بسم الله الرحمن الرحيم في السلك عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. *كالعاده *محمد عبدالماجد احتجب *ولاننا نحب محمد عبدالماجد *لابد وان نقدم له النصيحه *اخي محمد عبدالماجد *دائما تحتجب عند خسارة الهلال *تحتجب تلاته يوم *ورابع يوم تكتب لينا عن عثمان حسين *الهلال الشافتو عيني ده *بجبرك علي الاحتجاب كتير الموسم ده *وعشان ما تبقي زي الغاز يوم في وشهر مافي *حقو تجمع احتجاباتك كلها *واقعدها مع بعض *لما تتم العدة اطلع لينا بمقال عن عثمان حسين *العده كلها كم *شهيرات وبتعدي *المهم *اعترف روشا امس في زاويته *بفشل المدرب *وبالمواسير التي اتي بها كردنه *وان الحال ما بستمر كده *وقدم دعوه لجمال كي يبتعد *الدخل جمال في اخفاق الكاردينال شنو يا روشا ؟؟؟ *ولا عشان ضمنت فشل كردنه *داير تبعد اسباب النجاح في المريخ ؟؟؟ *وفطومه اختي برضو احتجبت *زاغت عديل *لانها وعدت الناس بي هلال غير *طلع طير ساااااي *فطومه الناطقه احتجبت *ماعرفت تنطق تقول شنو *فطومه احتجبتي يا اختي ! *صدقيني الهلال رجل صالح *لو تابعتيهو بتتحجبي عديل كده *ايها الناس *تعادل الخرطوم مع الهلال مكسب للهلال *وخسارة للخرطوم *كل من تابع اللقاء من داخل الاستاد *عارف انو الخرطوم مفروض يفوز وبأكثر من هدفين *والمتابع لتعادلنا مع الاهلي *مقتنع تماما انو الاهلي مفروض ياخد تسعه *لكن الاستهتار الذي لازم ناسنا كان احد اسباب التعادل *يبقي يا روشا مافي مقارنه بين فريق تعادل وهو يستحق النصر *وفريق تعادل وهو يستحق الهزيمه *ووصف روشا كاريكا بانه مهاجم يعيش تدهور في المستوي *ووصف لاعبي الهلال بانهم معسمين *طلعوا ليهم القطيعه ياروشا *ايها الناس *الهلال في الواطه دي *ولان الاهله مقتنعون بذلك *سيتربصون بالمريخ *لهدم الاستقرار *لخلق مشكلات بين لاعبينو *يندسوا وسطنا في المدرجات *ليشتموا لاعبينا *وما بتفوت علينا *سيستعينون بالمتاح والغير متاح *وبالتحكيم الذي يخطئ دوما في اتجاه معين *ايها الناس *تعادل الهلال يجب ان لا ينسينا مافعله الحكم يوم الاهلي فينا *ان يصل الامر ان يصرف الحكم ضربتي جزاء لصالحنا *في استادنا ووسط جمهورنا *دي حقاره مابعدها حقاره *وسكوتنا علي مثل تلك السقطات التحكيميه *من حكام بعينهم *هو سبب تلك الحقاره *الجمهور الجموهور الجمهور *هو من يحمي ويحتج ويقعد التحكيم في علبو *-هو من يحمي اللاعبين من الشتيمه التي يطلقها المندسون *هو من يدير المباراه من المدرجات *التراس بجميع مسمياته *القصه ليست قصة اهازيج وكفي *ولكنها قصة قيادة مدرجات لمراقبة المؤامرات التي تحدث اثناء المباراه *اذا اطلقنا حناجرنا علي الحاله قبل الصافره *صدقوني الصافره براها حاتنطلق *بتتحرج *واذا اطلقنا حناجرنا بقوة احتجاجا علي قرار تحكيمي *سنجلس كل قرد علي شجرتو *واذا تمادي المتآمرون في التآمر *صدقوني هناك سبل اخري تجعلهم يندمون علي الحقارة التي يمارسونها علينا *ايها الناس *الجمهور الجمهور الجمهور *يا شفووووووووووووووت *ايها الناس *قال روشا *نتعادل او حتي ننهزم ما مشكله ولكن ان تضيع هيبة الفريق هذه هي المصيبه *يعني ياروشا عرفناكم بدون شعار *كمان بقيتو بدون هيبه في عهد الكاردينال ؟؟؟؟ *مفروض الجمهور يشيل سيفو ويجي لي كردنه الذي ضاعت هيبة الهلال في عهده *موش كردنه يشيل سيفو ويجي *يجي لي شنو *موش قلتو مدرب عالمي *وحر في الشربوت *وفكرو عالي *ولاعبين جواهر ودرر وقنابل ؟؟؟ *ايها الناس *الهلال منتهي نهاية شديده خالص *والاهله يفكرون في الثبات حتي موعد التكميليه *عشان يجيبوا لاعبين كويسين *ولذا مجاملات الاهله في الدورة الاولي حاتكتر *اي فريق يقابل الهلال في الممتاز في الدورة الاولي *حقوا يلملم نقاطو بي سرعه *قبل الترميم *وعلي الفرق ان تتمسك بحقوقها داخل الملعب *وان تظهر العين الحمراء للتحكيم *وان تكون حريصه علي ان ينال كل زول حقوقو كامله *صدقوني *كردنه ما برجي التكميليه *ابو الهل في التتكميليه حايسجل مجلس ولاعبين وجهاز فني واعلاميين *والمعسكر بتاع التكميليه حايكون تحت رعاية اعلاميه جديده *وناس روشا حايكتبوا عن فظاعة الاداره الجديده التي حرمتهم من متابعه الاعداد وقتها *الهلال لم يتبقي منه غير بعض الجماهير *لاشعار ولا هيبه ولا مدرب ولا لاعبين ولا مستوي *روشا *الممتاز خمسطاشر فريق *شدوا حيلكم *بتجوا في العشرة الاوائل *ايها الناس *ابو الهل تعادل مع مشاطيب المريخ *قلق وصلاح ونجم الدين ومحمد ابراهيم *الهلال الذي استعان بنافيات المريخ *فيصل ووليد ومن قبلهم ادوارد وباكمبا وعبدو الشيخ والزنزون *اصبح فاقدا للشعار والهويه *تبقي من الهلال فقط الصفر الدولي *وده مابفارقكم ياروشا ما بقيت الحياه *ستظل صفارة القطر صفارة للقطر تميزه *وسيظل صفر الهلال صفرا للهلال يلازمه *واتصفري *ايها الشفوت *دوركم داخل الاستاد واضح *والواضح ما فاضح *ايها الناس *ان تنصروا الله ينصركم *طيب خايفين ليه !!!! *اها *نجي لي شمارات والي الخرتوم *كان شفت يا والينا واحد سألنا وقال لينا *الجقر الاكل خرسانة الكوبري علينا *ليه ما بياكل غابات الخرسانات الانتشرت فينا ؟؟؟؟ *الفلل والقصور حقات الناس السمينه *ولا الجقر مصمم بس ياكل مايلينا يا والينا ؟؟؟ سلك كهربا ننساك كيف وقصة الجقر دي مابنصدقها لو اكل الكوبري قدام عينينا والي لقاء سلك
