي متأكد • قلت ليهو الدوشه تاني ما بتجيك • قال لي ما بتجي • قلت ليهو 00 خالد 0000 ياخالد 000 عندك فكة خمسه • بس الدوشه جاتو ليك وبقي يفتش في الحجار • عينو للحجر يجليهو • المعز بس • وتاني داير يشيل حجر شال الجمبو • اخيرا داير يجري علي جري مني • المهم في الحلمه ديك مشيت • لقيت ليك ناس مكومين فوق بعض • واحد لافي العلم عمه • قال راسو داير يطير • وواحد شايل ليهو فحمه وبكتب في ضهر واحد تالت • والتالت يهضرب بي كلام هو ماعارفو شنو • جيت قريب ليهم • البوليس قال لي يازول ابعد بعيد • قلت ليهو الجماعه ديل مالهم ؟ • قال لي دايخين • قلت ليهو طيب مانوديهم الدكتور • قال لي الحوادث مليانه بالدوخه دي مافي محل 00 ياخدوا دوختهم ويمشوا تاني • حننوني • جيت قريب لقيت ليك اللافي العلم همشري والبكتب بالفحمه محمد عبد الماجد والبكتبوا ليهو في ضهروا اب كريق • ود عبد الماجد يكتب في ضهر اب كريق بالفحمه القادم احلي ياهلال • اب كريق يقول ليهو غير الكلام ده ياحماده 00 العباره دي بقت زي بكره الركوب مجاني 00 تجي بكره تلقي الركوب بقروش وبرضو مكتوب بكره الركوب مجاني • ود عبد الماجد يمسح الكتابه بالعلم اللافيهو همشري في راسو • ويكتب ارفع راسك انت هلالي • همشري يقول ليهو لو رفعت راسي مع الدوشه بقع • ود عبد الماجد يقول ليهو ارفع راسك عشان الدوشه تقيف • اب كريق يقول ليهو دي دوشه ولا رعاف اصلو ! • تاني ود عبد الماجد يكتب ارفع راسك انت هلالي • همشري يقول ليهو اساسا لو داير ترفع راسك مدنقرو ليه ! • المهم جا عسكري تاني شايل بوت قال للعسكري الاول ده بوت العريف آدم ؟ • العسكري الاول قال ليهو مابوتو • الشباب قاموا جاريين قايلنوا قال موبوتو • شلت الفحمه الوقعت من ود عبد الماجد واديتها للشرطه معروضات • العسكري قال لي الجماعه ديل كانوا خمسه راسهم لافي من الساعه خمسه • قلت ليهو الباقين شكلهم كيف ؟ • قال لي الاتنين الفضلوا يشبهوا روحهم 000 وشهم ينعل قفاهم • عرفتهم لكن سكت سااااي • صحيت لقيت الاذاعه الرياضيه في اقوال الصحف • وسمعت فلان يكتب القادم احلي يا هلال • ضحكت00 • اسلام قالت لي اجيب ليك الفحمه ؟ • رندا المريخابيه رسلت رساله بتقول قالوا في زول خته رتينزه في شبكة الهلال لكن ما ورونا الشبكه ياته , ام قونين ولا ام تلاته اقوان ؟ • عندنا نشيد جديد • بغنيهو شعبله • بقول • لو عايز خمسات **** من عند هلا هات • وهييييييييييييييييييييييييييييييييييييييييي • الباقي بكره • شعبله فيها كم حرف ؟ • وهيييييييييييييييييييييييييييييييييييييييي سلك كهربا في كورة مالي قالوا الحكم كرتو لافي والي لقاء
