سودارس : الخلاية النائمة في اوربا صحت،،، وهاكم قصة أخونا اللاجئ الضابط عبد الواحد الذي عاد الى البركس مرة أخرى

التلفزيون الجزائري: الإمارات دولة مصطنعة حولت نفسها الى مصنع للشر والفتنة بتعادل جنوني.. لايبزيج يؤجل إعلان تتويج بايرن ميونخ منظمة حقوقية: الدعم السريع تقتل 300 مدني في النهود بينهم نساء وأطفال وتمنع المواطنين من النزوح وتنهب الأسواق ومخازن الأدوية والمستشفى السودان يقدم مرافعته الشفوية امام محكمة العدل الدولية وزير الثقافة والإعلام يُبشر بفرح الشعب وانتصار إرادة الأمة هل هدّد أنشيلوتي البرازيل رفضاً لتسريبات "محرجة" لريال مدريد؟ "من الجنسيتين البنجلاديشية والسودانية" .. القبض على (5) مقيمين في خميس مشيط لارتكابهم عمليات نصب واحتيال – صورة دبابيس ودالشريف النهود…شنب نمر إسحق أحمد فضل الله يكتب: (ألف ليلة و....) "المركز الثالث".. دي بروين ينجو بمانشستر سيتي من كمين وولفرهامبتون منتخب الضعين شمال يودع بطولة الصداقة للمحليات ندوة الشيوعي "قطعة أرض بمدينة دنقلا ومبلغ مالي".. تكريم النابغة إسراء أحمد حيدر الأولى في الشهادة السودانية الرئاسة السورية: القصف الإسرائيلي قرب القصر الرئاسي تصعيد خطير د. عبد اللطيف البوني يكتب: لا هذا ولا ذاك عثمان ميرغني يكتب: هل رئيس الوزراء "كوز"؟ شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها كم تبلغ ثروة لامين جمال؟ حين يُجيد العازف التطبيل... ينكسر اللحن أبوعركي البخيت الفَنان الذي يَحتفظ بشبابه في (حنجرته) شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة تتسلل إلى الكبد.. "الملاريا الحبشية" ترعب السودانيين المرة الثالثة.. نصف النهائي الآسيوي يعاند النصر استئناف العمل بمحطة مياه سوبا وتحسين إمدادات المياه في الخرطوم هيئة مياه الخرطوم تعلن عن خطوة مهمة باكستان تعلن إسقاط مسيَّرة هنديَّة خلال ليلة خامسة من المناوشات تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا تعاون بين الجزيرة والفاو لإصلاح القطاع الزراعي وإعادة الإعمار قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية ترامب: يجب السماح للسفن الأمريكية بالمرور مجاناً عبر قناتي السويس وبنما كهرباء السودان توضح بشأن قطوعات التيار في ولايتين تبادل جديد لإطلاق النار بين الهند وباكستان علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة خبير الزلازل الهولندي يعلّق على زلزال تركيا في حضرة الجراح: إستعادة التوازن الممكن التحقيقات تكشف تفاصيل صادمة في قضية الإعلامية سارة خليفة الجيش يشن غارات جوية على «بارا» وسقوط عشرات الضحايا حملة لمكافحة الجريمة وإزالة الظواهر السالبة في مدينة بورتسودان وزير المالية يرأس وفد السودان المشارك في إجتماعات الربيع بواشنطن شندي تحتاج لعمل كبير… بطلوا ثرثرة فوق النيل!!!!! ارتفاع التضخم في السودان انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الخلاية النائمة في اوربا صحت،،، وهاكم قصة أخونا اللاجئ الضابط عبد الواحد الذي عاد الى البركس مرة أخرى

سودان موشن نشر في سودان موشن يوم 24 - 11 - 2013

وأول ما فتح خشمو وهو عايد من الخرطوم في اجازة قصيرة يشوف اولادو،،، مالكن مرقتو لي شنو ،، الحكومة مالها شن سوتلكن،،،،
الخطة (ب) للكيزان بدأت من سنتين بعد ان نفدت الخطة (ا) والتي كان جنودها الذين هاجروا للعلم وباسم العلم في الثمانينات والتسعينات ،،، أمثال المهندس السعيد عثمان محجوب قطبي المهدي. ،، مهدي ابراهيم ،،،الطفل المدلل والبروف،،،الزبير طه ،وانعكس منهم من نكص علي عقبية مثل عبدالوهاب الأفندي ،،والقائمة تطول،،، وان كل هولاء كان معظهم تم ابتعاثهم للدراسة بتزكية من الجبهة الاسلامية آنذاك وأغلهم يطلق عليهم اولاد الترابي،ً، وجميعهم يحملون جوازات اجنبية ،،،وتقلدوا اعلي المناصب وغنوا لي الاضنين،،،
ولما انكشف فسادهم وريحتهم فاحت تم تفعيل الخطة (ب) وجنود هذه الخطة هم غالبيتهم من العسكرين النظاميين او المتعاونين وعندما نزحوا الي الغرب سموا أنفسهم المرافيد وبعضهم قيل انه تم التشكيك في انتماءهم وتنظيمهم للجبهة والحزب وهذه كلها أكاذيب ودعاوي وافتراءات ليعملوا بيها كيسات cases اولا للجوء
وثانيا لإقناع المجتمع السوداني في الخارج والذي غالبا معارض للإنقاذ ،،إنقاذهم بأنهم تم طردهم لأنهم ليسوا كيزان او انهم كشفوهم بأنهم حزبيين واحالوهم للصالح العام وهلمجرا. وبالطبع المؤمن صديق والمسكنة وتحمل البهدلة بطاقة عبور لقلوب المقيمين او القدام،،،
يعني قدامي اللاجئين الفطاحلة البعملوا ليك كيس case ما يخر الموية وخاصة لما يأتي هولاء العسكريين المتخفيين في ثياب الثعالب والثعابين بتأكيد حقيقة حك آوي ووجود بيوت الأشباح وتوصيفها بوصف يسيل له اللعاب وحكاوي يقشعر لها البدن،،، ولا احد طرح عليهم سؤال ،،،الوداكن هناك شنو،،، ؟. والجواب الخفي الذي في السر طبعا لغايات التدريب،،،
لكن مساكين نحن برة نتلغف اي شيء يسيء لي ناس الإنقاذ بمجرد الكراهية قبل المعارضة المدعاة،،،
والله نحن لا معارضين ولا خزعبلات بس وجدنا أنفسنا وسط وقدام المعارضين وفي الحقيقة كنا محتاجين منهم شهادات انتساب حزبية وخطاب تعريف وتأكيد تعرضنا للتعذيب في بيوت الأشباح التي هي في خيالنا ونقول هي في بري،،، كضب ساي بيوت الاشباح لا في بري ولا يحزنون،،، الزنازين الخاصة دي موجودة في مجمع امن الدولة من ايام نميري والبروح هناك ما بطلع من تلاتة ،،، يا ميت،،، يا مكسر،،، يا مشكنب ،،يعني مجنون،،، وأي زول يقوليك انا ودوني بيوت الأشباح دة كضاب وستين كضاب لأنو البروح هناك ما برج لي الناس بي عقل وحسم سليم دة اذا ما كان ركبو التونسية،،،
بس البتكلمو عن بيوت الأشباح بكون ودوهم لي ناس المباحث والواحد قعدوهو شوية في بيوت الكلاب البوليسية ويقولو لي دي بيوت الأشباح عشان يطلع برة يفك الإشاعة في الناس ،،،والقصة بسيطة الأقفاص والبيوت المسمنها بيوت الأشباح دي. هي حقة الكلاب البوليسية لان مكان تدريبها وتربيتها في بري بالقرب من كلية الشرطة او أكاديمية الشرطة ومكاتب الإنتربول حاليا،،،شارع المعرض الدولي
نرجع لي ناس الخطة (ب) المسميين المرافيد وناس الصالح العام بحجج كضب ساي،،،حيث قامت الإنقاذ بابتداع هذه الخطة لضرب المعارضة في الخارج سواء في مصر او دول الغرب ،،،لذا تسلل هولاء الي الغرب وبمغامرات مبالغة فيها ومن رائحتها للزوال الناقش ممكن يستنتج انها أمنية بامتياز،،،
والمثال الحي أخونا الضابط عبدالواحد في إسكتلندا خريج الكلية الحربية بي دبورة.
وبقدرة قادر أحاولوه الصالح العام في اول سنة من التخرج،،، بالله شوفوها محبوكة كيف،،،؟؟؟. فكيف يمكن ان يحال خريج مستجد للصالح العام وهو لا يزال تحت التدريب الاداري في المؤسسة العسكرية ليتم توطينه في سلاح معين حسب الكفاءة ،،،وعادة الذي يحال للصالح العام انا يكون اختلس وبلع كوتات جامدة ولازم يكون رتبة مش برلم جيش،،، او انه تم التشكيك في ولائه وهذا أيضاً يتطلب زمن في الخدمة مش دبيبيرة ما كملت سنة ولا بنت ليها بيت طين عشان تخت فيهو الصرفة (بضم الفاء) عشان تنقلب ابو الدنان لما تفقس من بيت الطين،،
المهم جنابو عبدالواحد الذي أكدت الشواهد انه كان عنصرا من فوج الخطة (ب) الكيزانية وهي الإشاعة الطلقوها شفعو بعد عودتهم من اول زيارة الي السودان وهم واعيين وبيعرفو مش أطفال في الحجر،،،،
طبعا بكونو فكوها بي تكتيك وتوجيه ليعلم القاصي والداني بابا في السودان شنو،،، وطبعا لو عارفين بابا لمن جا هنا بلاد اللجوء قال شنو ،، كان قالوا ليهو حسب الشيء الاتعلمو في المدرسة بصفتهم اولاد البلد ،،كان قالوا ليهم dad you are a lair, you betrayed your country ،، المهم فكوها لي الفاتحين خشومهن ،، نحن لما مشينا نزور ناس جدو بابا سائق وقفنا الشرطي بابا و اهو ID الشركة حيا بابا تحية عسكرية كدة!!!! وطبعا يحاكي الشرطي عشان شاف المنظر،،،
طبعا دي طلقت النار في الحتة انو جنابو رجع لي جماعتو ناس المؤتمر والإنقاذ ،،، والكل بقي شاميهو. بس مش قدامو،،، قدامو يسلمو. أزييك يا سعادتك. ،، وينك يا جنابو ،،، وطبعا جنابو الخشم يتفتح بس خشم البشير فاتح ضاحك ع طول ،،، بس مش زي حق البشير عشان بي سببو. ،،
مفتوح عشان الكمبرسون اقصد الكربريتر. يعني الحلق بعيد عنكن مو ماسكو السرطان حمانا الله،،، دة كلو من جنس اللعلعة والكواريك وهو برقص بي كجلاتو فوق ناس شنآن لما والبعيو خاصة في،،،المدفع الزرا،،،يا أسد الخلا،،، ويقول كدي الجعلي يتنفج ينقز ويضرط وينفخ،،،لو ما صرط بنفقع من شفط الهواء في الكرش،،،
وطبعا جنابو ،، عندو جملة واحدة،، يقوليك،، والله غايتو خلها ساي،،ً ااااء قلت شنو ومعاها ضحكة بي الشايقي ،،، ااااء والله ماشي الحال اااا،، ويقول اسمك ،،،وكلو بي الشايقي ،،، الانجليزي ذاتو بي الشايقي،،،
وطبعا التقليعة حقة الرتبة العسكرية ورجوعو لي الأمن او الاستخبارات دي انفكت في الشارع بعد ما اندثرت الشخصية القديمة الطلقوها الناس لما عبدالواحد بزنس رجع السودان وعمل ليموزين سيارات،،، وقلابات تراب وخرصانة بس كان ناقص الغراف الكتربلار ،،، ودي بي قدرة قادر ظهرت زي الكضب،،،بعد ما رفدو من بنك هاليفاكس في قضية اختلاس قرض تجاري بي اسم حقو ودور الحكاية هو براهو،،،
ونظام البنوك عشان ما تتفضح مع عملاءها وتفقدهم تكتفي بالطرد من الخدمة ومصادرة ما تبقي من المال المختلس في حساب الموظف ان وجد طبعا،،،وبقت علي جنابو حكاية الطمع ودر ما جمع ،،، وحسب كلام العصفورة جنابو قرا مالية وأعمال وعمل ماستر في e-commerce ولو كان خت الرحمن في قلبو ون هبش البنك كان الليلة يكون مدير فرع قدر الدنيا ويكون مرتاح لي الليفة،،، لكين علي ما اعتقد المهمة في الخلاية النائمة انتهت وطلب للمركز لتفعيل الخطة،،،عشان كدة فك البيرق لانو ما حيقدر يشتغل غسال عربات في بريطانيا كلها ،،ليه؟؟؟ the reference والعملة حقة البنك طبعا تعتبر إعدام وظيفي for life
وطبعا دة كلو جابتو لينا العصفورة مش عارف كان دة من زمان مخبأ فين وليه. وسببو هسع شنو ،،،
والعرفتو انو جنابو هبش ناس المعارضة وجبهة الممانعة وتغيير النظام الكلنا بندعمها ،، والجاب. الكفوة لينا مع جنابو جاب ليها الهوي عشان نكشفو ،، واقع في الناس مما جا .... يمرقو مظاهرة لي شنو،،، والحيكومة سوتلكن شنو،،، وفي شنو،، ودة كلو بي الشايقي،، والمزعل جنابو التضامن الذي خرج في مسيرة حرة ووقفة قوية امام البرلمان الإسكتلندي وشايلين لافتاتنا وكاتبين شعاراتنا وما داسين وانفسنا،،، واقفين عديل في وش الاعلام وصورنا ملأت الجرائد والبي بي سي،، دا الحرق مصارين جنابو ،، وقدقد فشفاشو،،،
طبعا جنابو ما كان حاضر لكن احد أعضاء خلايا الخطة (ب) وفردو،،، صروها في خيت وادوها لي جنابو،،، عشان لما يرجع من السودان فورا يعملوا اللمة عشان جنابو يديهم صورة ونبذة عن مجريات الامور هناك والحاصل،،، دا علي حسب فهمهن انو جنابو رجع لي الخدمة العسكرية الاستخباراتية الأمنية هناك في البلد ،،،،وما حدش عارف دا حقيقة ولا أفلام ،،والموضوع فيهو أنة ،،،لان ال MI6 و5 ما عبطا لي درجة يلعب بيهن جنابو،،، ممكن يتوه المواهيم شلتو ،، لكن الأجهزة الأمنية البريطانية،،، هاها،، والله الا يكون بمعرفتها او بإيعاز منها،،،،
وطبعا جنابو بجي لي المرة والأولاد كل شهرين تلاتة ،،، ما خلاس باع قضية اللجوء ،، الجواز وفي الجيب والمرة وأمورها سالكة توب سلك وعربية ملك وبيت اوكي لك،،،، هو مدردق بي هناك ،، قبل سنة قطعة ارض بي تلتماية الف سوداني
غايتو موضوع جنابو غامض ،، والعصفورة جابت لينا دا ،، لكين لازم نبحث عن طريق مصادرنا الأخري وصقارنا هناك يشمشموا لينا جنابو دة حكايتو شنو،،، ولونو. شنو،، وشمارو بجي قريب في حلقة قادمة بإذن الله ،،،
وسوف تجيب لينا العصفورة لي الحلقة القادمة قبال ما صقارنا تلحقنا بي الخبر المعلوم والشمار من الخرطوم,, سوف نتناول موضوع جنابو اخر من نفس المجموع،،. بس دنقلاوي مو شايقي،،، وبرضو. ،ً بزبزس نو،،
عرفتو ليه جنابو عبد الواحد معترض علي المظاهرة السلمية والوقفة الاحتجاجية الجريئة للجالية السودانية بمدينة ادنبرة بإسكتلندا ؟؟؟؟؟
دة مش يدل علي ان كلام العصفورة لينا فيهو حقائق ؟؟؟؟
اترك الإجابة للمعلقين
والي لقاء اخر،،،
فتكن بي عافية
وسلام يا وطني الجريح ،،،فلا تأبه لمهب الريح،،، فالتغيير قادم بإذن الله
م. نقيب (معاش) محمد الحسن احمد
إسكتلندا - ضواحي غلاسقو
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.

انقر هنا لقراءة الخبر من مصدره.