بسم الله الرحمن الرحيم في السلك *يعجبني تفاؤل كردنه بنفسه *ويعجبني اكتر *ثقة بعض الاهله في كردنه *ولا اقول كل الاهله *بعض الاهله *لان الذين تكبدوا مشاق استقبال قودوين بالمطار *فهموا الدرس *واصبح صياح محمود لديهم لا يعني هجوم النمر *وانما يؤكد انه ليس هناك نمر ولا يحزنون *الاهله فرحانين بي صورة التيم بالبدل *والمدقق في الصور *ان كان من اهل البدل *يدرك فورا انها حبشيه *النوع البشيلوهوا الناس البسوموا الهدوم ديك *فالفرحه بالبدله توضح المستوي العام للفرحان *المهم *الكلام اليومين دي بقي كلو *ان الاميرة السمراء في الجوهره الزرقاء او (الزرغاء ) كما قال *يعني اعلان النيه مبكرا علي مبارحة محطة الصفر *طيب *لو الاميرة السمراء في الجوهره الزرقاء *ذات الرداء الاحمر وين ؟؟؟؟ *روشا *اقعدوا مع هجم النمر هجم النمر لما تعرفوا حاجه *ولسه *متمني جبنه تعملها فطومه اشربها مع روشا في نادي الهلال *قبل التكسير يكون احسن *اثناء التكسير يكون ما بطال *بعد التكسير طبعا محال *الخوف دق البن يشمل الجميع *بس روشا وفطومه والجبنه في نادي الهلال *يتخيل لي ابعد من الاميره السمراء في الجوهره الزرقاء *زي حكاية الجان بتاع الجره *الزول قال ليهو داير لي كبري من بورتسودان لي جده *الجان قال ليهو صعبه اطلب شئ تاني *قال ليهو الحكومه دي تمشي *الجان قال ليهو الكبري دايرو من وين لي وين ؟؟؟ *اسي الجان بتاع الجره *لو طلع لي *وقلت ليهو جيب لي الاميرة السمراء في الجوهره الزرقاء *حايقول لي مستحيل اطلب شئ تاني *لو قلت ليهو داير اشرب جبنه مع روشا وفطومه في نادي الهلال *حايقول لي الاميره السمراء قلت لي دايره وين ؟؟؟؟ *ايها الناس *الاحلام مشروعه ولو كانت احلام يقظه *لكن المكنات غير مشروعه بالبطبع *لانها بتجهجه جماهير صابره *جماهير الهلال صابرين *ومع كردنه ده حايمشوا من محطة صابرين لي غرب الجبل *ويلاقوا النمر الجد جد *نمر محمود الزمان داك *وهناك استاد مافي *يقعدوا يلعبوا همبول *الهمبله ذاتها كويسه *برضو نوع من انواع الرياضه *بس لسه ما دخلت الاولمبياد *اول بطوله للهامبول حاتكون عند افتتاح الجوهره الزرقاء *المهم *معسكرنا ماشي تمام *ومدينتنا قال مبسوط *وعبد الصمد وصل القاهره *وابو جريشه هناك *لوائح واضحه *تجلب الاحترام للجميع *قرارات ارتجاليه *موسم بطرشق ونرجي الموسم البعدو *لكن المرة دي الحاكميه من بعد الله حاتبقي للجماهير *قصة اتشاكلوا واتصالحوا دي كترت *وعدم اللوائح وتوزيع الاختصاص ده البجيب المشاكل *اي زول يعرف حدودو وحدود غيرو *يبقي الاحترام سائد *ولو عبدالصمد من الاساس ناوي السفر *كان يسافر من اول يوم رئيسا للبعثه *ويوفر علينا سفر حاتم ومن بعده صديق *المعني شنو في سفر زول رئيس عشان يلحقو الرئيس *ايها الناس *يكونش كردنه قاصد الاميره الزرقاء في الجوهره السمراء ؟؟؟؟ *ان تنصروا الله ينصركم *اها *نجي لي شمارات والي الخرتوم *كان شفت يا والينا *واحد بتاع بحر جا لي كرسني في دكانو *لقي كرسني سارح ناسي زمانو *لا زبون هوب ناحية دكانو *ولا مديون ورد جزء من دينو وفتح جزلانو *بتاع البحر لقي كرسي جمب كرسني كمل عمرو الافتراضي وانتهت موضة زمانو *داير يقعد يونس كرسني جمب دكانو *كرسني قال ليهو الكرسي ده كعب ما تقعد فيهو *بتاع البحر قال ليهو لو قعدت فيهو وهو كعب بعمل شنو يعني مايانا قاعدين في البلد دي سلك كهربا ننساك كيف والشعب بقي اسدا مربعن ....سمعت بالاسد لما يربعن يا والينا !!!! والي لقاء سلك