بسم الله الرحمن الرحيم في السلك [email protected] *الحوار الذي اجرته الزعيم مع سلطان ابيي *ما كان ده وكتوا *كان يصبروا عليهو شويه *كان يخلوا مكنة شهادة ميلاد سلطان ابيي دي تقسم شويه *سلطان ابيي ,,,,وي ,,,وي ,,,وي *كان يخلوا الكلام يجينا كلو *يعني مثلا يصبروا لما الجماعه يقولوا لينا *جينارو مولود في الرهبات بتاعت ابيي *كان يصبروا لما يجينا منشور يثبت ان السيد جينارو والد كابتن جمعه *هو رئيس اللجنه الشعبيه بابيي في السنوات 59 و63 و77 و منخمسه وتمنين لي تسعه وتمنين *كان صبروا ناس الزعيم *كان ابيي زاتها جات بي كرعينها وقالت *جمعه ولدي *وولدتو في الخرطوم دي *وكان قالت احمد بيتر ولد اختي شقيقتي *ومولود عندي *ياسلام علي الشفافيه يا روشا *بكرة اطلعوا لينا بي سلطان تاني لابيي *اصلوا ابيي دي شراكه *شمال وجنوب *الحاوروهوا ناس الزعيم ده سلطان ابيي بتاعت الشمال *والطلع ليكم الشهادة ده سلطان ابيي بتاعت الجنوب *وطلع جواز جمعه القديم وفقا لقانون الجوازات والجنسيه السوداني *بس ورونا الجواز الجديد طلع بموجب قانون شنو ؟؟؟ *قانون ابيي ؟؟ *المهم *حكاية سلطانين دي ذكرتني نكته *قالوا في استاذ بتاع ناسات *السؤال الساهل يسألوا لي ناساتو *والناس البكرهم يقول يسألأهم سؤال نكير *قالوا يوم وقف طالب من المكروهين *قال ليهو ترزي افرنجي فاتح ناصيه في يوغندا اسمو منو *الطالب بسرعه قال فيليب البرتو *الاستاذ قال ليهو غلط *الجماعه القاعدين ورا ديك *كلهم وقفوا وقالوا كلامو صاح يا استاذ *الترزي اليوغندي ده بنعرفوا *حتي زميلنا ده حلق عندو *الاستاذ قال ليهم فيليب البرتو ده في الناصيه دي وانا قاصد الناصيه التانيه *يبقي سلطان ابيي الحاورتو الزعيم ده في الناصيه دي *وكردنه قاصد الناصيه التانيه *ناس روشا ديل ما بخلونا نشتغل *روشا *ساعدونا شويه *مامعقول البلد تطرد في اليوناميد *وانتوا تجيبوا فيهم من جديد *اسي يوناميدكم ده ما مكفيكم ؟؟؟؟ *شهر سته ما بعيد *يفوت يوناميد ويجيكم يوناميد *وبعدين جمعه ده اصبروا عليو شويه *الانفصال طلاق *ولكن في فهمي هو طلاق رجعي *ليس بالطلاق البائن *خلوا الرجعه تتم *ورجعوا جمعه سوداني عدييييييييييييل كده *ايها الناس *سيدا لي اسي مافتح خشمو *الهلال كلو ينضم *دايرين هيثم *ما دايرين هيثم *هيثم يرجع *هيثم ما يرجع *نحنا كمجلس *نحنا كجماهير *هيثم سيدا وسيدا هيثم *في الرديف الف هيثم *لافي الرديف ولا في الريف هو في رغيف!!!! *برضو دايرين هيثم *كلام كتير بتقال *وهيثم لسه ما نطق *السواي ما حداث يا كردنه وروشا *المهم *ايها الناس *ان تنصروا الله ينصركم *اها نجي لي شمارات والي الخرتوم *والينا *بمناسبة فوز السودان بمنصب الامانه العامه للهيئه العالميه للمسرح *ده حالتو بدون مسرح *بالمناسبه دي بقينا نحلم بالمسرح ونسرح *وطبعا يا والينا *اي مسرحية ليها تكلفة انتاج *صرف علي البروفات والتوصيل طباعة النص والديكور يا والينا *اجور الممثلين والازياء والمؤلف والوجبات والمخرج والفنيين الفينا *الضرائب والايجار والاعلان والدعايه في التلفزيون البعملوها لينا *المسرحية كلو ما اتكلفت وما اتكلفتت بتنج وبتدر ربح يا والينا *دحين يا والينا *المسرحيه التكلفة انتاجها تمنيمة مليار دي يا والينا *مهما ربحت كم بتدخل لينا ؟؟؟؟ سلك كهربا ننساك كيف وممكن انتاج المسرحيه يكلف من المليارات تمنيه والغريبه الشعب كلو خاشيها والي لقاء