بسم الله الرحمن الرحيم في السلك عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته. *امس كتب روشا *كتب عن انو تيجانا ماسوره *والغريبه هو من هلل لتيجانا *وعمل مانشيت كبير *تيجانا جانا *وكتبنا وقتها تيجانا الماسوره *امس رجع روشا وكتب ان تيجانا ماسورة *وقال زي ايفياني *وايفياني زاتو انا القلت ماسوره *وسميتو تسخاني الماسوره *وقبل سته شهور قلت ليهم بوتاكو ماسوره علي مسؤليتي *ووقتها كان روشا يهلل له *وكانت فطومه اختي تتحفنا بالصور *مع بوتاكو ومع قريبة بوتاكو الجابتو لي فطومه *واسي شطبوا بوتاكو *يبقي يا روشا حقو تشغلوني جهاز مواسير *اشوف ماسورة اصفر *تبعدوا منها طوالي *بس الخوف كردنه يعيني جهاز كشف مواسير *من دخلتي استادكم اقعد اصفر *بشير عباس ما يلحقني *اصفر زي حلة البريستو *هي مواسير نصاح عاد *وبمناسبة الجهاز دي *عمك البرازيلي الجا امس ده *غايتو زوجتو شكلها كده عمرها خمسه واربعين *لو هو اكبر منها بي سنتين بس *بكون سبعه واربعين *الا كان اهلنا في البرازيل بعرسوا نسوان اكبر منهم *دي تبقي حاجه تانيه *لكن حتي ولو بعرسوا نسوان اكبر منهم *معقوله يعرسوا نسوان اكبر منهم بي عشره سنين ؟؟؟ *الزول ده يا روشا *توووووووووت *صفرت ليكم *بعدين ماتقولوا ما كلمتكم *ماااااااااااسوره *وقالوا في المطار في جهاز كشف المعادن *لما جا داخل *الجهاز صفر *رجعوهوا قالوا ليهعو خت الهاند باق دي هنا واعبر *خت الهاند باق وعبر *الجهاز صفر *قالوا ليهو طلع الساعه والغويشه والخاتم والدبله *طلعهم ودخل *الجهاز صفر *قالوا ليو السوسته دي حديد *قال ليهم ابدا (بالبرتقالي ) زراير *قالوا ليهو خت الزراير دي واعبر *ختاها وعبر *الجهاز صفر *دخلوهوا محل التفتيش الشخصي *مولاي يا مولاي *وعبر برضو الجهاز صفر *بتاع جمارك بتاع بحر قال ليهم *الماسورة زولكم ده *معدن غيرو مافي *البرازيلي العجوز الماسوره *ايها الناس *شفتوا النسوان في عيد رمضان مع الستائر ؟؟؟ *مابفكرن فيها الا بعد يذيعوا العيد *حتي بعد داك يلفحن تيابن ويجرن السوق *ينزلن الرف كلو *دي حلوه لكن ما بتمشي مع الملايات *دي سمحه لكن داير كلفه *دي مبشتنه زي بتاعت عواطف بت حسن *الله ....دي حلوه لكن دايره ليها قص وطق *لكن الترزي بعد ده ما بطقها لينا *موش حامد الخياط !!! بنحنسوا بطقها لينا *وتشيلها *وتجري لي حامد الخياط *يحلف بالتقطعوا مابقدر يطقها *تخمشها منو بي زعل *وتقول ليهو بركبها بالدبابيس وبكفها براي *تمشي البيت *الوقفه كلها تقضيها مع الستاره *الراجل يرجع من صلاة العيد *تقول ليهو عليك الله اطلع ركب لي الستاره دي فوق *برااااحه بي دبابيس الضغط *الدنيا عيد *تلقها مع الستاره *شعره واقفه لي فوق *واختها مدنقره لي تحت *والفستان اسكت بس *الكلب يجري منو *والكرعين علي العليهن مخرخرات باقي موية المسح *وحفيانه كمان *والغريبه من يوم واحد رمضان هي عارفه العيد متين *وعارفه دايره ستائر لي وين *وعارفه اللون الدايراهو شنو *تعمل ده كلو بعد يذيعوا العيد *وفيهن وحدات يوم تسعه وعشرين رمضان *والناس في الفطور يقولن ان شاء الله بكره ما يطلع عيد *وربك رب الخير يقول آمين *وبكرة يطلع ما عيد *وناس الافتاء يقولوا كملوا رمضان تلتين يوم *وبعد ده تأجل الحاجات لي بكره بالليل *ويوم تلتين رمضان تتني يقولوا بكره ما عيد *حال النسوان مع الستائر في رمضان *هو نفسه حال الاداريين مع التسجيلات في رمضان *التسجيلات تفتح *يادوبهم بفكروا يجيبوا منو *التسجيلات تقفل *يجيبوا زول يلقوا السستم قفل *ويقعد سته شهور *اكل وشراب لما السيستم تاني يفتح في التكميليه *يجيبو زول يطلع عيان او سعران او زهجان *ما بكون في بديل لنفس الخانه *لانو السعران الجابوهوا هو زاتو بكونوا فكروا فيهو قبل جيتو بيوم *مع العلم بان اي اداري بكون عارف الحوجه الفنيه من اللاعبين قبل وقت كافي *لكن بعشموا مجلس الافتاء يقول ليهم اكملوا عدة رمضان تلتين يوم *عشان كده *لا الستائر بتطلع سمحه *ولا اللاعبين بنجحوا *الله يفكنا من تسجيلات ستائر رمضان دي *وينعم علينا باداريين ونسوان (بعد الحاله دي ) من بدري يجهزوا شغلهم *ايها الناس *مايحدث في الرديف والاشبال شئ مخجل *ووصمه في جبين اعضاء المجلس مدي الحياه *لانستثني منهم احدا *ايها الناس *البرازيلي العجوز ماسوره *ولما يفشل ناس روشا حايضاروا فشلوا بي فتح ملف المدينه *عليا الحلف *العجوز ده يجري مع بكري مترين قلبو يقيف *ايها الناس *لسه مصر جدا *شامي لي ريحة مطار *وريحة الطير في الباقير *ايها الناس *ان تنصروا الله ينصركم *اها *نجي لي شمارات والي الخرتوم *والينا *البحصل في الثورة الحاره العاشره شنو قول لينا *ما صدقنا السمعناهو يا والينا *لكن باكر اكيد علي العاشره بنكون مشينا *نعرف الحاصل ونقولوا *عشان مانكتب شئ ساي تقوم تشتكينا *ايجار عشرين سنه فسحه قدر قطر بي فقط سبعينا !!!!!! سلك كهربا ننساك كيف وميدان الثورة بقي بتاع ناس ما بتاع الثوره والي لقاء
