بسم الله الرحمن الرحيم في السلك *بسم الله الرحمن الرحيم *ايها المواطنون الشرفاء *بسم الله وبسم الوطن نحييكم *تحية النضال والاستبسال والفداء حينما يعلو النداء *ايها المواطنون الشرفاء *لقد ظلت القياده العامه لقواتكم المسلحه تراقب الموقف بحذر *ولم يفت علي فطنتها ما يحتاجه الوطن من مثابره وصبر علي الشدائد *كان بمقدور القياده العامه ان تتدخل منذ امد بعيد *ولكنها استحسنت الصبر وترك الفرصه للمواطنين علهم يصلوا لحلول ترضي الوطن دون تدخل من ابنائكم في القياده العامه *ايها الاخوه الشرفاء *ان السكوت علي اوضاع كهذه يعتبر سلبيه كبيره تضر بامن الوطن والمواطن *وهي لعمري تؤدي في النهاية الي فناء الوطن وتلاشي مساحاته الواسعه واهدار كرامته ومن بعدها يفني المواطن او يبحث عن وطن آخر يعيش فيه من بعد كرامة لاجئا طريدا مسكينا خائفا مستبدا به *ايها الاخوه الثوار الاحرار *تحرك نفر كريم من ابنائكم بالقياده العامه وتوجهوا صوب هدفهم المنشود *كان التحرك بقيادة العميد مكي الحاج موسي والمقدم مرتضي الشيخ الشهير بمرتضي بتري والعقيد النعمه واللواء جلال عبدالماجد قام بسداد الرسم فورا *وتقدموا في ثبات حاملين معهم امال وتطلعات هذا الشعب البطل *وضعوا الحلول علي طاولة اصحاب القرار *واستولوا علي سلطة دعم الوطن وامنوها *وحذروا من التلاعب بهذا الشأن الكبير *فتحوا صدورهم لرصاص العدو ودانات الطابور الخامس من الخونه والمارقين حماية للمواطنين *ووضعوا علي عاتقهم مهمة اخراج الوطن من هذاالوضع الاقتصادي المتردي *ايها الاخوه الثوار الاحرار *لقد قررت قواتكم المسلحه ان تستولي علي مقاليد الامور بالبلاد *الامور الاقتصاديه (ماتشطحوا ) *وذلك عن طريق الدعم المستمر والمتواصل تحت اشرافها *وقررت القياده العامه ان تروي خزينة الوطن من وريدها وشريانها *واختارت الرقم تمنيه وعشرين سبعه صفر *2870 *وللرقم دلالات *غايتو الصفر انا عارف دلالتو *ايها الناس *لجنة التعبئه المريخيه او القياده العامه كما يحلو لي ان اطلق عليها *ابتكرت مشروعا يدر المال للمريخ *سهل التعامل معه *واذا قلنا ان العضويه تدر اموالا عن طريق الاشتراكات *الا ان شرط الاقامه في الولايه يعرقل الامر شويه *هكذا هو قانون الرياضه عندنا *يعتبر النادي ولائي يخص ابناء الولايه التي يوجد فيها النادي *وللمريخ ابناء في السعوديه وقطر والامارات ومصر والاردن وسوريا واوروبا كلها وامريكتين والهند والصين *بل للمريخ جمهور اجنبي *ولن ننسي سعاد المغربيه ولا الجاليه الالمانيه ولا غيرهم *وابناء دولة الجنوب كلهم مريخاب *يبقي فكرة التعبئه كانت ان يقوم كل مريخي بدعم النادي من موقعه *اشتراك دائم علي الرقم اعلاه *278 *وما تنسوا الصفر *يبقي *2870 هو الرقم *المريخ السوداني 2870 *ميونخ الالماني 1860 *شالكا الالماني 04 *فلان السوداني 0 *ايها الشفوت *الفرصه جاتنا لي موبايلاتنا *ولا اظن ان اصحاب الجلكسيات بستكثروا هذا الدعم *شكرا القياده العامه *شكرا حماة الوطن الاشاوس *المهم *بعد ان سمعت الجماهير بيان القياده العامه المريخيه *هتفت بصوت واحد *تعبئه قوه جيب من جوه *هكذا هو المريخ ورجالاته *ايها الناس *من اراد المريخ الرقم واضح *ومن اراد الاضواء الصفر غادي *فنحن في المريخ ناس عمل *الجعجعه والجوهره والفشخره محلها ما هنا *هناك *في الفجيره *وتعبئه قوه جيب من جوه *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *نيقرز طايحين فينا *وانتوا عارفين يا والينا *بالنهار جهار خاتفين شنطة دينا *وبالمغرب بالمواتر لافين فينا *والعشا يوميا ضابحين اتنين فينا *مسخوا مرقتالشارع علينا *ولي شنو يا والينا *عشان يشيلوا موبايل او ربطة ما سمينه *قضينا بالطريقه دي اعوام و سنينا *ومافي زول سائل فينا *الشرطه تستطيع ان تنهي البحصل لينا *لاننا شفناهم لما رفعتوا الدعم علينا *دقيقتين رجعونا وورونا لانك داير تورينا *واول امس شفناهم بي كامل عتادهم في قرية الحطاب يا والينا *يبقي ليه بتستكتروا علينا جية الشرطه لو جات تحمينا *ما الفاس طايح فينا *بقينا غابه والنقرز حطابه يا والينا *والينا *ما بنتحمل البحصل لينا *يا بالواضح تحمينا *يا بالفاضح ما ترمي لوم علينا *كتر مقابرك ووسعها لينا *يا ابدناهم يا ابادونا يانبد كل الدماء يا والينا *حتي البتهمل فينا *اول امس راح ضحية ذلك الاهمال يا والينا *شاب في ريعان شبابه خارج من المسجد *مافي الضهاري يا والينا *في قلب البلد في الحاره التانيه جامع البلك جمب نادي المهديه جوار ملعب خماسيات لينا سلك كهربا ننساك كيف والفرار والسيف والسكينه طايحات فينا والي لقاء سلك
