المنظر العام: عفراء مول شارع المطار؟ حاج كيمتاوي والضهبان يجلسون تحت ظل شجرة كبيرة خارج المول ؟ والله ياحاج انت حرمتنا نتفرج ونشوف الدنيا كنا ندخل مع الاولاد نعرف الناس بتسوي هناك شنو؟ ياضهبان ده ما مول! سوق! حيكون فيه شنو يعني؟ مالك علينا انت اول مرة تجي هنا ولاشنو؟ ياحاج باقي ليك انا شفت الكلام ده وين؟ يعني في الفاشر في مكان زي ده؟ والله هناك البقالة زي دكان الفوراوي بتاع الكلاكلة؟ يعني لو عملو حاجة زي دي هناك كل الفاشر بتجي تقعد فيها ومابيرجعو البيوت تاني؟ ياحاج انا غير كلاكلتكم دي شفت شنو في الخرطوم؟ والله حننتني ياضهبان بس انا ماعندي اخلاق ادخل الزحمة دي ومابقدر عليها عشان كده انسي الموضوع وشوف ليك حاجة تانية؟ شوف ياحاج! بالله عليك تعاين! الناس ديل سودانين والله التقول حور عديل ولابسين حاجات غريبة خالص؟ الالوان؟ والفي وشهم ده شنو؟ احنا وين ياحاج؟ انت متاكد في السودان؟ ياضهبان انت عارف انا نظري علي قدي وعشرين مرة قلت ليك انا مابعاين لي النسوان؟ عشان كده احترم نفسك واقعد ساي. لا ياحاج دي حاجات غريبة وجميلة معقول البلد دي فيها كلام زي ده؟ اسمع ياحاج انا ماشي جوه وجاييك اشوف الناس ديل من قريب؟ واعرف بيعملو شن. المجنون !! والله انا غلطان البسوقك معاي حتات زي دي!. امشي الله لا كسبك؟ انا من مكاني ده مابتحرك؟ يغيب الضهبان قرابة النصف ساعة ويعود للحاج وهو مشدوه ويعلو وجهه الزهول. ياحاج هوي!! انا ماراجع من هنا، بشوف لي مكان قريب بسكن فيه. انشاء الله اشتغل بواب مع الناس ديل؟ لكن من هنا مابرجع كلاكلتكم ديك؟ مالك يامطرطش في شنو؟ الحصل ليك شنو؟ ياحاج والله دي دنيا تانية خالص! دي حاجات غريبة! المكان جوة كلو بلاط! و اول مرة اشوف لي مكان فيه كميه الانوار دي! الناس ديل عندهم محطة بتاعت كهرباء ولا شنو؟ انوار في كل مكان! تحت وفوق! وفي الحيط! ولا القزاز نضيف صورتك تكون معكوسة فيه، انا جوة حسيت نفسي اوسخ حاجة؟ ولا البنات ياحاج حور والله حور! ديل من وين؟ التقول ماسودانين! انت عارف ياحاج انا في لحظة حسيت اني دخلت التلفزيون!! في مسلسل مصري!! معقولة بس؟ اللبس! ولا الوش! ياخي ديل جميلين جمال غريب!. انت عارف انا كنت بسرح في الواحدة كده لمن بتلخم عديل ياحاج؟ ولا الشعر ياحاج؟ الشعر مفكوك؟ ومقصوص؟ ومكعوج؟ بيتهزي مع المشية وانا بطوطح معاهو. والله ياحاج انا جوه بقيت زي اللعبة بتلفت يمين وشمال. و لا اللبس! ده حاجة التانية، كوم براهو ياحاج، في ناس لابسين، لكن معظمهم مالابسين! ماعارف المشكلة شنو؟ الناس نسو وطلعو من بيوتهم؟ ياضهبان انت مالك في شنو؟ دي الدنيا وديل الناس العايشين فيها، ده السودان، نص البلد بقت اماكن زي دي، أسواق كبيرة الناس بتجي هنا تشتري وتتفسح، مالك يازول؟ مالي شنو ياحاج مش حرام عليك تجيبني مكان زي ده؟ إ نت عارف انا كل حاجة حتمسخ علي بعد كدة. انا باقي ليك تاني بنوم ياحاج؟ في شنو؟؟؟ المابيخليك تنوم شنو؟ والله بالجد انت انت زول مطوفش ياضهبان؟ ياراجل ماتخت الرحمان في قلبك وتقول استغفر الله العظيم؟ استغفر الله ياحاج بس.... بس شنو؟ هو تاني في بس؟ بطل كلامك الفارغ ويلا اتحرك معاي هسي نرجع الكلاكلة انت الزيك ده ما بينفع يودوه مكان زي ده. الو ياوليه اتحركي يلا نمشي بسرعة ضعبهان ده داير يعملينا مشكلة هنا جيبي الاولاد وتعالي بسرعة hosha [[email protected]]